நீங்கள் தேடியது "ஜி.எஸ்.டி."

டெல்லியில் நடந்த ஜி.எஸ்.டி. கவுன்சில் கூட்டத்தில் சினிமா டிக்கெட் கட்டணம் மீதான வரி விகிதம் இருவகையாக குறைக்கப்பட்டது.

ரூ.100 வரையிலான டிக்கெட் கட்டணம் மீதான வரி 18 சதவீதத்தில் இருந்து 12 சதவீதமாகவும், ரூ.100-க்கும் கூடுதலாக உள்ள சினிமா டிக்கெட் கட்டணம் மீதான வரி 28 சதவீதத்தில் இருந்து 18 சதவீதமாகவும் குறைக்கப்பட்டது.

இந்த வரி குறைப்பு இன்று முதல் அமலுக்கு வந்தது. இதையடுத்து சென்னையில் உள்ள அனைத்து சினிமா தியேட்டர்களிலும் டிக்கெட் கட்டணம் குறைந்தது.

அதன்படி முதல் வகுப்பு கட்டணம் ரூ.190.78 ஆகவும், 2-ம் வகுப்பு கட்டணம் ரூ.60.12 ஆகவும் குறைக்கப்பட்டது.

சென்னையில் பிற இந்தி மொழி படங்கள் திரையிடும் தியேட்டர்களில் முதல்வகுப்பு கட்டணம் ரூ.202.84 ஆகவும் 2-ம் வகுப்பு கட்டணம் ரூ.63.73 ஆகவும் குறைக்கப்பட்டுள்ளது.

ஆங்கிலப் படங்கள் திரையிடப்படும் தியேட்டர்களில் முதல் வகுப்பு கட்டணம் ரூ.211.46 ஆகவும், 2-ம் வகுப்பு கட்டணம் ரூ.66.30 ஆகவும் குறைக்கப்பட்டுள்ளது.

கட்டண குறைப்புக்கு ஏற்றவாறு ஆன்லைனிலும் கட்டண விகிதம் மாற்றி அமைக்கப்பட்டுள்ளதாக தியேட்டர் உரிமையாளர்கள் தெரிவித்தனர். #GST #CinemaTicketPrice

சாம்சங் நிறுவன மின்சாதனங்களின் விலை ஜி.எஸ்.டி. வரிமுறைக்கு ஏற்ப குறைக்கப்படுவதாக அந்நிறுவனம் அறிவித்துள்ளது. அதன்படி சாம்சங் நிறுவனத்தின் புதிய அறிவிப்பை தொடர்ந்து தேர்வு செய்யப்பட்ட டிவி மாடல்கள், குளிர்சாதன பெட்டிகள் மற்றும் வாஷிங் மெஷின் போன்றவற்றின் விலை குறையும். மேலும் இந்த விலை குறைப்பு இன்று முதல் அமலாகும் என்றும் அறிவிக்கப்பட்டுள்ளது.

புதிய விலை குறைப்பு காரணமாக சாதனங்களின் விற்பனை வரவிருக்கும் பண்டிகை காலத்தில் அதிகரிக்கும் என சாம்சங் நம்பிக்கை தெரிவித்திருக்கிறது. ஜி.எஸ்.டி. வரிமுறை அமலானதை தொடர்ந்து பயனர்களுக்கு முழு பலன்களை வழங்குவதில் மகிழ்ச்சியடைகிறோம் என சாம்சங் நிறுவன மூத்த துணை தலைவர் ராஜீவ் புட்டானி தெரிவித்தார்.

அரசின் முடிவுக்கு முழுமையாக கட்டுப்பட்டு பயனர்களுக்கு முழு பலன்களை வழங்க சாம்சங் தயாராக இருக்கிறது. மேலும் இதன் மூலம் நுகர்வோர் மின்சாதனங்களுக்கான தேவை பண்டிகை காலத்தில் அதிகரிக்கும் என நம்புவதாக அவர் மேலும் தெரிவித்தார். கடந்த வாரம் ஜி.எஸ்.டி. கவுன்சில் மின்சாதனங்களுக்கான வரியை 28% இல் இருந்து 18% ஆக குறைத்தது.

அதன்படி வாக்யூம் க்ளீனர்கள், வாஷிங் மெஷின்கள், 27 இன்ச் டிவி, குளிர்சாதன பெட்டி, லாண்டரி மெஷின்கள், பெயின்ட், ஹேர் டிரையர்கள், கிரைன்டர்கள் மற்றும் வார்னிஷ் உள்ளிட்டவற்றின் விலை குறைக்கப்படுகிறது.

எல்ஜி. பானாசோனிக் மற்றும் கோத்ரேஜ் போன்ற நிறுவனங்கள் ஏற்கனவே புதிய வரிமுறையின் கீழ் சாதனங்களின் விலையை குறைத்துவிட்டன. அதன்படி பல்வேறு சாதனங்களின் விலை 7 முதல் 8 சதவிகிதம் வரை குறைக்கப்பட்டுவிட்டது. 

நெல்லை:

பாரதிய ஜனதா கட்சியின் மாநில தலைவர் தமிழிசை சவுந்தர்ராஜன் நெல்லையில் நிருபர்களிடம் கூறியதாவது:-

இன்று ஜி.எஸ்.டி. அமல்படுத்தப்பட்ட நாள். இதை பா.ஜனதா கட்சி மட்டுமல்ல. மக்களே கொண்டாடுகிறார்கள். 133 நாடுகளில் இருக்கும் இந்த மாபெரும் திட்டத்தை நமது நாட்டில் நடைமுறைப்படுத்தி மோடி வெற்றி கண்டுள்ளார்.

ஜி.எஸ்.டி. மூலமாக நிர்ணயிக்கப்பட்ட இலக்கையும் தாண்டி ஒரு லட்சம் கோடி அதிகமாக அரசுக்கு வருவாய் கிடைத்துள்ளது. மாநிலங்களுக்கு வரும் வருவாய் தாமதமாகும் என்பது தவறான கருத்து. பெட்ரோல், டீசல் விலையை ஜி.எஸ்.டி.க்குள் கொண்டு வர முயற்சி மேற்கொள்ள வேண்டும். ஜி.எஸ்.டி. காரணமாக பொருட்களின் விலை குறைய ஆரம்பித்துள்ளது. ஜி.எஸ்.டி.க்கு நிர்ணயிக்கப்பட்டுள்ள விகிதாசாரங்கள் படிப்படியாக குறைக்கப்படும்.

தமிழகத்தில் 5 லட்சம் பேருக்கு ஒரு உள்ளாட்சி குழு இருக்க வேண்டும். ஆனால் தற்போது உள்ளாட்சி தேர்தல் நடத்தப்படாததால் திட்டப்பணிகள் பாதிக்கப்பட்டுள்ளது. எனவே தமிழகத்தில் உள்ளாட்சி தேர்தலை விரைவாக நடத்த வேண்டும்.

இவ்வாறு தமிழிசை சவுந்தர்ராஜன் கூறினார். #tamilisai #gst