பாராளுமன்ற தேர்தலில் பா.ஜ.க.வுடன் கூட்டணி இல்லை

சென்னை:

அ.தி.மு.க. பொதுக்குழு மற்றும் செயற்குழுவில் எடப்பாடி பழனிசாமி பேசியதாவது:-

* அ.தி.மு.க. ஆட்சியில் பல புயல்கள் வந்தன; புயல் வேகத்தில் செயல்பட்டு, புயலின் அடிச்சுவடே இல்லாமல் பணி செய்தோம்.

* திருவண்ணாமலையில் அறவழியில் போராட்டம் நடத்திய விவசாயிகளை தி.மு.க. அரசு குண்டர் சட்டத்தில் கைது செய்தது. இதற்கு விவசாயிகள் தகுந்த பதிலடி தருவார்கள்.

* ஊழல் செய்தததில் தான் சாதனை செய்தனர். வேறு என்ன சாதனை செய்தனர்? சரியான முறையில் கொரோனா பரவலை தடுக்க முடியாமல் திணறியது தி.மு.க.

* 520 வாக்குறுதிகள் இதுவரை நிறைவேற்றப்பட்டதா? முதலமைச்சர் மு.க.ஸ்டாலினுக்கு கட்சி நடத்தவும் தெரியவில்லை. ஆட்சி நடத்தவும் தெரியவில்லை.

* மீண்டும் அ.தி.மு.க. ஆட்சி எப்போது வரும் என மக்கள் கேட்கத் தொடங்கிவிட்டனர். அடுத்து எந்த தேர்தல் வந்தாலும் அ.தி.மு.க. கூட்டணி தான் வெற்றி பெறும் என்ற எண்ணம் மக்களிடம் வந்துவிட்டது.

* மத்திய அரசு நிதி உதவி செய்ய வேண்டும் என எதிர்பார்க்கக்கூடாது. மத்திய அரசின் நிதிக்காக காத்திருக்காமல் மாநில அரசின் நிதி மூலம் மக்களை காப்பாற்றியது அ.தி.மு.க. அரசு. மாநில அரசு கேட்கும் நிதியை மத்திய அரசு கொடுத்ததாக வரலாறு இல்லை.

* மத்தியில் காங்கிரஸ் ஆண்டாலும் பா.ஜ.க. ஆண்டாலும் மாற்றாந்தாய் மனப்பான்மையோடுதான் தமிழ்நாட்டை பார்க்கிறது.

* நடைபெற உள்ள பாராளுமன்ற தேர்தலில் பா.ஜ.க.வுடன் கூட்டணி இல்லை.

இவ்வாறு அவர் கூறினார்.