நீங்கள் தேடியது "செம்பாக்கம் ஏரி"

செங்கல்பட்டு:

சென்னை புறநகரில் பயன்பாட்டில் இல்லாத கல்குவாரி தண்ணீர் மற்றும் ஏரி, குளங்களின் தண்ணீரை சுத்திகரித்து குடிநீருக்கு கொண்டு வர திட்டங்கள் தீட்டப்பட்டு வருகிறது. இந்த நிலையில் ஏரிகள் நிறைந்த செங்கல்பட்டு மாவட்டத்தில் குடிநீர் ஆதாரத்தை அதிகரிக்க மாவட்ட நிர்வாகம் தன்னார்வ அமைப்பினருடன் இணைந்து திட்டமிட்டு உள்ளது.

இதையொட்டி மாவட்டத்தில் உள்ள சுமார் 1000 நீர்நிலைகளை முதல் கட்டமாக அடையாளம் காணப்பட்டு உள்ளது. இதில் பெரும்பாலன ஏரி, குளங்கள் ஆக்கிரமிப்பு மற்றும் தூர்வாராமல் அப்படியே உள்ளன. இதையடுத்து அந்த நீர்நிலைகள் அனைத்தையும் படிப்படியாக சீரமைப்பு செய்து குடிநீர் மற்றும் பிற தேவைகளுக்கு பயன்பாட்டிற்கு கொண்டு வர பணிகள் தொடங்கப்பட்டுஉள்ளன. இதில் கீழ்கட்டளை, ஒட்டியம்பாக்கம், திருப்போரூர் அருகே உள்ள செம்பாக்கம் ஏரி, வளையபு தூர்ஏரி, மேல்மருவத்தூர் அருகே உள்ள பொலம்பாக்கம் ஏரி உள்ளிட்ட பகுதிகளில் சீரமைப்பு பணிகள் நடைபெற உள்ளது.

இதுகுறித்து அதிகாரிகள் கூறும்போது, கிராமப்புறங்களில் உள்ள சிறிய குளங்களை தூர்வாருவதும், புறநகர் பகுதிகளில் நீர்நிலை ஆக்கிரமிப்பு பெரும் சவாலாக உள்ளது. சில பெரிய ஏரிகளில் மதகுகள் பிரச்சினை உள்ளது. இதனை சீரமைக்க தன்னார்வ தொண்டு நிறுவனங்களுக்கு கோரிக்கை விடுக்கப்பட்டுள்ளது. நீர்நிலைகளை மீட்டெடுப்பதே தற்போதைய இலக்கு. திருநீர்மலை போன்ற சில ஏரிகளை குடிநீர் ஆதாரமாக மாற்றுவதற்கு வாய்ப்பு உள்ளது. கீழ்கத்தளை ஏரியில் சட்டவிரோதமாக தண்ணீர் எடுக்கும் இடங்கள் கண்டறியப்பட்டுள்ளன.

ஏரி, குளங்களுக்க எல்லை நிர்ணயம், பாதைகளை உருவாக்குதல், குப்பை கொட்டுவதைத் தடுக்க சுற்றுச்சுவர் கட்டுதல் உள்ளிட்ட பணிகள் நடைபெற்று வருகின்றன. மேடவாக்கம் சந்திப்பு அருகே நீர்நிலையை சுத்தம் செய்து, சுற்றுச்சூழல் பூங்காவை உருவாக்கவும் திட்டமிட்டுள்ளோம் என்றார்.

சென்னை:

சென்னை தாம்பரம் செம்பாக்கம் ஏரியின் தன்மை குறித்து சென்னை ஐ.ஐ.டி. சார்பில் ஆய்வு நடத்தப்பட்டது. இந்த ஆண்டு நடத்தப்பட்ட ஆய்வின்படி செம்பாக்கம் ஏரியில் ஈயம், தாமிரம் மற்றும் குரோமியம் ஆகிய உலோக மாசுகள் அதிகமாக இருப்பது தெரிய வந்துள்ளது.

இது தொடர்பாக சுற்றுச் சூழல் அறிவியல் மற்றும் தொழில்நுட்ப சர்வதேச இதழில் வெளியிடப்பட்டு உள்ளது.

செம்பாக்கம் ஏரியில் அதிக அளவில் உலோக மாசுகள் இருப்பதால் இங்கு கழிவுநீர் வரத்து காணப்படுவதும், குப்பைகள் கொட்டப்படுவதும் தெரியவந்தது.

ஈயத்தில் அதிக நச்சுத் தன்மை உள்ளது. குழாய்களில் உள்ள அமைப்புகளில் சிதைவு ஏற்பட்டதன் காரணமாக ஈயம் தண்ணீரில் கலந்துள்ளது. ஆனால் ஈயம் குரோமியத்தை விட தாமிர மாசுக்களே அதிகம் காணப்படுகிறது. தாமிர மாசு ஏரிக்கு திறந்து விடப்படும் கழிவுநீரில் இருந்து வந்துள்ளது. மேலும் ஏரியில் அதிக அளவில் திடக்கழிவுகளை கொட்டியதால் குரோமியம் மாசு ஏற்பட்டுள்ளது. இந்த உலோக மாசு வானது ஏரி நீர் மற்றும் ஏரியில் உள்ள வண்டல் மண்ணில் கலந்துள்ளது. இந்த ஏரியில் கலந்துள்ள ஈய கழிவுகளால் ரத்த சோகை, உயர் ரத்த அழுத் தம், சிறுநீரக செயலிழப்பு, ஆண்மைக்குறைவு ஏற்படுகிறது.

தாமிர மாசுவால் கல்லீரல், சிறுநீரகம், இதயம், மூளை பாதிப்பு ஏற்படுகிறது. குரோமியம் மாசுவால் சுவாச பிரச்சினைகள், கண் எரிச்சல், தோல் புண்கள் போன்றவை ஏற்படுகிறது. இந்த ஏரியில் உள்ள செடிகளின் வேர்களில் தண்ணீர் மற்றும் வண்டல் மண்ணில் இருப்பதை விட 1000 மடங்கு உலோக மாசு படிந்துள்ளது. மேலும் 24 இடங்களில் இருந்து கழிவுநீர் வருகிறது. இதுகுறித்து பேராசிரியர் ஒருவர் கூறுகையில், "செம்பாக்கம் ஏரிக்கு வரும் கழிவுநீரை சுத்திகரிக்கும் திட்டம் உள்ளது. ஆனால் இதற்கு ஒரு வருடம் ஆகும். எனவே அதுவரை நீர்வாழ் தாவரங்கள் மூலம் மாசுவை குறைக்க நடவடிக்கை எடுக்க வேண்டும்" என்றார்.

தாம்பரம்:

தாம்பரம் மாநகராட்சிக்கு உட்பட்ட செம்பாக்கம் பகுதியில் ஏரி உள்ளது. சமீபத்தில் பெய்த மழை காரணமாக செம்பாக்கம் ஏிரயில் அதிக அளவு த்ணணீர் நிறைந்து காணப்படுகிறது.

இந்த நிலையில் அருகில் உள்ள குடியிருப்பு பகுதியில் இருந்து வெளியேறும் கழிவுநீர் நேரடியாக செம்பாக்கம் ஏரியில் கலந்து வருகிறது.

இதனால் ஏரி தண்ணீர் மாசு அடைந்து அதன் நிறம் மாறி வருகிறது. இதனால் அப்பகுயை சுற்றி உள்ள நிலத்தடி நீரின் தன்மைமாறி வருவதாக அப்பகுித மக்கள் குற்றம்சாட்டி வருகிறார்கள். இது குறித்து அப்பகுதி மக்கள் கூறும்போது, தாம்பரம், பல்லாவரம், சிட்லபாக்கம், அஸ்தினாபுரம் உள்ள பகுதிகளில் இருந்து வெளிேயறும் கழிவுநீர் செம்பாக்கம் ஏரியி்ல கலந்து வருகிறது. இதனால் ஏரியின் தண்ணீர் அதிக அளவு மாசு அடைந்து வருகிறது.

மேலும் ஏரியின் பரப்பளவு ஆக்கிரமிப்புகளில் சுருங்கி வருகிறது. ஏற்கனவே சென்னையில் கூவம், அடையாறு ஆறுகள் அதன் தன்மையை இழந்து விட்டன. தற்போது புறநகர் பகுதியில் உள்ள ஏரிகளும் அதிக அளவில் மாசு அடைந்து வருகின்றன. ஏரிகளை பாதுகாக்க அரசு நடவடிக்கை எடுக்க வேண்டும். தாம்பரம், குரோம்பேட்டை, பல்லாவரம், சேலையூர் பகுதிகளை இணைக்கும் வகையிலான பாதாள சாக்கடை திட்டம் செயல்படுத்தப்படாமல் உள்ளது. இதனை விரைந்து முடிக்க வேண்டும். கழிவுநீர் செம்பாக்கம் ஏரியில் கலப்பதை தடுக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

இவ்வாறு அவர்கள் கூறினார்.