நீங்கள் தேடியது "young man Murder"

ஆண்டிபட்டி:

தேனி மாவட்டம் ஆண்டிபட்டி அருகே உள்ள கோம்பைத்தொழு கிராமத்தைச் சேர்ந்தவர் தீபாவளி (வயது 40). கூலித் தொழிலாளியான இவர் ஏற்கனவே திருமணமாகி விவாகரத்து பெற்றவர். கடந்த 8 ஆண்டுகளுக்கு முன்பு சங்கீதா (27) என்பவரை 2-வது திருமணம் செய்து கொண்டார். இவர்களுக்கு 7 வயதில் ஒரு மகன் உள்ளார். சங்கீதாவுக்கும் அதே பகுதியைச் சேர்ந்த ஈஸ்வரன் (40) என்பவருக்கும் கள்ளத்தொடர்பு ஏற்பட்டது. ஈஸ்வரனுக்கு திருமணம் ஆகி மனைவி மற்றும் குழந்தைகள் உள்ளனர்.

இதனால் தனது மனைவியின் கள்ளக்காதல் குறித்து அறிந்ததும் தீபாவளி 2 ேபரையும் கண்டித்துள்ளார். ஆனால் அவர்களது கள்ளத்தொடர்பு நீடித்து வந்துள்ளது. இதனால் ஆத்திரமடைந்த தீபாவளி தனது மனைவியை கொலை செய்து விடுவதாக மிரட்டி வந்துள்ளார்.

இதனையடுத்து சங்கீதாவும், ஈஸ்வரனும் மயிலாடும்பாறை போலீஸ் நிலையத்தில் பாதுகாப்பு கேட்டு தஞ்சமடைந்தனர். போலீசார் அவர்களை ஆண்டிபட்டி அனைத்து மகளிர் போலீஸ் நிலையத்தில் புகார் அளித்து தீர்வு பெற்றுக் கொள்ளுமாறு கூறியுள்ளனர். இதனால் சங்கீதாவும், ஈஸ்வரனும் ஆண்டிபட்டி பஸ் நிலையத்துக்கு வந்தனர்.

அப்போது அங்கு ஏற்கனவே காத்திருந்த தீபாவளி அரிவாளால் அவர்கள் 2 பேரையும் மாறி மாறி வெட்டினார். ரத்த வெள்ளத்துடன் உயிருக்கு பயந்த சங்கீதா மற்றும் ஈஸ்வரன் ஆண்டிபட்டி அனைத்து மகளிர் போலீஸ் நிலையத்துக்குள் புகுந்தனர்.

இதைப் பார்த்து அதிர்ச்சியடைந்த போலீசார் அவர்களை தேனி அரசு மருத்துவக்கல்லூரி ஆஸ்பத்திரிக்கு ஆம்புலன்ஸ் மூலம் அனுப்பி வைத்தனர். ஆனால் வழியிலேயே ஈஸ்வரன் இறந்து விட்டார். சங்கீதாவுக்கு தொடர்ந்து சிகிச்சை அளிக்கப்பட்டு வருகிறது. கள்ளக்காதலனை வெட்டிய தீபாவளி போலீஸ் நிலையத்தில் சரணடைந்தார். இதனையடுத்து போலீசார் அவரை கைது செய்து விசாரணை நடத்தி வருகின்றனர்.

நெல்லை:

நெல்லை மாவட்டம் நடுக்கல்லூரை சேர்ந்தவர் நம்பிராஜன்(வயது 27). இவர் பேட்டை தொழிற்பேட்டையில் உள்ள தனியார் நிறுவனத்தில் வேலை பார்த்து வந்தார்.

கடந்த 2 நாட்களுக்கு முன்பு இரவு பணிக்காக சென்றபோது அவரை மர்மநபர்கள் வெட்டி படுகொலை செய்து விட்டு தப்பி சென்றனர். இந்த வழக்கில் நேற்று முன்தினம் 5 பேர் கைது செய்யப்பட்ட நிலையில், நேற்று முக்கிய கொலையாளியான சுந்தரபாண்டி கோவில்பட்டி கோர்ட்டில் சரண் அடைந்தார்.

இந்த வழக்கில் தேடப்பட்டு வந்த நங்கையார் சந்திப்பு போலீசிலும், துரை முருகன் என்ற ராஜா பேட்டை போலீசிலும் சரண் அடைந்தனர். இந்த வழக்கில் மேலும் சிலரை போலீசார் தேடி வருகின்றனர்.

பேச்சுவார்த்தை

இதற்கிடையே கொலையாளிகள் அனைவரை யும் கைது செய்ய வேண்டும், நம்பிராஜன் குடும்பத்தினருக்கு நிவாரணம் மற்றும் ஒருவருக்கு அரசு வேலை வழங்கவேண்டும் என்பதை வலியுறுத்தி அவரது உடலை உறவினர்கள் வாங்க மறுத்து கடந்த 2 நாட்களாக போராட்டம் நடத்தி வந்தனர்.

இதையடுத்து போலீசார் மற்றும் வருவாய்த்துறை அதிகாரிகள் பேச்சுவார்த்தை நடத்தினர். நேற்று ஆர்.டி.ஓ. சந்திரசேகர் தலைமையில் நம்பிராஜனின் உறவினர்களிடம் பேச்சுவார்த்தை நடந்தது. அதில் அரசு பணிக்கு உத்தரவாதம் அளிக்கப்பட்டது.

பணி ஆணை

அதன்படி இன்று காலை நம்பிராஜனின் மனைவி பேச்சியம்மாள் என்ற பேச்சிக்கு ரெட்டியார்பட்டி ஆரம்ப சுகாதார நிலையத்தில் தரவு பதிவேற்ற கணிணி ஆபரேட்டர் பணிக்கான ஆணையை ஆர்.டி.ஓ. சந்திரசேகர் வழங்கினார். பிரதம மந்திரி வீட்டு வசதி திட்டத்தின் கீழ் இலவச வீட்டு மனை பட்டாவும் வழங்கினார்.

ஆதரவற்ற விதவை சான்றிதழ் விரைந்து கிடைக்க நடவடிக்கை எடுக்கப்படுவதாக உறுதி அளிக்கப்பட்டது. அப்போது நெல்லை தாசில்தார் மாணிக்கவாசகம் மற்றும் மானூர் யூனியன் முன்னாள் தலைவர் கல்லூர் வேலாயுதம் உள்பட பலர் உடன் இருந்தனர்.

உடலை பெற்றுக்கொண்டனர்

இதையடுத்து நம்பிராஜனின் உறவினர்கள் அவரது உடலை பெற்றுக்கொள்ள சம்மதம் தெரிவித்தனர். பின்னர், நெல்லை அரசு ஆஸ்பத்திரியில் பிரேத பரிசோதனை செய்து வைக்கப்பட்டிருந்த நம்பிராஜனின் உடல் அவரது உறவினர்களிடம் ஒப்படைக்கப்பட்டது. அவர்கள் நம்பிராஜன் உடலை ஊர்வலமாக கொண்டு சென்றனர்.

இதனையொட்டி நடுக்கல்லூரில் தொடங்கி நெல்லை அரசு ஆஸ்பத்திரி வரையிலும் ஆங்காங்கே போலீசார் பாதுகாப்பு பணியில் ஈடுபடுத்தப்பட்டு இருந்தனர்.

மாநகர போலீஸ் துணை கமிஷனர் சீனிவாசன், உதவி கமிஷனர்கள் சதீஸ்குமார், ராஜேஸ்வரன், டி.எஸ்.பி.ராமகிருஷ்ணன் ஆகியோர் மேற்பார்வையில் போலீஸ் பாதுகாப்பு போடப்பட்டிருந்தது.

பணகுடி:

பணகுடி மங்கம்மாள் சாலையை சேர்ந்தவர் ராமன். இவரது மகன் பசுபதி(வயது 24). ஆட்டோ டிரைவர்.

சம்பவத்தன்று இரவு இவர் ராமலிங்க சுவாமி, சிவகாமி அம்மன் கோவில் அருகே உள்ள பாழடைந்த வீட்டில் இறந்து கிடந்தார். இதுதொடர்பாக பணகுடி போலீஸ் இன்ஸ்பெக்டர் மகாலட்சுமி வழக்குப்பதிவு செய்து விசாரணை நடத்தினார்.

பசுபதி வழக்கம் போல் வேலைக்கு சென்று விட்டு வீட்டிற்கு திரும்பி செல்லும் வழியில் கஞ்சா புகைப்பவர்கள் அதிக அளவில் இருப்பார்கள். அவர்கள் கஞ்சா போதையில் அந்த வழியாக சென்ற பசுபதியை கொலை செய்திருக்கலாம் என்ற கோணத்தில் விசாரணை நடத்தப்பட்டது.

மேலும் இன்ஸ்பெக்டர் மகாலட்சுமி, சப்-இன்ஸ்பெக்டர் அருண்ராஜா தலைமையில் தனிப்படை அமைத்து கொலையாளிகளை தேடி வந்தனர். இதற்கிடையே பணகுடி அருகே உள்ள கோவில்விளையை சேர்ந்த கணேசன் (59) என்பவரை சந்தேகத்தின் பேரில் பிடித்து விசாரணை நடத்தினர்.

அதில் கஞ்சா போதையில் பசுபதியின் கழுத்தை துண்டால் இறுக்கியும், கல்லால் தாக்கியும் கணேசன் கொலை செய்தது தெரியவந்தது. இதையடுத்து அவரை போலீசார் கைது செய்தனர்.