நீங்கள் தேடியது "சிறுவாபுரி முருகன்"

01. செவ்வாய்க்கிழமை கூட்டம் அதிகமாக இருப்பதால் கோவிலுக்குள் சென்று தரிசனம் செய்ய முடியாத பக்தர்கள் கோவில் ராஜ கோபுரம் முன்பு விளக்கேற்றி வழிபட்டு செல்வார்கள்.

02. தங்களின் கோரிக்கைகள் நிறைவேறியவுடன் நேர்த்திக் கடனாக முருகனுக்கு பாலாபிஷேகம் செய்கிறார்கள்.

03. இங்கு முருகனை பாலனாகவும், வள்ளியோடு திருமணம் புரிந்து கொள்ளும் மணக்கோலத்திலும் இரு வேறு நிலைகளில் காண முடிகிறது.

04.ஆரம்ப காலத்தில் முருகனும் மரகதக்கல்லாலேயே வடிக்கப்பட்டிருந்தார் எனவும், பிற்காலத்தில் வேறு சிலை நிறுவப்பட்டிருக்க வேண்டும் எனவும் கருதப்படுகிறது.

05. முருகனுக்கு வலதுபக்கம் அண்ணாமலையார், உண்ணாமுலை அம்பாள் சன்னதி இருக்கிறது. இவர்களுக்கு நடுவில் வள்ளியும் முருகப்பெருமானும் கைகோர்த்து நின்ற நிலையில் திருமணக்கோலத்துடன் அருள்பாலிப்பது மிகவும் சிறப்பு. இத்தகைய திருக்கோலத்தினை காண்பது அரிது.

06. பலி பீடத்தின் அடியில் உப்பு, மிளகு போட்டு, பிரார்த்தனை செய்து கொள்கிறார்கள்.

07. சிறுவாபுரி ஸ்ரீபாலசுப்பிரமணிய சுவாமி கோவிலில் ஆடிக்கிருத்திகை சிறப்பு அபிஷேகம் மிகவும் விசேஷமானது.

08. அண்டர்பதி குடியேற என்ற திருப்புகழ் வேண்டுவன தரும் திருப்புகழ். சொந்த வீடு வேண்டும் என்று விரும்பும் பக்தர்கள் இதை பாடுகிறார்கள். வீடு, தொழில், திருமணம் செல்வம், மோட்சம் என்று அனைத்தையும் தரும் திருப்புகழ் இது.

09. ஒரே திருப்புகழ் மூலம் 5 பலன்களைத் தரும் கோவில் என்ற பெருமை சிறுவாபுரி தலத்துக்கு உண்டு.

10. வேண்டுதல் வேண்டியபடி சீக்கிரமாகவே நிறைவேறி விடும்.

11. கோவில் முன்பு ஓட்டல்கள், டீக்கடைகள், குளிர்பான கடைகள் உள்ளன.

12. சென்னையில் இருந்து செங்குன்றம், காரனோடை வழியாகவும், மீஞ்சூர், பொன்னேரி வழியாகவும் இந்த ஊரை அடையலாம்.

13. இங்கு முருகனை வணங்க செவ்வாய்க்கிழமை சிறப்பான நாளாக கருதப்படுகிறது.

14. கோவில் சிறிய அளவில் இருந்தாலும் பல நூற்றாண்டு பழமையானது.

15. பக்தர்கள் அனைவருக்கும் திருநீறு பிரசாதம் கவரிலேயே வழங்கப்படுகிறது.

16. பக்தர்களின் விருப்பங்களை நிறைவேற்றுவதால் இங்கு அமர்ந்துள்ள முருகப்பெருமான் சக்தி வாய்ந்தவராக கருதப்படுகிறார்.

17. லவ-குசா இருவரும் சிவ பெருமானையும், முருகனையும் இங்கு வழிபட்டு உள்ளனர். ராமாயண காலத்தில் ராமருக்கும், லவ-குசனுக்கும் போர் நடந்த இடம் இது என்று கூறப்படுகிறது.

18. வள்ளியுடன் திருமண ேஜாடியாக முருகன் இங்கு வந்து தங்கியதால் திருமணம் ஆகாதவர்கள் இக்கோவிலுக்கு வந்து வேண்டிக் கொண்டால் தடைபட்ட திருமணம் நடக்கும்.

19. கோவில் அமைந்துள்ள ஊர் சிறுவாபுரி, சின்னம்பேடு, சிறுவை, தென்சிறுவாபுரி, குசலபுரி என்று பல பெயர்களில் அழைக்கப்படுகிறது.

20. இக்கோவிலுக்கு வரும் பக்தர்கள் பெரும்பாலானோர் சாக்லேட்டுகளை பிரசாதமாக வழங்குகின்றனர்.

சிறுவாபுரி கோவிலுக்கு வரும் சில பக்தர்கள் அங்குள்ள கம்பியிலான கூண்டில் பூட்டு போட்டு செல்கிறார்கள்.

இதற்கு ஒரு கதை இருப்பதாக ஊர் பெரியவர்கள் சொல்கிறார்கள்.

ஆண்டாண்டு காலமாக நம் நாட்டில் மாமியார்-மருமகள் சண்டை ஒரு பெரிய பிரச்சினையாக இருந்து வருகிறது.

இதில் சிக்கி தவிக்கும் மாமியார்கள், மருமகள்கள் வாயை அடைக்கும் வகையிலும் மருமகள்கள் இனிமேல் மாமியார்கள் சண்டைக்கே வராமல் அடங்கி போகும் வகையிலும் ஒருவருக்கொருவர் இங்கு பூட்டுகளை போட்டு பூட்டி செல்கின்றனர்.

பின்னர் அந்த சாவிகளை அவர்கள் ேகாவில் உண்டியலிலோ அல்லது அங்குள்ள திருக்குளத்திலோ வீசி செல்வதை வாடிக்கையாக கொண்டுள்ளனர்.

இதுபற்றி கோவில் அர்ச்சகர் ஒருவர் கூறும்போது, "எதற்காக பக்தர்கள் இப்படி செய்கிறார்கள் என்று தெரியவில்லை. கேட்டால் பிரார்த்தனையை வெளியில் சொல்லக் கூடாது என கூறி நழுவி விடுகிறார்கள்" என்று தெரிவித்தார்.

தமிழ்நாட்டு மக்களால் பெரிதும் விரும்பி வணங்கிப் போற்றப்படும் தெய்வம் முருகன்.

கலியுகத்தில் கண்கண்ட தெய்வம் என விளங்கி அடியார்களுக்கெல்லாம் முருகன் அருள் செய்து வருகின்றான்.

முருகன் என்றதுமே மக்களின் உள்ளமெல்லாம் உருகும். முருகன் பால் மக்களுக்கு எல்லையில்லாத பக்தி உண்டு.

தமிழ்நாட்டில் கிராமங்கள் ஒவ்வொன்றிலும் பெரும்பாலும் முருகனுக்கு கோவில்கள் அமைத்திருக்கின்றனர்.

முருகனுக்குரிய கிருத்திகை, சஷ்டி முதலிய சிறப்பு நாட்களில், லட்சக்கணக்கான மக்கள் விரதமிருந்து முருகனை வழிபட்டு மகிழ்கிறார்கள்.

முருகன் கோவில்கள் எல்லாம் சிறந்த பிரார்த்தனை தலங்களாக விளங்குகின்றன.

பல்லாயிரக்கணக்கான பக்தர்கள், கிருத்திகை முதலிய சிறப்பு நாட்களில் முருகன் கோவில்களில் பெருந்திரளாக கூடி வணங்கி மகிழ்கிறார்கள்.

இன்றைக்கு 5 ஆயிரம் ஆண்டுகளுக்கு முற்பட்ட தொல்காப்பியம் எனும் பண்டைப் பெருந்தமிழ் நூலிலும், முருகன் வழிபாடு பற்றிய குறிப்பு காணப்படுகின்றது.

மேலும் சங்ககால புலவர் பெருமான், முருகனை பற்றி திருமுருகாற்றுப்படை என்னும் துதிநூலை பாடியிருக்கின்றார்.

அதன் மூலம் ஆறு திருத்தலங்கள் முருகனின் ஆறுபடை வீடுகள் என்ற சிறப்பு பெற்றுள்ளன.

சரவணன், கார்த்திகேயன், குமரன், கந்தன், வடிவேலன், சுப்பிரமணியன், சுவாமிநாதன், செந்தில்நாதன், ஆறுமுகன், சண்முகன் போன்ற பல பெயர்களால் முருகன் வழங்கப்படுகிறார்.

புராணங்கள் இவரை சிவனின் மகனாக சித்தரிக்கின்றன.

தந்தைக்கு "ஓம்" என்னும் பிரணவப் பொருளை முருகப் பெருமான் உணர்த்தியதாக வரலாறு உண்டு.

ஓம் என்பது அ,உ,ம என்ற மூன்றெழுத்தின் சேர்க்கையால் உண்டானது.

அ-படைத்தல், உ-காத்தல், ம-ஒடுக்கல் என முறையே பொருள்படும்.

அ,உ,ம, என்னும் மூன்றும் இணைந்து உண்டான ஓம் எல்லா எழுத்துக்களுக்கும் எல்லா ஓசைகளுக்கும் எல்லா நூல்களுக்கும் மூலமாக உள்ளது.

முருகு என்ற மூன்றெழுத்துகளிலும் அ,உ,ம மூலமாக உள்ளதால் முருகன் ஓம்கார வடிவானவன்.

முருகப் பெருமான் அகத்தியருக்கு தமிழ் கற்றுக் கொடுத்ததாகவும், மதுரை தமிழ்ச் சங்கத்தின் தலைமைப் புலவராகவும் வீற்றிருந்து தமிழ் வளர்த்த தாகவும் கூறப்படுகிறது.

முருகன் திருப்பெயர்கள் எண்ணிலடங்காது. ஆறுமுகப் பெருமானின் அவதாரங்கள் ஒவ்வொன்றும் சிறப்புடையது.

வளம் மிகுந்த வாழ்வு அமைய வரம் மிகுந்த சிறுவை முருகனை வழிபட வாருங்கள்!

1. ஓம் சீர்மிகு செந்தில் போற்றி

2. ஓம் யீதருத் தணிகை வேல் போற்றி

3. ஓம் பழநி வேல் போற்றி

4. ஓம் பரங்குன்றக் குமரன் வேல் போற்றி

5. ஓம் ஏரகத்து எம்மான் வேல்போற்றி

6. ஓம் அழகர் மலை அழகன் வேல் போற்றி

7. ஓம் குன்றுதோறாடும் குழகன் வேல் போற்றி

8. ஓம் தனி வேல் போற்றி

9. ஓம் சுடர் வேல் போற்றி

10. ஓம் செவ் வேல் போற்றி

11. ஓம் வெற்றி வேல் போற்றி

12. ஓம் நல்வேல் போற்றி

13. ஓம் அயில் வேல் போற்றி

14. ஓம் பெரு வேல்போற்றி

15. ஓம் பருவே வேல் போற்றி

16. ஓம் கருணை வேல் போற்றி

17. ஓம் முரண வேல் போற்றி

18. ஓம் அழகு வேல் போற்றி

19. ஓம் கனக வேல் போற்றி

20. ஓம் வச்சிர வேல் போற்றி

21. ஓம் வைர வேல் போற்றி

22. ஓம் மாணிக்க வேல் போற்றி

23. ஓம் தங்க வேல் போற்றி

24. ஓம் சதுர் வேல் போற்றி

25. ஓம் சான்விமுளை வேல் போற்றி

26. ஓம் கூர் வேல் போற்றி

27. ஓம் ஜய வேல் போற்றி

28. ஓம் வடிவேல் போற்றி

29. ஓம் திணி வேல் போற்றி

30. ஓம் அருள் வேல் போற்றி

31. ஓம் ஓம், ஐம் ரீம் வேல் போற்றி

32. ஓம் கதிர் வேல்போற்றி

33. ஓம் வீர வேல் போற்றி

34. ஓம் தீர வேல் போற்றி

35. ஓம் ஐ வேல் போற்றி

36. ஓம் தாரை வேல் போற்றி

37. ஓம் செவ்வேள் திருக்கை வேல் போற்றி

38. ஓம் வாரிகுளித்த வேல் போற்றி

39. ஓம் முத்தையனார்கை வேல் போற்றி

40. ஓம் கொற்ற வேல் போற்றி

41. ஓம் சூர்மார்பு தொளைத்த வேல் போற்றி

42. ஓம் குன்று எறிந்த வேல் போற்றி

43. ஓம் வினைதீர்க்கும் வேல் போற்றி

44. ஓம் இடர் களையும் வேல்போற்றி

45. ஓம் ஞான வேல் போற்றி

46. ஓம் குமர வேல்போற்றி

47. ஓம் சக்தி வேல் போற்றி

48. ஓம் குழந்தை வேல் போற்றி

49. ஓம் நீதி வேல் போற்றி

50. ஓம் புனித வேல் போற்றி

51. ஓம் துணை வேல் போற்றி

52. ஓம் என் இதயவேல் போற்றி

53. ஓம் எனை காக்கும் வேல்போற்றி

54. ஓம் துன்பம் போக்கும் வேல் போற்றி

55. ஓம் துயர் துடைக்கும் வேல் போற்றி

56. ஓம் இன்பம் அளிக்கும் வேல் போற்றி

57. ஓம் அடர் வேல்போற்றி

58. ஓம் வைவேல் போற்றி

59. ஓம் ஒளி திகழ் வேல் போற்றி

60. ஓம் பகை கெடுக்கும் வேல் போற்றி

61. ஓம் பலமளிக்கும் வேல் போற்றி

62. ஓம் பயம் போக்கும் வேல்போற்றி

63. ஓம் புலமை நல்கும் வேல்போற்றி

64. ஓம் சித்தி தரும் வேல் போற்றி

65. ஓம் முக்தி தரும் வேல் போற்றி

66. ஓம் அடியாரோடிணைக்கும் வேல் போற்றி

67. ஓம் அன்பை வழங்கும் வேல் போற்றி

68. ஓம் பிணியைப் போக்கும் வேல் போற்றி

69. ஓம் பிறவாமை அருளும் வேல் போற்றி

70. ஓம் நல்லன எல்லாம் தரும் வேல் போற்றி

71. ஓம் தனம் தரும் வேல் போற்றி

72. ஓம் தளர் வறியா மனம் தரும் வேல் போற்றி

73. ஓம் தெய்வ வடிவம் தரும் வேல் போற்றி

74. ஓம் சினம் கெடுக்கும் வேல் போற்றி

75. ஓம் காலனைக் கடியும் வேல் போற்றி

76. ஓம் காவலாய் வரும் வேல் போற்றி

77. ஓம் கவலையெல்லாம் போக்கும் வேல் போற்றி

78. ஓம் நெய் வைத்த வேல் போற்றி

79. ஓம் கேடில் வேல் போற்றி

80. ஓம் சிங்கார வேல் போற்றி

81. ஓம் அடியார் உள்ளத்தில் இருக்கும் வேல் போற்றி

82. ஓம் அன்பர்க்கருகில் இருக்கும் வேல் போற்றி

83. ஓம் வம்பர்களை வாட்டும் வேல் போற்றி

84. ஓம் துஷ்டர்கள் கைதுணிக்கும் வேல் போற்றி

85. ஓம் குறை தீர்க்கும் வேல்போற்றி

86. ஓம் குற்றம் களையும் வேல் போற்றி

87. ஓம் எழில் வேல் போற்றி

88. ஓம் அண்டினரைக்காக்கும் வேல் போற்றி

89. ஓம் அசுரர்களை அழித்த வேல் போற்றி

90. ஓம் அமரர்க் கபயம் அளித்த வேல் போற்றி

91. ஓம் அடியவர் துயரை அழித்திடும் வேல் போற்றி

92. ஓம் அழல் வேல் போற்றி

93. ஓம் சிந்து வேல் போற்றி

94. ஓம் சித்திர முனை வேல்போற்றி

95. ஓம் துங்கத் தனி வேல் போற்றி

96. ஓம் பேர் பெரிய வேல் போற்றி

97. ஓம் மந்த்ர வேல் போற்றி

98. ஓம் வெற்றி முனை வேல்போற்றி

99. ஓம் குன்றம் பிளந்த வேல் போற்றி

100. ஓம் அகிலமெலாம் போற்றும் வேல்போற்றி

101. ஓம் எண்ணியதை எளிதில் தரும் வேல் போற்றி

102. ஓம் ஏக்கத்தைப் போக்கும் வேல்போற்றி

103. ஓம் என்றும் எங்கும் இருக்கும் வேல் போற்றி

104. ஓம் இன்பமே தரும் இனிய வேல் போற்றி

105. ஓம் சஷ்டிநாதன் கைவேல் போற்றி

106. ஓம் குராவடிக் கோமான் கை வேல் போற்றி

107. ஓம் நவரத்தின வேல் போற்றி

108. ஓம் சீர்மிகு சிறுவாபுரி செல்வன் கைவேல் போற்றி போற்றி!

1. அகத்திய முனிக்கொரு தமிழ்த்ரயம் உரைத்தவா போற்றி

2. அடியார் சித்தத்து இருக்கும் முருகா போற்றி

3. அடி அந்தமிலா அயில் வேல் அரசே போற்றி

4. அடியார் இடைஞ்சல் களைவோனே போற்றி

5. அடியார் இருவினைத் தொகையறுப்பாய் போற்றி

6. அடியார்கள் பங்கில் வருதேவே போற்றி

7. அத்தா நிருத்தா அரத்த ஆடையா போற்றி

8. அந்தண் மறை வேள்வி காவற்கார போற்றி

9. அமராவதி புரக்கும் ஆனைக்கு இறைவா போற்றி

10. அமருல கிறைவ உமைதரு புதல்வ போற்றி

11. அரிய மோன விழிதிறந்த நளின பாதம் போற்றி

12. அலகில் தமிழால் உயர் சமர்த்தனே போற்றி

13. அறு சமய சாத்திரப் பொருளோனேபோற்றி

14. அறிவுடன் ஓது மாதவர் பெருவாழ்வேபோற்றி

15. அறிவும் உரமும் அறமும் நிறமும் உடையாய் போற்றி

16. அறிவிற் பெரிய மேன்மைக்கார போற்றி

17. அன்பர் மகிழ வரங்களும் அருள்வாய் போற்றி

18. ஆதி அந்தமுமான சங்கரி குமரேசாபோற்றி

19. ஆதி முடிவு அற்ற திரு நாமக்காரபோற்றி

20. ஆயிர முகத்து நதி பாலாபோற்றி

21. ஆறுதிருப்பதியில் வளர் பெருமாள் போற்றி

22. இன்சொல் விசாகா க்ருபாகர போற்றி

23. இணையில் அருணை பழநி கிழவபோற்றி

24. இமயவரை ஈன்ற மங்கைக்கு ஒருபாலா போற்றி

25. உக்ர இறையவர் புதல்வா முதல்வாபோற்றி

26. உமையாள் பயந்த இலஞ்சியமே போற்றி

27. உலகு அளவு மால் மகிழ்ந்த மருகாபோற்றி

28. எந்தனுடைச் சாமிநாதா வயலூராபோற்றி

29. எழுதா மறைமா முடிவே வடிவே போற்றி

30. என்றும் அகலாத இளமைக்கார போற்றி

31. ஒருகால் முருகவேள் எனவும் அருள்தாராய் போற்றி

32. கசிவார் இதயத் தமிர்தே போற்றி

33. கடம்ப மலர் முடிக்கும் இளையோனே போற்றி

34. கரிமுகவன் இளைய கந்தப் பெருமான் போற்றி

35. கருதுவார் மனம் புகுந்த பெருமாளேபோற்றி

36. கர்பர் கயிலாயர் மைந்த வடிவேலாபோற்றி

37. கவுரி நாயகனார் குரு நாயக போற்றி

38. குருபுங்கவ எண்குண பஞ்சரனே போற்றி

39. குன்றுருவ ஏவும் வேலைக்கார போற்றி

40. குமர குர கார்த்திகைப் பெருமாளேபோற்றி

41. குவடு தவிடு படக் குத்திய காங்கேயா போற்றி

42. குறமகள் தார்வேய்ந்த புயனே போற்றி

43. குறமகளை வந்தித்து அணைவோனே போற்றி

44. சகல வேதமுமே தொழு சமரபுரிப் பெருமாளே போற்றி

45. சரவணத்திற் பிறந்த ஒரு கந்தசுவாமியே போற்றி

46. சம்பந்தன் எனத் தமிழ் தேக்கிய பெருமான் போற்றி

47. சிந்தாலத்தை அடர் சுந்தாபோற்றி

48. சலைகள் உருவிட அயிலைவிடு குமர போற்றி

49. சிவகாம சுந்தரியே தரு பாலக போற்றி

50. சூர்மா மடியத் தொடுவேலவனே போற்றி

51. செஞ்சொல் அடியார்கள் வாரக்காரபோற்றி

52. செஞ் சேவற், செங்கையுடைய சண்முகா போற்றி

53. செந்தமிழ் சொல் நாலு கவிதைக்கார போற்றி

54. செந்தமிழ் நூல் விரித்த செவ்வேள் போற்றி

55. செவ்வான் உருவில் திகழ் வேலவா போற்றி

56. சேலார் வயல் பொழில் செங்கோடைக்குமர போற்றி

57. செயே வேளே பூவே கோவே போற்றி

58. சோதி கார்த்திகை பெற்ற விளக்கொளி போற்றி

59. ஞானகர சுர பாஸ்கரனே போற்றி

60. தமிழ் சோதித்து அலங்கல் அணி அத்தா போற்றி

61. தமிழ்தனை கரை காட்டிய திறலோனே போற்றி

62. திரியம்பகி அளித்த செல்வச் சிறுவாபோற்றி

63. திங்கள் சூடிய நாயகர் பெருவாழ்வேபோற்றி

64. திருக்குராவடி நிழல் தனில் உறைவோய் போற்றி

65. திருந்த வேதம் தண்தமிழ் தெரிதருபுலவ போற்றி

66. திருமக சந்தர முருக கடம்ப சிவசுதபோற்றி

67. திருநடனம் இடு மயிலில் வரு குமர போற்றி

68. திமிர தினகர முருக சரவணபவ போற்றி

69. திறல் பூண்ட சுப்ரமண்ய ஷண்முகவேலா போற்றி

70. தீர தீர தீராதி தீரப் பெரியோனே போற்றி

71. தேவ தேவ தேவாதி தேவப் பெருமாளே போற்றி

72. தூவிக்குல மயில் வாகனனே போற்றி

73. தெரிவை பாரதியர் சாதியிலாதவர் தரசேய் போற்றி

74. தெய்வ வாரண வநிதை புநிதா போற்றி

75. தொழுது வழிபடும் அடியர் காவற்கார போற்றி

76. நக்கீரர் சரண் என வந்தருள் முருக போற்றி

77. நீலக்ரிப கலாபத் தேர்விடு சேவகாபோற்றி

78. நீர் பெருஞ் சடையாரருள் தேசிகாபோற்றி

79. நிதியே நித்தியமே என் நினைவேபோற்றி

80. நினைத்ததை முடித்தருள் கிருபைக் கடலே போற்றி

81. பச்சை மாமயில் மெச்ச ஏறிய பாகாபோற்றி

82. பரமற்கு அருமறை உபசேதித்த தேசிகா போற்றி

83. பரமகல்யாணி தந்த பெருவாழ்வேபோற்றி

84. பல குன்றிலும் அமர்ந்த பெருமாள்போற்றி

85. பொன்பரவு கதிர்வீசு வடிவேலா போற்றி

86. மகாமாயை களைந்திட வல்லபிரான்போற்றி

87. மஞ்சரி குஞ்சரி தோய் காங்கேயாபோற்றி

88. மணம் அறாத கடம்பு பனைவோய்போற்றி

89. மதுமலர்க் கண் துயில் முகுந்தன் மருகா போற்றி

90. மந்தாகினி தந்த வரோதயனே போற்றி

91. மயில் கொண்டு உலகு நொடியில் வருவாய் போற்றி

92. மன்னா குறத்தியின் மன்னா வயற்பதி மன்னா போற்றி

93. மறவாதவர் நினைப்பவை முடிப்பவாபோற்றி

94. மாநிலம் எழினும் மேலான நாயக போற்றி

95. முத்தமிழை ஆயும் வரிசைக்கார போற்றி

96. மைவருங் கண்டத்தர் மைந்தா போற்றி

97. வடிவும் இளமையும் வளமையுமுடையாய் போற்றி

98. வாசக அதீத மனோலய பஞ்சுரா போற்றி

99. வாசுகி எடுத்துதவும் வாசிக்காராபோற்றி

100. வாவியில் உதித்த முகமாயக்காராபோற்றி

101. வாகை புனை குக்குட பதாகைக் காரா போற்றி

102. வேடர் குலப் பிடிதோய்மலையே போற்றி

103. வேதாள கணம் புகழ் வேலவனேபோற்றி

104. வை வைத்த வேற்படை வானவனேேபாற்றி

105. வேத ஆகம சித்ர வேலாயுதனேபோற்றி

106. வேலும் மயிலும் நினைந்தவர் துயர்தீர அருள்வாய் போற்றி

107. சந்ததமும் அடியார்கள் சிந்தையது குடியான

தண் சிறுவை தனில் மேவும் பெருமான்போற்றி போற்றி

108. வளம் மிகுந்த சிறுவை மேவி வரம் மிகுந்த பெருமான் போற்றி போற்றி

பிறவி யான சடமி றங்கி வழியி லாத துறைசெறிந்து

பிணிக ளான துயர்உ ழன்று- தடுமாறிப்

பெருகு தீயவினையி னொந்து கதிகள்தோறு மலைபொருந்தி

பிடிப டாத ஜனன நம்பி- அழியாதே

நறைவி ழா த மலர்மு கணந்த அரிய மோன வழிதிறந்த

நளின பாதம் என சிந்தை- அகலாதே

நரர்சு ராதி பரும்வ ணங்கும் இனிய சேவைதனை விரும்பி

நல ன்தாக அடியன் என்று- பெறவேனோ

பொறிவ ழாத முனிவர் தங்கள் நெறிவழாத பிலனுழன்று

பொருநி சாச ரனைநி னைந்து- வினைநாடிப்

பொருவி லாமல் அருள்புரிந்து மயிலின் ஏறி நொடியில் வந்து

புளக மேவ தமிழ் புனைந்த- முருகோனே

சிறுவ ராகி இருவர் அந்த கரிபதாதிகொடு

பொருஞ் சொல்

சிலைஇ ராமன் உடன்எ திர்ந்து- சமராடிச்

செயம தான நகர்அ மர்ந்த அளகை போல வளமி குந்த

சிறுவை மேவி வரமி குந்த - பெருமாளே.

சீதாபிராட்டியை கொடுஞ் சொல்லால் கானகத்துக்கு அனுப்பிய, வில்லேந்திய ராமனை, சிறுவரான லவ- குசலவர் இருவரும், யானைப்படை, குதிரைப்படை, காலாட்படை இவற்றுடன் வந்த போது, எதிர்த்து போரிட்டு வெற்றி கொண்ட குபேர பட்டணமான அளகாபுரி போல எல்லா வளங்களும் மிகுந்துள்ள இச்சிறுவாபுரியில் வீற்றிருந்து வரங்களை நிரம்ப இருப்பு வைத்துள்ள பெருமானே, முருகோனே எனக்கு வேண்டிய வரங்களை அருள்வாய் என்று வேண்டிக் கொள்ள வேண்டும்.

வேல் இரண்டெனு நீள்விழி மாதர்கள்

காதலின் பொருள் மேவின பாதகர்

வீணில் விண்டுள நாடிய ரூமைகள் - விலைகூறி

வேளை யென்பதி லாவசை பேசியர்

வேசி என்பவ ராமிசை மோகிகள்

முது நெஞ்சழி ஆசையி லேஉழல்- சிறியேனும்

மால யன்பர னார்இமை யோர்முனி

வோர் புரந்தரன் ஆதிய ரேதொழு

மாத வம்பெறு தாளினை யேதின- மறவாதே

வாழ்த ருஞ்சிவ போகந னூனெறி

யேவி ரும்பி வினாவுட னேதொழ

வாழ்வ ரந்தரு வாய்அடி யேன்இடர்- களைவாயே

நீல சுந்தரிகோமளி யாமளி

நாடகம்பயில் நாரணி பூரணி

நீடு பஞ்சமி சூலினி மாலினி- உமைகாளி

நேயர் பங்கெழு மாதவி யாள்சிவ

காம சுந்தரி யேதரு பாலக!

நீர்பெரு ருஞ்சடை யாரருள் தேசிக!- முருகேசா

ஆலில் நின்றுல கோர்நிலை யேபெற

மாநில ங்கள் எலாநிலை யேதரு

ஆய னந்திரு வூரக மால்திரு- மருகோனே

ஆட கம்பயில் கோபுர மாமதில்

ஆல யம்பல வீதியு மேநிறை

வான தென்சிறு வாபுரி மேவிய- பெருமாளே

இப்புவியில் உள்ளோர் யாவரும் நிலையான வாழ்வு பெறவும், பெரிய ஏழு உலகங்களும் நிலை பெறவும், உலகை காக்கின்ற திருவூரகம் என்னும் தலத்தில் விளங்கும் திருமால் மருகோனே உயர்ந்த தங்கத்தால் (ஆடகம்) வேயப்பட்ட கோபுரங்களும், பெரிய மதில்களும் உடைய கோவில்களும் பல வீதிகளும் நிறைந்து உள்ள அழகிய தென் சிறுவாபுரியில் வீற்றிருக்கும் முருக பெருமானே என்று மனமுருகி இந்த திருப்புகழை ஓதும் போது, இன்றைய சூழலில் நமக்கு ஏற்பட்டுள்ள இடர்கள், கஷ்டங்கள், தேக்கங்கள், தடங்கல்கள், வில்லங்கங்கள், விக்கினங்கள், நஷ்டங்களை நினைவில் கொண்டு மனமுருகி முருக பெருமானை பிரார்த்தித்து, அவை நம்மை விட்டு தொலைய வேண்டுமென்று வேண்டி வணங்க வேண்டும். 

அருணகிரிநாதர் சிறுவாபுரி முருகனைப் போற்றிப் பாடி இருக்கும் நான்கு திருப்புகழையும், அதில் மறை பொருளாகச் சொல்லி இருக்கும் பிரார்த்தனைகளையும் அதன்மூலம் நாம் பயன்பெறும் முறைகளையும் இங்கே காணலாம்.

சீதள வாரிஜ பாதா! நமோநம

நாரத கீத விநோதா நமோநம

சேவல மாமயில் ப்ரீதா! நமோநம - மறைதேடுஞ்

சேகரமான ப்ரதாபா! நமோநம

ஆகமசார சொரூப நமோநம

தேவர்கள் சேனைமகீபா! நமோநம- கதிதோயப்

பாதக நீவுகுடாரா! நமோநம

மாவசு ரேசர்கடோரா நமோநம

பாரினி லேஜய வீரா! நமோநம- மலைமாது

பார்வதி யாள்தரு பாலா! நமோநம

நாவல ஞான மனோலா நமோநம

பால குமார சுவாமி! நமோநம- அருள்தாராய்

போதக மாமுகன் நேரான சோதர

நீறணி வேணியர் நேயா! நமோநம

பூமக ளார்மரு கேசா மகோததி- இகல்சூரா

ேபாதக மாமறை ஞான! தயாகரா!

தேனவிழ் நிபநறா வாரு மார்பக

பூரணி மாமதி போல் ஆறு மாமுக!- முருகேசா

மாதவர் தேவர்களோடேமுராரியும்

மாமலர் மீதுறை வேதாயு மேபுகழ்

மாநிலம் ஏழினும் மேலான நாயக!- வடிவேலா

வானவர் ஊரினும் வீறாகி வீறள

காபுரி வாழ்வினு மேலாக வேதிரு

வாழ்சிறு வாபுரி வாழ்வே! சுராதிபர்- பெருமாளே

இந்த அர்ச்சனை திருப்புகழை பாடும் போது பொருளை உணர்ந்து நமோ நம என முடியும் போது, மலர்களை சிறுவை பால சுப்பிரமணியனின் திருவடிகளில் சமர்ப்பிக்க வேண்டும்.

முதல் பன்னிரண்டு அடிகளில் அர்ச்சனை திருப்புகழில் முருகப் பெருமானின் பராக்கிரமம், அழகு, உறவு கூறப்படுகின்றன.

பின் பன்னிரண்டு அடிகளில் சிறுவாபுரியின் செல்வ சிறப்பு அழகு, பெருமை ஆகியவையும் கூறப்படுகின்றன.

இந்த வரிகளை பாடும் போது முருகனை உணர்ந்து வேண்டி, அவனருளால் எல்லா செல்வங்களையும் பெற பிரார்த்தனை செய்ய வேண்டும்.

இரண்டாவது திருப்புகழ் அர்ச்சனை திருப்புகழாக இருப்பது சிறப்பு.

பழனிக்கு 'நாதவிந்து கலாதி நமோ நம' என்றும் திருப்புகழைப்போல் சிறுவைக்கு 'சீதள வாரிஜ பாதா! நமோ நம' எனும் திருப்புகழை அருணகிரிநாதர் பாடியுள்ளார்.

அர்ச்சனை திருப்புகழ் 6-ல் சரணாகதியின் மேன்மையான முருகனின் பாத சரணத்தைக் குறித்து சிறுவைக்கு எழுதி இருப்பது சிறப்பு.

'வானவர் ஊரினும் வீறாகில் அளகாபுரி வாழ்வினும் மேலாக திருவாழ் சிறுவாபுரி வாழ்வே சுதாரிபர் பெருமாளே எனப்பாடி இங்கு வருபவர்கள் தேவேந்திர பட்டணத்தை காட்டிலும் வளமாக வாழ்வர் என அழுத்தம் திருத்தமாக எடுத்துச்சொல்கிறார்.

மூன்றாவது திருப்புகழில் மானிடப்பிறப்பின் துன்பம் எல்லாம் நீங்குவதற்கு வழிகூறுகிறார் அருணகிரி நாதர்.

நான்காவது திருப்புகழில் 'ஜெயமதான நகர்' என்று சிறுவையே வெற்றி கொண்ட நகரம் என்கிறார்.

ஜெயமதான நகர் அளகை போல வளமிகுந்த சிறுவைமேலி வரமிருந்த பெருமாளே என வெற்றியை தன்னிடம் அமைத்துக் கொண்ட சிறுவை நகரம்.

குபேரப்பட்டணம் என அழைக்கப்பட்ட அளகாபுரி போல் எல்லா வளங்களும் அதிகமாகக் குடிகொண்டுள்ள சிறுவாபுரியில் குடிகொண்டு உள்ள சிறுவை முருகன் வரம் அதிகம் தன்னிடம் இருப்பு உள்ளவன் என அருணகிரிநாதர் சொல்வது, வரமிகுந்தவனை அடிக்கடி நாடி வந்து அவனிடம் இருப்புள்ள வரங்களைப் பெற்று செல்ல வாருங்கள், வாருங்கள்! என அழைப்பது இ.ஃபோல உள்ளது.

இங்குள்ள விக்கிரகங்களில் பாலசுப்பிரமணிய சுவாமி, ஆதிமூலர், நவக்கிரகம் தவிர மற்ற விக்கிரகங்கள் பச்சைக்கல்லில் செய்யப்பட்டவை.

முருகன் சிலை கூட முன்பு மரகதபச்சை கல்லில் இருந்து காலப்போக்கில் பின் நிறுவப்பட்டபோது கருங்கல்லில் செய்யப்பட்டிருக்கலாம்.

இதுபோல் எல்லா விக்கிரகங்களும் மரகதப்பச்சை கல்லில் உள்ளது போல் வேறு எந்தக் கோவிலிலும் இல்லை.

அருணகிரிநாதர் நான்கு திருப்புகழ்களினால் இந்த தலத்தைப் பாடியுள்ளார்.

அருணகிரிநாதர் பாடிய 10000 திருப்புகழ்களில் நம் கைக்கு கிடைத்து இருப்பவை 1330 திருப்புகழ்தாம்.

அவற்றுள் 224 ஸ்தலங்களை பாடியுள்ளார். திருப்புகழ் பாடல் பெற்ற தலங்களில் 9 இடங்கள் இதுவரை கண்டறியப்படாமல் இருக்கின்றன.

கண்டறியப்பட்ட 215 தலங்களில் 35 தலங்களை சிறப்பாக பாடியுள்ளார்.

8 தலங்களில் 4 திருப்புகழ் பாடி இருக்கிறார். 6 தலங்களுக்கு அர்ச்சனை திருப்புகழ் பாடியுள்ளார்.

திருப்புகழில் பாடப்படும் நாயகனாக முருகன் இல்லாமல் 6 பாடல்களில் பாடும் நாயகனாக விநாயகப் பெருமானை பாடியுள்ளார்.

மேற்கண்ட திருப்புகழ் ஆய்வின்படி 6 அர்ச்சனைத் திருப்புகழில் ஒன்றாக சிறுவைக்கு 'சீதளவாரிஜ பாதா நமோ நம:' என ஒரு பாடலுடன் நான்கு திருப்புகழ் பாடிய 8 தலங்களில் ஒன்றாக சிறுவாபுரியும், அமைந்து இருப்பது சிறப்பு.

அருணாசலேசுவரர், அபிதகுஜலாம்பிகை (உண்ணாமுலை) இருவருக்கும் நடுவே அற்புதத் தோற்றமாய், அச்சம், மடம், நாணம், பயிர்ப்புடன் கூடிய வள்ளி நங்கை தம் மணவாளப் பெருமான் முருகனை கைத்தலம் பற்றும் திருமண காட்சியாய் எழுந்தருளி இருக்கிறார்.

கைத்தலம் பற்றுகின்ற பொழுது இயற்கையாய் பெண்ணுக்கு ஏற்படும் கூச்சம், நாணம், பயிர்ப்பு காரணமாக வள்ளி ஒய்யாரமாக லேசாக முன் சாய்ந்து, ஒரு கண்மூடிய நிலையில் நிற்கின்ற கோலத்தைக் காணக் கண் கோடி வேண்டும்.

பின்புறத்தில் இருந்து நோக்கும் பொழுது வள்ளி கள்ளத்தனமாக அரைக்கண் பார்வையாக முருகனை நோக்குவது போல் சிற்பி சிலையை வடித்திருக்கிறார்.

மிக நேர்த்தியான வேலைப்பாடு. இதுபோன்ற சிலை வடிவம் வேறு எங்கும் இல்லை.

ஓவியமாக வள்ளி மலையில் இருக்கும் கோலத்தை, சிலை வடிவமாக இங்கு அமைத்து இருப்பது மிகச்சிறப்பு.

வள்ளி மணவாளப்பெருமானின் அழகைக்காண கண்கோடி வேண்டும்.

சிறுவாபுரியில் முருகப்பெருமானுக்கு தெற்கே அண்ணாமலையார் மரகதப்பச்சையில் கரும்பச்சை வைரம் போல் பிரகாச ஜோதியாகக் காட்சி அளிக்கிறார்.

இத்துணை பெரிய மரகதலிங்கம் வேறு எங்கும் இல்லை.

அருணகிரிநாதர் திருவண்ணாமலைக்கு 'மயிலுமாடி நீயுமாடி வரவேணும்' என்று பாடியதற்கு இணையாக, இங்கு 'மைந்துமயில் உடன் ஆடிவர வேணும்' என பாடி உள்ளதால் அண்ணாமலையாரும், உண்ணாமுலை அம்மையும் இங்கு எழுந்தருளி இருக்கிறார்கள்.

அருணாசலேசுவரர், அபிதகுஜலாம்பிகை (உண்ணாமுலை) இருவருக்கும் நடுவே அற்புதத் தோற்றமாய், அச்சம், மடம், நாணம், பயிர்ப்புடன் கூடிய வள்ளி நங்கை தம் மணவாளப் பெருமான் முருகனை கைத்தலம் பற்றும் திருமண காட்சியாய் எழுந்தருளி இருக்கிறார்.