சென்னை:
சென்னை வானகரத்தில் உள்ள ஸ்ரீவாரு வெங்கடாசலபதி திருமண மண்டபத்தில் இன்று காலை 10.35மணிக்கு மேல் அ.தி.மு.க. பொதுக்குழு மற்றும் செயற்குழு கூட்டம் தொடங்கியது. அவைத் தலைவர் தமிழ் மகன் உசேன் தலைமையில் கூட்டம் தொடங்கியுள்ளது.
பொதுக்குழு கூட்டத்தில் பங்கேற்க வந்த பொதுச்செயலாளர் எடப்பாடி பழனிசாமிக்கு வழிநெடுகிலும் தொண்டர்கள், நிர்வாகிகள் உற்சாக வரவேற்பு அளித்தனர். கூட்ட அரங்கில் வைக்கப்பட்டு இருந்த எம்.ஜி.ஆர்., ஜெயலலிதா உருவப்படங்களுக்கு எடப்பாடி பழனிசாமி மலர்தூவி மரியாதை செலுத்தினார்.
இக்கூட்டத்தில் முக்கிய தீர்மானங்கள் நிறைவேற்றப்படுகிறது.
பொதுச்செயலாளராக எடப்பாடி பழனிசாமி தலைமையேற்ற பின் நடைபெறும் முதல் கூட்டம் இது என்பது குறிப்பிடத்தக்கது.
