ஐரோப்பிய கண்டத்தில் உள்ள கால்பந்து நாடுகளுக்கு இடையிலான யூரோ சாம்பியன்ஷிப் தொடர் அடுத்த ஆண்டு நடக்கிறது. இந்தத் தொடரில் பங்கேற்பதற்கான தகுதிச் சுற்றுகள் தற்போது நடைபெற்று வருகிறது.
நேற்று நடைபெற்ற ஆட்டம் ஒன்றில் போர்ச்சுக்கல் - லிதுவேனியா அணிகள் மோதின. இதில் நட்சத்திர வீரரான கிறிஸ்டியானோ ரொனால்டோ அபாரமான ஆட்டத்தை வெளிப்படுத்தினார். 7-வது நிமிடத்தில் கிடைத்த பெனால்டியை பயன்படுத்தி கோல் அடித்தார்.
அதன்பின் 61, 65, 76-வது நிமிடங்களில் அடுத்தடுத்து ஹாட்ரிக் கோல் அடித்து அசத்தினார். கடைசி நேரத்தில் வில்லியம் ஒரு கோல் அடித்தார். லிதுவேனியா 28-வது நிமிடத்தில் ஒரு கோல் அடித்தது. இதனால் போர்ச்சுக்கல் 5-1 என வெற்றி பெற்றது.
