நீங்கள் தேடியது "கட்டிட மேஸ்திரி சாவு"

போளூர்:

போளூர் பொன்னுசாமி தெருவை சேர்ந்தவர் விஷ்வா (வயது 25).கட்டிட மேஸ்திரி. இவர் தனது நண்பர்களான ஆகாஷ் (20) மற்றும் சஞ்சயுடன் (20) வேலை சம்பந்தமாக பைக்கில் தேவிகாபுரம் சென்றனர். வேலைகள் முடிந்து மீண்டும் போளூர் நோக்கி ஒரே பைக்கில் வந்து கொண்டிருந்தனர்.

மட்டபிரையூர் அருகே வரும் போது எதிரே வந்த டிராக்டரும் -பைக்கும் எதிர்பாராத விதமாக மோதிக்கொண்டன.

இதில் விஷ்வா உள்பட 3 பேர் படுகாயம் அடைந்தனர்.

காயம் அடைந்தவர்களை அந்த வழியாக சென்றவர்கள் மீட்டு திருவண்ணாமலை அரசு மருத்துவமனைக்கு அனுப்பி வைத்தனர்.

மேல் சிகிச்சைக்காக விஷ்வா உள்பட 2 பேரை வேலூர் அடுக்கம்பாறை அரசு மருத்துவமனைக்கு கொண்டு சென்றனர். அங்கு சிகிச்சை பலனின்றி விஷ்வா பரிதாபமாக இறந்தார்.

இது குறித்து போளூர் போலீசுக்கு தகவல் தெரிவிக்கப்பட்டது. சம்பவ இடத்திற்கு விரைந்து சென்ற போலீசார் விஷ்வா உடலை மீட்டு பிரேத பரிசோதனைக்காக அனுப்பி வைத்தனர் . மேலும் விபத்து குறித்து வழக்கு பதிவு செய்து விசாரணை நடத்தி வருகின்றனர்.

பென்னாகரம்,

தருமபுரி மாவட்டம், பென்னாகரம் அருகே பருவ தன அள்ளி ஊராட்சிக்கு உட்பட்ட காட்டுநாயக்கன அள்ளி பகுதியை சேர்ந்தவர் முருகேசன் (வயது50). கட்டிட மேஸ்திரியான இவர் தனது இருசக்கர வாகனத்தில் வேலைக்காக பருவதன அள்ளி பகுதியில் சென்று கொண்டிருந்தார். அப்போது பின்னால் வந்த இருசக்கர வாகனம் முருகேசன் மீது மோதியது.

இந்த விபத்தில் பலத்த காயமடைந்த முருகேசனை அக்கம்பக்கத்தினர் மீட்டு சிகிச்சைக்காக பென்னா கரம் அரசு தலைமை மருத்துவமனையில் சேர்த்தனர். அங்கு சிகிச்சை பலனின்றி முருகேசன் பரிதாபமாக உயிரிழந்தார்.

இதுகுறித்து பென்னா கரம் போலீசார் வழக்கு பதிவு செய்து விசார ணை மேற்கொண்டு வருகின்ற னர்.

தருமபுரி,

தருமபுரி மாவட்டம், பென்னாகரம் அருகே உள்ள சாணாரப்பட்டி பகுதியை சேர்ந்தவர் பழனிசாமி மகன் சசிகுமார் (வயது27). இவர் கட்டிட மேஸ்திரி.

இவர் கடந்த வாரம் திருப்பூர் பகுதியில் கட்டிட வேலை செய்துவிட்டு ஒரு வாரமாக சொந்த ஊரில் இருந்து வந்துள்ளார்.

இந்நிலையில் சம்பவத்தன்று சானரபட்டி அருகே உள்ள முத்து மாரியம்மன் கோவில் சாலையில் செல்லும் போது மண் சறுக்கி கீழே விழுந்ததில் தலைக்கு பலத்த காயம் ஏற்பட்டது.

அக்கம் பக்கத்தினர் இவரை மீட்டு பெரும்பாலை அரசு மருத்துவமனைக்கு அனுப்பி வைத்தனர். அங்கு சசிகுமார் சிகிச்சை பலனின்றி பரிதாபமாக உயிரிழந்தார்.

இது குறித்து பெரும்பாலை போலீசார் வழக்கு பதிவு செய்து விசாரணை மேற்கொண்டு வருகின்றனர்.

தருமபுரி,

கிருஷ்ணகிரி மாவட்டம், பாகலூர் பகுதியை சேர்ந்தவர் சீனிவாசன். இவரது மகன் கணேசன் (வயது19). இவர் கட்டிட மேஸ்திரியாக வேலை பார்த்து வந்தார்.

இந்த நிலையில் நேற்று மோட்டார் சைக்கிளில் இவர் காளேஸ்வரம் பகுதியில் சென்று கொண்டிருந்தார். அப்போது அந்த வழியாக வந்த கார் எதிர்பாராதவிதமாக இவர் மீது மோதியது.

இதில் படுகாயம் அடைந்த அவரை அக்கம்பக்கத்தினர் மீட்டு சிகிச்சைக்காக பாகலூர் அரசு மருத்துவமனையில் சேர்த்தனர். பின்னர் மேல் சிகிச்சைக்காக தருமபுரி அரசு மருத்துவக்கல்லூரி மருத்துவமனையில் சேர்க்கப்பட்டார். அங்கு சிகிச்சை பலனின்றி கணேசன் பரிதாபமாக உயிரிழந்தார்.

இது குறித்து பாகலூர் போலீசார் வழக்குபதிவு செய்து விசாரணை நடத்தி வருகின்றனர்.