நீங்கள் தேடியது "தீவிர வாகன சோதனை"

ஈரோடு:

கள்ளக்குறிச்சி மாவ ட்டத்தில் கள்ளச்சாராயம் அருந்தி இதுவரை 33 பேர் உயிரிழந்துள்ளனர். மேலும் நூற்றுக்கணக்கானவர்கள் கள்ளக்குறிச்சி, விழுப்புரம், சேலம், புதுச்சேரி போன்ற மருத்துவமனையில் சிகிச்சை பெற்று வருகின்றனர்.

இதன் எதிரொலியாக தமிழகம் முழுவதும் போலீ சார் உஷார் படுத்தப்பட்டு தீவிர கண்காணிப்பில் ஈடு பட்டு வருகின்றனர். ஈரோடு மாவட்ட போலீஸ் சூப்பி ரண்டு ஜவகர் உத்தரவின் பேரில் மதுவிலக்கு டி.எஸ்.பி சண்முகம் தலைமையில் மாவட்டம் முழுவதும் போலீசார் தீவிர கண்காணிப்பில் ஈடுபட்டு வருகின்றனர்.

மதுவிலக்கு அமலாக்க துறை டி.எஸ்.பி சண்முகம் தலைமையில் 20-க்கும் மேற்பட்ட போலீசார் டாஸ்மாக் கடைகளை சோத னையிட்டனர். ஈரோடு மாநகராட்சியின் பல்வேறு பகுதிகளில் போலீசார் தீவிர வாகன சோதனையில் ஈடுபட்டு வருகின்றனர்.

கருங்கல்பாளையம் சோதனை சாவடியில் இரவு முதல் காலை வரை விடிய விடிய வாகன சோதனை நடைபெற்றது. வெளியூர் ஊரிலிருந்து ஈரோடுக்கு வரும் வாகனங்கள் சோதனை செய்யப்பட்டு அதன் பிறகே உள்ளே அனு மதிக்கப்பட்டு வருகின்றன. இதேபோல் மூலப்பட்டறை, பஸ் நிலையம், வீரப்பன்ச த்திரம் போன்ற பகுதிகளிலும் வாகன சோதனை நடைபெற்றது.

இதேபோல் கோபி, அந்தியூர், பவானி, சத்தியம ங்கலம், பெருந்துறை, மொட க்குறிச்சி, கொடுமுடி போன்ற பகுதிகளிலும் போலீசார் வாகன சோதனையில் ஈடுபட்டு வருகின்றனர். விடிய விடிய நடந்த சோதனை இன்று காலையிலும் தொடர்ந்து நடந்து வருகிறது. 

தருமபுரி,

திருவண்ணாமலையில் நேற்று ஒரே இரவில் 4 ஏடிஎம் எந்திரத்தை உடைத்து பணத்தை மர்ம நபர்கள் கொள்ளை அடித்து சென்றுள்ளனர்.

இந்த கொள்ளை சம்பவத்தில் ஈடுபட்டவர்களை பிடிக்க போலீசார் தீவிரம் காட்டி வருகின்றனர். அந்த வகையில் திருவண்ணாமலை மாவட்டத்தை ஒட்டியுள்ள தருமபுரி, கிருஷ்ணகிரி மாவட்டங்களில் போலீசார் இன்றுகாலை முதல் தீவிர வாகன சோதனையில் ஈடுபட்டுள்ளனர்.

தருமபுரி, கிருஷ்ணகிரி மாவட்டங்களில் மாவட்ட எல்லை மற்றும் அனைத்து போலீஸ் நிலைய பகுதிகளுக்கு உட்பட்ட பகுதிகளில் போலீசார் தீவிர வாகன சோதனை நடத்தி வருகின்றனர்.

மாவட்டங்களில் முக்கிய இடங்களில் தடுப்பு அமைத்து பைக், கார் போன்ற வாகனங்களில் வருபவர்களை தடுத்து நிறுத்தி சோதனைக்கு பிறகே அனுமதிக்கின்றனர்.

விழுப்புரம்:

திண்டிவனம் மற்றும் அதனைச் சுற்றியுள்ள பல்வேறு பகுதிகளில் போதை ஊசிகள் மற்றும் போதை மாத்திரைகளை சட்ட விரோதமாக விற்பனை செய்து வருவதாக மாவட்ட காவல் கண்காணிப்பாளர் ஸ்ரீநாதாவிற்க்கு கிடைத்த ரகசிய தகவலின் அடிப்படையில், திண்டிவனம் ஏ.எஸ்.பி அபிஷேக் குப்தா மேற்பார்வையில் தனிப்படைகள் அமைத்து குற்றவாளிகளை தேடும் பணியில் ஈடுபட்டனர். இந்நிலையில், இன்று போலீசார் மேம்பாலம் கீழ் பகுதியில் போலீசார் தீவிர வாகன சோதனையில் ஈடுபட்டுக் கொண்டிருக்கும் போது சந்தேகப்படும்படியாக நின்று கொண்டிருந்த ஒருவரை பிடித்து விசாரணை செய்தனர். அப்போது அவர் முன்னுக்கு பின் முரணாக பதில் அளித்ததால் காவல் நிலையம் அழைத்து வந்து விசாரணை செய்தனர். விசாரணையில் அவர்கள் செங்கல்பட்டு மாவட்டம் மதுராந்தகம் அருகே உள்ள சீதாராமன் கிராமம் பகுதியைச் சேர்ந்த வெங்கடேசன் (வயது 46) என்பதும், இவர் மெடிக்கல் கடை வைத்துள்ளார்.

மேலும் மொத்த மருந்து விற்பனை நிலையமு ம்வைத்துக்கொண்டு கொண்டு போதை ஊசிகள் மற்றும் மருந்துகளை திண்டிவனம் பகுதியில் விற்பனை செய்து வந்ததும் தெரிய வந்தது. மேலும் நேற்றுதிண்டிவனம் பகுதியில் போதை ஊசிகளை விற்பனை செய்வதாக கைது செய்யப்பட்ட விஜயகுமார் இவரது மெடிக்கலில் விற்பனை பிரதிநிதியாக வேலை பார்த்து வந்ததும் விசாரணையில் தெரிய வந்தது. இவர்கள் திண்டிவனம் மற்றும் சுற்றுப்புற பகுதிகளில் போதை மாத்திரைகள் மற்றும்போதை ஊசி விற்பனையில் ஈடுபட்டுவந்ததும் விசாரணையில் தெரிய வந்தது. இந்நிலையில் இவர்களிடம் இருந்து போதை மாத்திரை 600, ஊசி 10, மற்றும் குளுக்கோஸ் 10, ஆகியவற்றை பறிமுதல் செய்த போலீசார் இவர் மீது வழக்கு பதிவு செய்து மேலும் விசாரணை செய்து வருகின்றனர்.தகவல் அறிந்து திண்டிவனம் மற்றும் மயிலம் காவல் நிலையத்திற்கு விழுப்புரம் மாவட்ட எஸ்பி ஸ்ரீநாதா நேரடி விசாரணயில் ஈடுபட்டார்.ஏ.எஸ்.பி தனிப்படைக்கு எஸ்பி ஸ்ரீநாதா பாராட்டு தெரிவித்தார்