நீங்கள் தேடியது "US Presidential Election"

அமெரிக்க அதிபர் தேர்தலில் வெற்றி பெற்றுள்ள டொனால்டு டிரம்ப் தனது ஆட்சி நிர்வாகத்தில் பணியாற்ற உள்ள மந்திரிகள், அதிகாரிகளை தேர்வு செய்து வருகிறார். இந்த நிலையில் தேசிய பாதுகாப்பு ஆலோசகராக மைக்கேல் வால்ட்சை டிரம்ப் தேர்வு செய்துள்ளார்.

முன்னாள் ராணுவ அதிகாரியான மைக்கேல் வால்ட்ஸ், புளோரிடா மாகாணத்தில் 3-வது முறையாக எம்.பி.யாக தேர்ந்தெடுக்கப்பட்டவர். இந்தியா மற்றும் இந்திய அமெரிக்கர்களுக்கான பாராளுமன்ற காகசின் இணைத் தலைவராக உள்ளார். காகஸ் என்பது இரு நாடுகள் இடையிலான உறவை வலுப்படுத்த பிரதிநிதிகள் சபையில் உள்ள எம்.பி.க்களின் இருகட்சி கூட்டணியாகும்.

இதற்கிடையே அமெரிக்க வெளியுறவுத்துறை புதிய மந்திரியாக செனட்டராக உள்ள மார்கோ ரூபியோவை டிரம்ப் தேர்வு செய்துள்ளதாக தகவல் வெளியாகி இருக்கிறது. இப்பதவி இந்திய வம்சாவளியை சேர்ந்த விவேக் ராமசாமிக்கு கிடைக்கலாம் என்று கருதப்பட்டது. ஆனால் அவரை டிரம்ப் நிராகரித்துள்ளார்.

ஐ.நா.வுக்கான அமெரிக்க தூதராக நியூயாா்க் 21-வது மாவட்ட நாடாளுமன்ற உறுப்பினா் எலீஸ் ஸ்டெபானிக்கை டிரம்ப் நியமித்துள்ளாா். எல்லை விவகாரங்களுக்கான பொறுப்பாளராக, குடியேற்றம் மற்றும் சுங்க விதிகள் அமலாக்கத் துறையில் அதிபரின் இயக்குநராகப் பதவி வகித்துள்ள டாம் ஹோமனை நியமிப்பதாக டிரம்ப் அறிவித்துள்ளாா்.

அமெரிக்க அதிபர் தேர்தலில் டொனால்டு டிரம்ப் அமோக வெற்றி பெற்றார். இதன்மூலம் அமெரிக்காவின் 47-வது அதிபராக டொனால்டு டிரம்ப் பதவியேற்க உள்ளார்.

அமெரிக்க அதிபர் தேர்தலில் 295 எலக்டோரல் வாக்குகளை டிரம்ப் பெற்றார். கமலா ஹாரிஸ் 226 எலக்டோரல் வாக்குகளை மட்டுமே பெற்று தோல்வியடைந்தார்.

அமெரிக்க துணை அதிபராக ஜேடி வான்ஸ் தேர்ந்தெடுக்கப்பட்டுள்ளார். ஜேடி வான்ஸ் மனைவி உஷா சிலுக்குரி ஆந்திர பிரதேச மாநிலத்தை பூர்வீகமாக கொண்டவர். இதனால் தெலுங்கு மக்கள் ஜேடி வான்ஸ் வெற்றியை பட்டாசு வெடித்து கொண்டாடினர்.

இந்நிலையில் தெலுங்கானா மாநிலம் ஜங்கான் மாவட்டத்தில் உள்ள கொன்னே கிராம மக்கள் டொனால்டு டிரம்ப்பிற்கு கட்டப்பட்டுள்ள கோவிலில் அவரது சிலைக்கு மாலை அணிவித்து வழிபட்டுள்ளனர்.

கிருஷ்ணா என்ற இளைஞர் 2018 ஆம் ஆண்டு தனது பூஜை அறையில் டொனால்ட் டிரம்பின் புகைப்படத்தை வைத்து வழிபட ஆரம்பித்தார். பின்னர் 2019 ஆம் ஆண்டு தனது வீட்டின் முன்பு 6 அடி உயர டிரம்ப் சிலையை அமைத்து பூஜைகள் செய்து பால் அபிஷேகமும் செய்தார். இதற்காக அவர் ரூ.2 லட்சம் வரை செலவு செய்தார். இதனால் அந்த கிராமத்தினர் அவரை ட்ரம்ப் கிருஷ்ணா என்று அழைக்க ஆரம்பித்தனர்.

இந்நிலையில் கிருஷ்ணா தனது 33வது வயதில் 2020 அக்டோபரில் மாரடைப்பால் உயிரிழந்தார். இதனால் ட்ரம்ப் வெற்றியை கொண்டாடும் வகையில் கிருஷ்ணாவின் உறவினர்கள் அவரது வீட்டில் உள்ள ட்ரம்ப் சிலையை சுத்தம் செய்து மாலை அணிவித்து வழிபட்டுள்ளனர்.

அமெரிக்க அதிபர் தேர்தல் குடியரசு கட்சி வேட்பாளரான டொனால்டு டிரம்ப் அமோக வெற்றி பெற்றார். இதனைத் தொடர்ந்து 2-வது முறையாக அமெரிக்க அதிபராக பொறுப்பேற்க உள்ளார். டொனால் டிரம்ப் வெற்றி பெற்ற நிலையில் அமைதியான முறையில் அதிகார மாற்றம் நடைபெறும் என தற்போதைய அதிபர் ஜோ பைடன் மற்றும் துணை அதிபர் கமலா ஹாரிஸ் ஆகியோர் தெரிவித்துள்ளனர்.

இதற்கிடையே டொனால்டு டிரம்ப் அதிகாரிகளை அறிவித்து வருகிறார். வெற்றி உரையின்போது ஜே.டி. வின்ஸை துணை அதிபராக அறிவிப்பதில் மகிழ்ச்சி எனத் தெரிவித்திருந்தார்.

இந்த நிலையில் தன்னுடைய தேர்தல் பிரசார குழுவின் மானேஜராக திகழந்த சூசன் வைல்ஸ் என்ற பெண்மணியை வெள்ளை மாளிகை தலைமை அதிகாரியாக நியமித்துள்ளார். இந்த பதவிக்கு முதன்முறையாக பெண் ஒருவர் நியமிக்கப்பட்டுள்ளார்.

அமெரிக்கா வரலாற்றில் மிகப்பெரிய அரசியல் வெற்றியை நான் பெறுவதற்கு சூசன் வைல்ஸ் மிகவும் உதவியாக இருந்தார். என்னுடைய 2016 மற்றும் 2020 வெற்றிகரமான பிரசாரத்தின் ஒரு பகுதியாக அவர் இருந்தார். அவர் கடினமானவர். புத்திசாலி, புதுமையானவர். அத்துடன் உலகளவில் போற்றப்படுகிறவர். மதிக்கப்படுகிறவர் என டொனால்டு டிரம்ப் தெரிவித்துள்ளார்.

மேலும், "அமெரிக்காவை மீண்டும் சிறந்ததாக மாற்ற சூசி (சூசன் வைல்ஸ்) தொடர்ந்து அயராது உழைக்கிறார். அமெரிக்க வரலாற்றில் முதல் பெண் தலைமை அதிகாரியாக சூசி இருப்பது மிகவும் தகுதியான மரியாதை. அவர் நம் நாட்டைப் பெருமைப்படுத்துவார் என்பதில் சந்தேகமில்லை" எனத் தெரிவித்துள்ளார்.

ஜனநாயக கட்சி வேட்பாளர் கமலா ஹாரிஸ் வெற்றி பெறுவார் என எதிர்பார்க்கப்பட்டது. ஆனால் டொனால்டு டிரம்ப் அமோக வெற்றி பெற்றார். இதன்மூலம் அமெரிக்காவின் 47-வது அதிபராக டொனால்டு டிரம்ப் பதவியேற்க உள்ளார்.

அமெரிக்க அதிபர் தேர்தலில் 295 எலக்டோரல் வாக்குகளை டிரம்ப் பெற்றார். கமலா ஹாரிஸ் 226 எலக்டோரல் வாக்குகளை மட்டுமே பெற்று தோல்வியடைந்தார்.

இந்நிலையில் இந்தியாவில் கூகுளில் பலரும் கமலா ஹாரிஸ் மற்றும் டொனால்டு டிரம்பை தேடி வந்தனர்.

இதில் சுவாரசியம் என்னவென்றால், அக்டோபர் 31 முதல் நவம்பர் 6 வரையிலான காலகட்டத்தில் தமிழ்நாட்டை தவிர மற்ற அனைத்து மாநிலங்களிலும் டொனால்டு டிரம்பை அதிகமானோர் கூகுளில் தேடியுள்ளனர்.

கமலா ஹாரிஸ் தமிழ்நாட்டை பூர்வீகமாக கொண்டவர் என்பதால் தமிழ்நாட்டில் அவரை அதிகபேர் தேடியுள்ளனர்.

கமலா ஹாரிஸ் தோல்வி அடைந்தது வருத்தம் அளிப்பதாக அவரது பூர்விக கிராமமான திருவாரூர் மாவட்டத்தை அடுத்த துளசேந்திரபுர கிராம மக்கள் தெரிவித்துள்ளனர். முன்னதாக அமெரிக்க அதிபர் தேர்தலில் கமலா ஹாரிஸ் வெற்றி பெற வேண்டும் என்று கூறி அவரது பூர்விக கிராமத்தில் மக்கள் சிறப்பு பூஜை செய்து வழிபாடு நடத்தினர் என்பது குறிப்பிடத்தக்கது.

அமெரிக்க அதிபர் தேர்தல் நடைபெற்று முடிந்து, உடனே வாக்குகளை எண்ணும் பணிகளும் துவங்கின. அமெரிக்காவில் அதிபர் பதவியை பெற வேட்பாளர் குறைந்தபட்சம் 270 எலக்டோரல் வாக்குகளை பெற வேண்டியது கட்டாயம் ஆகும்.

அந்த வகையில், வாக்கு எண்ணிக்கை தொடங்கியதில் இருந்து முன்னணியில் இருந்து வந்த குடியரசு கட்சியின் வேட்பாளர் டொனால்டு டிரம்ப் 295 எல்க்டோரல் வாக்குகள் பெற்று அமெரிக்க அதிபர் பதவியை வென்றுள்ளார். வெற்றி பெற்றதை அடுத்து அமெரிக்காவின் 47-வது அதிபராக டொனால்டு டிரம்ப் பதவியேற்க உள்ளார்.

டொனால்டு டிரம்ப் இரண்டவாது முறையாக அமெரிக்க அதிபராக பொறுப்பேற்க உள்ளார். இந்த நிலையில், கடந்த ஜூன் 2 ஆம் தேதி எடுக்கப்பட்ட டொனால்டு டிரம்ப் வீடியோ சமூக வலைதளங்களில் வைரல் ஆகி வருகிறது. இந்த வீடியோவில் வாக்கு சேகரிப்பின் அங்கமாக டொனால்டு டிரம்ப் யு.எஃப்.சி. நிகழ்ச்சியில் கலந்து கொண்ட போது, யு.எஃப்.சி. வீரர் கபீப் நூர்மகோமெடோவை சந்தித்து பேசிய காட்சிகள் இடம்பெற்றுள்ளன.

வீடியோவின் படி முதலில் பேசிய கபீப், "டொனால்டு டிரம்ப்-இடம் பாலஸ்தீன போரை நீங்கள் நிறுத்துவீர்கள் என்று எனக்கு தெரியும்," என்றார். இதற்கு பதில் அளித்த டொனால்டு டிரம்ப், "நாம் நிறுத்துவோம். நான் போரை நிறுத்துவேன்," என்று தெரிவித்தார்.

தற்போது அமெரிக்க அதிபர் தேர்தலில் டொனால்டு டிரம்ப் வெற்றி பெற்றுள்ள நிலையில், இஸ்ரேல் - காசா போர் நிறுத்தம் விரைந்து நடக்க வேண்டும் என்பதை உணர்த்தும் வகையில், டிரம்ப் கொடுத்த வாக்குறுதி தொடர்பான வீடியோவை சமூக வலைதளங்களில் பலரும் பகிர்ந்து வருகின்றனர்.

கடந்த ஆண்டு அக்டோபர் 7 ஆம் தேதி இஸ்ரேல் மீது ஹமாஸ் கொடூர தாக்குதலை நடத்தியது. இதில் இஸ்ரேலை சேர்ந்த 1000-க்கும் மேற்பட்டோர் உயிரிழந்தனர். இதன் தொடர்ச்சியாக இஸ்ரேல் விடாமல் பதில் தாக்குதலை நடத்தி வருகிறது. இதன் காரணமாக பாலஸ்தீனத்தை சேர்ந்த 30 ஆயிரத்திற்கும் மேற்பட்டோர் உயிரிழந்து இருப்பதாக தெரிகிறது. 

அமெரிக்க அதிபராக டிரம்ப் மீண்டும் வெற்றி பெற்ற நிலையில், டோனி- டிரம்ப் எடுத்துக்கொண்ட புகைப்படம் இணையத்தில் மீண்டும் வைரலாகி வருகிறது. டோனி கடந்த ஆண்டு அமெரிக்கா சென்றிருந்த போது டோனியை கோல்ப் விளையாட வருமாறு முன்னாள் அதிபர் டிரம்ப் அழைத்திருந்தார். அவரது அழைப்பை ஏற்று பெட்மின்ஸ்டர் பகுதியில் உள்ள டிரம்ப் நேஷனல் கோல்ப் கிளப்புக்கு டோனி சென்றார்.

அப்போது டிரம்புடன் இணைந்து டோனி சிறிது நேரம் கோல்ப் விளையாடினார். அப்போது இருவரும் புகைப்படம் எடுத்துக் கொண்டனர். அந்த புகைப்படத்தை தற்போது மீண்டும் டோனியின் ரசிகர்கள் வைரலாக்கி வருகின்றனர்.

மேலும் டோனியின் ஜெர்சி எண்-7 உடன் டிரம்பின் வெற்றியை இணைத்து மீம்ஸ்களையும் பதிவிட்டு வருகின்றனர். ஒரு பயனர், தேர்தல் நடைபெற்ற நாள் 6-11-2024. 6+1+1+2+2+4= 16, 1+6=7. இந்த காரணத்திற்காக தல என பதிவிட்டுள்ளார்.

அமெரிக்க அதிபர் தேர்தலில் டொனால்டு டிரம்ப் வெற்றி பெற்றுள்ளார். துணை அதிபராக ஜே.டி. வான்ஸ் தேர்ந்தெடுக்கப்பட இருக்கிறார். இதனால் அவரது மனைவி உஷா வான்ஸ் அமெரிக்காவின் 2-வது பெண்மணியாக இருக்கிறார். அமெரிக்காவில் அதிபரின் மனைவி முதல் பெண்மணி என அழைக்கப்படுவார். துணை அதிபர் மனைவி 2-வது பெண்மணி என அழைக்கப்படுவார்.

உஷா வான்ஸ் ஆந்திரா மாநிலத்தை பூர்வீகமாக கொண்டவர். இதன்மூலம் இந்திய வம்சாவளியைச் சேர்ந்த பெண் ஒருவர் அமெரிக்காவின் 2-வது பெண்மணியாக இருப்பது இதுவே முதல்முறையாகும்.

இந்த நிலையில் உஷா வான்ஸ்க்கு ஆந்திர மாநில முதல்வர் சந்திரபாபு நாயுடு வாழ்த்து தெரிவித்துள்ளார்.

சந்திரபாபு நாயுடு தனது வாழ்த்து செய்தியில் "அமெரிக்காவின் துணை அதிபராகும ஜேடி வான்ஸ்க்கு எனது இதயம் கணிந்த வாழ்த்தை தெரிவித்துக் கொள்கிறேன். அவரது வெற்றியால ஆந்திராவை பூர்வீகமாக கொண்ட உஷா வான்ஸ் அமெரிக்காவின் 2-வது பெண்மணியாக உள்ளார். இது உலகத்தில் உள்ள ஆந்திர சமுதாயத்திற்கு பெருமை சேர்க்கும் தருணம். ஆந்திராவுக்கு வருகை தருவதற்காக அவர்களுக்கு அழைப்பு விடுப்பதை எதிர்நோக்கி இருக்கிறேன்" இவ்வாறு சந்திரபாபு நாயுடு தெரிவித்துள்ளார்.

இந்திய வம்சாவளியை சேர்ந்த உஷா சிலுக்குரியின் குடும்பம் ஆந்திர மாநிலம் வட்லூருவை பூர்வீகமாக கொண்டது.

1970-களில் அமெரிக்காவின் கலிபோர்னியா மாகாணத்தில் உள்ள சான்டியாகோவுக்கு உஷாவின் குடும்பம் குடிபெயர்ந்தது. சான்டியாகோவிலேயே பிறந்து வளர்ந்த உஷா, யேல் பல்கலைக்கழகத்தில் வரலாற்றில் இளங்கலைப் பட்டமும், கேம்பிரிட்ஜ் பல்கலைக்கழகத்தில் முதுகலை தத்துவப்பட்டமும் பெற்றுள்ளார்.

உச்சநீதிமன்ற நீதிபதிகளின் கீழ் சட்ட வல்லுநராக பணியாற்றினார். கடந்த 2014-ம் ஆண்டில் குடியரசு கட்சியில் இணைந்த உஷா ஒரு விவாத நிகழ்ச்சியின்போது ஜே.டி.வான்ஸ்- ஐ சந்தித்துள்ளார். இருவருக்கும் இடையில் காதல் ஏற்படவே அதே ஆண்டில் இருவரும் இந்து மற்றும் கிறிஸ்தவ முறைகளின்படி திருமணம் செய்துகொண்டனர். இந்த தம்பதிக்கு தற்போது மூன்று குழந்தைகள் உள்ளனர்.

அமெரிக்க அதிபர் தேர்தலில் ஜனநாயக கட்சி வேட்பாளர் கமலா ஹாரிஸ் வெற்றி பெறுவார் என எதிர்பார்க்கப்பட்டது. ஆனால் டொனால்டு டிரம்ப் அமோக வெற்றி பெற்றார். தேர்தல் வாக்கு எண்ணிக்கை நடைபெற்ற நிலையில் இந்திய நேரப்படி நேற்று உரையாற்ற இருந்தார். ஆனால் தோல்வியை நோக்கி சென்றதால் உரையாற்றவில்லை.

இந்த நிலையில் இன்று அதிகாலை கமலா ஹாரிஸ் உரையாற்றினார். அப்போது கமலா ஹாரிஸ் கூறியதாவது:-

* ஜனநாயகம், சட்டத்தின் ஆட்சி மற்றும் சம நீதிக்கான போராட்டத்தை ஒருபோதும் கைவிட மாட்டோம்

* நமது சுதந்திரத்திற்காக போராடுவது கடின உழைப்பை எடுக்கும். ஆனால் நான் எப்போதும் சொல்வதுபோல் நாங்கள் கடின உழைப்பை விரும்புகிறோம். நம் நாட்டிற்கான போராட்டம் எப்போதும் மதிப்புக்குரியது

* சில நேரங்களில் போராட்டத்தில் வெற்றி கிடைக்க சிறிது நேரம் எடுக்கும். ஆனால் நாம் வெற்றிபெற மாட்டோம் என்று அர்த்தமல்ல. முக்கிய விஷயம் என்னவென்றால், ஒருபோதும் கைவிடாதீர்கள்.

* இந்த தேர்தல் தோல்வியை ஒப்புக்கொண்டாலும் பிரசாரத்திற்கு தூண்டிய போராட்டத்தில் தோல்வியை ஒப்புக்கொள்ளமாட்டேன்.

* அனைத்து மக்களின் சுதந்திரம், வாய்ப்பு, நியாயம் மற்றும் கண்ணியத்திற்கான போராட்டம் தொடரும்.

* இன்று முன்னதாக, நான் அதிபராக தேர்ந்தெடுக்கப்பட்ட டிரம்புடன் பேசினேன், அவரது வெற்றிக்கு வாழ்த்து தெரிவித்தேன்

* டிரம்ப் மற்றும் அவரது குழுவின் மாற்றத்திற்கு நாங்கள் உதவுவோம் என்றும் அமைதியான முறையில் அதிகார மாற்றத்தில் ஈடுபடுவோம் என்றும் நான் ட்ரம்பிடம் கூறினேன்

* தேர்தலில் போட்டியிட்டது பற்றி நான் மிகவும் பெருமைப்படுகிறேன்.

* இந்தத் தேர்தலின் முடிவு நாம் விரும்பியது, போராடியது, எதற்காக வாக்களித்தோம் என்பதற்கானது அல்ல.

* முடிவுகளை நாம் ஏற்றுக்கொள்ள வேண்டும்

* நாம் போராடும் வரை அமெரிக்காவின் வாக்குறுதி வெளிச்சம் எப்போதும் பிரகாசமாக எரியும்.

இவ்வாறு கமலா ஹாரிஸ் தனது உரையின்போது தெரிவித்தார்.

அமெரிக்க அதிபர் தேர்தல் இன்று காலை நடைபெற்று முடிந்தது. உடனே வாக்குகளை எண்ணும் பணிகள் துவங்கின. அமெரிக்காவில் அதிபர் பதவியை பெற வேட்பாளர் குறைந்தபட்சம் 270 எலக்டோரல் வாக்குகளை பெற வேண்டியது கட்டாயம் ஆகும்.

அந்த வகையில், வாக்கு எண்ணிக்கை தொடங்கியதில் இருந்து முன்னணியில் இருந்து வந்த குடியரசு கட்சியின் வேட்பாளர் டொனால்டு டிரம்ப் 277 எல்க்டோரல் வாக்குகள் பெற்று அமெரிக்க அதிபர் பதவியை வென்றுள்ளார்.

வெற்றி பெற்றதை அடுத்து அமெரிக்காவின் 47-வது அதிபராக டொனால்டு டிரம்ப் பதவியேற்க உள்ளார். இந்த தேர்தலில் ஆளும் ஜனநாயக கட்சி வேட்பாளர் கமலா ஹாரிஸ் 224 எல்க்டோரல் வாக்குகள் மட்டுமே பெற்று தோல்வியை தழுவினார்.

கமலா ஹாரிஸ் தோல்வி அடைந்தது வருத்தம் அளிப்பதாக அவரது பூர்விக கிராமமான திருவாரூர் மாவட்டத்தை அடுத்த துளசேந்திரபுர கிராம மக்கள் தெரிவித்துள்ளனர். முன்னதாக அமெரிக்க அதிபர் தேர்தலில் கமலா ஹாரிஸ் வெற்றி பெற வேண்டும் என்று கூறி அவரது பூர்விக கிராமத்தில் மக்கள் சிறப்பு பூஜை செய்து வழிபாடு நடத்தினர் என்பது குறிப்பிடத்தக்கது.

அமெரிக்க அதிபர் தேர்தலில் 277 எல்க்டோரல் வாக்குகள் பெற்று அமெரிக்க அதிபர் பதவியை குடியரசு கட்சி வேட்பாளர் டொனல்டு டிரம்ப் வென்றார். ஆளும் ஜனநாயக கட்சி வேட்பாளர் கமலா ஹாரிஸ் 224 எல்க்டோரல் வாக்குகள் மட்டுமே பெற்று தோல்வியை தழுவினார்.

வெற்றி உறுதியான பின்னர் புளோரிடா மாகாணத்தில் டிரம்ப் தனது குடும்பத்துடன் கலந்துகொண்டு வெற்றியுரை ஆற்றினார். அப்போது மேடையில் நின்றிருந்த ஜேடி வான்ஸ் மற்றும் அவரது மனைவி உஷா சிலுக்குரி வான்ஸ் ஆகியோரை நோக்கி கைகாட்டி இனி நான் உங்களை துணை அதிபர் என்று அழைக்கலாம் என்று பெருமிதமாக கூறினார்.

அமெரிக்க அதிபர் தேர்தலில் துணை அதிபர் வேட்பாளராக ஜேடி வான்ஸ் முன்னர் அறிவிக்கப்பட்டபோது அவரது இந்திய வம்சாவளியை சேர்ந்த மனைவி உஷா கவனம் பெற்றார். கமலா ஹாரிஸ்க்கு எதிரான குடியரசுக் கட்சியின் நகர்வாக இது பார்க்கப்பட்டது. உஷா சிலுக்குரியின் குடும்பம் ஆந்திர மாநிலம் வட்லூருவை பூர்வீகமாக கொண்டது.

இந்த நிலையில், அமெரிக்காவின் துணை அதிபர் ஜேடி வான்ஸ் மனைவி உஷா சிலுக்குரி பிறந்த ஆந்திர மாநிலத்தின் வட்லூருவில் கிராம மக்கள் பட்டாசு வெடித்து கொண்டாடினர். இது தொடர்பான வீடியோ சமூக வலைதளங்களில் அதிகம் பகிரப்படுகிறது.

அமெரிக்க அதிபர் தேர்தலில் ஸ்விங் ஸ்டேட்டசில் வெற்றி பெற்ற டொனால்டு டிரம்ப், கமலா ஹாரிஸ் வாக்குப்பதிவு இந்திய நேரப்படி நேற்று மாலை 5.30 மணிக்கு தொடங்கி இன்று அதிகாலை 5.30 மணிக்கு நிறைவடைந்தது. வாக்குப்பதிவு முடிந்த உடனேயே வாக்குகள் எண்ணும் பணி தொடங்கின. 50 மாகாணகளில் மொத்தம் உள்ள 538 எலக்டோரல் வாக்குகளில் 270 க்கு மேல் பெறுபவர்கள் வெற்றியாளர்களாக அறிவிக்கப்படும்.

அந்த வகையில் 277 எல்க்டோரல் வாக்குகள் பெற்று அமெரிக்க அதிபர் பதவியை குடியரசு கட்சி வேட்பாளர் டொனல்டு டிரம்ப் வென்றெடுத்தார். ஆளும் ஜனநாயக கட்சி வேட்பாளர் கமலா ஹாரிஸ் 224 எல்க்டோரல் வாக்குகள் மட்டுமே பெற்று தோல்வியை தழுவினார்.  

கருத்துருக்கணிப்புகளுக்கு முரணாக ஆரம்பத்தில் இருந்தே டிரம்ப் முன்னிலை வகித்து வந்தார். வழக்கமாக இழுபறி ஏற்படும் ஸ்விங் ஸ்டேட்சிலும் டிரம்ப் வெற்றி பெற்றார். எலக்ட்டோரல் வாக்குகளாகவன்றி மக்கள் செலுத்திய வாக்குகள் அடிப்படையில் கடந்த 20 வருடங்களில் இல்லாத அளவுக்கு டிரம்ப்பின் குடியரசுக் கட்சி அதிக வாக்கு சதவீதத்தை பெற்று சாதனை படைத்துள்ளது. டிரம்ப்பின் குடியரசுக் கட்சிக்கு மொத்தமாக 70,952,259 வாக்குகள் [51%] கிடைத்துள்ளது. கமலாவின் ஜனநாயக கட்சிக்கு  66,046,171 [47.50%] வாக்குகள் கிடைத்துள்ளது.

மொத்தம் உள்ள 50  மாகாணங்களின் வெற்றிப் பட்டியல்

டிரம்ப் வென்ற மாகாணங்கள் - அலபாமா, அலாஸ்கா, அரிசோனா , ஆர்கன்சாஸ், புளோரிடா, ஜார்ஜியா , இடாஹோ, இன்டியானா, அயோவா, கான்சாஸ், கென்டக்கி, லூசியானா, மிச்சிகன், மிஸிஸிப்பி, மிசெளரி, மோன்டனா, நெப்ரஸ்கா, நெவேடா, வடக்கு கரோலினா, வடக்கு டகோடா, ஓஹையா, ஆக்லஹோமா,பென்சில்வேனியா, தெற்கு கரோலினா, தெற்கு டகோடா, டென்னஸ்ஸி, டெக்ஸாஸ், உடா ,மேற்கு விர்ஜீனியா, விஸ்கான்சின், வியாமிங் என 31 மாகாணங்களில் வெற்றி பெற்றுள்ளார்.

கமலா ஹாரிஸ் வென்ற மாகாணங்கள் - கலிபோர்னியா, கொலராடோ, கனெக்டிகட் , டெலாவேர், ஹவாய், இல்லினாய்ஸ், மேரிலான்ட், மாஸசூட்ஸ் , மின்னசோட்டா, நியூ ஹாம்ப்ஷயர், நியூ ஜெர்சி, நியூ மெக்ஸிகோ, நியூயார்க், ஓரிகான், ரோட் தீவு, வெர்மான்ட், விர்ஜீனியா, வாஷிங்டன், டிஸ்டிரிக்ட் ஆப் கொலம்பியா 19 மாகாணங்களில் வெற்றி பெற்றுள்ளார்.

அமெரிக்க அதிபர் தேர்தல் வாக்குப்பதிவு இந்திய நேரப்படி நேற்று மாலை 5.30 மணிக்கு தொடங்கி இன்று அதிகாலை 5.30 மணிக்கு நிறைவடைந்தது. வாக்குப்பதிவு முடிந்த உடனேயே வாக்குகள் எண்ணும் பணி தொடங்கின. 50 மாகாணகளில் மொத்தம் உள்ள 538 எலக்டோரல் வாக்குகளில் 270 க்கு மேல் பெறுபவர்கள் வெற்றியாளர்களாக அறிவிக்கப்படும்.

அந்த வகையில் 277 எல்க்டோரல் வாக்குகள் பெற்று அமெரிக்க அதிபர் பதவியை குடியரசு கட்சி வேட்பாளர் டொனல்டு டிரம்ப் வென்றெடுத்தார். ஆளும் ஜனநாயக கட்சி வேட்பாளர் கமலா ஹாரிஸ் 224 எல்க்டோரல் வாக்குகள் மட்டுமே பெற்று தோல்வியை தழுவினார்.

கருத்துருக்கணிப்புகளுக்கு முரணாக ஆரம்பத்தில் இருந்தே டிரம்ப் முன்னிலை வகித்து வந்தார் . பராமரியமாக டிரம்ப்பின் குடியரசு கட்சிக்கு வாக்களிக்கும் மாகாணங்கள் ரெட் ஸ்டேட்டஸ் என்றும் கமலாவின் ஜனநாயக கட்சிக்கு வாக்களிக்கும் மாகாணங்கள் புளு ஸ்டேட்டஸ் என்றும் அழைக்கப்படும். இரண்டு கட்சிக்கும் மாறி மாறி வாக்களித்து இழுபறி ஏற்படுத்தும் மாகாணங்கள் ஸ்விங் ஸ்டேட்ஸ் என்று அழைக்கப்படும். வட கரோலினா, பென்சில்வேனியா, அரிசோனா, ஜார்ஜியா, மிச்சிகன், நெவாடா, விஸ்கான்சின் ஆகியவை ஸ்விங் மாகாணங்களாக வகைப்படுத்தப்பட்டுள்ளன.

இந்த முறை ஸ்விங் ஸ்டேட்ஸிலும் தொடங்கத்தில் இருந்து டிரம்ப் முன்னிலையில் இருந்தார். ஆனால் சொற்ப வாக்கு வித்தியாசத்தில் கமலாவும் நெருங்கி வந்ததால் எந்த நேரமும் ரிசல்ட் மாறலாம் என்ற சூழல் நிலவியது. ஆனால் ஜனநாயக கட்சியின் எதிர்பார்ப்புகளை பொய்யாகி ஸ்விங் மாகாணங்களிலும் டிரம்ப் வெற்றியை பதிவு செய்துள்ளார்.

ஸ்விங் ஸ்டேட்டஸ் தேர்தல் வெற்றி

பென்சில்வேனியா-  2024 தேர்தலில் டிரம்ப் வெற்றி, 2020 ஆம் ஆண்டு இங்கு ஜோ பைடன் வென்றார். 2016 தேர்தலில் டிரம்ப் வென்றிருந்தார்.         

நெவேடா- 2024 தேர்தலில் டிரம்ப் வெற்றி, 2020 ஆம் ஆண்டு இங்கு ஜோ பைடன் வென்றார். 2016 தேர்தலில் ஹில்லாரி கிளிண்டன் வென்றிருந்தார்.

மிச்சிகன்- 2024 தேர்தலில் டிரம்ப் வெற்றி, 2020 ஆம் ஆண்டு இங்கு ஜோ பைடன் வென்றார். 2016 தேர்தலில் டிரம்ப் வென்றிருந்தார்.

ஜார்ஜிய- 2024 தேர்தலில் டிரம்ப் வெற்றி, 2020 ஆம் ஆண்டு இங்கு ஜோ பைடன் வென்றார். 2016 தேர்தலில் டிரம்ப் வென்றிருந்தார்.

அரிசோனா- 2024 தேர்தலில் டிரம்ப் வெற்றி, 2020 ஆம் ஆண்டு இங்கு ஜோ பைடன் வென்றார். 2016 தேர்தலில் டிரம்ப் வென்றிருந்தார்.

வடக்கு கரோலினா- 2024 தேர்தலில் டிரம்ப் வெற்றி, 2020 ஆம் ஆண்டு இங்கு ஜோ பைடன் வென்றார். 2016 தேர்தலில் டிரம்ப் வென்றிருந்தார்.