நீங்கள் தேடியது "Tom Blundell"

நியூசிலாந்து அணி 3 போட்டிகள் கொண்ட டெஸ்ட் தொடரில் இந்தியாவில் விளையாடி வருகிறது. இதுவரை நடைபெற்ற இரண்டு போட்டிகளையும் நியூசிலாந்து வென்றது. வரலாற்றிலேயே இந்திய மண்ணில் முதல் முறையாக ஒரு டெஸ்ட் தொடரை வென்று நியூசிலாந்து அணி மாபெரும் சாதனை படைத்துள்ளது.

அத்துடன் 12 வருடங்களாக சொந்த மண்ணில் தொடர்ச்சியாக வென்று வந்த இந்தியாவின் உலக சாதனை வெற்றி நடையையும் நியூசிலாந்து முடித்துள்ளது.

இந்நிலையில் சமீபத்தில் வங்கதேசத்தை வீழ்த்திய இந்தியா நியூசிலாந்தையும் சேர்த்து 5 - 0 (5) என்ற கணக்கில் வெல்லும் என்று இந்திய ஊடகங்கள் தங்களை குறைத்து மதிப்பிட்டதாக நியூசிலாந்து வீரர் டாம் பிளண்டல் கூறியுள்ளார். மேலும் கடைசிப் போட்டியிலும் வென்று 3 -0 (3) என்ற கணக்கில் இந்தியாவை வீழ்த்துவோம் என்று அவர் நம்பிக்கை தெரிவித்துள்ளார்.

இது பற்றி அவர் கூறியதாவது:-

எங்களை விமர்சித்தவர்கள் கொஞ்சம் ஆச்சரியப்பட்டுள்ளனர். இந்தியாவுக்கு நாங்கள் முதலில் வந்த போது அவர்களுடைய தொலைக்காட்சியில் 5 -0 என்ற கணக்கில் வெல்வோம் என வாசகங்கள் காணப்பட்டன. நாங்கள் இலங்கையில் தோல்வியை சந்தித்ததால் அவர்கள் எங்களை குறைத்து மதிப்பிட்டார்கள் என்று சொல்வேன்.

ஆனால் இப்போது நாங்கள் சாதித்துள்ளதை பார்த்து அவர்கள் ஆச்சரியமடைந்துள்ளனர். உலகின் ஒரு சிறந்த அணியான இந்தியாவை அவர்களுடைய சொந்த மண்ணில் நாங்கள் நல்ல கிரிக்கெட்டை விளையாடி வீழ்த்தியுள்ளோம். அதன் காரணமாக உலக டெஸ்ட் சாம்பியன்ஷிப் கோப்பை ஃபைனலுக்கு தகுதி பெறுவதற்கான வாய்ப்புகள் எங்களுக்கு கிடைத்துள்ளது.

.அது எங்களுக்கு சவாலானது. இந்தியா இந்த தோல்வியால் வலியை சந்தித்திருக்கும். ஆனால் நாங்கள் சிரிப்புடன் எங்கள் வீட்டுக்கு திரும்பி செல்வோம். இது என்னுடைய கேரியரில் ஒரு மிகப்பெரிய வெற்றியாகும். அடுத்ததாக அவர்களை நாங்கள் 3 -0 என்ற கணக்கில் தோற்கடிக்க சுவாரசியமாக இருக்கிறோம். அதையும் தாண்டி நாங்கள் ஏற்கனவே சாதித்துள்ளோம்.

என்று டாம் பிளண்டல் கூறினார்.

மவுண்ட் மாவ்கனி:

இங்கிலாந்து, நியூசிலாந்து அணிகளுக்கு இடையிலான முதல் டெஸ்ட் போட்டி நடைபெற்று வருகிறது. டாஸ் வென்ற நியூசிலாந்து பந்துவீச்சை தேர்வு செய்தது.

அதன்படி, முதலில் ஆடிய இங்கிலாந்து 58.2 ஓவரில் 9 விக்கெட்டுக்கு 325 ரன்கள் எடுத்து டிக்ளேர் செய்தது. ஹாரி புரூக் 89 ரன்னும், டெக்க்ட் 84 ரன்னும் எடுத்தனர். ஒல்லி போப் 42 ரன்னும், போக்ஸ் 38 ரன்னும் எடுத்தனர்.

நியூசிலாந்து சார்பில் நீல் வாக்னர் 4 விக்கெட்டும், சபுத்தி, குஜ்ஜிலி தலா 2 விக்கெட்டும் வீழ்த்தினர்.

தொடர்ந்து ஆடிய நியூசிலாந்து அணி, முதல் நாள் முடிவில் 3 விக்கெட்டுக்கு 37 ரன்கள் எடுத்துள்ளது.

இந்நிலையில், இரண்டாம் நாள் ஆட்டம் நேற்று நடந்தது. டாம் பிளெண்டல் மற்றும் கான்வேயின் பொறுப்பான ஆட்டத்தால் நியூசிலாந்து 300 ரன்களைக் கடந்தது. சிறப்பாக ஆடிய பிளெண்டல் சதமடித்தார். அவர் 138 ரன்னிலும், கான்வே 77 ரன்னிலும் அவுட்டாகினர்.

இறுதியில், நியூசிலாந்து முதல் இன்னிங்சில் 306 ரன்களில் ஆல் அவுட்டானது.

இங்கிலாந்து சார்பில் ஒல்லி ராபின்சன் 4 விக்கெட்டும், ஜேம்ஸ் ஆண்டர்சன் 3 விக்கெட்டும் வீழ்த்தினர்.

இதையடுத்து, 19 ரன்கள் முன்னிலையுடன் இங்கிலாந்து 2வது இன்னிங்சை விளையாடியது. இரண்டாம் நாள் ஆட்ட முடிவில் இங்கிலாந்து அணி 2 விக்கெட்டுக்கு 79 ரன்கள் எடுத்துள்ளது.