நீங்கள் தேடியது "கான்கிரீட் கலவை"

ராஜபாளையம்

ராஜபாளையம் மாடசாமி கோவில் ெதருவைச் சேர்ந்தவர் பரமகுரு (வயது 39). கட்டிட தொழிலாளியாக வேலை பார்த்து வந்தார்.

இந்த நிலையில் இவரது சகோதரிக்கு திருமண நிச்சயதார்த்த விழா ராஜபாளையம் அருகேயுள்ள சங்கரபாண்டியபுரம் கிராமத்தில் நேற்று நடைபெற்றது.

இதில் கலந்துகொள்வதற் காக பரமகுரு நேற்று சங்கர பாண்டியபுரம் சென்றிருந் தார். இதற்கிடையே காலையில் திறந்தவெளி கழிப்பி டத்தை நோக்கி உறவினரின் சைக்கிளை எடுத்துக் கொண்டு சென்றார்.

வழியில் வாகைக்குளம் கண்மாய் பகுதியில் புதிய பாலம் கட்டுமான பணிகள் நடைபெற்று வருகிறது. இதற்காக கான்கிரீட் கலவை எந்திரம் அங்கு வந்தது.

அப் போது எதிர்பாராதவித மாக பரமகுரு மீது அந்த வாகனம் மோதியது. இதில் லாரியின் டயருக்கு அடியில் சிக்கிக்கொண்ட பரமகுரு உடல் நசுங்கி பலியானார்.

இந்த விபத்து குறித்து பரமகுருவின் பெரியப்பா இருளப்பன் கொடுத்த புகாரின் பேரில் கீழராஜ குலராமன் போலீஸ் சப்-இன்ஸ்பெக்டர் லவகுசா வழக்குப்பதிவு செய்து, விபத்தை ஏற்படுத்தியதாக கலவை எந்திரத்தின் டிரைவர் என்.புதூரை சேர்ந்த பொம்முசாமியிடம் தீவிர விசாரணை நடத்தி வருகிறார்.

பல்லடம்:

பல்லடம் அருகே உள்ள பொங்கலூர் பெருந்தொழுவு நால்ரோடு பகுதியில் கான்கிரீட் கலவை கொண்டு சென்ற லாரியிலிருந்து ஏராளமான கான்கிரீட் கலவைகள் சாலையில் கொட்டியது. இதனை தொடர்ந்து அந்த பகுதியை சேர்ந்த பொதுமக்கள் லாரியை சிறை பிடித்தனர். இதுகுறித்து அவினாசிபாளையம் போலீசாருக்கு தகவல் அளிக்கப்பட்டது. இதையடுத்து சம்பவ இடத்திற்கு வந்த போலீசார் விதிமுறைகளை மீறி சாலையில் கான்கிரீட் கலவை சிந்திய லாரி நிறுவனத்திற்கு ரூ. 6 ஆயிரம் அபராதம் விதித்தனர். மேற்கொண்டு இதுபோன்று நடைபெற்றால் கடும் நடவடிக்கை எடுக்கப்படும் எனவும் எச்சரித்தனர்.

பல்லடம்:

பல்லடம் அருகே உள்ள பெருந்தொழுவு மற்றும் அதன் சுற்றுவட்டார பகுதிகளில் ரெடி மிக்ஸ் கான்கிரீட் கலவை தொழிற்சாலைகள் செயல்பட்டு வருகிறது. இங்கிருந்து கட்டுமானங்கள் நடைபெறும் கட்டிடங்களுக்கு லாரிகள் மூலம் ரெடிமிக்ஸ் கான்கிரீட் கலவை கொண்டு செல்லப்படுகிறது. இவ்வாறு கொண்டு செல்லப்படும் போது சாலைகளில் ஜல்லிக்கற்கள் சிதறுவதால் சாலைகளில் செல்வோர் சறுக்கி விழுந்து ஏராளமான விபத்துக்கள் நடைபெற்று வருகிறது.

இது குறித்து பொதுமக்கள் மற்றும் பல்வேறு அமைப்புகளை சேர்ந்தவர்கள் புகார் தெரிவித்து வந்தனர். இந்த நிலையில் பெருந்தொழுவு பகுதியில் உள்ள தனியார் திருமண மண்டபத்தில் ரெடி மிக்ஸ் கான்கிரீட் கலவை ஆலை உரிமையாளர்கள் மற்றும் லாரி டிரைவர்கள், அதிகாரிகள் கலந்துகொண்ட விழிப்புணர்வு கூட்டம் நடைபெற்றது. இந்த கூட்டத்திற்கு அவினாசிபாளையம் போலீஸ் இன்ஸ்பெக்டர் கணேசன் தலைமை தாங்கினார். பெருந்தொழுவு ஊராட்சி தலைவர் ரவிச்சந்திரன், தொங்குட்டிபாளையம் ஊராட்சி தலைவர் பிரியா நடராஜன் முன்னிலை வகித்தனர்.

இந்த கூட்டத்தில் போலீஸ் இன்ஸ்பெக்டர் கணேசன் பேசும்போது, ரெடி மிக்ஸ் கான்கிரீட் உரிமையாளர்கள் மற்றும் லாரி டிரைவர்கள் இந்த பிரச்சனையில் மிகுந்த கவனம் செலுத்த வேண்டும். ஜல்லிக்கற்கள் சாலையில் சிதறுவதால் வாகன ஓட்டிகளுக்கு விபத்து ஏற்படுகிறது. இனிமேல் இதுபோன்று சாலையில் ஜல்லிக்கற்கள் சிதறுவது நடைபெற்றால் ரெடிமிக்ஸ் கலவை ஆலை உரிமம் ரத்து செய்ய நடவடிக்கை எடுக்கப்படும்.

எனவே இனிமேல் ரெடிமிக்ஸ் கலவைகள் சாலையில் சிதறாதவாறு பார்த்துக் கொள்ள வேண்டும். இவ்வாறு அவர் தெரிவித்தார். இந்த கூட்டத்தில் நெடுஞ்சாலை துறை ஆய்வாளர், ஊராட்சி துணைத் தலைவர்கள் சிவகாமி ராஜேஷ்குமார், பத்மாஆனந்த் உள்பட பலர் கலந்து கொண்டனர்.