நீங்கள் தேடியது "பிடமனேரி ஏரி"

தருமபுரி, 

தருமபுரி மாவட்டம், இலக்கியம்பட்டி ஊராட்சியில் 15 வார்டுகள் உள்ளது. மேலும் பிடமனேரி, வி.ஜெட்டிஅள்ளி, மாந்தோப்பு, நெல்லிநகர் உள்ளிட்ட பகுதிகளில் சுமார் 65 ஆயிரத்திற்கும் மேற்பட்ட மக்கள் வசித்து வருகின்றனர். இந்த ஊராட்சியில் முக்கிய நீர் ஆதாரமாக இலக்கியம்பட்டி ஏரி, பிடமனேரி ஏரி ஆகிய 2 ஏரிகள் இருந்து வருகிறது. பிடமனேரி ஏரி 40 ஏக்கர் பரப்பளவில் உள்ளது.

ஆண்டு தோறும் அரசுக்கு மீன் பாசி விற்பனையில் ரூ.15 லட்சத்திற்கு மேல் வருவாயை ஈட்டி தரும் இந்த ஏரி ஆகாயத்தாமரை நிறைந்து காணப்பட்டது. ஏரி மாசுபட்டு உள்ளதால் மீன்கள் செத்து துர்நாற்றம் வீசி வீசியது. இதனால் நோய் தொற்று பரவும் அபாயம் ஏற்பட்டுள்ளது. ஏரிக்கரையின் மீது தினமும் நடைபயிற்சி செய்து வரும் பொதுமக்கள் வயதான முதியவர்கள் மற்றும் அரசு ஊழியர்கள் மூக்கை பிடித்துக் கொண்டு முகம் சுளிக்கும் அவல நிலை ஏற்பட்டு வந்தது.

ஏரியை சுற்றி இருக்கும் பொது மக்களும் நோய்த் தொற்றுகளுக்கு உள்ளாகி அவதிபட்டு வந்தனர். இதனை சமூக ஆர்வ லர்களும் பொதுமக்களும் ஏரியில் உள்ள ஆகாயத்தா மரைகளை அகற்றி ஏரியில் கழிவுநீர் கலக்காமல் மாற்று வழியில் கால்வாய் அமைத்து அதன் வழியாக கழிவுநீர் செல்ல நடவடிக்கை மேற் கொள்ள வேண்டும். மேலும் ஏரியை தூய்மைப் படுத்தி அழகு படுத்த வேண்டும் என்று கோரிக்கை விடுத்த செய்தி மாலைமலர் நாளிதில் வந்ததை அடுத்து 2 நாட்களாக பொக்லைன் எந்திரம் மூலம் தரையில் இருந்தவாறு ஆகாயத்தாமரையை அகற்றும் பணி தீவிரமாக நடந்து வருகிறது.

தருமபுரி,

தருமபுரி மாவட்டத்தில் தொடர்ந்து 3 நாட்களாக கன மழை பெய்து வருகிறது. குறிப்பாக இரவு நேரங்களில் இடியுடன் கூடிய கனமழை பெய்து வருகிறது. இந்த மழையால் தருமபுரி மாவட்டத்தில் பெரும்பா–லான ஏரி, குளங்கள் நிறைந்து வருகின்றன.

இந்நிலையில் தருமபுரி ஒன்றியத்திற்கு உட்பட்ட பிடமனேரி ஏரியில் 2 நாட்களாக பெய்து வரும் கனமழையால் ஏரி நிறைந்து உபரி நீர் வெளியேறி வருகிறது.

இதேபோல் கடந்த கடந்த காலங்களில் பெய்த மழை–யால் ஏரி நிறைந்து ஏரியில் இருந்து வெளியேறும் உபரி நீர் கால்வாய் ஆக்கிரமிப்–பால் விவசாய நிலங்க–ளுக்குள் தண்ணீர் புகுந்து பயிர்கள் நாசமானது.

மாவட்ட நிர்வாகம் உத்தரவின் பெயரில் வட்டார வளர்ச்சி அலுவ–லர்கள் உபரி நீர் வெளியே–றுவதற்கு கால்வாய் அமைத்தனர். மேலும் உபரி நீர் கால்வாயை சிமெண்ட் கால்வாயாக மாற்றி அமைக்க விவசாயிகள் கோரிக்கை வைத்தனர்.

இதுவரை அதிகாரிகள் நடவடிக்கை மேற்கொள்ளா–ததால் உபரி நீர் கால்வாய்–கள் மண் சரிந்து ஆங்காங்கே மழை நீர் செல்வதற்கு வழியின்றி தடைபட்டுள்ள–தால் மழை நீரானது தற்போது பிடமனேரி பகுதி–யில் உள்ள விவசாய நிலங்க–ளில் புகுந்து பயிர்கள் நாசமாகி உள்ளது. மேலும் அப்பகுதியில் உள்ள குடியிருப்பு பகுதிகள் தொழிற்சாலை–களுக்குள்–ளும் மழை நீர் புகுந்துள்ளது.

மேலும் ஏரியிலிருந்து ஜிலேபி, கட்லா, ரோகு, பொட்லா, உள்ளிட்ட பல வகையான மீன்கள் ஏரியின் உபரி நீர் செல்லும் ஏரிகோடி வழியாக வெளியேறி வயல்களில் புகுந்ததால் 2 நாட்களாக பொதுமக்கள் ½ கிலோ முதல் 4 கிலோ எடையுள்ள மீன்களை பிடித்து வருகின்றனர்.

இதுகுறித்து இலக்கியம்–பட்டி பஞ்சா–யத்து பிடம–னேரி பகுதியில் உள்ள 4-வது வார்டு கவுன்சிலர் மற்றும் விவசாயிகள் கூறும்போது:-

தருமபுரி கடந்த2 நாட்களாக பெய்து வரும் தொடர் மழையால் 40 ஏக்கர் பரப்பளவில் உள்ள பிடமனேரி ஏரிக்கு நீர்வரத்து அதிகரித்து ஏரி நிறைந்தது. இதில் இருந்து 2 நாட்களாக உபரி நீர் ஏரிக்கோடி வழியாக வெளி–யேறி வருகிறது. கடந்த 3 வருடங்களுக்கு முன்பு வட்டார வளர்ச்சி அலு–வலர்கள் ஜே.சி.பி. எந்திரம் மூலம் தற்காலிகமாக ஆக்கிர–மிப்புகளை அகற்றி கால்வாயை தூர்வாரி உபரிநீர் செல்வதற்கு வழிவகை செய்யப்பட்டது.

இந்த கால்வாய் வழியாக ஏரியின் உபரி நீர் நிரந்த–ரமாக வெளியேறுவதற்கு கால் வாயை சிமெண்ட் கால்வாயாக மாற்றி அமைக்க வேண்டும் என்று மாவட்ட நிர்வாகத்திடமும் மனு கொடுத்து முறையிட்டும் இதுவரை எந்த நடவடிக்கையும் எடுக்கவில்லை. பிடமனேரி ஏரிக்கு கீழ்பகுதியில் 50க்கும் மேற்பட்ட ஏக்கரில் விவசாயிகள் ஏக்கருக்கு 40,000 செலவு செய்து நெல் பயிர் நடவு செய்துள்ளனர். தற்பொழுது ஏரியிலிருந்து வெளியேறும் உபரினரால் நெற்பயிர்கள் தண்ணீர் நிறைந்து நாசமாகி உள்ளது. மாவட்ட நிர்வாகம் உடனடியாக உபரி நீர் செல்லு கால்வாயை தூர்வார நடவடிக்கை எடுக்க வேண்டும் மேலும் விவசாயிகளுக்கு இழப்பீடாக நிவாரணம் வழங்க வேண்டும் என கோரிக்கை வைத்தனர்.

 தருமபுரி,

தருமபுரி நகரின் மையப்பகுதியில் வரலாற்று நினைவிடங்களில் ஒன்றாக உள்ளது பிடமனேரி ஏரி. தமிழ் மூதாட்டி அவ்வையார் தனது கைகளாலேயே இந்த ஏரியின் கரைகளை மண் அள்ளி பூசி கட்டினார் என்கிறது முன்னோர்களின் வரலாற்று சுவடுகள்.

கடந்த 10 வருடங்குளுக்கு முன்பாக கூட தருமபுரி நகரின் குடிநீர் தேவையை போக்கும் முக்கிய நீராதாரங்களில் ஒன்றாக விளங்கிய பிடமனேரி ஏரி தற்போது காண்போரின் கண்களிலிருந்து நீரை வரவைக்கும் நிலையில் பாழ்பட்டு கிடக்கிறது.

ஏரியை சுற்றிலும் குப்பைகள் கொட்டப்பட்டு கொஞ்சம் கொஞ்சமாக ஏரியின் அளவு சுருங்கி வருகிறது. கட்டிட கழிவுகள், பழைய வீட்டு உபயோக பொருட்கள், குப்பைகூளங்கள் கொட்டப்பட்டு ஏரியின் அளவும் சுருங்கி வருகிறது.

நகராட்சி ஊழியர்களே சில நேரங்களில் இந்த ஏரியின் கரையோரம் குப்பைகளை போட்டு எரிப்பதாக சமூக ஆர்வலர்கள் வேதனையுடன் தெரிவிக்கின்றனர்.

மேலும் ஏரியை சுற்றி பெருகிவிட்ட குடியிருப்புகள் காரணமாக கழிவு நீரும் ஏராளமாக ஏரியில் கலந்து வருகிறது. இதனால் தற்போது ஏரியில் உள்ள நீரின் நிறமே கருப்பாக மாறிவிட்டதுடன் அப்பகுதியை கடந்து செல்ல முடியாத அளவுக்கு துர்நாற்றமும் வீசுகிறது.

மேலும் வியாதிகளை பரப்பும் கொசுக்களின் உற்பத்தி தலமாகவும் மாறிவிட்டது. கடந்த ஆண்டு நகராட்சி நிர்வாகம் மூலம் இந்த ஏரியை தூய்மைப்படுத்தும் விதமாக சில பணிகள் நடந்தன.ஆனால் அதற்குண்டான முழுமையான பயன் கிடைக்கவில்லை என்று அப்பகுதியை சேர்ந்தவர்கள் கூறுகின்றனர்.

இப்போது ஏரி தன் பழைய நிலையை அடைந்தால் கூட சுமார் 10-க்கும் மேற்பட்ட பகுதிகளுக்கு குடிநீர் வழங்க முடியும் என்று கூறும் பொதுமக்கள் பிடமனேரி ஏரியை தூர்வாரி சீரமைத்து தருமாறு கோரிக்கை விடுக்கின்றனர்.