நீங்கள் தேடியது "மியாமி டென்னிஸ்"

மியாமி:

முன்னணி வீரர், வீராங்கனைகள் பங்கேற்றுள்ள மியாமி ஓபன் சர்வதேச டென்னிஸ் போட்டி அமெரிக்காவின் புளோரிடாவில் நடந்து வருகிறது. இதன் ஆண்கள் ஒற்றையர் பிரிவில் 3-வது சுற்று ஆட்டம் ஒன்றில் செர்பியாவின் நோவக் ஜோகோவிச் மற்றும் அர்ஜென்டினாவின் கமிலோ உகோ காரபெல்லி ஆகியோர் மோதினர். இதில் ஜோகோவிச் 6-1, 6-1 என்ற கணக்கில் வெற்றி பெற்று 4-வது சுற்றுக்கு தகுதி பெற்றார்.

பெண்கள் ஒற்றையர் பிரிவில் 3-வது சுற்று ஆட்டத்தில் அமெரிக்க வீராங்கனை ஜெசிகா பெகுலா மற்றும் ரஷ்யாவின் அன்னா நிகோலாயெவ்னா கலின்ஸ்காயாவும் மோதினர். இதில் 3-7, 6-2, 7-2 என்ற செட் கணக்கில் வெற்றி பெற்று 4-வது சுற்றுக்கு தகுதி பெற்றார். 

மியாமி:

மியாமி ஓபன் சர்வதேச டென்னிஸ் போட்டி அமெரிக்காவின் புளோரிடாவில் நடந்து வருகிறது. இதில் பெண்கள் ஒற்றையர் பிரிவின் 2-வது சுற்றில் ஜப்பானின் நவாமி ஒசாகா, ரஷ்யாவின் லியுட்மிலா டிமிட்ரிவ்னா சாம்சோனோவா உடன் மோதினார்.

இந்த போட்டியில் ஆதிக்கம் செலுத்திய ஒசாகா 6-2, 6-4 என்ற செட் கணக்கில் வெற்றி பெற்று அடுத்த சுற்றுக்கு முன்னேறினார்.

மற்றொரு ஆட்டத்தில் சுவிஸ் வீராங்கனை ரெபேக்கா மசரோவா குரோஷிய வீராங்கனை டோனா வெக்கிச் உடன் மோதினர். இதில் மசுரோவா 6-7, 6-3 என்ற கணக்கில் வெற்றி பெற்று 3-வது சுற்றுக்கு தகுதி பெற்றார்.

முன்னனி டென்னிஸ் வீரர் ரபேல் நடால். ஸ்பெயினை சேர்ந்த அவர் சமீப காலமாக காயத்தால் அவதி அடைந்து வருகிறார்.

அவருக்கு இடுப்பு பகுதியில் தசை கிழிந்து இருப்பது தெரியவந்தது. இதற்கு சிகிச்சை பெற்று வருகிறார். இந்த நிலையில் இந்தியன் வெல்ஸ் மற்றும் மியாமி மாஸ்டர்ஸ் டென்னிஸ் போட்டிகளில் இருந்து ரபேல் நடால் விலகுவதாக அறிவித்துள்ளார்.

இதுதொடர்பாக அவர் டுவிட்டரில் கூறும்போது, " இந்தியன் வெல்ஸ் அல்லது மியாமி டென்னிசில் என்னால் போட்டியிட முடியாமல் போனதில் வருத்தமாக உள்ளது. எனது அனைத்து அமெரிக்க ரசிகர்களையும் மிஸ் பண்ணுவேன்" என்று கூறியுள்ளார்.

மியாமி சர்வதேச டென்னிஸ் போட்டி அமெரிக்காவில் நடந்து வருகிறது. பெண்கள் ஒற்றையர் பிரிவில் இன்று நடந்த அரை இறுதியில் எலனா ரைபகினா (கஜகஸ்தான்)-ஜெசிகா பெகுலா (அமெரிக்கா) மோதினார்கள். இதில் எலனா ரைபகினா 7-6 (7-3), 6-4 என்ற செட் கணக்கில் வென்று இறுதிப்போட்டிக்கு தகுதி பெற்றார்.

இன்று நடந்த கடைசி கால் இறுதி போட்டியில் பெட்ரோ குவிடோவா (செக் குடியரசு)-அலெக் சான்ட்ரோவா (ரஷியா) மோதினர். இதில் குவிடோவா 6-4, 3-6, 6-3 என்ற செட் கணக்கில் வென்று அரை இறுதிக்கு முன்னேறினார். அவர் அரை இறுதியில் ரூமேனியாவின் சர்ஸ்டியாவுடன் மோதுகின்றனர்.

ஆண்கள் ஒற்றையர் பிரிவின் அரை இறுதியில் மெட்வதேவ் (ரஷியா)-கச்சனோவ் (ரஷியா), கார்லோஸ் அல்கராஸ் (ஸ்பெயின்)-ஜன்னிக் சின்னர் (இத்தாலி) மோதுகிறார்கள்.