தூத்துக்குடி:
பள்ளி மாணவ-மாணவிகளுக்கான ஹோலி கிராஸ் கல்லூரி சுழற் கோப்பைக்கான கைப்பந்து மற்றும் எரிபந்து போட்டிகள் 3-ந் தேதி ஹோலி கிராஸ் பொறியியல் கல்லூரி வளாகத்தில் வைத்து நடைபெற்றது. போட்டியை கல்லூரி நிறுவனர் மற்றும் நிர்வாக இயக்குனர் டாக்டர் பிரகாஷ் ராஜ்குமார் தொடங்கி வைத்தார். தூத்துக்குடி மாவட்ட விளையாட்டு அலுவலர் அந்தோணி அதிஷ்டராஜ் தலைமை தாங்கினார்.
மாணவர்களுக்கான கைப்பந்து போட்டியில் தூத்துக்குடி கால்டுவெல் மேல்நிலைப்பள்ளி முதலிடம் பெற்றது. தருவைகுளம் அரசு மேல்நிலைப்பள்ளி 2-ம் இடம் பெற்றது. எரிபந்து போட்டியில் தூத்துக்குடி கமாக் மெட்ரிகுலேஷன் மேல்நிலைப்பள்ளி முதலிடமும், தூத்துக்குடி தூய மரியன்னை ஆண்கள் மேல்நிலைப்பள்ளி 2-வது இடமும் பெற்றது.
மாணவிகளுக்கான கைப்பந்து போட்டியில் தருவைகுளம் அரசு மேல்நிலைப்பள்ளி முதலிடமும், தூத்துக்குடி சுப்பையா மகளிர் மேல்நிலைப்பள்ளி 2-வது இடமும் பெற்றது. மேலும் எரிபந்து போட்டியில் தூத்துக்குடி ஹோலிகிராஸ் மேல்நிலைப்பள்ளி முதலிட மும், தூத்துக்குடி சுப்பையா மகளிர் மேல்நிலைப்பள்ளி 2-வது இடமும் பெற்றது.
போட்டிகளுக்கான ஏற்பாடுகளை கல்லூரி நிறுவனர் பிரகாஷ் ராஜ்குமார் முன்னிலையில் முதல்வர் அருண்மொழி செல்வியும், கல்லூரி உடற்கல்வி இயக்குனர்கள் மெர்சி பத்மாவதி, அசோக் விக்டர், ஜூலி மற்றும் ஆசிரியர்கள் அலுவலர்கள் ஆகியோர் செய்திருந்தனர். வெற்றி பெற்றவர்களை கல்லூரி தாளாளர் ராஜரத்தினம் வாழ்த்தினார்.
