தேர் உறுதிதன்மை குறித்து சிவா எம்.எல்.ஏ. ஆய்வு

புதுச்சேரி:

வில்லியனூர் திருக்கா மீஸ்வரர் கோவிலில் ஆண்டு தோறும் பிரம்மோற்சவ தேர் திருவிழா 10 நாட்கள் நடைபெறும். இந்த ஆண்டு வருகிற 15-ந் தேதி பிடாரியம்மனுக்கு காப்பு கட்டப்படுகிறது.

24-ந் தேதி கொடியேற்றத்துடன் பிரம்மோற்சவ விழா தொடங்குகிறது. ஜூன் 1-ந் தேதி தேர் திருவிழா நடக்கிறது. விழாவை யொட்டி தேரின் உறுதி தன்மை குறித்து எதிர்க்கட்சித் தலைவர் சிவா பார்வையிட்டு, ஆய்வு செய்தார்.

தொடர்ந்து கோவிலின் அன்னதான திட்டத்தை தொடங்கப்பட்ட 200-வது நாளையொட்டி எதிர்கட்சி தலைவர் சிவா பொதுமக்களுக்கு அன்னதானம் வழங்கி தொடங்கி வைத்தார்.

நிகழ்ச்சியில் கோவில் சிறப்பு அதிகாரி வரசன் மற்றும் தி.மு.க தொகுதி செயலாளர் மணிகண்டன், பொதுக்குழு உறுப்பினர்கள் கோபால், ராமசாமி, செல்வநாதன் உள்ளிட்டோர் கலந்து கொண்டனர்.