நீங்கள் தேடியது "அஜித் பவார்"

 288 சட்டமன்ற தொகுதிகள் கொண்ட மகாராஷ்டிராவுக்கு வரும் நவம்பர் 20 ஆம் தேதி தேர்தல் நடைபெற உள்ளது. ஆளும் மாகாயுதி [பாஜக - அஜித் பவார் தேசியவாத காங்கிரஸ் - ஷிண்டே சிவசேனா] மற்றும் மகா விகாஸ் அகாதி [காங்கிரஸ் - சரத் பவார் தேசியவாத காங்கிரஸ் - உத்தவ் சிவசேனா] ஆகிய இரண்டு கூட்டணிகள் களத்தில் உள்ளன. இரு தரப்பு தேசிய தலைவர்களும் மகாராஷ்டிராவில் முகாமிட்டு தீவிர பிரசாரம் செய்து வருகின்றனர். 

பாஜக கூட்டணியில் உள்ள தேசியவாத தலைவர் மற்றும் மகாராஷ்டிர துணை முதல்வர் அஜித் பவார்ம், சரத் பவார் தலைவராக இருந்த தேசியவாத காங்கிரசை உடைத்து கடந்த 2023 இல் பாஜகவில் சேர்ந்தவர் ஆவார். தேசியவாத கட்சியின் கடிகார சின்னம் அஜித் பவார் வசமே உள்ளது.

இந்நிலையில் தற்போதைய சட்டமன்றத் தேர்தலில் மக்களை கவர சரத் பவாரின் புகைப்படம் உள்ளிட்டவரை அஜித் பவார் அணி பயன்படுத்துவதாக குற்றச்சாட்டு எழுந்தது. அஜித் பவார் அணி சமூக வலைத்தள பதிவுகள் உள்ளிட்டவற்றில் சரத் பவாரின் பழைய வீடியோக்களை பயன்படுத்தியுள்ளதாகக் குற்றச்சாட்டு எழுந்தது.

இதுதொடர்பாக சரத் பவார் அணி உச்சநீதிமன்றத்தில் புகார் மனு அளித்திருந்த நிலையில் அந்த மனு மீதான விசாரணை இன்று நடைபெற்றது. விசாரணையின்போது சரத் பவார் அணி தரப்பு வக்கீலின் வாதங்களை கேட்டறிந்த பின்னர், சரத்பவாரின் புகைப்படம், வீடியோவை பயன்படுத்தாதீர்கள் என்றும் சொந்த காலில் நிற்க கற்றுக்கொள்ளுங்கள் என்று அஜித் பவாருக்கு உச்சநீதிமன்றம் அறிவுரை வழங்கியுள்ளது.

அதானி குழுமத்தின் தலைவர் கெளதம் அதானி ஐந்து ஆண்டுகளுக்கு முன்பு பா.ஜ.க. மற்றும் தேசியவாத காங்கிரஸ் கட்சி (என்.சி.பி.) இடையே நடந்த அரசியல் பேச்சுவார்த்தையின் ஒரு பகுதியாக இருந்தார் என்று மகாராஷ்டிரா துணை முதலமைச்சர் அஜித் பவார் தெரிவித்துள்ளார். அந்த பேச்சுவார்த்தையின் முடிவில், அஜித் பவார் பா.ஜ.க.வில் இணைந்து, துணை முதல்வர் பதவியேற்றார்.

மகாராஷ்டிரா மாநிலத்தில் சட்டமன்ற தேர்தல் நடைபெற உள்ள நிலையில், செய்தியாளரிடம் பேசிய அஜித் பவார் 2019 ஆம் ஆண்டு நவம்பர் மாதம் பா.ஜ.க.வுடன் நடைபெற்ற சந்திப்புகள் குறித்து பேசினார்.

அப்போது, "ஐந்தாண்டுகள் ஆகிவிட்டது. கூட்டம் எங்கு நடந்தது என்பது அனைவருக்கும் தெரியும், இது டெல்லியில் ஒரு தொழிலதிபர் வீட்டில் நடந்தது. எல்லாருக்கும் தெரியும். இதெல்லாம் ஐந்து வருடங்களுக்கு முன்பு நடந்தது. ஆம், ஐந்து சந்திப்புகள் நடந்தன. எல்லோரும் அங்கே இருந்தார்கள்."

"மீண்டும் சொல்கிறேன். அமித் ஷா, கௌதம் அதானி, பிரபுல் படேல், தேவேந்திர ஃபட்னாவிஸ் மற்றும் சரத் பவார். எல்லோரும் அங்கே இருந்தார்கள். அங்குதான் எல்லாம் முடிவு செய்யப்பட்டது. ஆனால் பழி என் மீது விழுந்துள்ளது. நான் பழியை ஏற்றுக்கொண்டேன், மற்றவர்கள் பாதுகாப்பாக இருக்கட்டும்."

2019 ஆம் ஆண்டு நவம்பர் மாதம் பா.ஜ.க.-சிவசேனா கூட்டணி பிரிந்தபோது பாஜகவுடன் இணைந்து ஆட்சி அமைக்க என்.சி.பி.யை பிளவுபடுத்த முயன்றபோது தான் அஜித் தற்போது குறிப்பிடும் சந்திப்புகள் நடந்தன. அஜித் பவார் பல எம்.எல்.ஏ.க்களுடன் சேர்ந்து தேவேந்திர பட்னாவிஸ் தலைமையில் மகா விகாஸ் அகாடியை உருவாக்கினார்.

அந்த நேரத்தில், சரத் பவார் பா.ஜ.க.வில் சேர மறுத்ததால், பெரும்பான்மை எம்.எல்.ஏ.க்கள் என்.சி.பி. கட்சிக்குத் திரும்பிய பின்னர், அஜித் பவார் சுமாராக 80 மணி நேரம் துணை முதல்வராக இருந்தார். கடைசியில் ஜூலை 2023 இல் தான் அஜித் பவாரால் கட்சியைப் பிளவுபடுத்த முடிந்தது. அதன்பிறகு மஹாயுதியின் ஒரு பகுதியாக பா.ஜ.க. மற்றும் சிவசேனா கூட்டணியில் சேர்ந்தார்.

288 தொகுதிகளை கொண்ட மகாராஷ்டிர சட்டமன்றத்துக்கு வரும் நவம்பர் 20 ஆம் தேதி தேர்தல் நடைபெற உள்ளது. ஆளும் மாகாயுதி [பாஜக - அஜித் பவார் தேசியவாத காங்கிரஸ் - ஷிண்டே சிவசேனா] மற்றும் மகா விகாஸ் அகாதி [காங்கிரஸ் - சரத் பவார் தேசியவாத காங்கிரஸ் - உத்தவ் சிவசேனா] ஆகிய இரண்டு கூட்டணிகள் களத்தில் உள்ளன.

தேர்தல் பிரச்சாரம் சூடு பிடித்து வரும் நிலையில் பாஜக தேர்தல்களின்போது கையில் எடுக்கும் வழக்கமான அஸ்திரமான இந்துக்களே ஒன்றுபடுங்கள், தனித்தனியாகி இருந்தால் ஆபத்து என்ற உ.பி. முதல்வர் யோகி ஆதித்யனாத் வாசகத்தை தூக்கிப் பிடித்து பிரசாரம் செய்து வருகிறது.

இது இஸ்லாமியர்கள் உள்ளிட்ட சிறுபான்மையினர் மீது வெறுப்பை உண்டுபண்ணும் பிளவுவாத அரசியல் யுக்தி என எதிர்க்கட்சிகள் தொடர்ந்து விமர்சித்து வருகின்றன. சில நாட்கள் முன்னர் தூலேவில் நடந்த பிரசார கூட்டத்தில் பிரதமர் மோடியும் இந்த கோஷத்தை எழுப்பினார்.

இந்நிலையில் பாஜகவின் இந்த வாசகம் குறித்து அக்கட்சியின் கூட்டணியில் உள்ள தேசியவாத காங்கிரஸ் தலைவர் மற்றும் மகாராஷ்டிர துணை முதல்வர் அஜித் பவார் தற்போது விமர்சித்துள்ளார். சரத் பவார் தலைவராக இருந்த தேசியவாத காங்கிரசை உடைத்து கடந்த 2023 இல் பாஜகவுடன் சேர்ந்த அஜித் பவாருக்கு துணை முதல்வர் பதிவு வழங்கப்பட்டது.

இந்நிலையில் மக்களவை தேர்தலில் மகாராஷ்டிராவில் இந்தியா கூட்டணியிடம் பாஜக கூட்டணி அதிக இடங்களை இழந்ததால் கூட்டணியில் உள்ள அஜித் பவார் மீது அதிருப்தி எழுந்தது.

அதுமுதல் அவ்வப்போது அஜித் பவார் கூறி வரும் கருத்துக்கள் பாஜகவை மறைமுகமாக விமர்சிப்பதாக இருந்தன. இந்நிலையில் சட்டமன்றத் தேர்தலை ஒட்டி தனியார் செய்தி நாளிதழ் ஒன்றுக்கு அஜித் பவார் பேட்டியளித்துள்ளார்.

அங்கு, batenge toh katenge' [ நாம் பிரித்திருந்தால் நம்மை வெட்டுவார்கள்] , ek hain toh safe hain [ ஒருவராக இருந்தால் ஆபத்து - இருவராக இருந்தால்தான் பாதுகாப்பு] எனவே இந்துக்கள் ஒன்றுபட்டு இருக்கவேண்டும் என்ற செய்தித்தாள்களிலும் பிரசார மேடைகளிலும் பாஜக விளம்பரப்படுத்துவதைப் பற்றி அஜித் பாவரிடம் கேள்வி எழுப்பப்பட்டது.

இதற்கு பதிலளித்த அவர், நான் முதலில் இருந்தே அதை ஆதரிக்கவில்லை. பல முறை இதுபற்றி நான் கூறியிருக்கிறேன். மகாரஷ்டிராவில் இந்த வாசகங்கள் வேலைக்கு ஆகாது. உத்தரப் பிரதேசம், ஜார்கண்ட் உள்ளிட்ட பிற இடங்களில் வேண்டுமானால் இவை வேலை செய்யலாம் என்று தெரிவித்தார்.

முன்னதாக யோகி ஆதித்யநாத் கூறிய இந்த கோஷம் குறித்து செய்தியாளர்களிடம் பேசியிருந்த அஜித் பவார், மகாராஷ்டிரா சதிராபாத்தில் சிவாஜி மகாராஜ், ராஜார்ஷி சாஹு மகாராஜ், மகாத்மா பூலே ஆகியோரும் நிலம். எனவே மகாராஷ்டிராவை மற்ற மாநிலங்களுடன் நீங்கள் ஒப்பிட முடியாது, இங்குள்ள மக்கள் இதை விரும்பமாட்டார்கள் என்று கூறியிருந்தார்.

மேலும் கடந்த வாரம் நடந்த பேரணியின்போது பேசிய அஜித் பவார், மகாராஷ்டிரா எப்போதும் மத நல்லிணக்கம் கொண்ட பிரதேசம் என கூறினார். ஒரு பக்கம் பாஜக இந்த கோஷங்களுக்கு செய்தித்தாள்களின் விளம்பரம் கொடுத்து ப்ரோமோஷன் செய்து வரும் நிலையில் மறுபுறம் இதற்கு கூட்டணியில் உள்ள கட்சித் தலைவரே எதிர்ப்பு தெரிவித்துள்ளது பாஜக வட்டாரங்களில் சலசலப்பை ஏற்படுத்தியுள்ளது.

மகாராஷ்டிரா மாநிலத்தில் 288 தொகுதிகளுக்கு ஒரே கட்டமாக வருகிற 20-ந்தேதி சட்டமன்ற தேர்தல் நடைபெற இருக்கிறது. தற்போது தேர்தல் பிரசாரம் சூடுபிடித்துள்ளது. சிவசேனா கட்சியில் இருந்து பிரிந்து ஏக்நாத் ஷிண்டே அந்த கட்கியை தனக்காக்கி கொண்டார். இதனால் உத்தவ் தாக்கரே சிவசேனா (UBT) என்ற கட்சியை தொடங்க வேண்டிய நிலை ஏற்பட்டது.

அதேபோல் சரத்பவாரின் தேசியவாத கட்சியை பிரித்தது மட்டுமல்லாமல் அந்த கட்சியை தனக்காக்கி கொண்டார் அஜித் பவார். கட்சி மற்றும் கட்சி சின்னம் கடிகாரம் இரண்டும் அவரது பக்கம் உள்ளது. ஷிண்டே தலைமையிலான ஆட்சியில் பங்கேற்று துணை முதல்வராக உள்ளார்.

இதனால் இரண்டு கட்சிகளிலும் கட்சியை பிரித்துச் சென்றவர்கள் மீது கடுமையான விமர்சனம் வைத்து பிரசாரம் மேற்கொள்ளப்படுகிறது. அதற்கு பிரிந்து சென்றவர்களும் கடுமையாக பதிலடி கொடுத்து வருகிறார்கள்.

இந்த வகையில் சரத் பவாரின் தேசியவாத காங்கிரஸ் கட்சி சார்பில் மும்பை-கல்வா தொகுதியில் கடந்த 2009-ம் ஆண்டில் இருந்து போட்டியிட்டு வருபவர் ஜிநே்திர அவாத், அஜித் பவார் கட்சியை பிக்பாக்கெட் கும்பல் என கடுமையாக விமர்சித்துள்ளார்.

பிரசாரத்தில் ஈடுபட்டபோது ஜிதேந்திர அவாத் இது தொடர்பாக கூறும்போது "தேசியவாத காங்கிரஸ் கட்சி யாரைச் சார்ந்தது? சரத் பவரை சார்ந்தது. ஒருநாள், அஜித் பவார் வந்தார். அவர் சரத்பவாரை கட்சியில் இருந்து வெளியேற்றி விட்டு, அவருடைய கடிகாரம் சின்னத்தை பறித்துக் கொண்டார். இது பிக்பாக்கெட் கும்பல். நீங்கள் ஒரு ஆணாக இருந்தால், தைரியம் உள்ளவராக இருந்தால், நீங்கள் வெறு சின்னத்தில் நின்று போட்டியிட்டிருக்க வேண்டும்" என்றார்.

இந்த நிலையில் ஜிதேந்திர அவாத் விமர்சனத்திற்கு அஜித் பவார் கட்சியின் செய்தி தொடர்பாளர் சுராஜ் சவுகான் பதிலடி கொடுத்துள்ளார் "ஜிதேந்திர அவாத் மனநிலை தொடர்பாக பாதிப்பு அடைந்துள்ளார். அவருடைய தோல்வியை அவர் பார்கக் முடியும் என நினைக்கிறேன். அவருடைய சிகிச்சைக்கு நாங்கள் நிதி அளிக்க தயாராக இருக்கும். இதன் மூலம் அவர் விளம்பர தேடிக்கொள்ள முயற்சிக்கிறார்" எனத் தெரிவித்துள்ளார்.

கடிகாரம் சின்னம் தொடர்பாக உச்சநீதிமன்றம் இரு கட்சிகள் சார்பில் முறையிடப்பட்டது. அப்போது அஜித் பவார் தலைமையிலான தேசியவாத காங்கிரஸ் கட்சி கடிகாரம் சின்னத்தை பயன்படுத்த நீதிமன்றம் அனுமதி அளித்தது.

மகாராஷ்டிராவில் வரும் நவம்பர் 20 ஆம் தேதி சட்டமன்றத் தேர்தல் வாக்குப்பதிவு நடத்தப்பட்டு நவமபர் 23 ஆம் தேதி முடிவுகள் அறிவிக்கப்பட உள்ளன. ஆளும் மாகாயுதி [பாஜக - அஜித் பவார் தேசியவாத காங்கிரஸ் - ஷிண்டே சிவசேனா] மற்றும் மகா விகாஸ் அகாதி [காங்கிரஸ் - சரத் பவார் தேசியவாத காங்கிரஸ் - உத்தவ் சிவசேனா] ஆகிய இரண்டு கூட்டணிகள் களத்தில் உள்ளன.

பாஜக, சிவசேனா கட்சிகள் வேட்பாளர்களை அறிவித்து வரும் நிலையில், 38 வேட்பாளர்கள் கொண்ட முதற்கட்ட பட்டியலை சரத்பவாரின் தேசியவாத காங்கிரஸ் கட்சி கடந்த 23ஆம் தேதி வெளியிட்டது.

மகாராஷ்டிரா மாநிலம் பாரமதி தொகுதி பவார் குடும்பத்தின் குடும்ப தொகுதியாக கருதப்படுகிறது. இந்த தொகுதியில் அஜித் பவார் போட்டியிடுகிறார்.

அஜித் பவாருக்கு எதிராக பேரனை களம் இறக்கியுள்ளார் சரத் பவார். அஜித் பவாரின் இளைய சகோதரர் ஸ்ரீனிவாஸ். இவரது மகன் யுகேந்திர பவார். தற்போது பெரியப்பாவை எதிர்த்து யுகேந்திர பவார் பேட்டியிடுகிறார்.

இந்நிலையில் நாளை வேட்புமனு தாக்கலுக்கான கடைசி நாள் என்பதால் மகாராஷ்டிர துணை முதல்வரும் , என்சிபி தலைவருமான அஜித் பவார், பாராமதி சட்டமன்றத் தொகுதியில் போட்டியிடுவதற்கான வேட்புமனுவை இன்று தாக்கல் செய்தார்.  

அஜித் பவருக்கு ஒர்க் அவுட் ஆன டைம்.. கடிகார சின்னத்தை பயன்படுத்த தடை இல்லை - உச்சநீதிமன்றம்

மகாராஷ்டிராவில் வரும் நவம்பர் 20 ஆம் தேதி சட்டமன்றத் தேர்தல் வாக்குப்பதிவு நடத்தப்பட்டு நவமபர் 23 ஆம் தேதி முடிவுகள் அறிவிக்கப்பட உள்ளன. ஆளும் மாகாயுதி [ பாஜக - அஜித் பவார் தேசியவாத காங்கிரஸ் - ஷிண்டே சிவசேனா] மற்றும் மகா விகாஸ் அகாதி [காங்கிரஸ் - சரத் பவார் தேசியவாத காங்கிரஸ் - உத்தவ் சிவசேனா] ஆகிய இரண்டு கூட்டணிகள் களத்தில் உள்ளன.

சரத் பவார் தலைமையில் செயல்பட்டு வந்த தேசியவாத காங்கிரசை [என்சிபி] அவரது அண்ணன் மகன் அஜித் பவார் இரண்டாக உடைத்தார். 40 எம்.எல்.ஏ.க்கள் அஜித்பவாருக்கு ஆதரவு கொடுத்தனர். அஜித்பவாரின் ஆதரவாளர்கள் 9 பேருக்கு பா.ஜ.க., கூட்டணி அரசில் அமைச்சர் பதவி கொடுக்கப்பட்டது. அஜித் பவாருக்கு துணை முதல்வர் பதவி வழங்கப்பட்டது.

எம்.எல்.ஏ.க்களின் எண்ணிக்கை அடிப்படையில் என்சிபி கட்சியின் சின்னமான கடிகாரத்தை அஜித் பவாருக்கு ஒதுக்கி அவரது தலைமையிலான அணிதான் உண்மையான தேசியவாத காங்கிரஸ் கட்சி என்று தேர்தல் ஆணையம் அறிவித்தது. இதனால் சரத் பாவருக்கு வேறு சின்னம் ஒதுக்கி அவரது தலைமையிலான அணி தேசியவாத காங்கிரஸ் (சரத்பவார்) என்று அழைத்துக் கொள்ளலாம் என்றும் தேர்தல் ஆணையம் கூறியது.

கட்சியின் பெயர் மற்றும் சின்னத்தை அஜித்பவார் அணிக்குக் கொடுத்ததை எதிர்த்து சரத்பவார் உச்ச நீதிமன்றத்தில் மேல் முறையீடு செய்திருக்கிறார். அம்மனு நிலுவையில் இருக்கும் நிலையில் அதன் மீதான தீர்ப்பு வரும்வரை அஜித் பவாரின் கடிக்காத சின்னத்தை முடக்க வேண்டும் என்று சரத்பவார் கடந்த மாதம் உச்ச நீதிமன்றத்தில் புதிய மனு ஒன்றைத் தாக்கல் செய்தார். இந்நிலையில் தேர்தல் நெருங்கும் சமயத்தில் இந்த மனு மீதான விசாரணை இன்று நடைபெற்றது.

இந்த மனுவை விசாரித்த உச்சநீதிமன்ற நீதிபதிகள் சூர்யகாந்த், தீபான்கர் தத்தா மற்றும் உஜ்ஜல் பூயான் ஆகியோர் அடங்கிய அமர்வு,வழக்கில் இறுதி தீர்ப்பு வரும்வரை அஜித் பாவர் கடிகார சின்னத்தை பயன்படுத்த எந்த தடையும் இல்லை என்று தீர்ப்பளித்தனர்.

 மேலும் சின்னத்தை பயன்படுத்துவது தொடர்பாக ஏற்கவே வழங்கப்பட்ட அறிவுறுதல்களின்படி கவனமாகச் செயல்பட வேண்டும் என்றும் வாக்காளர்களைக் குழப்பி திசை திருப்பும் விதமான செயல்களில் ஈடுபட்டால் அது நீதிமன்ற அவமதிப்பாகக் கருதப்படும் என்றும் நீதிபதிகள் எச்சரித்தனர்.

எனவே நடக்க உள்ள சட்டமன்றத் தேர்தலில் அஜித் பவார் கடிகார சின்னத்தைப் பயன்படுத்த உள்ளதால் இந்த தீர்ப்பு சரத் பவாருக்கு பின்னடைவாக அமைத்துள்ளது. முன்னதாக அஜித் பவார் தேசியவாத காங்கிரஸ் 38 வேட்பாளர்கள் கொண்ட முதல் கட்டப் பட்டியலை வெளியிட்டுள்ளது. கட்சித் தலைவரும் துணை முதல்வருமான அஜித் பவார் பாராமதி தொகுதியில் போட்டியிடுகிறார். அறிவிக்கப்பட்ட 38 பேரில் 26 பேர் தற்போது சட்டப்பேரவை உறுப்பினர்களாக உள்ளவர்கள் ஆவர்.

மகாராஷ்டிரா துணை முதல்-மந்திரியும், தேசியவாத காங்கிரஸ் கட்சியின் தலைவருமான அஜித் பவார் கூறியதாவது:-

எங்களது நண்பரான பாபா சித்திக்கை இழந்ததில் நாங்கள் மிகவும் வருத்தத்துடன் இருக்கின்றோம். இந்த விஷயத்தை எதிர்கட்சிகள் அரசியலாக்க வேண்டாம். இந்த கொலை வழக்கை விசாரிக்க 5 குழுக்கள் அமைக்கப்பட்டு உள்ளன. மற்ற மாநிலங்களுக்கு இந்த குழுக்கள் அனுப்பப்பட்டுள்ளது என்றார்.

பாரதிய ஜனதா எம்.பி. பிரவீன் கண்டேல்வால் கூறும்போது, 'இந்த கொலை சம்பவம் வருத்தம் அளிக்கிறது'. மாநில அரசு உடனடியாக நடவடிக்கை எடுத்து குற்றம் சாட்டப்பட்ட 2 பேரை கைது செய்துள்ளது. இதை விட வேறு யாரும் வேகமாக செயல்பட முடியாது. ராகுல் காந்தியும், வேறு சிலரும் இது போன்ற சம்பவங்களில் அரசியல் செய்வது வருத்தம் அளிக்கிறது என்றார்.

மகாராஷ்டிர முன்னாள் அமைச்சரும் அஜித் பவார் தேசியவாத காங்கிரஸ் தலைவர் பாபா சித்திக் மும்பையில் படுகொலை செய்யப்பட்டார். நேற்றைய தினம் மர்ம நபர்களால் சுட்டுப் படுகொலை செய்யப்பட்டார். சித்திக் மீது சுடப்பட்ட 6 குண்டுகளில் 4 அவரது மார்பில் பாய்ந்தது.

66 வயதான பாபா சித்திக் மகாராஷ்டிர அரசியலில் அனைவருக்கும் பரிட்சயமான முகமாக இருந்து வந்தவர். தனது இளமைக் காலம் முதல் 48 ஆண்டுகாலமாக காங்கிரசில் இருந்த பாபா சித்திக் கடந்த நாடாளுமன்றத் தேர்தல் சமயத்தில் அஜித் பவார் தேசியவாத காங்கிரஸ் அணிக்கு மாறினார். 1999, 2004, 2009 ஆகிய ஆண்டுகளில் எம்.எல்.ஏ.வாக பதவி வகித்த இவர் உணவுத்துறை மற்றும் தொழிலாளர் நலத்துறை மந்திரியாக பதவி களிலும் இருந்துள்ளார்.

காங்கிரசில் தன்னை சாப்பாட்டில் வாசனைக்காக போடும் இலையைப் போல அலட்சியமாக நடத்தியத்தாக அப்போது அவர் தெரிவித்திருந்தார். இவரது மகன் ஜீஸ்ஹான் பாந்த்ரா கிழக்கு தொகுதி எம்.எல்.ஏ.வாக உள்ளார். இவரது அலுவலகத்துக்கு வெளியில் வைத்தே சித்திக் தற்போது படுகொலை செய்யப்பட்டுள்ளார். ஜீஸ்ஹான் எம்.எல்.ஏ வாக இருக்கும் பாந்த்ரா தொகுதியில் சித்திக் பலகாலமாக எம்.எல்.ஏ.வாக பணியாற்றியவர் ஆவார்.

கடந்த 2012 ஆம் ஆண்டு பாலிவுட் உச்ச நட்சத்திரங்கள் ஷாருக் கான் மற்றும் சல்மான் கான் இடையே ஏற்பட்ட மோதலை தீர்த்துவைத்ததால் சித்திக் பெரிதும் பேசப்பட்ட தலைவராக உள்ளார். அந்த சமயத்தில் ஷாருக் சல்மான் இடையே மனஸ்தாபம் ஏற்பட்டு பாலிவுட் திரைத்துறை இரண்டு அணிகளாகப் பிரிந்து கிடந்தது. எனவே வருடந்தோறும் பிரம்மாண்டமாக இஃப்தார் விருந்து நடந்தும் சித்திக் அந்த வருடம் ஷாருக் சல்மான் இருவரையும் விருதுக்கு அழைத்தார்.

ஷாருக்கை சல்மான் கானின் தந்தை சலீம் கான் அருகே அமரவைத்தார். அதன்பின் சல்மான் கானை அவர்களருகில் அனுப்பி மனஸ்தாபத்தைத் தீர்த்து வைத்தார். இவ்வாறு மும்பையில் முக்கிய புள்ளியாக வளம் வந்த சித்திக் மகாராஷ்டிர தேர்தல் நெருக்கும் சமயத்தில் படுகொலை செய்யப்பட்டுள்ளது அரசியல் ரீதியாக பெரும் பரபரப்பை ஏற்படுத்தியுள்ளது. இந்த கொலை சம்பவத்தில் ஈடுபட்டவர்களை போலீசார் தீவிரமாக தேடி வருகிறனர்.

மகாராஷ்டிராவில் அஜித் பவாரின் தேசியவாத காங்கிரசை உடைத்து தனது ஆதரவாளர்களுடன் பாஜவுடன் கூட்டணி வைத்த அவரது அண்ணன் அஜித் பவார் துணை முதல்வர் பதவியில் உள்ளார். சிவசேனாவை உடைத்து பாஜவுடன் கூட்டணி வைத்த ஏக்நாத் ஷிண்டே முதல்வராக உள்ளார். மக்களவை தேர்தலில் மகாராஷ்டிராவில் அதிக இடங்களை இந்தியா கூட்டணியிடம் இழந்ததில் இருந்து அஜித் பவார் சிவ சேனா அங்கம் வகிக்கும் பாஜக கூட்டணியில் சலசப்பான சூழல் நிலவுகிறது. அதை உறுதிப்படுத்தும் வகையில் சமீப காலமாக அஜித் பவாரின் பேச்சு அமைந்துள்ளது. இந்நிலையில் மாநிலத்தின் முதலமைச்சராக தான் அதிக ஆர்வத்துடன் இருப்பதாக அஜித் பவார் பொதுவெளியில் தனது ஆசையை வெளிப்படுத்தியுள்ளது அம்மாநில அரசியலில் சலசலப்பை ஏற்படுத்தியுள்ளது.

விநாயகர் சதுர்த்தியை முன்னிட்டு புனேவில் உள்ள தாத்துசேத் ஹால்த்வாய் கணபதி கோவிலில் நடந்த பூஜையில் கலந்துகொண்ட பின் பேசிய அவர், எல்லோரும் அவர்களது தலைவர் முதல்வர் ஆக வேண்டும் என்பதையே விரும்புவர் நானும் முதல்வர் ஆகவே விரும்புகிறேன். ஆனால் முதல்வர் ஆக அதிக மெஜாரிட்டியை பெற வேண்டும் என்பதும் அறிவேன். ஆனால் எல்லோரும் நினைப்பது போல் நடப்பதில்லை. தீர்ப்பு வாக்களிக்கும் மக்கள் கையில்தான் உள்ளது. மேலும் அதற்கு மொத்தம் உள்ள 288 சட்டமன்றத் தொகுதிகளில் 145 என்ற பாதி இலக்கையாவது அடைவது அவசியம் என்று தெரிவித்துள்ளார்.

இதற்கிடையே தொகுதி பங்கீடு குறித்த பேச்சுவார்த்தை முடிந்துவிட்டதாகவும் அதிகாரப்பூர்வ தகவல் வெளியாகி உள்ளது. மேலும் பாஜகவை சேர்ந்த மகாராஷ்ட்டிர துணை முதல்வர் தேவேந்திர பட்நாவிஸ் துணை முதல்வர் ஆக வேண்டும் என்று பாஜக தொண்டர்கள் விநாயகர் கோவில்களில் வழிபாடு நடத்தி வருகிறனர். எனவே மகாரஷ்டிர முதல்வர் நாற்காலிக்கு கூட்டணியில் உள்ள மூன்று கட்சிகளும் குறிவைப்பதால் அரசியல் களம் விறுவிறுப்பாகத் தொடங்கியுள்ளது. வரும் நவம்பர் 2 ஆம் வாரத்தில் மகாராஷ்டிர சட்டமன்ற தேர்தல் நடைபெறும் என்று எதிர்பார்க்கப்படுகிறது.

மகாராட்டிர தேர்தல் நெருங்குவதை ஒட்டி துணை முதல்வர் அஜித் பவாரின் தேசியவாத - பாஜக - ஷிண்டே சிவசேனா ஆகியோர் இடம்பெற்றுள்ள மஹாயுதி கூட்டணியில் குழப்பம் நீடித்து வருகிறது. சித்தப்பா சரத் பவாரின் தேசியவாத காங்கிரசை உடைத்து தனது ஆதரவாளர்களுடன் தங்கள் பக்கம் வந்த அவரது அண்ணன் மகன் அஜித் பவாரின் நடவடிக்கைகளை பாஜக மேலிடம் சந்தேகக் கண்களோடு கவனித்து வருகிறது.

குறிப்பாக மக்களவைத் தேர்தலில் சரத் பவார் அணி சார்பில் இந்திய கூட்டணி வேட்பாளராக போட்டியிட்டு வென்ற சகோதரி சுப்ரியா சூலேவை எதிர்த்து தனது மனைவியை நிறுத்தியிருக்கக்கூடாது என்று அஜித் பவார் கூறியது கூட்டணியில் விரிசல் ஏற்பட்டு வருவதை வெளிப்படையாக காட்டியது.

மக்களவைத் தேர்தலில் மகாராஷ்டிர பாஜக கூட்டணி பின் தங்கியதற்கு அஜித் பவார் அணி தான் காரணம் என்ற சலசலப்பும் கூட்டணி கட்சிகள் மத்தியில் இருந்து வருகிறது. எதிர்வரும் சட்டமன்ற தேர்தலில் தான் போட்டியிடவில்லை என்று அறிவித்த அஜித் பவார் மகனை நிறுத்த திட்டமிட்டுள்ளதாகத் தெரிகிறது. இந்நிலையில் குடும்பத்தை உடைத்தது பெரிய தவறு என்று அஜித் பவார் பொதுவெளியில் மீண்டும் வருத்தப்பட்டு உள்ளார்.

அஜித் பவார் அணியைச் சேர்ந்த அமைச்சர் பாபா ஆத்ராம் என்பவரது மகள் பாக்கியஸ்ரீ சரத்பவார் தேசியவாத காங்கிரஸ் அணிக்கு தாவ உள்ளதாக கூறப்படுகிறது. இதற்கு எனது மகளையும் மருமகனையும் ஆற்றில் தூக்கி வீசுங்கள் என்று பாபா ஆத்ரம் கடுமையாக பேசியிருந்தார். இந்நிலையில் கட்சிரோலி நகரில் நடந்த ஜனசம்மான் பேரணியில் கலந்துகொண்ட அஜித் பவார், ஒரு மகளை அவரது தந்தையை விட யாரும் அதிகமாக நேசிக்க மாட்டார்கள், உங்களை [பாக்கியஸ்ரீ] ஜில்லா பிரெசிடெண்டாக ஆக்கினார் உங்கள் தந்தை.

ஆனால் நீங்கள் இப்போது அவருடன் சண்டை போடுவது சரிதானா? உங்கள் தந்தைக்கு நீங்கள் ஆதரவாக இருக்க வேண்டும். அவரை விட்டு செல்வது குடும்பத்தை உடைப்பது போன்றது, தனது சொந்த குடும்பத்தையே உடைக்கும் ஒருவரை இந்த சமூகம் எப்போதும் ஏற்றுக்கொள்ளாது. நானும் அதை அனுபவித்திருக்கிறேன், எனது தவறை நான் ஏற்றுகொண்டடேன் என்று தெரிவித்துள்ளார்.

சரத் பவாரை விட்டு வெளியேறியதைத் தவறு என்று அஜித் பாவர் கூறியுள்ளது பாஜக மேலிடத்தில் கொந்தளிப்பை எப்ராடுத்தியுள்ளதாக அரசியல் வட்டாரங்களில் பேச்சு அடிபடுகிறது. 

மகாராஷ்டிராவில் ரெயிலில் மாட்டிறைச்சி எடுத்து வந்ததாக முதியவரை சக பயணிகள் சரமாரியாகத் தாக்கும் வீடியோ வெளியாகி அதிர்ச்சியை ஏற்படுத்தி உள்ளது. மாகாராஷ்டிர மாநிலம் நாசிக் மாவட்டத்தில் இருந்து கல்யாண் நகருக்கு ஹாஜி அஸ்ரப் முன்யார் என்ற முதியவர் தனது மகளுடன் எக்பிரஸ் ரெயிலில் சாதரண பெட்டியில் சென்று கொண்டிருந்தார்.

அவர் வைத்திருந்த பிளாஸ்டிக் ஜாடியில் இறைச்சித் துண்டுகள் இருந்ததாகத் தெரிகிறது. அது மாட்டிறைச்சி என்று குற்றம் சாட்டிய சக பயணிகள் அவரை தகாத வார்த்தைகளால் திட்டியும், கன்னத்தில் அறைந்தும் சரமாரியாக தாக்கியுள்ளனர். இதுதொடர்பான வீடியோ வைரலானதைத் தொடர்ந்து இதுகுறித்து விசாரணை நடத்தி விரைவில் நடவடிக்கை எடுப்போம் என்று ரெயில்வே போலீசார் தெரிவித்துள்ளனர்.

இந்நிலையில் இந்த விவகாரம் குறித்து அம்மாநில துணை முதல்வர் அஜித் பவார் தனது எக்ஸ் பக்கத்தில் பதிவிட்டுள்ளார்.

அவரது பதிவில், "2 நாட்களுக்கு முன்பு இகத்புரி பகுதியில் ரயில் பயணத்தின் போது முதியவர் ஒருவர் சந்தேகத்தின் பேரில் தாக்கப்பட்ட சம்பவம் சமூக வலைதளங்களில் பரவி வருகிறது. இந்த சம்பவம் குறித்து ரயில்வே போலீஸ் அதிகாரிகளுடன் நான் தொடர்பு கொண்டு பேசினேன். குற்றவாளிகள் மீது கடும் நடவடிக்கை எடுக்க உத்தரவிட்டுள்ளேன். மகாராஷ்டிராவில் சட்டம் ஒழுங்கு பாதுகாக்கப்படும். இத்தகைய சமூக விரோதிகளுக்கு நமது அரசிடம் இருந்து எந்த ஆதரவும் கிடைக்காது" என்று பதிவிட்டுள்ளார்.

மகாராஷ்டிர சட்டமன்றத் தேர்தல் விரைவில் நடக்க உள்ள நிலையில் அஜித் பவார் தேசியவாத - பாஜக - ஷிண்டே சிவசேனா ஆகியோர் இடம்பெற்றுள்ள மஹாயுதி கூட்டணியில் அதிருப்தி அலை நாளுக்கு நாள் அதிகரித்த வண்ணம் உள்ளது. பிரதமர் மோடி திறந்து வைத்த சிவாஜி சிலை உடைந்த விவகாரத்தில் சொந்த கூட்டணி அரசை எதிர்த்தே அஜித் பவார் தேசியவாத காங்கிரசார் போராட்டம் நடத்தியது அந்த விரிசலை மேலும் அதிகப்படுத்தியுள்ளது.

இந்நிலையில் இதற்கெல்லாம் மேலாக, மஹாயுதி கூட்டணியில் அஜித் பவார் தேசியவாத காங்கிரசுடன் இருக்கும் ஏக்நாத் ஷிண்டே சிவசேனா காட்சியைச் சேர்ந்த அம்மாநில சுகாதாரத் துறை அமைச்சர் தனாஜி சாவந்த் தெரிவித்துள்ள கருத்து கூட்டணியில் பெரும் புகைச்சலை ஏற்படுத்தியுள்ளது.

தாராஷிவ் பகுதியில் நடந்த நிகழ்ச்சியில் ஒன்றில் பேசிய தனாஜி சாவந்த், நான் அசல் சிவசேனா காரன், எனது மாணவப் பருவத்தில் இருந்தே தேசியவாத காங்கிரஸ் மற்றும் காங்கிரசை எனக்கு பிடித்ததில்லை. இதுதான் உண்மை. அதனால் இப்போது சட்டமன்றத்தில் அஜித் பவாருடனும் தேசியவாத காங்கிரஸ் அமைச்சர்களுடன் அருகருகே அமருவதை கூட என்னால் சகித்துக்கொள்ள முடியவில்லை. அவர்கள் அருகே உட்கார்ந்த பின்னர் வெளியே வந்ததும் எனக்கு குமட்டல் தான் வருகிறது என்று தெரிவித்துள்ளார்.

இந்த கருத்து அஜித் பவார் அணியினரிடையே பெரும் அதிருப்தியை ஏற்படுத்தியுள்ளது. இதுக்குறுய்த்து பேசிய அஜித் பவார் தேசியவாத காங்கிரஸ் செய்தித்தொடர்பாளர் உமேஷ் பாட்டீல் கூறுகையில், எங்களை அவமதிக்கும் வகையில் தானாஜி தொடர்ந்து செயல்பட்டு வருகிறார். இதுபோன்ற பேச்சுக்களைக் கேட்டுக்கொண்டிருப்பதை விட, மஹாயுதி கூட்டணியை விட்டு வெளியேறுவதே சிறந்தது. தானாஜியை அமைச்சர் பதவியிலிருந்து உடனடியாக நீக்கவில்லை என்றால் நாங்கள் கூட்டணியை விட்டு நிச்சயம் வெளியேறுவோம் என்று தெரிவித்துள்ளார்.

இந்த விவகாரம் குறித்துப் பேசியுள்ள அஜித் பவார், நான் மக்களுக்காக வேலை செய்து கொண்டிருக்கிறேன், விமர்சனங்களுக்கு செவி சாய்ப்பதில்லை. எனக்கு எதிராக பேசுபவர்களை பற்றி எனக்கு கவலை இல்லை என்று தெரிவித்துள்ளார். இதற்கிடையே சுயமரியாதையை இழந்து, இன்னும் அந்த கூட்டணியில் அஜித் பவார் நீடிக்க வேண்டுமா?' என சரத் பவார் அணி தேசியவாத காங்கிரசார் கேள்வி எழுப்பியுள்ளனர்.