நீங்கள் தேடியது "இலங்கை ஆஸ்திரேலியா தொடர்"

சிட்னி:

ஆஸ்திரேலியாவில் சுற்றுப்பயணம் மேற்கொண்டு இந்திய கிரிக்கெட் அணி 5 போட்டிகள் கொண்ட பாரடர் - கவாஸ்கர் கோப்பை டெஸ்ட் தொடரில் விளையாடி வருகிறது. 4 போட்டிகள் முடிவடைந்த நிலையில் ஆஸ்திரேலியா 2-1 என்ற கணக்கில் முன்னிலை வகிக்கிறது.

இரு அணிகளுக்கு இடையிலான 5-வது மற்றும் கடைசி டெஸ்ட் போட்டி சிட்னியில் இந்திய நேரப்படி நாளை அதிகாலை 5 மணிக்கு தொடங்குகிறது.

இந்த போட்டி வருகிற 7-ந் தேதி முடிவடைகிறது. இதனையடுத்து ஆஸ்திரேலிய அணி 2 போட்டிகள் கொண்ட டெஸ்ட் தொடரில் விளையாட உள்ளது. இந்த டெஸ்ட் தொடர் இலங்கையில் வருகிற 29-ந் தேதி தொடங்குகிறது.

இந்நிலையில் இலங்கை அணிக்கு எதிரான ஆஸ்திரேலிய அணியின் கேப்டனாக ஸ்டீவ் ஸ்மித் நியமிக்க உள்ளதாக தகவல் வெளியாகி உள்ளது.

சிட்னி:

ஆஸ்திரேலிய அணி 2 போட்டிகள் கொண்ட டெஸ்ட் தொடரில் விளையாடுவதற்காக இலங்கைக்கு சுற்றுப்பயணம் மேற்கொள்ள உள்ளது. இந்த டெஸ்ட் தொடர் இலங்கையில் வருகிற 29-ந் தேதி தொடங்குகிறது.

இந்நிலையில் இலங்கை அணிக்கு எதிரான ஆஸ்திரேலிய அணி அறிவிக்கப்பட்டுள்ளது. 16 பேர் கொண்ட அணியின் கேப்டனாக ஸ்டீவ் ஸ்மித்தும் துணை கேப்டனாக டிராவிஸ் ஹெட்டும் நியமிக்கப்பட்டுள்ளனர். கேப்டனாக பேட் கம்மின்ஸ்-க்கு இந்த தொடரில் ஓய்வு கொடுக்கப்பட்டுள்ளது.

மேலும் இந்தியாவுக்கு எதிரான பார்டர் கவாஸ்கர் தொடரில் காயம் காரணமாக வெளியேறிய ஹசில்வுட், குணமடையாததால் இந்த தொடரில் இடம் பெறவில்லை. வேகப்பந்து வீச்சாளரான ஸ்டார்க்-க்கு இந்த தொடரில் ஓய்வு வழங்கவில்லை.

இலங்கை எதிரான டெஸ்ட் தொடரில் இடம் பெற்றுள்ள ஆஸ்திரேலிய வீரர்கள்:-

ஸ்டீவ் ஸ்மித், உஸ்மான் கவாஜா, சாம் கான்ஸ்டாஸ், மார்னஸ் லாபுசாக்னே, டிராவிஸ் ஹெட், அலெக்ஸ் கேரி, ஜோஷ் இங்கிலிஸ், நாதன் மெக்ஸ்வீனி, பியூ வெப்ஸ்டர், நாதன் லியோன், மிட்செல் ஸ்டார்க், கூப்பர் கோனோலி, டாட் மர்பி, மாட் குஹ்னேமன், சீன் அபோட், ஸ்காட் போலண்ட்.

ஆஸ்திரேலியா அணி இலங்கையில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் விளையாட உள்ளது. இந்த தொடருக்கான ஆஸ்திரேலிய அணி ஏற்கனவே அறிவிக்கப்பட்டது. இதில் பேட் கம்மின்ஸ்-க்கு ஓய்வு அளிக்கப்பட்டு ஸ்டீவ் ஸ்மித் கேப்டனாக நியமிக்கப்பட்டார்.

இந்நிலையில் ஸ்மித்தை இப்படி தற்காலிக கேப்டனாக நியமிப்பது டிராவிஸ் ஹெட் போன்றவர்களுக்கு வாய்ப்பை இழக்கச் செய்கிறது என ஆஸ்திரேலிய அணியின் முன்னாள் வீரர் ஜான்சன் கூறியுள்ளார்.

இது குறித்து அவர் கூறியதாவது:-

பந்தினை சேதப்படுத்தியதாக இரண்டாண்டு கேப்டனாக செயல்பட தடைவிதிக்கப்பட்ட ஸ்டீவ் ஸ்மித்தை மீண்டும் கேப்டனாக இலங்கை தொடரில் நியமித்துள்ளது குழப்பத்தை ஏற்படுத்தியுள்ளது. 35 வயதில் மீண்டும் கேப்டனாக புத்துயிர்ப்படையும் ஸ்மித்தை பல ரசிகர்கள் அவரது தலைமைப் பண்பை பாராட்டுகிறார்கள். நான் இவர்களுக்கு மத்தியில் எனது கருத்தை பதிவு செய்கிறேன்.

கிரிக்கெட் வாழ்க்கை முடியும் தருவாயில் இருக்கும் ஸ்மித்தை இப்படி தற்காலிக கேப்டனாக நியமிப்பது டிராவிஸ் ஹெட் போன்றவர்களுக்கு வாய்ப்பை இழக்கச் செய்கிறது. இது ஒரு பிற்போக்குத்தனமான முடிவாகும். எனது கருத்து எந்த மாற்றத்தையும் ஏற்படுத்தாவிட்டாலும் அணியின் நீண்ட கால முன்னேற்றத்தில் தேர்வுக்குழுவினர் தவறிழைத்து விட்டதை நினைத்து வெறுப்படைகிறேன்.

என்று ஜான்சன் கூறியுள்ளார்.

கொழும்பு:

ஆஸ்திரேலிய கிரிக்கெட் அணி இலங்கையில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் விளையாடுகிறது. அதன்படி இவ்விரு அணிகளுக்கு இடையிலான முதலாவது டெஸ்ட் போட்டி நாளை காலே மைதானத்தில் தொடங்க உள்ளது.

இந்த தொடருக்கான இரு அணிகளும் ஏற்கனவே அறிவிக்கப்பட்டுள்ளது. இலங்கை அணிக்கு தனஞ்சயா டி சில்வா கேப்டனாகவும் ஆஸ்திரேலிய அணிக்கு ஸ்மித் கேப்டனாகவும் நியமிக்கப்பட்டுள்ளனர்.

இந்நிலையில் இந்திய அணிக்கு எதிரான கடைசி 2 போட்டிகளில் ஆஸ்திரேலிய அணியின் தொடக்க பேட்ஸ்மேன்களாக கவாஜாவுடன் சாம் கான்ஸ்டாஸ் களமிறங்கினார். இந்த தொடக்க வீரர்களில் மாற்றத்தை அந்த அணி கொண்டுவந்துள்ளது.

அதன்படி தொடக்க வீரராக இருந்த சாம் கான்ஸ்டாஸ்-க்கு பதிலாக அந்த அணியின் அதிரடி ஆட்டக்காரர் டிராவிஸ் ஹெட் களமிறங்க உள்ளார். இதனால் இலங்கை அணிக்கு எதிரான முதல் டெஸ்ட் தொடக்கம் முதலே அதிரடியாக இருக்கும் என எதிர்பார்க்கப்படுகிறது. 

காலே:

இலங்கைக்கு சென்றுள்ள ஆஸ்திரேலிய கிரிக்கெட் அணி 2 போட்டிகள் கொண்ட டெஸ்ட் மற்றும் 2 ஒருநாள் போட்டிகளில் விளையாடுகிறது. இதில் இவ்விரு அணிகளுக்கு இடையே முதலில் டெஸ்ட் தொடர் நடைபெறுகிறது.

அதன்படி இரு அணிகளுக்கு இடையிலான முதலாவது டெஸ்ட் போட்டி காலே மைதானத்தில் இன்று தொடங்கியது. இதில் டாஸ் வென்ற ஆஸ்திரேலியா பேட்டிங்கை தேர்வு செய்தது.

அதன்படி களமிறங்கிய தொடக்க ஆட்டக்காரர் டிராவிஸ் ஹெட் (57) அதிரடியாக விளையாடி அரை சதம் கடந்து அவுட் ஆனார். அடுத்து வந்த லபுசென் 20 ரன்னில் ஆட்டமிழந்தார். இதனையடுத்து கவாஜா -ஸ்மித் ஜோடி பொறுப்புடன் ஆடி அணியின் ஸ்கோரை உயர்த்தினர்.

இந்த போட்டியில் ஸ்மித் 1 ரன் எடுத்த போது டெஸ்ட் கிரிக்கெட்டில் 10 ஆயிரம் ரன்களை கடந்து சாதனை படைத்தார். இதன்மூலம் பல சாதனைகளை ஸ்மித் படைத்துள்ளார்.

10 ஆயிரம் ரன்களை கடந்த 4-வது ஆஸ்திரேலிய வீரராக ஸ்மித் சாதனை படைத்தார். முதல் 3 இடங்களில் ரிக்கி பாண்டிங் (13,378), ஆலன் பார்டர் (11,174), ஸ்டீவ் வாக் (10927) ஆகியோர் உள்ளனர். மேலும் ஒட்டுமொத்தமாக 10 ஆயிரம் ரன்களை கடந்த வீரர்கள் பட்டியலில் ஸ்டீவ் ஸ்மித் 15-வது இடத்தில் உள்ளார்.

அதிவேகமாக 10 ஆயிரம் ரன்களை கடந்தவர்கள் பட்டியலில் ஸ்மித் 5-வது இடத்தில் உள்ளார். இவர் 205 போட்டிகளில் விளையாடி 10 ஆயிரம் ரன்களை கடந்து சாதனை படைத்துள்ளார்.

அதிவேகமாக 10 ஆயிரம் ரன்களை கடந்த வீரர்கள் விவரம்:-

195 - பிரையன் லாரா (மேற்கிந்திய தீவுகள்) vs இங்கிலாந்து, மான்செஸ்டர் (2004)

195 - சச்சின் டெண்டுல்கர் (இந்தியா) vs பாகிஸ்தான், ஈடன் கார்டன்ஸ் (2005)

195 - குமார் சங்கக்காரா (இலங்கை) vs ஆஸ்திரேலியா, எம்சிஜி (2012)

196 - ரிக்கி பாண்டிங் (ஆஸ்திரேலியா) vs மேற்கிந்திய தீவுகள், நார்த் சவுண்ட் (2008)

205 - ஸ்டீவ் ஸ்மித் (ஆஸ்திரேலியா) vs இலங்கை, காலே (2025)

206 - ராகுல் டிராவிட் (இந்தியா) vs தென்னாப்பிரிக்கா, சென்னை (2008)

10 ஆயிரம் ரன்கள் குவித்த வீரர்கள் விவரம்

சச்சின் டெண்டுல்கர் (இந்தியா) - 15,921 ரன்கள்

ரிக்கி பாண்டிங் (ஆஸ்திரேலியா) - 13,378 ரன்கள்

ஜாக் காலிஸ் (தென்னாப்பிரிக்கா) - 13289 ரன்கள்

ராகுல் டிராவிட் (இந்தியா) - 13,288 ரன்கள்

ஜோ ரூட் (இங்கிலாந்து) - 12,972 ரன்கள்

அலஸ்டர் குக் (இங்கிலாந்து) - 12,472 ரன்கள்

குமார் சங்கக்கார (இலங்கை) - 12,400 ரன்கள்

பிரையன் லாரா (மேற்கிந்திய தீவுகள்) - 11,953 ரன்கள்

ஷிவ்நரேன் சந்தர்பால் (மேற்கிந்திய தீவுகள்) - 11,867 ரன்கள்

மஹேல ஜெயவர்த்தனே (இலங்கை) - 11,814 ரன்கள்

ஆலன் பார்டர் (ஆஸ்திரேலியா) - 11,174 ரன்கள்

ஸ்டீவ் வாக் (ஆஸ்திரேலியா) - 10,927 ரன்கள்

சுனில் கவாஸ்கர் (இந்தியா) - 10,122 ரன்கள்

யூனிஸ் கான் (பாகிஸ்தான்) - 10,099 ரன்கள்

ஸ்டீவ் ஸ்மித் (ஆஸ்திரேலியா) -10,000* ரன்கள் (தற்போது)

கிரிக்கெட் உலகின் தலைசிறந்த வீரராக திகழ்பவர் ஸ்டீவ் ஸ்மித். இவர் இந்தியாவிற்கு எதிரான பார்டர் கவாஸ்கர் தொடரிலே 10 ஆயிரம் ரன்களை எட்டும் வாய்ப்பு கிட்டியது. ஆனால், 1 ரன்னில் அந்த சாதனையை படைக்கும் வாய்ப்பைத் தவறவிட்டார்.

இந்த நிலையில், இலங்கைக்கு எதிரான டெஸ்ட் தொடரில் கம்மின்ஸ் காயம் காரணமாக விலகியதால், ஸ்மித் தலைமையில் ஆஸ்திரேலிய அணி களமிறங்கியது. ஆஸ்திரேலிய அணிக்காக முதல் விக்கெட்டிற்கு டிராவிஸ் ஹெட் அதிரடியாக 57 ரன்கள் எடுத்து அவுட்டாகிய நிலையில், அடுத்து வந்த லபுசென் 20 ரன்னில் அவுட்டானார்.

அடுத்து வந்த ஸ்டீவ் ஸ்மித் 1 ரன் எடுத்து டெஸ்ட் கிரிக்கெட்டில் 10 ஆயிரம் ரன்களை எட்டினார். டெஸ்ட் கிரிக்கெட்டில் 10 ஆயிரம் ரன்களை எட்டிய ஸ்டீவ் ஸ்மித்திற்கு மைதானத்தில் இருந்த ரசிகர்களும், இரு அணி வீரர்களும் கைதட்டி வாழ்த்து தெரிவித்தனர். கேப்டனாக இருக்கும்போது இந்த சாதனையை அவர் எட்டியிருப்பது தனிச்சிறப்பாக கருதப்படுகிறது.

தொடர்ந்து விளையாடிய ஸ்மித் சதம் விளாசி அசத்தினார். டெஸ்ட் கிரிக்கெட்டில் 115 போட்டிகளில் விளையாடிய ஸ்மித் 35-வது சதத்தை பதிவு செய்துள்ளார்.

இதன் மூலம் டெஸ்ட் கிரிக்கெட்டில் 34 சதங்கள் விளாசிய 4 முன்னாள் ஜாம்பவான்களான யூனிஸ்கான் (பாகிஸ்தான்), சுனில் கவாஸ்கர் (இந்தியா), பிரைன் லாரா (வெஸ்ட் இண்டீஸ்), ஜெயவர்தனே (இலங்கை) ஆகியோரது சாதனையை ஸ்மித் முறியடித்துள்ளார்.

காலே:

இலங்கை- ஆஸ்திரேலியா அணிகளுக்கு இடையேயான முதல் டெஸ்ட் போட்டி காலே மைதானத்தில் இன்று தொடங்கியது. இதில் டாஸ் வென்ற ஆஸ்திரேலிய அணியின் கேப்டன் ஸ்மித் பேட்டிங்கை தேர்வு செய்தார். அதன்படி ஆஸ்திரேலிய அணி முதலில் பேட்டிங் செய்தது.

அதன்படி ஆஸ்திரேலிய அணியின் தொடக்க வீரர்களாக கவாஜா , டிராவிஸ் ஹெட் களமிறங்கினர். இருவரும் சிறப்பாக விளையாடி ரன்கள் குவித்தனர். குறிப்பாக டிராவிஸ் ஹெட் அதிரடியாக விளையாடி அரைசதமடித்து அசத்தினர். அவர் 40 பந்தில் 57 ரன்கள் எடுத்த நிலையில் ஆட்டமிழந்தார். அடுத்த வந்த லெபுசென் 20 ரன்களில் ஆட்டமிழந்தார்.

இதனையடுத்து கவாஜாவுடன் ஸ்மித் ஜோடி சேர்ந்தார். இருவரும் நிலைத்து ஆடி ரன்கள் குவித்தனர். தொடர்ந்து விளையாடிய இருவரும் சதமடித்து அசத்தினர்.

இறுதியில் முதல் நாள் ஆட்ட நேர முடிவில் ஆஸ்திரேலிய அணி 2 விக்கெட் இழப்பிற்கு 330 ரன்கள் எடுத்தது. கவாஜா 147 ரன்களுடன், ஸ்மித் 104 ரன்களுடன் களத்தில் உள்ளனர். இலங்கை தரப்பில் பிரபாத் ஜெயசூர்யா, ஜெஃப்ரி வேண்டர்சே தலா 1 விக்கெட்டுகளை கைப்பற்றினர்.

காலே:

இலங்கை, ஆஸ்திரேலியா அணிகளுக்கு இடையேயான முதல் டெஸ்ட் போட்டி காலே மைதானத்தில் நேற்று தொடங்கியது. டாஸ் வென்ற ஆஸ்திரேலியா பேட்டிங் தேர்வு செய்தது.

அதன்படி ஆஸ்திரேலிய அணி முதலில் களமிறங்கியது. தொடக்க வீரர்களான கவாஜா, டிராவிஸ் ஹெட் இருவரும் சிறப்பாக விளையாடி ரன்கள் குவித்தனர். டிராவிஸ் ஹெட் அதிரடியாக ஆடி அரைசதமடித்து 57 ரன்னில் ஆட்டமிழந்தார். அடுத்து வந்த லபுசேன் 20 ரன்னில் ஆட்டமிழந்தார்.

3வது விக்கெட்டுக்கு ஸ்டீவன் ஸ்மித் கவாஜாவுடன் ஜோடி சேர்ந்தார். இந்த ஜோடி சிறப்பான ஆட்டத்தை வெளிப்படுத்தியது. இருவரும் நிலைத்து நின்று ஆடி சதமடித்து அசத்தினர்.

முதல் நாள் முடிவில் ஆஸ்திரேலிய அணி 2 விக்கெட்டுக்கு 330 ரன்கள் எடுத்தது. கவாஜா 147 ரன்னும், ஸ்மித் 104 ரன்னும் எடுத்து ஆட்டமிழக்காமல் உள்ளனர்.

இந்நிலையில், 2வது நாள் இன்று நடந்து வருகிறது. சிறப்பாக ஆடிய ஸ்மித் 141 ரன்னில் அவுட்டானார். 3வது விக்கெட்டுக்கு இந்த ஜோடி 266 ரன்கள் சேர்த்தது குறிப்பிடத்தக்கது.

தொடர்ந்து பொறுப்புடன் ஆடிய கவாஜா இரட்டை சதமடித்து அசத்தினார். உணவு இடைவேளையில் ஆஸ்திரேலிய அணி 3 விக்கெட்டுக்கு 475 ரன்கள் எடுத்து வலுவான நிலையில் உள்ளது. கவாஜா 204 ரன்னும், ஜோஷ் லிங்கிஸ் 44 ரன்னும் எடுத்து ஆட்டமிழக்காமல் உள்ளனர்.

காலே:

இலங்கைக்கு சென்றுள்ள ஆஸ்திரேலிய கிரிக்கெட் அணி தலா 2 போட்டிகள் கொண்ட டெஸ்ட் மற்றும் 2 ஒரு நாள் போட்டிகளில் விளையாடுகிறது. இதில் இவ்விரு அணிகளுக்கு இடையிலான முதலாவது டெஸ்ட் போட்டி காலே மைதானத்தில் நேற்று தொடங்கியது. இதில் டாஸ் வென்ற ஆஸ்திரேலிய அணி பேட்டிங்கை தேர்வு செய்தது.

அதன்படி ஆஸ்திரேலிய அணியின் தொடக்க வீரர்களாக கவாஜா, டிராவிஸ் ஹெட் களமிறங்கினர். ஹெட் அதிரடியாக விளையாடி அரைசதமடித்து அசத்தினர். அவர் 57 ரன்களில் ஆட்டமிழந்தார். அடுத்து வந்த லபுசென் 20 ரன்களில் ஆட்டமிழந்தார்.

அதனை தொடர்ந்து வந்த ஸ்மித், கவாஜாவுடன் ஜோடி சேர்ந்து சிறப்பான ஆட்டத்தை வெளிப்படுத்தினர். தொடர்ந்து விளையாடிய இருவரும் சதமடித்தனர். இறுதியில் முதல் நாள் ஆட்ட நேர முடிவில் ஆஸ்திரேலிய அணி 2 விக்கெட் இழப்பிற்கு 330 ரன்கள் எடுத்தது . கவாஜா 147 ரன்களுடன், ஸ்மித் 104 ரன்களுடன் களத்தில் இருந்தனர்.

இந்நிலையில் இன்று 2-வது நாள் ஆட்டம் தொடங்கியது. கவாஜா, ஸ்மித் இருவரும் சிறப்பாக விளையாடி ரன்கள் குவித்தனர். ஸ்மித் 141 ரன்களில் ஆட்டமிழந்தார் . தொடர்ந்து விளையாடிய கவாஜா இரட்டை சதமடித்து அசத்தினார். இது அவரது முதல் இரட்டை சதம் ஆகும். அவர் 232 ரன்கள் எடுத்து அவுட் ஆனார்.

அடுத்து வந்த ஜோஷ் இங்கிலிஸ் அதிரடியாக விளையாடி சதம் விளாசினார். அவர் 94 பந்தில் 102 ரன்கள் எடுத்த நிலையில் வெளியேறினார். இதனையடுத்து வந்த வெப்ஸ்டர் 23 ரன்னில் அவுட் ஆனார். இதனையடுத்து ஆஸ்திரேலியா 654 ரன்கள் எடுத்த நிலையில் டிக்ளேர் செய்வதாக அறிவித்தது. அலெக்ஸ் கேரி 46 ரன்களுடனும் மிட்செல் ஸ்டார்க் 19 ரன்களுடன் களத்தில் இருந்தனர்.

இலங்கை தரப்பில் பிரபாத் ஜெயசூர்யா, வேண்டர்சே தலா 3 விக்கெட்டுகளை கைப்பற்றினர்.

காலே:

இலங்கை- ஆஸ்திரேலிய கிரிக்கெட் அணிகளுக்கு இடையிலான முதலாவது டெஸ்ட் போட்டி காலே மைதானத்தில் நேற்று தொடங்கியது. இதில் டாஸ் வென்ற ஆஸ்திரேலிய அணி பேட்டிங்கை தேர்வு செய்தது.

அதன்படி முதலில் விளையாடிய ஆஸ்திரேலியா அணி கவாஜா 232, ஸ்மித் 141, ஜோஷ் இங்கிலிஸ் 102 ஆகியோர் உதவியுடன் 654 குவித்து டிக்ளேர் செய்வதாக அறிவித்தது. இலங்கை தரப்பில் பிரபாத் ஜெயசூர்யா, வேண்டர்சே தலா 3 விக்கெட்டுகளை கைப்பற்றினர்.

இந்த போட்டியில் அறிமுகமான ஜோஷ் இங்கிலிஸ், அதிரடியாக விளையாடி 102 (94) சதம் அடித்தார். இதன்மூலம் டெஸ்ட்டில் அதிரடி சதம் விளாசிய 2-வது வீரர் என்ற சாதனையை படைத்துள்ளார். இந்த பட்டியலில் முதல் இடத்தில் இந்திய வீரர் ஷிகர் தவான் உள்ளார்.

2013-ல் ஆஸ்திரேலியாவுக்கு எதிரான போட்டியில் 85 பந்துகளில் இந்திய வீரர் ஷிகர் தவான் சதம் விளாசி முதலிடத்தில் உள்ளார். 3-வது 4-வது இடங்கள் முறையே ஸ்மித் (வெஸ்ட் இண்டீஸ்) 93 பந்துகளிலும் ப்ரித்வி ஷா (இந்தியா) 99 பந்துகளிலும் சதம் விளாசியுள்ளனர் என்பது குறிப்பிடத்தக்கது.

இலங்கையில் சுற்றுப் பயணம் மேற்கொண்டுள்ள ஆஸ்திரேலியா அணி டெஸ்ட் தொடரில் விளையாடி வருகிறது. இரு அணிகள் இடையிலான முதலாவது டெஸ்ட் போட்டி இலங்கையின் கலெவில் நடைபெற்று வருகிறது.

கடந்த 29-ம் தேதி தொடங்கிய இந்தப் போட்டியில் ஆஸ்திரேலியா அணி முதலில் பேட் செய்தது. அதன்படி ஆஸ்திரேலியா அணி முதல் இன்னிங்ஸில் 6 விக்கெட்டுகள் இழப்புக்கு 654 ரன்களை குவித்தது.

இது ஆசிய மண்ணில் ஆஸ்திரேலியா அணி டெஸ்ட் கிரிக்கெட்டில் அடித்த அதிகபட்ச ஸ்கோர் ஆகியுள்ளது. ஆஸ்திரேலிய வீரர் உஸ்மான் கவாஜா அதிகபட்சமாக 232 ரன்கள் ஸ்கோர் செய்தார். இந்த போட்டியில் இலங்கை 42 ஓவரில் 136 ரன்கள் ஸ்கோர் செய்துள்ளது.

இதற்கு முன்னர் பாகிஸ்தானை எதிர்த்து 1980 ஆம் ஆண்டு பசிலாபாத்தில் நடைபெற்ற போட்டியில் ஆஸ்திரேலியா எடுத்த 617 ரன்களே உச்சபட்சமாக இருந்த நிலையில் நீண்ட காலத்துக்கு பிறகு தனது சாதனையை ஆஸ்திரேலியா முறியடித்துள்ளது. 

காலே:

இலங்கைக்கு சென்றுள்ள ஆஸ்திரேலிய கிரிக்கெட் அணி 2 போட்டிகள் கொண்ட டெஸ்ட் தொடரில் விளையாடுகிறது. அதன்படி இவ்விரு அணிகள் இடையிலான முதலாவது டெஸ்ட் போட்டி காலே மைதானத்தில் கடந்த 29-ம் தேதி தொடங்கியது.

இதில் டாஸ் வென்று முதலில் பேட்டிங் தேர்வு செய்த ஆஸ்திரேலிய அணி முதல் இன்னிங்சில் 6 விக்கெட்டுகளை இழந்து 654 ரன்கள் குவித்து டிக்ளேர் செய்தது. அதிகபட்சமாக கவாஜா 232 ரன்களும், ஸ்டீவ் சுமித் 141 ரன்களும், அறிமுக வீரர் ஜோஷ் இங்லிஸ் 102 ரன்களும் எடுத்தனர். இலங்கை தரப்பில் பிரபாத் ஜெயசூர்யா மற்றும் ஜெப்ரி வாண்டர்சே தலா 3 விக்கெட்டுகள் வீழ்த்தினர்.

பின்னர் முதல் இன்னிங்சை தொடங்கிய இலங்கை அணி 15 ஓவர்களில் 3 விக்கெட்டுகளை இழந்து 44 ரன்கள் அடித்திருந்தபோது மழை குறுக்கிட்டது. தொடர்ந்து மழை பெய்ததால் அத்துடன் 2-வது நாள் ஆட்டம் முடித்துக் கொள்ளப்பட்டது. சண்டிமால் 9 ரன்களுடனும், கமிந்து மெண்டிஸ் 13 ரன்களுடனும் களத்தில் இருந்தனர். ஆஸ்திரேலியா தரப்பில் ஸ்டார்க், மேத்யூ குனேமேன் மற்றும் லயன் தலா 1 விக்கெட் வீழ்த்தி இருந்தனர்.

இந்நிலையில் 3-வது நாள் ஆட்டம் நேற்று நடைபெற்றது. தொடர்ந்து பேட்டிங் செய்த இலங்கை அணி 42 ஓவர்களில் 5 விக்கெட்டுகளை இழந்து 136 ரன்கள் அடித்திருந்தபோது மழை குறுக்கிட்டது. இதனால் ஆட்டம் தற்காலிகமாக நிறுத்தப்பட்டது. பின்னர் வெகு நேரமாகியும் மழை தொடர்ந்து பெய்ததால் அத்துடன் 3-வது நாள் ஆட்டம் முடிவுக்கு வந்தது. சண்டிமால் 63 ரன்களுடனும், குசல் மெண்டிஸ் 10 ரன்களுடனும் களத்தில் இருந்தனர்.

இன்று 4-வது நாள் ஆட்டம் நடைபெற்றது. சண்டிமால் 72 ரன்களும், குசல் மெண்டிஸ் 21 ரன்களும் எடுத்து வெளியேறினர். தொடர்ந்து களமிறங்கிய வீரர்களும் ஆஸ்திரேலிய அணியின் பந்துவீச்சை சமாளிக்க முடியாமல் அடுத்தடுத்து ஆட்டமிழந்தனர். இதனால் 165 ரன்களுக்கு இலங்கை ஆட்டமிழந்தது. ஆஸ்திரேலியா சார்பில் குனமன் 5, லயன் 3 விக்கெட்டும் வீழ்த்தினர்.

இந்த நிலையில், 489 ரன்கள் பின்தங்கியதால் இலங்கை அணிக்கு ஆஸ்திரேலியா பாலோ ஆன் வழங்கியது. இதனால் மீண்டும் 2-வது இன்னிங்சில் இலங்கை அணி களமிறங்கியது.

6 ரன்களுக்குள் 2 விக்கெட்டுகளை இலங்கை இழந்தது. இதனையடுத்து தினேஷ் சண்டிமால் -மேத்யூஸ் ஜோடி சேர்ந்து நிதானமாக விளையாடினர். சண்டிமால் 31 ரன்கள் எடுத்த போது ஆட்டமிழந்தார்.

அடுத்து வந்த கமிந்து மெண்டிஸ் 32, மேத்யூஸ் 41, தனஞ்செயா 39, குசல் மெண்டிஸ் 34, பிரதாப் ஜெயசூர்யா 1, நிசான் 0 என சீரான இடைவெளியில் விக்கெட்டுகளை பறிக்கொடுத்தனர். கடைசியில் அதிரடியாக விளையாடிய ஜெஃப்ரி வேண்டர்சே அரை சதம் விளாசி அவுட் ஆனார்.

இறுதியில் இலங்கை அணி 247 ரன்களில் ஆல் அவுட் ஆனது. அதிகபட்சமாக ஜெஃப்ரி வேண்டர்சே 51 ரன்கள் எடுத்தார். இதன்மூலம் 2 போட்டிகள் கொண்ட டெஸ்ட் தொடரில் ஆஸ்திரேலியா 1-0 என்ற கணக்கில் முன்னிலையில் உள்ளது. ஆஸ்திரேலிய தரப்பில் நாதன் லயன், குனமன் 4 விக்கெட்டுகளை கைப்பற்றினர்.

இரு அணிகளுக்கு இடையேயான 2-வது டெஸ்ட் போட்டி பிப்ரவரி 6-ந் தேதி தொடங்குகிறது.