நீங்கள் தேடியது "BJP"

சென்னை:

பா.ஜ.க. மாநில தலைவர்கள் 3 ஆண்டுகளுக்கு ஒருமுறை தேர்வு செய்யப்படுவார்கள். தற்போது மாநில தலைவராக இருக்கும் அண்ணாமலை கடந்த 2021-ம் ஆண்டு மாநில தலைவராக நியமிக்கப்பட்டார். அண்ணாமலையின் பதவி காலம் நிறைவடைகிறது.

தற்போது உள்கட்சி தேர்தல் நடந்து வருகிறது. கிளை நிர்வாகிகள், மண்டல் நிர்வாகிகள், மாவட்ட தலைவர்கள் தேர்தல்கள் முடிந்துவிட்டன. மாவட்ட தலைவர்கள் பட்டியல் இன்று அல்லது நாளைக்குள் வெளியாகலாம் என்று எதிர்பார்க்கப்படுகிறது.

அடுத்ததாக புதிய மாநில தலைவர் தேர்வு செய்யப்பட வேண்டும். தேர்தல் பொறுப்பாளரும் மத்திய மந்திரியுமான கிஷன் ரெட்டி நாளை மறுநாள் (வெள்ளிக்கிழமை)சென்னை வருகிறார்.

அப்போது கட்சியின் மூத்த நிர்வாகிகளுடன் புதிய தலைவர் தொடர்பாக கலந்து ஆலோசிக்க இருப்பதாக கூறப்படுகிறது.

இன்னும் ஒரு வருடத்தில் சட்டமன்ற பொதுத்தேர்தலை சந்திக்க வேண்டிய நிலை இருப்பதால் வலிமையான தலைமை வேண்டும் என்று அனைவரும் விரும்புகின்றனர். கட்சியின் விதிமுறைப்படி இரண்டு முறை ஒருவருக்கு மாநில தலைவர் பதவி வழங்கலாம். அந்த வகையில் அண்ணாமலைக்கு மீண்டும் தலைவர் பதவி வழங்கப்படலாம் என்று எதிர்பார்க்கப்படுகிறது.

கூட்டணி அமைப்பது தொடர்பாக விமர்சனத்துக்குள்ளானாலும் அவரது தலைமையின் கீழ் கட்சி வளர்ச்சி அடைந்து இருப்பதை கட்சி மேலிடம் உணர்ந்துள்ளது.

இதற்கிடையில் தலைவர் பதவியை குறிவைத்து மேலும் ஒன்றிரண்டு பேர் காய் நகர்த்தி வருவதாக கட்சி வட்டாரத்தில் பேச்சு அடிபடுகிறது.

ஆனால் தற்போதைய அரசியல் சூழ்நிலையில் தி.மு.க.வை எதிர்கொள்ள வலிமையான தலைமை தேவை என்ற அடிப்படையில் டெல்லி மேலிடம் ஆலோசனை செய்து வருகிறது. சென்னை வரும் மத்திய மந்திரி கிஷன் ரெட்டி மூத்த நிர்வாகிகளுடன் ஆலோசனை நடத்தி முதல் மூன்று பேர் பெயர் பட்டியலை தேர்வு செய்து டெல்லி மேல் இடத்திற்கு அனுப்ப உள்ளார்.

அதைத் தொடர்ந்து இந்த வார இறுதிக்குள் புதிய மாநில தலைவர் யார் என்பதை டெல்லி மேலிடம் அதிகாரப்பூர்வமாக அறிவிக்கும் என்று கட்சி நிர்வாகிகள் தெரிவித்தனர்.

அண்ணா பல்கலைகழக மாணவி பாலியல் வன்கொடுமையை கண்டித்து, தனது வீட்டு முன்பு தன்னைத் தானே 6 முறை சாட்டையால் அடித்துக் கொண்ட அண்ணாமலை, பாஜகவின் எம்.எஸ்.ஷாவின் பாலியல் லீலைகளுக்காகக் கமலாலயத்தில் தன்னைத் தானே காறித் துப்பிக் கொள்ள தேதி குறித்துவிட்டாரா? என்று அண்ணாமலைக்கு அமைச்சர் கீதா ஜீவன் கேள்வி எழுப்பியுள்ளார்.

இது தொடர்பாக அவர் வெளியிட்டுள்ள அறிக்கையில், "அண்ணா பல்கலைக்கழக மாணவி பாலியல் சீண்டலுக்கு ஆளான விவகாரத்தில் கடந்த இரு வாரங்களாக மக்களைக் குழப்பி கபட நாடகம் நடத்தி வந்தன அதிமுகவும் பாஜகவும். திராவிட மாடல் ஆட்சிக்கு பெண்கள் அளிக்கும் அபரிமிதமான ஆதரவு கண்டு வயிறெரியும் பாஜக - அதிமுக கள்ளக் கூட்டணி 'தமிழகத்தில் பெண்களுக்குப் பாதுகாப்பில்லை' எனக் கதை கட்டி விஷமத்தனமானப் பிரசாரத்தை நடத்தி வந்த நிலையில் அவர்களின் லட்சணம், சென்னை அண்ணா நகரிலும் மதுரையிலும் அவலட்சணமாக அம்பலப்பட்டு இருக்கிறது.

சென்னை அண்ணா நகர் சிறுமி பாலியல் வன்கொடுமை வழக்கில் கடந்த வாரம் அதிமுக வட்டச் செயலாளர் சுதாகர் கைது செய்யப்பட்டார். அந்த செய்தியை மறைக்க அதிமுக நடத்திய நாடகம்தான் 'யார் அந்த சார்?' என்பது வெட்டவெளிச்சமானது. அதிமுகவை அடியொற்றி, அதன் கள்ளக் கூட்டாளி பாஜகவும் அடுத்து பாலியல் புகாரில் சிக்கியிருக்கிறது. பாஜகவின் மாநில பொருளாதாரப் பிரிவுத் தலைவர் எம்.எஸ்.ஷா நிகழ்த்திய பாலியல் வன்கொடுமை அம்பலத்துக்கு வந்திருக்கிறது. மதுரையைச் சேர்ந்த தனது பேத்தி வயதுடைய 15 வயது சிறுமிக்கு பாலியல் தொல்லை கொடுத்த புகாரில் எம்.எஸ்.ஷா கைதாகியிருக்கிறார்.

அதிமுகவின் வட்ட செயலாளர் சுதாகரும் பாஜக பொருளாதாரப் பிரிவுத் தலைவர் எம்.எஸ்.ஷாவும் பெண் குழந்தைகளுக்கு எதிரான பாலியல் வன்கொடுமையை நிகழ்த்தி போக்சோ குற்றவாளிகளாக இருப்பது பேரவலம். இத்தகைய பாலியல் குற்றவாளிகளின் கூடாரத்தை வைத்துக் கொண்டுதான், 'அரசியல் கோமாளி' அண்ணாமலை நடத்திய சவுக்கடி நாடகத்தை எண்ணி, இப்போது நாட்டு மக்கள் காறி உமிழ்கிறார்கள்.

அண்ணா பல்கலைக்கழக மாணவி பாலியல் வன்கொடுமையை கண்டித்து, தன் வீட்டு முன்பு தன்னைத் தானே 6 முறை சாட்டையால் அடித்துக் கொண்ட அண்ணாமலை, தன் கட்சிக்காரர் எம்.எஸ்.ஷாவின் பாலியல் லீலைகளுக்காகக் கமலாலயத்தில் தன்னைத் தானே காறித் துப்பிக் கொள்ளும் நிகழ்வுக்கு அண்ணாமலை தேதி குறித்துவிட்டாரா?

'தமிழகத்தில் பெண்களுக்குப் பாதுகாப்பில்லை' என வானத்துக்கும் பூமிக்கும் குதித்த தமிழிசை சவுந்தரராஜனும், குஷ்புவும் அமைதி நிலைக்குச் சென்றுவிட்டார்கள். எதுவுமே நடக்காதது போல அமைதி காக்கிறார்கள். மதுரையில் நின்று கண்ணகியைப் போலச் சிலம்பு ஏந்தி அண்ணா பல்கலைக்கழக மாணவிக்கு நீதி கேட்ட குஷ்பு, பாஜகவின் எம்.எஸ்.ஷா கைதுக்கு என்ன செய்ய போகிறார்? கண்ணகி நீதி கேட்ட மதுரையில் போராடிய குஷ்பு, அதே மதுரையில் பாஜக பிரமுகரால் பாதிக்கப்பட்ட சிறுமிக்கு ஏன் நீதி கேட்டுப் போராடவில்லை? அந்த சிலம்பு காணாமல் போய்விட்டதா?

திமுக ஆட்சிக்கு எதிரான செய்திகளுக்கு எல்லாம் எட்டிப்பார்த்து வீராவேச நடிப்பைக் காட்டும் எதிர்க்கட்சித் தலைவர் எடப்பாடி பழனிசாமி, எம்.எஸ்.ஷா பாலியல் விவகாரத்தில் ஏன் வாய் திறக்கவில்லை? எம்.எஸ்.ஷா பின்னால் இருப்பவர் எந்த சார் எனக் கேட்டு பழனிசாமி போஸ்டர் அடிப்பாரா? தனது கள்ளக் கூட்டாளி பாஜகவின் பாலியல் குற்றம் என்றதும் ஓடி ஒளிந்து விட்டாரா கோழை பழனிசாமி? கள்ள கூட்டணிக்காக பழனிசாமி நடத்தும் கள்ள மவுனமா இது?

10 வயது குழந்தையை பாலியல் சீண்டல் செய்த விவகாரத்தில் அதிமுக வட்டச் செயலாளர் கைது செய்யப்படும் போது பாஜக அமைதி காத்தது.

பாஜக நிர்வாகி 15 வயது பெண் குழந்தையை பாலியல் தொல்லைக்கு கைதாகும் போது அதிமுக அமைதி காக்கிறது. இவ்வளவுதான் அதிமுக - பாஜக கூட்டணியின் சில்லறைத்தனமான அரசியல். இதைத்தான் கள்ளக் கூட்டணி என்கிறார்கள் தமிழக மக்கள்.

திமுக அரசாங்கம் ஒருவனை கைது செய்து சிறையில் அடைத்த பிறகும் பிரச்சினை பெரிதாகிவிடாதா, அதில் குளிர்காய முடியாதா என ஏங்குவதுதான் இவர்களின் அரசியலாக இருக்கிறதே தவிர பெண்களின் பாதுகாப்பு குறித்தெல்லாம் கிஞ்சிற்றும் அக்கறை இல்லாதவர்களாக இருக்கிறார்கள். இது போன்ற கொடூர குற்றவாளிகளை ஒடுக்கத்தான் தமிழக முதல்வர் பெண்களுக்கு எதிரான குற்றம் செய்பவர்களுக்கு எதிரான தண்டனைகளைக் கடுமையாக்கியுள்ளார். பெண்களுக்கும், குழந்தைகளுக்கும் எதிரான குற்றவாளிகள் ஒரு நாளும் திமுக ஆட்சியில் தப்ப முடியாது.

பாலியல் குற்றவாளிகளை, அதிலும் குழந்தைகளுக்கு எதிரான வன்கொடுமைகளை நிகழ்த்தும் கொடூர மனநிலைக் கொண்டவர்களைத் தனது கட்சியின் பொறுப்பாளர்களாக வைத்துக் கொண்டிருக்கும் அதிமுகவுக்கும் பாஜகவுக்கும் பெண்கள் மீது கொஞ்சம் கூட கவலையில்லை. அப்படி கவலை இருந்தால் யார் தவறு செய்தாலும் சுட்டிக்காட்டியிருக்க வேண்டும்.

குரல் எழுப்பியிருக்க வேண்டும். ஆனால், அவர்கள் கூட்டணியினர் என்பதால் மூடி மறைக்கின்றனர். இப்படி தங்களுடைய அசிங்கமான அரசியலை எல்லாம் மூடி மறைக்கத்தான் கள்ளக்கூட்டணி நடத்தும் அரசியல் நாடகம் எல்லாம் மக்கள் அறிவர். அதனால் இந்த நாடகங்கள் இனி ஒரு நாளும் மக்களிடம் எடுபடாது" என்று தெரிவித்துள்ளார்.

பாஜக மாநில பொருளாதார பிரிவு தலைவராக பதவி வகித்து வருபவர் எம்.எஸ்.ஷா. இவர் மீது 15 வயது மதிக்கத்தக்க பள்ளி மாணவி ஒருவரின் தந்தை மதுரை மாநகர் அனைத்து மகளிர் போலீஸ் நிலையத்தில் புகார் மனு அளித்துள்ளார்.

அதில் தனது மகளின் செல்போனுக்கு பா.ஜ.க. பிரமுகர் எம்.எஸ்.ஷா தொடர்ந்து ஆபாசமான உரையாடல்களை அனுப்பி வந்துள்ளதாகவும், இதுபற்றி தனது மகளிடம் கேட்டபோது எம்.எஸ்.ஷா அந்தச் சிறுமியை பாலியல் வன்கொடுமை செய்ததாகவும் தெரிய வந்தது.

மேலும், புகார் கொடுத்தவரின் மனைவி பா.ஜ.க. பிரமுகர் இருக்கும் இடத்திற்கு மகளை தனியாக அழைத்துச் சென்று தங்க வைத்ததாகவும், வாட்ஸ்அப் மூலம் அவர் கூப்பிடும் இடத்திற்கு சென்று அவருடன் தங்கி னால் ஸ்கூட்டர், புதிய ஆடைகள் வாங்கித் தருகிறேன், கடனை அடைக்கி றேன் என ஆசை வார்த்தை களை கூறி அழைத்து சென்று பாலியல் துன்பு றுத்தல் அளித்துள்ளார். இதற்கு தனது மனைவியும் உடந்தையாக இருந்து வந்துள்ளார் என புகார் மனுவில் குறிப்பிட்டுள்ளார்.

இந்த புகாரின் அடிப்படையில் பா.ஜ.க. நிர்வாகி எம்.எஸ்.ஷா மீதும் மற்றும் பள்ளி மாணவியின் தாய் இருவர் மீதும் போக்சோ சட்டத்தின் கீழ் வழக்குப்பதிவு செய்து விசாரணை நடத்தி வந்தனர். இந்நிலையில் பா.ஜ.க. மாநில நிர்வாகி எம்.எஸ்.ஷா இன்று மகளிர் போலீசாரால் கைது செய்யப்பட்டார்.

மகாராஷ்டிரா மாநில சட்டசபை தேர்தலில் பா.ஜனதா கூட்டணி அமோக வெற்றி பெற்றது. குறிப்பாக பா.ஜனதா மொத்தம் உள்ள 288 தொகுதிகளில் 149-ல் போட்டியிட்டு 132 இடங்களை கைப்பற்றி சாதனை படைத்தது. இந்த சாதனை வெற்றிக்கு பிறகு முதல் முறையாக பா.ஜனதா மாநில நிர்வாகிகள் மாநாடு ஷீரடியில் நேற்று நடந்தது. இதில் மாநிலம் முழுவதும் இருந்து எம்.பி., எம்.எல்.ஏ.க்கள், மாவட்ட தலைவர்கள், செயலாளர்கள் மற்றும் தொண்டர்கள் என சுமார் 15 ஆயிரம் பேர் கலந்து கொண்டனர்.

மாநாட்டில் மத்திய உள்துறை மந்திரி அமித்ஷா, நிதின் கட்காரி, முதல்-மந்திரி தேவேந்திர பட்னாவிஸ் உள்ளிட்ட பல தலைவர்களும் கலந்து கொண்டு கட்சியினரை அடுத்து வரும் தேர்தல்களுக்கு உற்சாகப்படுத்தும் வகையில் பேசினா்.

இதில் மத்திய உள்துறை மந்திரி அமித்ஷா பேசியதாவது:-

சரத்பவார் துரோக மற்றும் நம்பிக்கை துரோக அரசியலை மகாராஷ்டிரா மாநிலத்தில் 1978-ம் ஆண்டு தொடங்கினார். 2024-ம் ஆண்டு சட்டசபை தேர்தலில் அந்த அரசியல் மக்களால் நிராகரிக்கப்பட்டுள்ளது. பா.ஜனதா இந்த வெற்றியால் நிலையான அரசு அமைந்து உள்ளதால் சரத்பவாரின் துரோக அரசியல் முடிவுக்கு வந்து உள்ளது.

அதேபோல உத்தவ் தாக்கரேவின் வாரிசு, துரோக அரசியலும் நிராகரிக்கப்பட்டுள்ளது. 2024 தேர்தல்களில் மக்கள் உத்தவ் தாக்கரே, சரத் பவாருக்கான இடத்தை காட்டி உள்ளனர். மராட்டியத்தில் பா.ஜனதா பெற்று உள்ள வெற்றி நீண்டகால விளைவுகளை ஏற்படுத்தும். வரலாற்று சிறப்புமிக்க இந்த வெற்றி 'இந்தியா' கூட்டணியின் நம்பிக்கையை உடைத்துவிட்டது. அடுத்த மாதம் டெல்லியில் நடைபெறும் சட்டசபை தேர்தலில் பா.ஜனதா வெற்றி பெறும்.

இவ்வாறு அமித் ஷா கூறினார்.

ஈரோடு கிழக்கு தொகுதி எம்.எல்.ஏ.வாக இருந்த ஈ.வி.கே.எஸ்.இளங்கோவன் மறைவால் அந்த தொகுதியில் அடுத்த மாதம் (பிப்ரவரி) 5-ந் தேதி இடைத்தேர்தல் நடக்கிறது.

கடந்த 10-ந்தேதி வேட்பு மனு தாக்கல் தொடங்கியது. வருகிற 17-ந்தேதி மனு தாக்கல் செய்ய கடைசி நாள்.

தி.மு.க. கூட்டணியில் தனது கைவசம் இருந்த இந்த தொகுதியில் காங்கிரஸ் போட்டியிட விரும்பாததால் தி.மு.க. போட்டியிடுகிறது. தி.மு.க. சார்பில் சந்திரகுமார் வேட்பாளராக அறிவிக்கப்பட்டு உள்ளார்.

இந்நிலையில், ஈரோடு கிழக்கு இடைத்தேர்தலை புறக்கணிப்பதாக பாஜக தலைமையிலான தேசிய ஜனநாயக கூட்டணி அறிவித்துள்ளது.

இதனையடுத்து ஈரோடு கிழக்கு இடைத்தேர்தல் புறக்கணிப்பு குறித்து மூத்த பாஜக தலைவர் தமிழிசை சௌந்தரராஜன் தனது எக்ஸ் பக்கத்தில் பதிவிட்டுள்ளார்.

அவரது பதிவில், பாஜகவும்... ஈரோடு இடைத்தேர்தலை புறக்கணிக்கிறது... அனைத்து முக்கிய கட்சிகளும்.. இந்த இடைத்தேர்தலை புறக்கணிக்கிறது என்பது செய்தி... புறக்கணிக்கப்படுவது தேர்தல் அல்ல... உண்மையில் புறக்கணிக்கப்படுவது திமுக தான்...

யாரும் நம்பிக்கையோடு... போட்டி போடக்கூட தகுதியற்றது திமுக... என்பதை அனைத்துக் கட்சிகளின் முடிவும் காண்பிக்கிறது... திமுகவின் அராஜக அரசியலால் நேர்மையாக தேர்தல் நடக்கும் என்ற நம்பிக்கை இன்மையால் தேர்தல் புறக்கணிப்பு முடிவை எடுக்கும் கட்டாயத்தை ஏற்படுத்தும் திமுகவை 2026- இல் மக்கள் புறக்கணிப்பார்கள்...." என்று பதிவிட்டுள்ளார்.

ஈரோடு கிழக்கு தொகுதி எம்.எல்.ஏ.வாக இருந்த ஈ.வி.கே.எஸ்.இளங்கோவன் மறைவால் அந்த தொகுதியில் அடுத்த மாதம் (பிப்ரவரி) 5-ந் தேதி இடைத்தேர்தல் நடக்கிறது.

கடந்த 10-ந்தேதி வேட்பு மனு தாக்கல் தொடங்கியது. வருகிற 17-ந்தேதி மனு தாக்கல் செய்ய கடைசி நாள்.

தி.மு.க. கூட்டணியில் தனது கைவசம் இருந்த இந்த தொகுதியில் காங்கிரஸ் போட்டியிட விரும்பாததால் தி.மு.க. போட்டியிடுகிறது. தி.மு.க. சார்பில் சந்திரகுமார் வேட்பாளராக அறிவிக்கப்பட்டு உள்ளார். இவர் தே.மு.தி.க.வில் இருந்தபோது இந்த தொகுதியில் போட்டியிட்டு வெற்றி பெற்றவர் என்பது குறிப்பிடத்தக்கது.

பிரதான எதிர்க்கட்சியான அ.தி.மு.க. விக்கிரவாண்டி இடைத்தேர்தலை புறக்கணித்ததை போல் ஈரோடு கிழக்கு தொகுதியிலும் போட்டியிடாமல் புறக்கணித்துள்ளது. அதன் கூட்டணி கட்சியான தே.மு.தி.க.வும் போட்டியிடவில்லை என்று அறிவித்து விட்டது.

எனவே தி.மு.க.வை எதிர்த்து போட்டியிட போவது யார் என்ற கேள்வி எழுந்துள்ளது. தற்போதைய நிலையில் நாம் தமிழர் கட்சி மட்டும் போட்டியிட போவதாக அறிவித்துள்ளது. வேட்பாளர் இன்னும் அறிவிக்கப்படவில்லை.

இந்நிலையில், ஈரோடு கிழக்கு இடைத்தேர்தலை புறக்கணிப்பதாக பாஜக தலைமையிலான தேசிய ஜனநாயக கூட்டணி அறிவித்துள்ளது.

சென்னை:

ஈரோடு கிழக்கு தொகுதி எம்.எல்.ஏ.வாக இருந்த ஈ.வி.கே.எஸ்.இளங்கோவன் மறைவால் அந்த தொகுதியில் அடுத்த மாதம் (பிப்ரவரி) 5-ந் தேதி இடைத்தேர்தல் நடக்கிறது.

கடந்த 10-ந்தேதி வேட்பு மனு தாக்கல் தொடங்கியது. வருகிற 17-ந்தேதி மனு தாக்கல் செய்ய கடைசி நாள்.

தி.மு.க. கூட்டணியில் தனது கைவசம் இருந்த இந்த தொகுதியில் காங்கிரஸ் போட்டியிட விரும்பாததால் தி.மு.க. போட்டியிடுகிறது. தி.மு.க. சார்பில் சந்திரகுமார் வேட்பாளராக அறிவிக்கப்பட்டு உள்ளார். இவர் தே.மு.தி.க.வில் இருந்தபோது இந்த தொகுதியில் போட்டியிட்டு வெற்றி பெற்றவர் என்பது குறிப்பிடத்தக்கது.

பிரதான எதிர்க்கட்சியான அ.தி.மு.க. விக்கிரவாண்டி இடைத்தேர்தலை புறக்கணித்ததை போல் ஈரோடு கிழக்கு தொகுதியிலும் போட்டியிடாமல் புறக்கணித்துள்ளது.

கடந்த தேர்தலில் நடந்த முறைகேடுகளை சுட்டிக்காட்டி இந்த தேர்தலும் நேர்மையாக நடக்காது என்பதால் புறக்கணிக்கும் முடிவை எடுத்து இருப்பதாக எடப்பாடி பழனிசாமி அறிவித்துள்ளார்.

அதன் கூட்டணி கட்சியான தே.மு.தி.க.வும் போட்டியிடவில்லை என்று அறிவித்து விட்டது.

எனவே தி.மு.க.வை எதிர்த்து போட்டியிட போவது யார் என்ற கேள்வி எழுந்துள்ளது. தற்போதைய நிலையில் நாம் தமிழர் கட்சி மட்டும் போட்டியிட போவதாக அறிவித்துள்ளது. வேட்பாளர் இன்னும் அறிவிக்கப்படவில்லை.

பா.ஜ.க.வும் இதுவரை தனது நிலைப்பாட்டை அறிவிக்கவில்லை. கடந்த 2021 தேர்தலில் அ.தி.மு.க. கூட்டணியில் த.மா.கா. போட்டியிட்டது. அந்த கட்சி சார்பில் போட்டியிட்ட யுவராஜ் காங்கிரஸ் வேட்பாளரை விட 8 ஆயிரம் வாக்குகள் குறைவாக பெற்று தோல்வியை தழுவினார். அந்த தேர்தலில் காங்கிரஸ் வேட்பாளரான திருமகன் ஈ.வெ.ரா. பெற்ற வாக்குகள் 67,300, த.மா.கா. வேட்பாளர் பெற்ற வாக்குகள் 58,396.

கொங்கு மண்டலத்தை பொறுத்தவரை அ.தி.மு.க.வுக்கு கணிசமான செல்வாக்கு உண்டு. எனவே அ.தி.மு.க. போட்டியிடாவிட்டாலும் முன்புபோல் அ.தி.மு.க. ஆதரவுடன் த.மா.கா.வை போட்டியிட செய்து அனைத்து கட்சிகளும் ஆதரவளிக்கலாம் என்ற யோசனையை பா.ஜ.க. முன் வைத்தது. இது தொடர்பாக ரகசிய பேச்சுக்களும் நடந்தன. ஆனால் எந்த கட்சியும் இதுவரை அதிகாரப்பூர்வமாக அறிவிக்கவில்லை.

இதற்கிடையில் சென்னையில் முகாமிட்டுள்ள பா.ஜ.க. தலைவர் அண்ணாமலை கிண்டியில் உள்ள நட்சத்திர ஓட்டலில் நிர்வாகிகளுடன் ஆலோசனை நடத்தினார். இதில் மத்திய மந்திரி எல்.முருகன், பொறுப்பாளர் சுதாகர் ரெட்டி ஆகியோரும் பங்கேற்றார்கள்.

ஏற்கனவே கடந்த 2 நாட்களுக்கு முன்பு நடந்த ஆலோசனையில் ஒருமித்த கருத்து ஏதும் ஏற்படவில்லை. இன்று புதிய மாவட்ட தலைவர்களை தேர்வு செய்வது தொடர்பாக ஆலோசனை நடத்தினார்கள். அத்துடன் ஈரோடு கிழக்கு தொகுதி தேர்தலில் எடுக்க வேண்டிய நிலைப்பாடு பற்றியும் ஆலோசித்தார்கள்.

த.மா.கா. தலைவர் ஜி.கே. வாசனும் கட்சி அலுவலகத்தில் இன்று ஈரோடு மாவட்ட நிர்வாகிகளுடன் ஆலோசனை நடத்தினார். இதில் மாநில துணைத் தலைவர் விடியல் சேகர், யுவராஜா, ஈரோடு மாவட்ட தலைவர் ஜெயக்குமார், புறநகர் மாவட்ட தலைவர் சண்முகம், செயற்குழு உறுப்பினர் ஈசுவரமூர்த்தி மற்றும் மாநில நிர்வாகிகள் பங்கேற்றனர்.

த.மா.கா., பா.ஜ.க. ஆகிய இரு கட்சிகளும் இன்று தங்கள் நிலைப்பாட்டை அறிவிக்கும் என்று எதிர்பார்க்கப்படுகிறது. இதனால் ஈரோடு கிழக்கு தொகுதி இடைத்தேர்தலில் பா.ஜ.க. களம் இறங்குமா? அல்லது த.மா.கா. போட்டியிடுமா? என்ற எதிர்பார்ப்பு நிலவுகிறது.

இதற்கிடையில் முன்னாள் முதலமைச்சர் ஓ.பன்னீர்செல்வமும் கூட்டணி கட்சிகளுடன் பேசி தேர்தலில் போட்டியிடுவது பற்றி முடிவு செய்யப்போவதாக அறிவித்து உள்ளார்.

மிண்ண்னு வாகுபதவிவு இயந்திரங்களான இவிஎம் இயந்திரங்களின் விரிவாக்கம், ஒவ்வொரு வாக்கும் முல்லாவுக்கு எதிரானது என்று பொருள் என பாஜகவை சேர்ந்த மகாராஷ்டிர அமைச்சர் நித்தேஷ் ரானே சர்ச்சையை கிளப்பியுள்ளார்.

கடந்த வெள்ளிக்கிழமை சாங்லியில் இந்து கர்ஜன சபையில் உரையாற்றுகையில் அவர் EVM - EVERY VOTE AGAINST MULLAH என்று  தெரிவித்தார். எதிர்க்கட்சிகள் இவிஎம் இயந்திரத்தின்மீது சந்தேகம் தெரிவிக்கும் நிலையில் அதை விமர்சிக்கும் விதமாக, இந்துக்கள் ஒன்று திரண்டு வாக்களிப்பதை பலரால் ஏற்றுக்கொள்ள முடியவில்லை என்று ரானே பேசினார்.

இந்த கருத்துக்கு எதிர்ப்பு தெரிவித்த திருவனந்தபுர காங்கிரஸ் எம்.பி. சஷி தரூர், எந்தவொரு குறிப்பிட்ட சமூகத்தையும் குறிவைப்பது தவறானது, அனைவரும் நாட்டின் சமமான குடிமக்கள் என்றும், அதுதான் நாடு முன்னேற ஒரே வழி.

இந்த மாதிரியான விஷயம் மிகவும் அதிர்ச்சியளிக்கிறது. நம் நாட்டில், சுதந்திரப் போராட்டத்தின் அடிப்படைப் பாடத்தை நாம் உண்மையில் புரிந்து கொள்ள வேண்டும். நாம் அனைவரும் இந்தியாவின் சமமான குடிமக்கள், அதுதான் நம் நாட்டிற்கு ஒரே அடிப்படையாக இருக்க முடியும் என்று தெரிவித்தார்.

இதற்கிடையில், இந்திய கம்யூனிஸ்ட் கட்சி (மார்க்சிஸ்ட்) தலைவர் பிருந்தா காரத், ரானேவின் கருத்துக்கு கண்டனம் தெரிவித்ததுடன், ரானேவை கைது செய்ய வேண்டும் என்று வலியுறுத்தினார்.

இது வெறுப்பு பேச்சு, இந்த நபரை கைது செய்ய வேண்டும், இந்த நபர் இந்தியாவுக்கே அச்சுறுத்தல், இது போன்ற மூர்க்கத்தனமான வகுப்புவாத பேச்சை அவர் வெளிப்படுத்துவது இது முதல் முறை அல்ல..

இது பாஜக மற்றும் ஆர்எஸ்எஸ்- ன் பாசாங்குத்தனம் .. பிரதமர் அரசியல் சாசனத்தைப் பற்றிப் பேசுகிறார், இங்கு அவரது அமைச்சர் இந்த வெறுப்புப் பேச்சு மூலம் அரசியலமைப்பின் அடிப்படை அடித்தளத்தை அழித்து வருகிறார், எனவே அவர் பதவியில் இருந்து நீக்கப்பட வேண்டும் என்று பிருந்தா காரத் கூறினார்.  

70 தொகுதிகளை கொண்ட டெல்லி சட்டமன்றத்துக்கு வரும் பிப்ரவரி 5 ஆம் தேதி தேர்தல் நடைபெற உள்ளது. ஆளும் ஆம் ஆத்மி,பாஜக, காங்கிரஸ் இடையே மும்முனை போட்டி நிலவுகிறது.

ஆம் ஆத்மி தலைவர் அரவிந்த் கெஜ்ரிவால் முதல்வராக இருந்த சமயத்தில் அரசின் அதிகாரப்பூர்வ குடியிருப்பில் தங்கியிருந்தபோது அங்கு ரூ.3 கோடி வரை புதுப்பிப்பு பணிகளுக்கு செலவு செய்து சொகுசாக இருந்துள்ளார் என்ற குற்றச்சாட்டை பாஜக முன்னிலைப் படுத்தி பிரசாரம் செய்து வருகிறது.

கடந்த செப்டம்பரிலேயே கெஜ்ரிவால் அந்த வீட்டை விட்டு வெளியேறியபோதிலும், அது கெஜ்ரிவாலின் ஷீஷ் மகால் [சொகுசு மாளிகை] என பாஜக கூறி வருகிறது. அங்கு  தங்க முலாம் பூசப்பட்ட கழிவறைகள் இருந்ததாகவும் பாஜக கூறியது.

இந்நிலையில் நேற்று டெல்லி ஜேஎல்என் மைதானத்தில் நடைபெற்ற 'சேரி குடியிருப்பாளர்கள்' மாநாட்டில் உரையாற்றிய மத்திய உள்துறை அமைச்சர் அமித் ஷா, டெல்லியின் சேரிகளில் வசிக்கும் மக்களுக்கு அசுத்தமான நீர் வருகிறது.

குடிசைகளில் வசிக்கும் மக்கள் எங்களிடம் கேட்கிறார்கள், டெல்லி ஏன் உலகின் மிகவும் மாசுபட்ட நகரம் என்று. கடந்த 10 ஆண்டுகளில் டெல்லியில் அரவிந்த் கெஜ்ரிவால் என்ன செய்தார்? ஏழைகளுக்கு பிரதமர் நரேந்திர மோடி வீடுகளை வழங்கியுள்ளார்.

இது பிரதமர் மோடியின் உத்தரவாதம், குடிசையில் வசிக்கும் ஒவ்வொரு நபருக்கும் நிரந்தர வீடு வழங்கப்படும். அவரது (அரவிந்த் கெஜ்ரிவால்) 'ஷீஷ் மஹாலில்' உள்ள கழிப்பறை சேரிகளை விட விலை அதிகம் என்று தெரிவித்தார்.

இதற்கு பதிலடி கொடுத்துள்ள அரவிந்த் கெஜ்ரிவால், அமித் ஷா ஜி என்னையும், டெல்லி மக்களையும் மிகவும் அவதூறு செய்துள்ளார். இதற்கு டெல்லி மக்கள் தேர்தலில் பதிலளிப்பார்கள்.

அமித் ஜி குடிசைவாசிகளிடம் நிறைய பொய் சொன்னார். தேர்தலுக்கு பிறகு பாஜக இடிக்கத் திட்டமிட்டுள்ள குடிசை பகுதியில் நான் செய்தியாளர் சந்திப்பு நடத்துகிறேன். பாஜகவின் கேவலமான அரசியலை முழு ஆதாரத்துடன் அம்பலப்படுத்துகிறேன் என்று தெரிவித்தார். 

புதுடெல்லி:

டெல்லியில் ஆம் ஆத்மி கட்சி தலைமையிலான ஆட்சி நடந்துவருகிறது. அதிஷி முதல் மந்திரியாக பதவி வகித்து வருகிறார்.

மொத்தம் 70 தொகுதிகளைக் கொண்ட டெல்லி சட்டசபைக்கு அடுத்த மாதம் 5-ம் தேதி ஒரேகட்டமாக தேர்தல் நடைபெற உள்ளது. அன்று பதிவாகும் வாக்குகள் அடுத்த மாதம் 8-ம் தேதி எண்ணப்பட்டு அன்றே முடிவுகள் அறிவிக்கப்பட உள்ளன.

இந்தத் தேர்தலில் ஆம் ஆத்மி, பா.ஜ.க, காங்கிரஸ் உள்ளிட்ட முக்கிய கட்சிகள் போட்டியிடுகின்றன. தேர்தல் நெருங்கி வரும் நிலையில் அரசியல் கட்சிகள் வேட்பாளர் பட்டியலை வெளியிட்டு வருகின்றன.

இந்நிலையில், டெல்லி சட்டசபை தேர்தலில் இரண்டாம் கட்ட வேட்பாளர் பட்டியலை பா.ஜ.க. வெளியிட்டுள்ளது. இந்த வேட்பாளர் பட்டியலில் 29 பேர் இடம்பெற்றுள்ளனர்.

இதில் டெல்லியின் முன்னாள் முதல் மந்திரியான மதன் லால் குரானாவின் மகன் ஹரிஷ் குரானா மோதி நகர் தொகுதியில் போட்டியிடுகிறார். பா.ஜ.க. மூத்த தலைவர் கபில் மிஸ்ரா டெல்லியின் கர்வால் நகர் தொகுதியில் களமிறங்குகிறார்.

சமீபத்தில் ஆம் ஆத்மி கட்சியில் இருந்து விலகி பா.ஜ.க.வில் இணைந்த பிரியங்கா கவுதம் கொண்ட்லி தொகுதியில் போட்டியிட வாய்ப்பு வழங்கப்பட்டுள்ளது.

ஏற்கனவே 29 பேர் கொண்ட முதல் கட்ட வேட்பாளர் பட்டியலை பா.ஜ.க. வெளியிட்டிருந்தது குறிப்பிடத்தக்கது.

டெல்லியில் போலி வாக்காளர்களை சேர்க்க அதிக அளவில் விண்ணப்பம் செய்யப்பட்டுள்ளது. இந்த மோசடியில் பாஜக தலைவர்கள் மற்றும் மத்திய அமைச்சர் ஈடுபட்டுள்ளதாக ஆம் ஆத்மி கட்சி தொடர்ந்த குற்றம் சாட்டி வருகிறது.

அரவிந்த் கெஜ்ரிவால் இது தொடர்பாக தேர்தல் அதிகாரிகளிடம் புகார் அளித்துள்ளார். இந்த நிலையில் பாஜக மற்றும் அதன் தலைவர்கள் போலி வாக்காளர்கள் சேர்ப்பு மூலமாக தேர்தல் ஆணையத்தை ஏமாற்ற முயற்சிப்பதாக ஆம் ஆத்மி கட்சி மாநிலங்களவை எம்.பி. சஞ்சய் சிங் குற்றம் சாட்டியுள்ளார்.

இது தொடர்பாக சஞ்சய் சிங் கூறுகையில் "இதுதான் இந்தியாவின் மிகப்பெரிய அரசியல் கட்சியின் யதார்த்தம். பிரதமர் மோடியின் கட்சி தேர்தலில் வெற்றி பெற திட்டமிட்டுள்ளது இப்படித்தான். பாஜக மற்றும் அதன் தலைவர்கள் தேர்தல் ஆணையத்தை ஏமாற்ற முயற்சி செய்து வருகின்றனர். இது பாஜக-வின் தேர்தல் மோசடி. அவர்களுடைய மத்திய மந்திரிகள் மற்றும் எம்.பி.க்கள் மூலம் இதை செய்கின்றனர். அவர்கள் தேர்தல் ஆணையத்தின் நேர்மையை குறைமதிப்பிற்கு உட்படுத்துகிறார்கள்" எனத் தெரிவித்துள்ளார்.

டெல்லி மாநில சட்டமன்ற தேர்தல் அடுத்த மாதம் 5-ந்தேதி நடைபெறுகிறது. பிப்ரவரி 8-ந்தேதி வாக்குகள் எண்ணப்பட்டு முடிவு வெளியிடப்படும்.

அரவிந்த் கெஜ்ரிவால் போட்டியிடும் புது டெல்லி தொகுதியில் ஆயிரக்கணக்கான புதிய வாக்காளர்களை சேர்ப்பதற்காக போலியாக விண்ணப்பிக்கப்பட்டுள்ளது. உ.பி., பீகாரில் உள்ளவர்கள் விண்ணப்பம் செய்துள்ளனர் என ஆம் ஆத்மி குற்றம் சாட்டி வருகிறது.

சென்னை:

பா.ஜ.க. மாநில தலைவர் அண்ணாமலை வெளியிட்டுள்ள அறிக்கையில்,

பிரதமர் மோடி அவர்கள், வளர்ச்சியடைந்த பாரதம் என்ற இலக்கை நோக்கி, நாட்டை வளர்ச்சிப் பாதையில் முன்னோக்கிக் கொண்டு செல்லும் சிறப்பான செயல்பாடுகளை மேற்கொண்டிருக்கையில், இங்குள்ள திமுக அரசு, தமிழகத்தைப் பின்னோக்கி இழுத்துச் செல்கிறது.

மதுரை, தூத்துக்குடி இடையே, அருப்புக்கோட்டை வழியாக புதிய ரெயில் பாதை அமைக்கும் திட்டம் திமுக அரசின் எதிர்ப்பின் காரணமாகக் கைவிடப்பட்டுள்ளதை, ரெயில்வே அமைச்சர் அஷ்வினி வைஷ்ணவ் நேற்று ஊடகங்களில் தெளிவுபடுத்தினார்.

தமிழகத்தின் பல்வேறு ரெயில் திட்டங்களுக்குத் தேவையான 3,389 ஹெக்டேர் நிலத்தில், வெறும் 26% நிலம் மட்டுமே, திமுக அரசால் கையகப்படுத்தப்பட்டுள்ளதை, சமீபத்தில் நமது ரெயில்வே அமைச்சர் அவர்கள் கூறியிருந்தார்.

அருப்புக்கோட்டை வழியாகச் செல்லும் மதுரை-தூத்துக்குடி புதிய ரெயில் பாதைக்கு, சுமார் 870.98 ஹெக்டேர் நிலம் தேவைப்பட்டது, ஆனால் தமிழக அரசு வெறும் 74.87 ஹெக்டேர் நிலத்தை மட்டுமே கையகப்படுத்தியுள்ளது. திமுக அரசின் நத்தை வேகச் செயல்பாடு, இப்போது அருப்புக்கோட்டை மக்களின் பொருளாதார வளர்ச்சிக்குப் பெரும் தடையாக மாறியுள்ளது.

திமுக அரசின் இந்த மக்கள் விரோத அணுகுமுறையை, தமிழக பாஜக சார்பாக வன்மையாகக் கண்டிக்கிறோம். வரும் ஜனவரி 20-ந்தேதி அன்று, அருப்புக்கோட்டை நகரில், புதிய ரெயில் பாதையை ரத்து செய்த திமுக அரசின் முடிவுக்கு எதிராக, விருதுநகர் மாவட்ட மக்களுடன் இணைந்து, மாபெரும் போராட்டம் நடத்தவிருக்கிறோம்.

இவ்வாறு அண்ணாமலை கூறியுள்ளார்.