நீங்கள் தேடியது "Army Recruitment Camp"

இந்திய ராணுவத்தில் 174 ராணுவ வீரர்கள், 50 கிளார்க் பணியிடங்களுக்கு ஆட்கள் தேர்வு செய்யப்பட உள்ளனர். இதையொட்டி ராணுவத்துக்கு ஆள்சேர்ப்பு முகாம் கோவை போலீஸ் பயிற்சி பள்ளி (பி.ஆர்.எஸ்.) மைதானத்தில் இன்று காலை தொடங்கியது.

இன்று காலை 5 மணிக்கு தெலுங்கானா, குஜராத், கோவா ஆகிய மாநிலங்களுக்கும், புதுச்சேரி, தாதர், நாகர்ஹவேலி, டையு, டாமன், லட்சத்தீவுகள் ஆகிய யூனியன் பிரதேசங்களை சேர்ந்தவர்களுக்கும் முகாம் நடக்கிறது.

இன்று தொடங்கும் முகாமில் பங்கேற்க தெலுங்கானா, கோவா, குஜராத் உள்ளிட்ட மாநிலங்களை சேர்ந்தவர்கள் கோவைக்கு வந்தனர். காலை 5 மணிக்கு முகாம் தொடங்குவதால் அதற்கு முன்னதாக வர வேண்டும். எனவே வெளிமாநில வாலிபர்கள் நேற்றிரவவே கோவைக்கு வந்தனர். மேலும் நள்ளிரவில் வந்து சேர்ந்தனர். அவர்கள் தங்குவதற்கு வசதி ஏதும் இல்லாததால் சாலையோரத்தில் தங்கும் நிலை ஏற்பட்டது.

மேலும் அதிகாலையில் வரும் இளைஞர்கள் கடும் குளிரையும் பொருட்படுத்தாமல் சாலையோரம் படுத்து தூங்கி ஓய்வெடுத்தார். இதனால் அவர்களுக்கும், உடைமைகளுக்கும் பாதுகாப்பற்ற நிலை உள்ளது.

வெளிமாநிலங்களில் இருந்து வருபவர்களுக்கு கழிப்பிடம் உள்ளிட்ட எந்த வசதியும் இல்லாத நிலை உள்ளது. இதனால் அவர்கள் மிகவும் அவதிப்படுகின்றனர்.

நாளை (செவ்வாய்க்கிழமை) ஆந்திரா, கர்நாடகா மாநிலத்தை சேர்ந்தவர்களுக்கும், நாளை மறுநாள் (6-ந்தேதி) ராஜஸ்தான், மராட்டியம் மாநிலங்களை சேர்ந்தவர்களுக்கான முகாம் நடக்கிறது.

7-ந்தேதி தமிழகத்தில் உள்ள அரியலூர், செங்கல்பட்டு, கடலூர், தருமபுரி, திண்டுக்கல், கள்ளக்குறிச்சி, காஞ்சீபுரம், கரூர், கிருஷ்ண கிரி, மயிலாடுதுறை, நாகப்பட்டினம், நாமக்கல், நீலகிரி, பெரம்ப லூர், புதுக்கோட்டை, ராணிப்பேட்டை, தஞ்சாவூர், திருப்பத்தூர், திருவள்ளூர், வேலூர், விழுப்புரம் ஆகிய மாவட்டங்களை சேர்ந்தவர்களுக்கான முகாம் நடைபெறுகிறது.

8-ந்தேதி சென்னை, கோவை, ஈரோடு, கன்னியாகுமரி, சேலம், மதுரை, ராமநாதபுரம், சிவகங்கை, தென்காசி, தேனி, தூத்துக்குடி, திருச்சி, திருவண்ணாமலை, நெல்லை, திருப்பூர், விருதுநகர் மாவட்டங்களுக்கும், 9-ந் தேதி கேரள மாநிலம் ஆலப்புழா, எர்ணாகுளம், இடுக்கி, கண்ணூர், காசர்கோடு, கொல்லம், கோட்டயம் மாவட்டங்களை சேர்ந்தவர்களுக்கு முகாம் நடத்தப்படுகிறது.

10-ந் தேதி கேரள மாநிலத்தை சேர்ந்த கோழிக்கோடு, திருச்சூர், மலப்புரம், பாலக்காடு, பத்தினம்திட்டா, திருவனந்தபுரம், வயநாடு ஆகிய மாவட்டங்களை சேர்ந்தவர்களுக்கும் முகாம் நடைபெறுகிறது.

11-ந் தேதி முதல் 16-ந்தேதி வரை சான்றிதழ் சரிபார்ப்பு, மருத்துவ பரிசோதனை உள்ளிட்டவை நடைபெறுகிறது. இதில் ஓட்டம், கயிறு ஏறுதல் உள்ளிட்ட உடற்தகுதி தேர்வு நடத்தப்படுகிறது.

கடலூர்:

அக்னிபத் திட்டத்தின் கீழ் இந்திய ராணுவத்திற்கு 2024-ம் ஆண்டிற்கான ஆட்கள் சேர்ப்பு முகாம் கடலூர் அண்ணா விளையாட்டு மைதானத்தில் இன்று முதல் தொடங்கி 13-ம் தேதி வரை நடைபெறுகிறது.

இதற்காக, சென்னை, கடலூர், விழுப்புரம், வேலுார் மற்றும் புதுச்சேரி மாநிலம் உள்ளிட்ட 11 மாவட்டங்களை சேர்ந்தவர்களுக்கு எழுத்துத்தேர்வு கடந்த ஏப்ரல் மாதம் நிறைவடைந்தது. அதைத்தொடர்ந்து எழுத்து தேர்வில் தேர்ச்சி பெற்றவர்களுக்கு, கடலுார் அண்ணா விளையாட்டு மைதானத்தில் உடற்தகுதி தேர்வு மற்றும் சான்றிதழ் சரிபார்ப்பு இன்று தொடங்கியது. ஆள்சேர்ப்பு முகாமையொட்டி, அண்ணா விளையாட்டு மைதானத்தில் பொதுமக்கள், விளையாட்டு வீரர்கள் மற்றும் நடைபயிற்சி மேற்கொள்பவர்களுக்கு வரும் 13-ம் தேதி வரை தடை விதிக்கப்பட்டுள்ளது.

நள்ளிரவு 12 மணிக்கு தொடங்கிய முகாமில் பங்கேற்றவர்களுக்கு, தேர்வு நுழைவுச்சீட்டு, கல்விச் சான்றிதழ்கள், காவல்துறை நடத்தை சான்றிதழ், இருப்பிடச் சான்றிதழ் உள்பட 18 வகையான சான்றிதழ்கள் சரிபார்க்கப்பட்டு உடல் தகுதி திறன் பரிசோதிக்கப்பட்டது. அப்போது நடந்த ஓட்டப்பந்தயத்தில் இளைஞர்கள் ஓடிக் கொண்டிருந்த போது, 2 பேருக்கு திடீரென்று காலில் அடிபட்டு காயம் ஏற்பட்டது. இதனை தொடர்ந்து 2 பேரை மீட்டு சிகிச்சைக்காக கடலூர் அரசு மருத்துவமனைக்கு அனுப்பி வைத்தனர்.

இதில் திருவண்ணாமலை மாவட்டம் நரியம்பாடி சேர்ந்தவர் மோகன் (வயது 20), வீராணங்கள் சங்கம் சேர்ந்த மோகன் குமார் (19) என தெரியவந்தது . தொடர்ந்து இவர்களுக்கு சிகிச்சை அளிக்கப்பட்டு வருகின்றது. இதனால் அங்கு சிறிது நேரம் பரபரப்பு ஏற்பட்டது.