நீங்கள் தேடியது "Election of Management Committee"

திருப்பூர் :

திருப்பூர் ஜெய்வாபாய் மாடல் பெண்கள் மேல்நிலைப் பள்ளியில் பள்ளி மேலாண்மைக்குழு மறுகூட்டமைப்பு கூட்டம் பள்ளி வளாகத்தில் நடந்தது. பின்னர் பள்ளி மேலாண்மை குழு உறுப்பினர்களின் தேர்தல் நடந்தது. நிகழ்ச்சிக்கு பள்ளி தலைமையாசிரியை ஸ்டெல்லா அமலோற்பவ மேரி வரவேற்றார். மாவட்ட கல்வி அலுவலர் கணேசன் தேர்தல் பார்வையாளராக கலந்துகொண்டு கண்காணித்தார். மாவட்ட வேளாண்துறை அதிகாரி ஈஸ்வரமூர்த்தி தேர்தல் பார்வையாளராக செயல்பட்டார்.

பள்ளி மேலாண்மைக்குழு குறித்து பெற்றோர்களுக்கு விரிவாக எடுத்துக்கூறப்பட்டது. இதனைத்தொடர்ந்து 1 முதல் 5-ம்வகுப்பு, 6 முதல் 8-ம் வகுப்பு, 9 முதல் 10ம் வகுப்பு மற்றும் பிளஸ் 1 பிளஸ் 2 ஆகிய வகுப்புகளாக பிரிக்கப்பட்டு தேர்தல் நடந்தது. இதில் போட்டியிட விருப்பம் உள்ளவர்கள் மேடைக்கு அழைக்கப்பட்டு அவர்கள் தங்களை பற்றிய விபரங்களையும், குழுவில் உறுப்பினரானால் என்ன செய்வோம் என்பது குறித்தும் கூறினார்கள்.

இதனையடுத்து நடந்த உறுப்பினர்கள் தேர்தலில் தலைமையாசிரியை ஸ்டெல்லா அமலோற்பவ மேரி உறுப்பினர் மற்றும் கூட்ட அழைப்பாளராக தேர்வு செய்யப்பட்டார். தொடர்ந்து உறுப்பினர்களாக சாயிதா பானு, பத்மபிரியா, முத்தமிழ்செல்வன், கிருஷ்ணமூர்த்தி, அய்யப்பன், சபியுல்லா, விமலா, சுதா, ஹேமலதா, தேன்மொழி, சாந்தி, மகேஸ்வரி, ரத்னா ஆகியோர் பெற்றோர் பிரதிநிதியாக தேர்வு செய்யப்பட்டனர். அதேபோல் உள்ளாட்சி பிரதிநிதிகள் சார்பில் துணை மேயர் பாலசுப்ரமணியம், கவுன்சிலர் திவாகரன், ஆசிரியர் பிரதிநிதியாக ஆசிரியை சர்வேஸ்வரி, தன்னார்வ அமைப்பின் சார்பில் நீலவேணியும் மற்றும் மகளிர் சுய உதவிகுழு சார்பில் உறுப்பினராக கவிதா தேவி என 20 பேர்கள் கொண்ட குழுவினர் தேர்வு செய்யப்பட்டனர்.

இதனையடுத்து நடந்த தலைவர், துணைத்தலைவர் தேர்தலில் தலைவராக மகேஸ்வரியும், துணைத்தலைவராக ரத்னாவும் ஒரு மனதாக தேர்வு செய்யப்பட்டனர். பின்னர் உறுப்பினர்களுக்கு சான்றிதழ் வழங்கப்பட்டு பள்ளி வளாகத்தில் முதல் கூட்டம் நடந்தது. இதில் அரசு சார்பில் ஆசிரியர்கள் நியமிக்கும் வரை பெற்றோர் ஆசிரியர் சங்கத்தின் மூலமும், பள்ளி மேலாண்மை குழு மூலமும் தற்காலிக ஆசிரியர்களை நியமித்து மாணவர்களின் கல்வி மேம்பாட்டிற்கான செயல்கள் முன்னெடுப்பது என முதல் தீர்மானம் நிறைவேற்றப்பட்டது. அடுத்த கூட்டம் வருகிற 15ந் தேதி ( வெள்ளிக்கிழமை ) நடக்க உள்ளதாக அறிவிக்கப்பட்டுள்ளது. பின்னர் பள்ளி மேலாண்மைக்குழுவின் முதல் நிகழ்ச்சியாக பள்ளி வளாகத்தில் தலைவர் மகேஸ்வரி தலைமையில் மரக்கன்றுகள் நடப்பட்டது.

வேலூர்:

வேலூர் மாவட்டத்திலுள்ள 8 ஒன்றியங்களில் 13 அரசு உயர்நிலைப் பள்ளிகள் மற்றும் 71 அரசுமேல் நிலைப் பள்ளிகளில் பள்ளி மேலாண்மை குழு மறு கட்டமைப்பிற்கான தேர்தல் நடைப்பெற்றது.

மேலாண்மை குழுவானது மாணவர்களின் கல்வி தரத்தை மேம்படுத்துவதற்காகவும் . மாணவர்களின் ஒழுக்கத்தை சிறப்பான முறையில் கடைபிடிப்பதற்காகவும் பள்ளிகளின் உள்கட்டமைப்பு வசதிகளை மேப்படுத்தவும் பள்ளி மேலாண்மை குழு அமைக்கப்பட்டது.

ஆசிரியர்கள் . மாணவர்களின் தேர்ச்சி விகிதத்தை மேம்படுத்த சிறப்பான முறையில் பயிற்சி அளிக்க வேண்டும் . மேலும் பள்ளிகளில் மாணவர்களுக்கு சிறப்பான முறையில் விளையாட்டு பயிற்சியும் அளிக்க வேண்டும்.

கழிவறை வசதி , காற்றோட்டமான வகுப்பறைகள் சுற்றுப்புறசு நூய்மை , மரம் வளர்ப்பது மின்சார வசதி போன்ற அடிப்படை வசதிகளை பள்ளிகளில் ஏற்படுத்த வேண்டும் . பெற்றோர்கள் மாணவர்களினுடைய கல்வி நலனை கருத்தில் கொண்டு மாதம் ஒருமுறை அந்தந்த வகுப்பு ஆசிரியர்களுடன் நேரடி தொடர்பில் இருக்க வேண்டும்.

நமது வேலூரி மாவட்ட பள்ளிக் கல்வித் துறையை சிறப்பான தேர்ச்சி விகிதங்களை தந்து வேலூரி மாவட்டத்தை முன்னோடி மாவட்டமாக கொண்டு வர வேண்டும் என்று பெற்றோராளையும் ஆசிரியர்களையும் கேட்டுக்கொண்டு பெற்றோர்களின் குறைகளை கேட்டறிந்து பெற்றோர்களுடன் மாவட்ட ஆட்சித்தலைவர் அவர்கள் கலந்துரையாடினார். மேலும் பள்ளி மேலாண்மைக்குழு தலைவர் மற்றும் துணை தலைவரிகளுக்கான நியான உத்தரவுகளை கலெக்டர் குமாரவேல் பாண்டியன் வழங்கினார்.

நிகழ்ச்சியில் முதன்மைக் கல்வி அலுவலர் முனுசாமி. உதவி திட்ட அலுவலர் மகாலிங்கம் மற்றும் மாவட்ட ஒருங்கிணைப்பாளர்கள் பெற்றோர்கள் , ஆசிரியர்கள் கலந்து கொண்டனர்.