நீங்கள் தேடியது "Tata Motors"

டாடா மோட்டார்ஸ் நிறுவனம் கடந்த மாதம் தனது 50 ஆயிரமாவது எலெக்ட்ரிக் கார் உற்பத்தியை அறிவித்தது. பூனேவில் செயல்பட்டு வரும் டாடா மோட்டார்ஸ் ஆலையில் இருந்து 50 ஆயிரமாவது எலெக்ட்ரிக் கார் வெளியிடப்பட்டது. தற்போது டெலிவரியில் டாடா மோட்டார்ஸ் 50 ஆயிரம் கார்களை எட்டியதாக அறிவித்து இருக்கிறது.

டெலிவரியிலும் 50 ஆயிரமாவது எலெக்ட்ரிக் கார் டாடா நெக்சான் EV ஆக அமைந்தது. 50 ஆயிரமாவது யூனிட் டாடா குழும தலைவர் என் சந்திரசேகரன் இடம் டெலிவரி செய்யப்பட்டது. தற்போது இந்திய சந்தையில் டிகோர் EV, X-Pres T மற்றும் நெக்சான் EV, டியாகோ EV போன்ற மாடல்களை டாடா மோட்டார்ஸ் விற்பனை செய்து வருகிறது.

சமீபத்தில் தான் டாடா மோட்டார்ஸ் நிறுவனம் தனது டியாகோ EV மாடலின் விலைகளை அறிவித்தது. இந்திய சந்தையில் டாடா டியாகோ EV மாடல் விவரங்கள் செப்டம்பர் மாத வாக்கில் அறிவிக்கப்பட்டது. எனினும், விலை விவரங்கள் ரகசியமாக வைக்கப்பட்டு இருந்தது.

இந்திய சந்தையில் டாடா டியாகோ EV மாடலின் விலை ரூ. 8 லட்சத்து 49 ஆயிரம், எக்ஸ்-ஷோரூம் என துவங்குகிறது. இது அறிமுக விலை தான் என்றும், இந்த காரின் விலை அடுத்த மாதம் மாற்றப்பட இருப்பதாகவும் டாடா மோட்டார்ஸ் அறிவித்து இருக்கிறது. 

2023 டாடா ஹேரியர் மாடல் ஸ்பை படங்கள் இணையத்தில் வெளியாகி இருக்கிறது. அடுத்த மாதம் அறிமுகம் செய்யப்பட இருக்கும் நிலையில், புது ஹேரியர் மாடல் டெஸ்டிங் நடைபெற்று வருவதாக தெரிகிறது. 2023 ஆட்டோ எக்ஸ்போ நிகழ்வில் புதிய டாடா ஹேரியர் அறிமுகம் செய்யப்பட இருக்கிறது.

தற்போது டெஸ்டிங் செய்யப்படும் டாடா ஹேரியர் மாடல் முழுமையாக மறைக்கப்பட்டு இருக்கிறது. இதன் ப்ரோடக்ஷன் வெர்ஷனில் எவ்வித மாற்றமும் செய்யப்படாது. அந்த வகையில், புது கார் முழுமையான ஃபேஸ்லிஃப்ட் மாடலுக்கு மாற்றாக சிறு அப்டேட்டாகவே இருக்கும். ஹேரியர் மாடலின் ஃபேஸ்லிஃப்ட் வெர்ஷன் அடுத்த ஆண்டு இறுதியிலோ அல்லது 2024 துவக்கத்திலோ அறிமுகம் செய்யப்படலாம்.

2023 டாடா ஹேரியர் மாடலில் புது நிறங்கள் அறிமுகம் செய்யப்பட்டு, இண்டீரியர் மாற்றங்கள் மேற்கொள்ளப்பட்டு இருக்கும் என எதிர்பார்க்கப்படுகிறது. இத்துடன் போட்டியை எதிர்கொள்ளும் வகையில், புது மாடலில் ஏராளமான புது அம்சங்கள் வழங்கப்படும். புதிய ஹேரியர் மாடலில் 360 டிகிரி கேமரா, அளவில் பெரிய, டச் ஸ்கிரீன் வசதி கொண்ட இன்ஃபோடெயின்மெண்ட் சிஸ்டம், அதிநவீன யுஐ வழங்கப்படலாம்.

இவை தவிர புதிய ஹேரியர் மற்றும் சஃபாரி மாடல்களில் ADAS தொழில்நுட்பம் வழங்கப்படலாம் என்றும் தகவல்கள் வெளியாகி வருகின்றன. இதனை உண்மையாக்கும் வகையில், டெஸ்டிங் செய்யப்படும் கார்களின் பம்ப்பர் மற்றும் விண்ட்ஸ்கிரீன் உள்ளிட்டவைகளில் ரேடார் பேனல்கள் இடம்பெற்று இருந்தது. புதிய காரில் மெக்கானிக்கல் மாற்றங்கள் எதுவும் மேற்கொள்ளப்படாது என்றே தெரிகிறது.

அந்த வகையில், புது காரில் 2.0 லிட்டர் டீசல் என்ஜின், 170 பிஎஸ் பவர், 350 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல், ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படுகிறது. இத்துடன் இந்த காரில் உள்ள என்ஜின் புதிய பிஎஸ்6 2.0 புகை விதிகளுக்கு ஏற்ப அப்டேட் செய்யப்பட்டு இருக்கும்.

டாடா மோட்டார்ஸ் நிறுவனம் உள்நாட்டு வாகன விற்பனையில் 10 சதவீதம் வளர்ச்சியை பதிவு செய்து இருக்கிறது. கடந்த மாதம் டாடா மோட்டார்ஸ் 72 ஆயிர்து 997 யூனிட்களை விற்பனை செய்து இருக்கிறது. இது 2021 டிசம்பர் மாதத்தில் விற்பனையான 66 ஆயிரத்து 307 யூனிட்களை விட அதிகம் ஆகும்.

உள்நாட்டில் பயணிகள் வாகன விற்பனை கடந்த மாதத்தில் மட்டும் 40 ஆயிரத்து 043 யூனிட்கள் ஆகும். 2021 டிசம்பரில் இது 35 ஆயிரத்து 299 என இருந்தது. இதன் மூலம் டாடா மோட்டார்ஸ் பயணிகள் வாகன பிரிவு 13.4 சதவீதம் வளர்ச்சியை பெற்று இருக்கிறது. கடந்த மாதம் வெளிநாடுகளுக்கு ஏற்றுமதி செய்யப்பட்ட எலெக்ட்ரிக் கார்களின் எண்ணிக்கை 3 ஆயிரத்து 868 ஆகும். இது 2021 டிசம்பரில் விற்பனையான 2 ஆயிரத்து 355 யூனிட்களை விட 64.2 சதவீதம் அதிகம் ஆகும்.

"2022 ஆண்டு டாடா மோட்டார்ஸ் பயணிகள் வாகன விற்பனை அமோகமாக இருந்துள்ளது. சந்தை வளர்ச்சியை கடந்து, ஐந்து லட்சம் யூனிட்கள் எனும் மைல்கல்லை எட்டி இருக்கிறோம். ஒட்டுமொத்தமாக 5 லட்சத்து 26 ஆயிரத்து 798 யூனிட்களை விற்பனை செய்து இருக்கிறோம்," என டாடா மோட்டார்ஸ் பயணிகள் வாகனங்கள் லிமிடெட் மற்றும் டாடா பயணிகள் எலெக்ட்ரிக் மொபிலிடடி லிமிடெட் நிறுவனங்களின் நிர்வாக இயக்குனர் சைலேஷ் சந்திரா தெரிவித்து இருக்கிறார்.

"ஒவ்வொரு மாநிலமும் அறிவிக்கும் புதுமை மிக்க திட்டங்கள் மற்றும் தொடர்ந்து அதிகரிக்கும் பிரபலத்தன்மை காரணமாக எலெக்ட்ரிக் வாகன பிரிவில் தொடர்ந்து வளர்ச்சியை எதிர்பார்க்கிறோம். அடுத்த காலாண்டிலும் பயணிகள் வாகன பிரிவு கணிசமான வளர்ச்சியை பெறும் என எதிர்பார்க்கிறோம். வினியோக பிரிவு சார்ந்த சிக்கல் தொடர்பாக சர்வதேச அளவில் கொரோனா பாதிப்பு நிலவரத்தை உற்று நோக்கி வருகிறோம்," என்று அவர் மேலும் தெரிவித்தார்.

டாடா மோட்டார்ஸ் நிறுவனம் கடந்த செப்டம்பர் மாத வாக்கில் தனது குறஐந்த விலை எலெக்ட்ரிக் கார் மாடலாக டியாகோ EV அறிமுகம் செய்தது. இந்திய சந்தையில் புதிய டாடா டியாகோ EV மாடலின் விலை ரூ. 8 லட்சத்து 49 ஆயிரம், எக்ஸ்-ஷோரூம் என துவங்குகிறது. இந்த கார் இருவித பேட்டரி பேக் மற்றும் நான்கு வித வேரியண்ட்களில் கிடைக்கிறது. முன்பதிவு துவங்கிய ஒரே மாதத்தில் இந்த காரை வாங்க சுமார் 20 ஆயிரத்திற்கும் மேற்பட்டோர் முன்பதிவு செய்துள்ளனர்.

இந்த நிலையில், டாடா டியாகோ EV காரின் டெஸ்ட் டிரைவ்கள் துவங்கி நடைபெற்று வருகின்றன. நாடு முழுக்க பெரும்பாலான விற்பனை மையங்களில் டியாகோ EV கார் டெஸ்ட் டிரைவ் செய்ய வழங்கப்படுகிறது. டியாகோ EV மாடல் 19.2 கிலோவாட் ஹவர் மற்றும் 24 கிலோவாட் ஹவர் என இருவித பேட்டரி பேக் ஆப்ஷன்களில் கிடைக்கிறது. இவை முறையே 230 மற்றும் 315 கிலோமீட்டர் வரையிலான ரேன்ஜ் வழங்குகின்றன.

சார்ஜிங் ஆப்ஷன்களை பொருத்தவரை 3.3 கிலோவாட் ஏசி வால் பாக்ஸ் சார்ஜர் மற்றும் 7.2 கிலோவாட் ஏசி சார்ஜர் வழங்கப்படுகிறது. இந்த எலெக்ட்ரிக் காரில்- சிட்டி மற்றும் ஸ்போர்ட் என இருவித டிரைவ் மோட்கள் உள்ளன. இத்துடன் நான்கு ரி-ஜென் மோட், ஆட்டோ ஹெட்லேம்ப்கள், ரெயின்-சென்சிங் வைப்பர்கள், 7-இன்ச் அளவில் டச் ஸ்கிரீன் வசதி கொண்ட இன்ஃபோடெயின்மெண்ட் சிஸ்டம், குரூயிஸ் கண்ட்ரோல், கூல்டு குளோவ்பாக்ஸ் வழங்கப்பட்டு இருக்கிறது.

டாடா டியாகோ EV மாடலின் வினியோகம் இம்மாதமே துவங்குகிறது. இதுதவிர டியாகோ EV காரின் விலை மூன்றில் இருந்து அதிகபட்சம் நான்கு சதவீதம் வரை உயர்த்தப்பட இருக்கிறது. டாடா டியாகோ EV தவிர, டிகோர் EV மற்றும் நெக்சான் EV போன்ற மாடல்களை டாடா மோட்டார்ஸ் இந்திய சந்தையில் விற்பனை செய்து வருகிறது. 

இந்திய ஆட்டோமொபைல் உற்பத்தியாளரான டாடா மோட்டார்ஸ் டிசம்பர் 2022 மாத விற்பனையில் ஹூண்டாயை முந்தியுள்ளது. கடந்த மாதம் மட்டும் டாடா மோட்டார்ஸ் நிறுவனம் 40 ஆயிரத்து 045 யூனிட்களை விற்பனை செய்து இருக்கிறது. கடந்த ஆண்டு டிசம்பர் மாதத்தில் டாடா மோட்டார்ஸ் 35 ஆயிரத்து 500 யூனிட்களை விற்பனை செய்து இருந்தது. அதன்படி விற்பனையில் 13.4 சதவீத வளர்ச்சியை பதிவு செய்துள்ளது.

ஹூண்டாய் நிறுவனம் கடந்த மாதம் 38 ஆயிரத்து 831 யூனிட்களை விற்பனை செய்து இருந்தது. இது 2021 ஆண்டு டிசம்பரில் ஹூண்டாய் நிறுவனம் 32 ஆயிரத்து 312 யூனிட்களை விற்பனை செய்து இருந்தது. அதன்படி வாகன விற்பனையில் 20.2 சதவீதம் வளர்ச்சியை பதிவு செய்து இருக்கிறது. அதன்படி கடந்த மாத விற்பனையில் டாடா மோட்டார்ஸ், ஹூண்டாய் நிறுவனத்தை விட அதிக யூனிட்கள் விற்பனை செய்து இருக்கிறது.

டாடா மோட்டார்ஸ் விற்பனையில் ICE மற்றும் எலெக்ட்ரிக் வாகனங்கள் விற்பனையில் தொடர்ந்து நல்ல வரவேற்பை பெற்று வருகிறது. இந்த மாதம் டாடா மோட்டார்ஸ் நிறுவனம் தனது டியாகோ EV ஹேச்பேக் மாடல் வினியோகத்தை துவங்க இருக்கிறது. முன்னதாக டியாகோ EV காரின் டெஸ்டிங் துவங்கி நடைபெற்று வருகிறது. இதுதவிர டாடா மோட்டார்ஸ் நிறுவனம் பன்ச் EV மாடலை 2023 ஆட்டோ எக்ஸ்போ நிகழ்வில் காட்சிப்படுத்த இருப்பதாக தகவல் வெளியாகி இருக்கிறது.

டாடா மோட்டார்ஸ் நிறுவனம் மூன்று புது எலெக்ட்ரிக் வாகனங்களை ஆட்டோ எக்ஸ்போ 2023 நிகழ்வில் காட்சிப்படுத்த இருக்கிறது. டீசர்களில் புது மாடல்களின் விவரங்கள் அதிக தெளிவாக தெரியவில்லை. எனினும், இவை டாடா டியாகோ ஹேச்பேக், ஹேரியர் மற்றும் சஃபாரி எஸ்யுவி மாடல்களின் எலெக்ட்ரிக் வெர்ஷனாக இருக்கும் என தெரிகிறது.

இவற்றுடன் டாடா மோட்டார்ஸ் நிறுவனம் தனது கர்வ் மற்றும் அவின்யா எலெக்ட்ரிக் கான்செப்ட்களையும் காட்சிப்படுத்தலாம். எலெக்ட்ரிக் வடிவில் அறிமுகமாகும் பட்சத்தில் ஹேரியர் மற்றும் சஃபாரி மாடல்கள் வாடிக்கையாளர்களுக்கு வியப்பாக இருக்கும். ஏற்கனவே சில எலெக்ட்ரிக் கார்களை விற்பனை செய்து வரும் நிலையில், ஹேரியர் மற்றும் சஃபாரி EV மாடல்கள் டாடா மோட்டார்ஸ் நிறுவனத்தின் பெரிய எலெக்ட்ரிக் கார்களாக இருக்கும்.

சமீபத்தில் முழுமையாக அறிமுகம் செய்யப்பட்ட போதிலும், டாடா டியாகோ EV மாடலுக்கான டீசரும் வெளியாகி இருக்கிறது. இந்த காருக்கான வினியோகம் இந்த மாதமே துவங்க இருக்கிறது. அந்த வகையில், தற்போதைய டீசர்களை தொடர்ந்து டாடா டியாகோ EV மாடலின் ஸ்பெஷல் எடிஷன் அறிமுகம் செய்யப்படும் என கூறப்படுகிறது. இது NRG EV எடிஷன் அல்லது டார்க் எடிஷனாக இருக்கும் என தெரிகிறது.

ஏற்கனவே வெளியான தகவல்களில் டாடா மோட்டார்ஸ் நிறுவனம் தனது பன்ச் மாடலின் CNG வெர்ஷனை அறிமுகம் செய்ய இருப்பதாக கூறப்பட்டது. மேலும் இந்த காரின் ஸ்பை படங்களும் இணையத்தில் வெளியாகி இருந்தது. அந்த வரிசையில், டாடா பன்ச் CNG மாடலின் விலை ஆட்டோ எக்ஸ்போ நிகழ்வில் அறிவிக்கப்படலாம். இந்த ஆப்ஷன் டாப் எண்ட் வேரியண்டில் மட்டுமே வழங்கப்படும் என கூறப்படுகிறது.

டாடா மோட்டார்ஸ் நிறுவனம் ஆட்டோ எக்ஸ்போ 2023 நிகழ்வில் பல்வேறு புது மாடல்களை காட்சிக்கு வைத்துருக்கிறது. இவற்றில் ICE (பெட்ரோல்), EV மற்றும் CNG போன்ற மாடல்களும் இடம்பெற்று இருந்தன. இந்த புது மாடல்கள் எப்போது அறிமுகம் செய்யப்படும் என்பது குறித்து டாடா மோட்டார்ஸ் அதிக விவரங்களை வெளியிடவில்லை.

அந்த வகையில் தற்போது நெக்சான் மாடலில் வழங்கப்பட்டு இருக்கும் 1.5 லிட்டர் என்ஜின் மற்றும் ஹேரியர், சஃபாரி போன்ற மாடல்களில் வழங்கப்பட்டு இருக்கும் 2.0 ஃபியாட் என்ஜின் மேலும் சில காலத்திற்கு தொடர்ச்சியாக பயன்படுத்தப்படும் என தெரிகிறது. இம்முறை ஆட்டோ எக்ஸ்போவில் அனைவரையும் கவர்ந்த மாடல்களில் ஒன்றாக டாடா சியெரா EV கான்செப்ட் இரண்டாவது வெர்ஷன் இருந்தது.

தற்போது இந்த மாடல் நான்கு கதவுகள், கன்வென்ஷனல் கண்ட்ரோல் மற்றும் ஸ்விட்ச்கியர் கொண்ட இண்டீரியர் உள்ளது. அந்த வகையில், இந்த கார் உற்பத்திக்கு பெருமளவு தயாராகி விட்டது என்றே தெரிகிறது. இந்த எலெக்ட்ரிக் வாகனம் டாடா மோட்டார்ஸ் நிறுவனத்தின் ஜென் 2 ஆர்கிடெக்ச்சரில் உருவாக்கப்பட்டு இருக்கிறது. ஜென் 2 ஆர்கிடெக்ச்சர் பெருமளவு மாற்றங்கள் செய்யப்பட்ட ஆல்ஃபா பிளாட்பார்ம் வெர்ஷன் ஆகும்.

இந்த மாடலில் டாடாவின் புதிய தலைமுறை 1.5 லிட்டர் டைரெக்ட் இன்ஜெக்ஷன் டர்போ பெட்ரோல் என்ஜின் வழங்கப்படலாம். இந்த என்ஜின் 160 முதல் 180 ஹெச்பி பவர் வெளிப்படுத்தும் என தெரிகிறது. இந்த என்ஜின் ஹேரியர், சஃபாரி மற்றும் கர்வ் எஸ்யுவி மாடல்களில் வழங்கப்படலாம். இத்துடன் 2022 வாக்கில் அறிமுகம் செய்யப்பட்ட டாடா அவின்யா மாடல் முதல் முறையாக பொது வெளியில் காட்சிக்கு வைக்கப்பட்டு இருக்கிறது.

இந்த மாடல் பிஸ்போக் ஸ்கேட்போர்டு பிளாட்ஃபார்மில் உருவாக்கப்பட்டு இருக்கிறது. இந்த மாடல் 2025 வாக்கில் விற்பனைக்கு வரும் என எதிர்பார்க்கலாம். இந்த கார் முழு சார்ஜ் செய்தால் அதிகபட்சம் 500 கிலோமீட்டர் ரேன்ஜ் வழங்கும் என தெரிகிறது. அவின்யா மாடல் முழுக்க முழுக்க எலெக்ட்ரிக் வெர்ஷனில் மட்டுமே அறிமுகமாகும் என்றும் கூறப்படுகிறது. அந்த வகையில் இந்த காரின் ICE வெர்ஷன் அறிமுகமாகாது.

டாடா ஹேரியர் எலெக்ட்ரிக் வெர்ஷன் அடுத்த ஆண்டு அறிமுகம் செய்யப்பட இருக்கிறது. இந்த காரில் பிளான்க்டு-ஆஃப் கிரில், ஏரோ-எஃபிஷியண்ட் அலாய் வீல்கள் வழங்கப்படுகின்றன. இந்த காரில் இரு எலெக்ட்ரிக் மோட்டார்கள் கொண்ட ஆப்ஷனும் வழங்கப்பட இருக்கிறது. இத்துடன் 1.5 லிட்டர் டர்போ பெட்ரோல் வெர்ஷனும் அறிமுகமாகும் என தெரிகிறது.

டாடா கர்வ் கான்செப்ட் மாடலும் ஆட்டோ எக்ஸ்போ 2023-இல் இடம்பெற்று இருக்கிறது. இந்த கார் கிரில், ஃபாக் லேம்ப், வீல், டயர், பாடிவொர்க் மற்றும் இண்டீரியர் போன்ற அம்சங்களுடன் உற்பத்திக்கு தயாரான நிலையிலே காட்சியளிக்கிறது. சியெரா போன்றே இந்த மாடலும் எலெக்ட்ரிக் மற்றும் ICE என இருவித பவர்டிரெயின்களில் கிடைக்கும் என தெரிகிறது. இந்த பெட்ரோல் என்ஜின்கள் 1.5 லிட்டர் டைரக்ட் இன்ஜெக்ஷன் டர்போ, புது தலைமுறை 1.2 லிட்டர் டைரக்ட் இன்ஜெக்ஷன் டர்போ யூனிட் வழங்கப்படலாம்,

டாடா டியாகோ EV காரின் ஸ்போர்ட் வேரியண்ட் ஆக டியாகோ EV ப்ளிட்ஸ் மாடல் ஆட்டோ எக்ஸ்போவில் காட்சிக்கு வைக்கப்பட்டது. இந்த மாடலில் கருப்பு நிற அலாய் வீல்கள், வெளிப்புறம் சிறு அப்டேட்கள், EV பேட்ஜ் அருகில் புளூ போல்ட் வழங்கப்பட்டு இருக்கிறது. இதுதிவர இந்த காரின் பவர்டிரெயின் பற்றி எவ்வித தகவலும் வெளியிடப்படவில்லை. இந்த கார் 2024 வாக்கில் அறிமுகமாகிறது.

அதிகம் எதிர்பார்க்கப்பட்ட டாடா பன்ச் EV மாடல் காட்சிக்கு வைக்கப்படவில்லை. மாறாக பன்ச் மற்றும் அல்ட்ரோஸ் மாடல்களில் iCNG வெர்ஷன்கள் காட்சிக்கு வைக்கப்பட்டன. தோற்றத்தில் பன்ச் CNG மாடல் எவ்வித மாற்றமும் பெறவில்லை. இரு கார்களிலும் ட்வின் சிலிண்டர் யூனிட் வழங்கப்படுகிறது. இவற்றுடன் டாடா ஹேரியர் மற்றும் சஃபாரி டார்க் எடிஷன் மாடல்கள் இந்த ஆண்டு விற்பனைக்கு வர இருக்கின்றன.

டாடா அல்ட்ரோஸ் ரேசர் எடிஷன் மாடலும் ஆட்டோ எக்ஸ்போ 2023-இல் காட்சிக்கு வைக்கப்பட்டது. இந்த மாடல் அல்ட்ரோஸ் i டர்போ காரின் டாப் எண்ட் வேரியண்ட் ஆக இருக்கும் என தெரிகிறது. இந்த காரில் 1.2 லிட்டர் டர்போ பெட்ரோல் என்ஜின் வழங்கப்பட்டு இருக்கிறது. இது 120 ஹெச்பி பவர், 170 நியூட்டன் மீட்டர் டார்க் இழுவிசையை வெளிப்படுத்துகிறது. அல்ட்ரோஸ் ரேசர் மாடலின் வெளிப்புறம் மற்றும் உள்புறத்தில் எவ்வித மாற்றமும் பெறவில்லை. இதன் வெளியீடு பற்றி இதுவரை எந்த தகவலும் இல்லை.

டாடா மோட்டார்ஸ் நிறுவனம் ஆட்டோ எக்ஸ்போ 2023 நிகழ்வில் ஹேரியர் EV, சியெரா EV, பன்ச் i-CNG, அல்ட்ரோஸ் i-CNG, அல்ட்ரோஸ் ரேசர், அவின்யா மற்றும் கர்வ் கான்செப்ட்களை அறிமுகம் செய்தது. இவை தவிர தனது பிரபல எஸ்யுவி மாடல்களான ஹேரியர் மற்றும் சஃபாரி ஃபேஸ்லிஃப்ட் வெர்ஷன்களையும் அறிமுகம் செய்து இருக்கிறது. ஃபேஸ்லிஃப்ட் மாடல்கள் டார்க் எடிஷன் வடிவில் வெளியாகி இருக்கிறது. புது மாடல்களில் பல்வேறு மாற்றங்கள் செய்யப்பட்டுள்ளன.

மாற்றங்களில் குறிப்பிடத்தக்க ஒன்றாக புது சஃபாரி மாடலில் ADAS சூட், 360 டிகிரி சரவுண்ட் வியூ கேமரா, புதிய மற்றும் மேம்பட்ட டச் ஸ்கிரீன் இன்ஃபோடெயின்மெண்ட் சிஸ்டம், புதிய இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. வெளிப்புறத்தில், முன்புற தோற்றம் ஒரே மாதிரி காட்சியளிக்கிறது. பிளாக்டு அவுட் கிரில் பகுதியில் உள்ள ஹெக்சோகன் ரெட் அக்செண்ட் செய்யப்பட்டு பிரேக் கேலிப்பர்களில் ரெட் பெயிண்ட் செய்யப்பட்டுள்ளது. இவை தவிர கார் முழுக்க பிளாக் பெயிண்ட் உள்ளது.

காரின் உள்புறம் ரெட் சீட் மேற்கவர்கள், டோர் கிராப் ஹேண்டில்கள், முன்புறம் செண்டர் ஆர்ம்ரெஸ்ட் சிவப்பு நிறம் கொண்டிருக்கிறது. இத்துடன் இலுமினேட் செய்யப்பட்ட ரூஃப் லைனர் உள்ளது. புதிய சஃபாரி டார்க் எடிஷன் மாடலிலும் அதன் ஸ்டாண்டர்டு மாடலில் உள்ளதை போன்ற என்ஜின் மற்றும் டிரான்ஸ்மிஷன் ஆப்ஷன்கள் வழங்கப்பட்டுள்ளது.

டாடா மோட்டார்ஸ் நிறுவனம் நெக்சான் EV மேக்ஸ் மற்றும் நெக்சான் EV பிரைம் மாடல்களின் விலையை இந்திய சந்தையில் குறைத்து இருக்கிறது. மேலும் நெக்சான் EV பிரைம் மாடலின் புது வேரியண்ட் அறிமுகம் செய்யப்பட்டு உள்ளது.

டாடா நெக்சான் EV பிரைம் மாடலின் விலை தற்போது ரூ.14 லட்சத்து 49 ஆயிரம் என துவங்குகிறது. இது முந்தைய விலையை விட ரூ. 50 ஆயிரம் குறைவு ஆகும். விலை குறைப்பின் படி டாடா நெக்சான் EV பிரைம் டாப் எண்ட் விலை ரூ. 16 லட்சத்து 99 ஆயிரம் என மாறி இருக்கிறது.

டாடா நெக்சான் EV மேக்ஸ் மாடலின் நீண்ட ரேன்ஜ் வழங்கும் வேரியண்ட் ரூ. 85 ஆயிரம் விலை குறைப்பு பெற்று இருக்கிறது. இத்துடன் புதிதாக XM வேரியண்ட் அறிமுகம் செய்யப்பட்டு இருக்கிறது. இதன் விலை ரூ. 16 லட்சத்து 49 ஆயிரம், எக்ஸ்-ஷோரூம் ஆகும். புதிய நெக்சான் EV மேக்ஸ் XM மாடலுடன் 3.3 கிலோவாட் அல்லது 7.2 கிலோவாட் சார்ஜர்கள் ஆப்ஷனாக வழங்கப்படுகிறது.

புதிய நெக்சான் EV மேக்ஸ் மாடலில் எலெக்டிரானிக் பார்கிங் பிரேக், ஆட்டோ கிளைமேட் கண்ட்ரோல், இஎஸ்பி, ப்ரோஜெக்டர் ஹெட்லேம்ப், டிஆர்எல்கள், கீலெஸ் கோ, கனெக்டெட் வெஹிகில் தொழில்நுட்பம், ஆல் வீல் டிஸ்க் பிரேக், டிஜிட்டல் இன்ஸ்ட்ரூமெண்ட் கிளஸ்டர் போன்ற அம்சங்களை கொண்டிருக்கிறது.

புதிய விலை விவரங்கள்:

டாடா நெக்சான் EV பிரைம் XM 30.2 கிலோவாட் ஹவர், 3.3 கிலோவாட் சார்ஜர் ரூ. 14 லட்சத்து 49 ஆயிரம் (ரூ. 50 ஆயிரம் குறைவு)

டாடா நெக்சான் EV பிரைம் XZ+ 30.2 கிலோவாட் ஹவர், 3.3 கிலோவாட் சார்ஜர் ரூ. 15 லட்சத்து 99 ஆயிரம் (ரூ. 31 ஆயிரம் குறைவு)

டாடா நெக்சான் EV பிரைம் XZ+ லக்ஸ் 30.2 கிலோவாட் ஹவர், 3.3 கிலோவாட் சார்ஜர் ரூ. 16 லட்சத்து 99 ஆயிரம் (ரூ. 31 ஆயிரம் குறைவு)

புதிய டாடா நெக்சான் EV மேக்ஸ் XM 40.5 கிலோவாட் ஹவர், 3.3 கிலோவாட் சார்ஜர் ரூ. 16 லட்சத்து 49 ஆயிரம்

டாடா நெக்சான் EV மேக்ஸ் XZ+ 40.5 கிலோவாட் ஹவர், 3.3 கிலோவாட் சார்ஜர் ரூ. 17 லட்சத்து 49 ஆயிரம் (ரூ. 85 ஆயிரம் குறைவு)

டாடா நெக்சான் EV மேக்ஸ் XZ+ லக்ஸ் 40.5 கிலோவாட் ஹவர், 3.3 கிலோவாட் சார்ஜர் ரூ. 18 லட்சத்து 49 ஆயிரம் (ரூ. 85 ஆயிரம் குறைவு)

புதிய டாடா நெக்சான் EV மேக்ஸ் XM 40.5 கிலோவாட் ஹவர், 7.2 கிலோவாட் சார்ஜர் ரூ. 16 லட்சத்து 99 ஆயிரம்

டாடா நெக்சான் EV மேக்ஸ் XZ+ 40.5 கிலோவாட் ஹவர், 7.2 கிலோவாட் சார்ஜர் ரூ. 17 லட்சத்து 99 ஆயிரம் (ரூ. 85 ஆயிரம் குறைவு)

டாடா நெக்சான் EV மேக்ஸ் XZ+ லக்ஸ் 40.5 கிலோவாட் ஹவர், 7.2 கிலோவாட் சார்ஜர் ரூ. 18 லட்சத்து 99 ஆயிரம் (ரூ. 85 ஆயிரம் குறைவு)

டாடா மோட்டார்ஸ் நிறுவனம் தனது அல்ட்ரோஸ் ஹேச்பேக் காரின் அல்ட்ரோஸ் ரேசர் மாடலை ஆட்டோ எக்ஸ்போ 2023 மாடலில் காட்சிக்கு வைத்தது. பொது மக்கள் மற்றும் ஊடகத்துறையை சேர்ந்தவர்களை அதிகம் கவர்ந்த அல்ட்ரோஸ் ரேசர் மாடல் ஸ்போர்ட்ஸ் வேரியண்ட் ஆகும்.

அந்த வகையில், டாடா மோட்டார்ஸ் நிறுவனம் தனது அல்ட்ரோஸ் ரேசர் மாடலை விரைவில் இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது. அல்ட்ரோஸ் ரேசர் மாடலில் வித்தியாசமான ரியர் ஸ்பாயிலர், எலெக்ட்ரிக் அட்ஜஸ்ட் வசதி கொண்ட சன்ரூஃப், டூயல் டோன் நிற ஆப்ஷன், பிளாக்டு-அவுட் ஹெட்லைட், முன்புற கிரில் மற்றும் அலாய் வீல்கள் வழங்கப்பட்டுள்ளன.

டாடா அல்ட்ரோஸ் ரேசர் மாடலில் ஏராளமான ரெட் அக்செண்ட்கள், ரேசர் லோகோ, ஆல் பிளாக் இருக்கை மேற்கவர் மற்றும் ரெட் நிற ஸ்டிட்ச் வழங்கப்பட்டு இருக்கிறது. இவைதவிர புது காரில் அளவில் பெரிய 10.25 இன்ச் டச் ஸ்கிரீன் இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு கனெக்டிவிட்டி, 7 இன்ச் டிஜிட்டல் டிரைவர் டிஸ்ப்ளே, வயர்லெஸ் போன் சார்ஜர், ஏர் பியூரிஃபயர், வெண்டிலேடெட் முன்புற இருக்கைகள் வழங்கப்படுகின்றன.

புதிய அல்ட்ரோஸ் ரேசர் மாடலில் 1.2 லிட்டர், 3 சிலிண்டர், டர்போ சார்ஜ் செய்யப்பட்ட பெட்ரோல் என்ஜின் வழங்கப்படுகிறது. இந்த என்ஜின் 118.3 ஹெச்பி பவர், 170 நியூட்டன் மீட்டர் டார்க் இழுவிசையை வெளிப்படுத்து்ம திறன் கொண்டுள்ளது. இத்துடன் 6 ஸ்பீடு மேனுவல் கியர்பாக்ஸ் வழங்கப்படுகிறது.

ஆட்டோ எக்ஸ்போ 2023 நிகழ்வில் டாடா மோட்டார்ஸ் நிறுவனம் தனது அல்ட்ரோஸ் மற்றும் பன்ச் CNG வெர்ஷன்களை காட்சிக்கு வைத்து இருந்தது. இரு மாடல்களும் இந்த ஆண்டே விற்பனைக்கு வரும் என எதிர்பார்க்கப்படுகிறது. தற்போது டியாகோ, டிகோர் மற்றும் டியாகோ NRG போன்ற கார்களின் CNG வெர்ஷன்களை டாடா மோட்டார்ஸ் இந்தியாவில் விற்பனை செய்து வருகிறது.

இந்த பட்டியலில் அல்ட்ரோஸ் மற்றும் பன்ச் CNG வெர்ஷன்கள் இணை இருக்கின்றன. இதன் CNG வேரியண்டில் 1.2 லிட்டர் மூன்று சிலிண்டர்கள் கொண்ட என்ஜின் வழங்கப்படுகிறது. இந்த யூனிட் பெட்ரோல் மோடில் 86 ஹெச்பி பவர், 113 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. CNG மோடில் 77 ஹெச்பி பவர், 97 நியூட்டன் மீட்டர் டார்க் இழுவிசையை வெளிப்படுத்துகிறது.

இத்துடன் 5 ஸ்பீடு மேனுவல் டிரான்ஸ்மிஷன் வழங்கப்படுகிறது. புதிய டாடா அல்ட்ரோஸ் CNG மற்றும் பன்ச் CNG மாடல்களை நேரடியாக CNG மோடில் இருந்தே ஸ்டார்ட் செய்ய முடியும். வழக்கமாக கார்களின் பெட்ரோல் வேரியண்ட் உடன் ஒப்பிடும், CNG வெர்ஷனில் பூட் ஸ்பேஸ் குறைவாக இருக்கும்.

எனினும், டாடா நிறுவனம் கண்டறிந்து இருக்கும் டுவின்-சிலிண்டர் முறையில், 60 லிட்டர் கியாஸ் டேன்க் வழங்கப்படுகிறது. அதன்படி காரின் பூட் ஸ்பேஸ் பாதிக்கப்படாது. பூட்லிட் மீது i-CNG பேட்ஜ் தவிர வேறு எந்த மாற்றமும் மேற்கொள்ளப்படவில்லை. மேலும் இதன் இண்டீரியர் எவ்வித மாற்றமும் இன்றி ஒரே மாதிரியாகவே காட்சியளிக்கிறது. இரு கார்களில் அல்ட்ரோஸ் மாடல் பிரீமியம் அம்சங்களை கொண்டிருக்கும்.

இந்திய சந்தையில் அல்ட்ரோஸ் CNG மாடல் பலேனோ CNG மற்றும் கிளான்சா CNG மாடல்களுக்கு போட்டியாக அமையும். இந்த மாடலில் ரியர் ஏசி வெண்ட்கள், முன்புறம் செண்டர் ஆர்ம்ரெஸ்ட், டச் ஸ்கிரீன் இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி, ஆட்டோமேடிக் கிளைமேட் கண்ட்ரோல், உயரத்தை அட்ஜஸ்ட் செய்யும் வசதியுடன் டிரைவர் சீட், என்ஜின் ஸ்டார்ட்/ஸ்டாப் பட்டன் உள்ளிட்டவை வழங்கப்படுகிறது.

புதிய டாடா பன்ச் CNG மாடலுக்கு போட்டியாக இதுவரை எந்த மாடலும் சந்தையில் கிடைக்கவில்லை. எனினும், ஹூண்டாய் நிறுவனம் இந்த நிலையை மாற்றும் வகையில், இந்த ஆண்டு இறுதிக்குள் முற்றிலும் புதிய மைக்ரோ எஸ்யுவி மாடலை அறிமுகம் செய்யலாம் என கூறப்படுகிறது. மேலும், இந்த மாடலில் CNG பவர்டிரெயின் ஆப்ஷன் வழங்கப்படும் என்றும் கூறப்படுகிறது.

டாடா மோட்டார்ஸ் நிறுவனம் கடந்த ஆண்டு 50 ஆயிரம் எலெக்ட்ரிக் கார்களை விற்பனை மைல்கல்லுடன் நிறைவு செய்தது. உள்நாட்டு சந்தையில் டாடா நெக்சான் EV மற்றும் டிகோர் EV மாடல்கள் தொடர்ந்து நல்ல வரவேற்பை பெற்று வருகின்றன. இதைத் தொடர்ந்து கடந்த ஆண்டே டியாகோ EV மாடல் கடந்த ஆண்டு அறிமுகம் செய்யப்பட்டது.

இவை தவிர டாடா மோட்டார்ஸ் நிறுவனம் உற்பத்திக்கு கிட்டத்தட்ட தயார் நிலையில் இருக்கும் ஹேரியர் EV மற்றும் சியெரா EV மாடல்களை ஆட்டோ எக்ஸ்போ 2023 நிகழ்வில் காட்சிக்கு வைத்தது. அந்த வகையில், ஜனவரி 2023 மாதத்திற்கு டாடா மோட்டார்ஸ் நிறுவனம் தனது எலெக்ட்ரிக் வாகனங்களுக்கு சலுகைகளை அறிவித்து இருக்கிறது.

அதன்படி டாடா நெக்சான் EV பிரைம் 2022 மாடலுக்கு ரூ. 40 ஆயிரம் தள்ளுபடி, ரூ. 25 ஆயிரம் எக்சேன்ஜ் போனஸ், ரூ. 15 ஆயிரம் கார்ப்பரேட் போனஸ் வழங்கப்படுகிறது. அந்த வகையில் பயனர்கள் மொத்தத்தில் ரூ. 80 ஆயிரம் எக்சேன்ஜ் போனஸ் வகையில் தள்ளுபடியாக பெற முடியும். டாடா நெக்சான் EV பிரைம் XM வேரியண்ட் தவிர வேறு அனைத்து மாடல்களுக்கும் கிடைக்கும்.

2022 நெக்சான் EV மேக்ஸ் மாடலுக்கு ரூ. 25 ஆயிரம் தள்ளுபடி, ரூ. 25 ஆயிரம் எக்சேன்ஜ் போனஸ், ரூ. 10 ஆயிரம் கார்ப்பரேட் போனஸ் வழங்கப்படுகிறது. டாடா நெக்சான் EV மேக்ஸ் வாங்கும் போது வாடிக்கையாளர்கள் அதிகபட்சம் ரூ. 60 ஆயிரம் வரை சேமிக்க முடியும். 2022 டிகோர் EV மாடலுக்கு்ம இதே போன்ற சலுகைகள் வழங்கப்படுகின்றன.

டாடா மோட்டார்ஸ் நிறுவனம் 2023 நெக்சான் EV மாடல்களின் விலையை சமீபத்தில் அறிவித்தது. இதில் நெக்சான் EV மேக்ஸ் ரேன்ஜ் நீட்டிக்கப்பட்டு, சில வேரியண்ட்களின் விலை குறைக்கப்பட்டுள்ளது. 2023 நெக்சான் EV பிரைம் மாடலுக்கு ரூ. 25 ஆயிரம் எக்சேன்ஜ் போனஸ், ரூ. 20 ஆயிரம் கிரீன் போனஸ் மற்றும் ரூ. 15 ஆயிரம் கார்ப்பரேட் தள்ளுபடி வழங்கப்படுகிறது.

2023 டாடா நெக்சான் EV மேக்ஸ் வாங்குவோருக்கு ரூ. 25 ஆயிரம் எக்சேன்ஜ் போனஸ், ரூ. 15 ஆயிரம் கிரீன் போனஸ், ரூ. 10 ஆயிரம் கார்ப்பரேட் தள்ளுபடி வழங்கப்படுகிறது. 2023 டாடா டிகோர் EV மாடலுக்கு ரூ. 25 ஆயிரம் எக்சேன்ஜ் போனஸ், ரூ. 15 ஆயிரம் கிரீன் போனஸ் மற்றும் ரூ. 10 ஆயிரம் கார்ப்பரேட் தள்ளுபடி வழங்கப்படுகிறது.