ஐசிசி டி 20 உலகக் கோப்பை ஆசியா பி தகுதிச் சுற்று போட்டிகள் மலேசியாவில் நடைபெற்று வருகிறது. முதல் போட்டியில் மலேசியா மற்றும் சீனா மோதின. இதில் டாஸ் வென்ற சீன அணி முதலில் பேட்டிங்கை தேர்வு செய்தது.
அதன்படி களமிறங்கிய சீன அணி 11.2 ஓவரில் அனைத்து விக்கெட்டுகளையும் இழந்து 23 ரன்கள் எடுத்தது. இதில் 6 வீரர்கள் ரன் ஏதும் எடுக்காமலே அவுட் ஆகினர். மலேசிய அணி தரப்பில் சையார்சுல் இசாட் 7 விக்கெட்டுகளை கைப்பற்றினார். இதனையடுத்து களமிறங்கிய மலேசிய அணி 4.5 ஓவரில் 2 விக்கெட்டுகளை மட்டுமே இழந்து 24 ரன்கள் எடுத்து 8 விக்கெட்டுகள் வித்தியாசத்தில் வெற்றி பெற்றது.
மலேசிய வீரர் சையார்சுல் இசாட் 7 விக்கெட்டுகளை கைப்பற்றியதன் மூலம் சர்வதேச டி20 போட்டியில் முதல் முறையாக 7 விக்கெட்டுகளை வீழ்த்திய வீரர் என்ற சாதனையை இவர் படைத்துள்ளார்.
