நீங்கள் தேடியது "மோசமான வானிலை"

மதுரை:

மதுரை மாவட்டத்தில் கடந்த சில தினங்களாக கனமழை பெய்து வருகிறது.

இதற்கிடையே, சென்னை மற்றும் பெங்களூருவில் இருந்து 2 இண்டிகோ விமானங்கள் இன்று 9 மணியளவில் மதுரை விமான நிலையம் வந்தன.

மதுரையில் கனமழை பெய்து வருவதால் 2 விமானங்களும் தரையிறங்க முடியாத சூழ்நிலை ஏற்பட்டது. இதனால் இரு விமானங்களும் வானத்தில் வட்டமடித்துக் கொண்டிருந்தன.

இந்நிலையில், மோசமான வானிலை மற்றும் கனமழையால் நடுவானில் வட்டமடித்துக்கொண்டிருந்த இரு இண்டிகோ விமானங்களும் சுமார் ஒரு மணி நேரத்திற்கு பிறகு மதுரை விமான நிலையத்தில் பத்திரமாக தரையிறங்கின.

புதுடெல்லி:

தலைநகர் டெல்லியில் மோசமான வானிலை நிலவி வருகிறது. இதையடுத்து, டெல்லி வந்த விமானங்கள் மோசமான வானிலை காரணமாக ஜெய்ப்பூர், லக்னோ மற்றும் அகமதாபாத் ஆகிய நகரங்களுக்கு திருப்பி அனுப்பப்பட்டன.

காலை 7.30 மணி முதல் 10.30 மணி வரை சுமார் 18 விமானங்கள் திருப்பி விடப்பட்டுள்ளன என தெரிவிக்கப்பட்டுள்ளது.

சென்னையில் இருந்து டெல்லி சென்ற விமானத்தில் தி.மு.க. எம்.பிக்கள் டி.ஆர்.பாலு, திருச்சி சிவா ஆகியோர் பயணம் செய்தனர். அந்த விமானம் ஜெய்ப்பூருக்கு திருப்பி விடப்பட்டுள்ளது. இதனால் அனைத்துக் கட்சி கூட்டத்தில் தி.மு.க. எம்.பி. வில்சன் பங்கேற்பார் என தெரிவிக்கப்பட்டுள்ளது.