நீங்கள் தேடியது "ZTE"

மேற்கு ஐரோப்பாவில் உள்ள நாடுகளில் ஒன்றான ஜெர்மனிக்கு வர்த்தகத்தில் பெரும்பங்களிப்பை சீனா வழங்கி வருகிறது.

5ஜி செல்போன் தொழில்நுட்பத்தில் ஜெர்மனிக்கு தேவைப்படும் அதி உயர்தொழில்நுட்பத்திற்கான முக்கிய பாகங்களையும் உதிரி பாகங்களையும் சீனாவின் முக்கிய நிறுவனங்களான ஹுவாய் (Huawei) மற்றும் இசட்.டி.ஈ. (ZTE) ஆகியவைதான் வழங்கி வருகிறது.

தற்போது ஜெர்மனியின் உள்துறை அமைச்சகம், சீனாவின் தயாரிப்புகளால் தேசிய பாதுகாப்புக்கான ஆபத்துக்கள் வரக்கூடும் எனவும் அதனால் அதனை தடுக்கும் விதமாக 5ஜி தொழில்நுட்பத்தில் சீனாவின் ஹுவாய் மற்றும் இசட்.டி.ஈ., ஆகியவற்றின் தயாரிப்புகளை முற்றிலும் தங்கள் நாட்டிலிருந்தே நீக்கிவிட முடிவு செய்திருக்கிறது.

"டீ ரிஸ்கிங்" (de-risking) எனப்படும் அபாயங்களிலிருந்து விலகி இருத்தலுக்கான இந்த முடிவின்படி ஜெர்மனியின் மென்பொருள் மற்றும் இணைய கட்டமைப்பில் ஏற்கெனவே இடம்பெற்றிருந்த தளங்களிலிருந்தும் அந்நிறுவனங்களின் தயாரிப்புகளை நீக்க வேண்டும் என ஜெர்மனி முடிவெடுத்திருக்கிறது. மேலும், இனியும் அவற்றை இறக்குமதி செய்யவோ பயன்படுத்தவோ வேண்டாம் என உறுதியாக உள்ளது. அந்நாட்டிலேயே உள்ள சில முன்னணி அலைபேசி சேவை நிறுவனங்கள் இவற்றை எதிர்த்தாலும், அரசங்கம் இந்த தீர்மானத்தில் உறுதியாக உள்ளது. ஜெர்மனியில் உள்ள அனைத்து தனியார் நிறுவனங்களையும் இந்த இரு நிறுவனங்களின் தயாரிப்புகளிலிருந்து விலகியிருக்குமாறும் அறிவுறுத்தி உள்ளது.

பல்வேறு தொழில்நுட்பங்களிலும் உயர் தொழில்நுட்பங்களிலும் சீனா எனும் ஒரே நாட்டை சார்ந்திருப்பதை அமெரிக்கா உட்பட பல மேற்கத்திய நாடுகள் படிப்படியாக குறைத்து கொள்ள முடிவு செய்திருப்பதை தொடர்ந்து ஜெர்மனியும் இந்த முடிவுக்கு வந்திருப்பதாக தெரிகிறது.

"ஜெர்மனி உண்மையிலேயே எங்கள் நாட்டு தயாரிப்புகளால் அவர்களின் பாதுகாப்பிற்கு ஆபத்து உள்ளதை நிரூபிக்காமல் இத்தகைய முடிவை எடுத்தால் நாங்கள் வேடிக்கை பார்த்து கொண்டிருக்க மாட்டோம்" என இத்தகவல் வெளியானதும் சீனா காட்டமாக அறிக்கை வெளியிட்டிருக்கிறது.

இந்தியாவில் கோவிட்-19 காலகட்டத்திலிருந்து உள்நாட்டு தயாரிப்பை ஊக்கப்படுத்தும் விதமாக எடுக்கப்படும் முடிவுகள், தற்போது சீனாவை சார்ந்திருப்பதை உலகம் குறைத்து கொள்ள முன்வரும் வேளையில், இந்திய பொருளாதாரத்திற்கு பலனளிக்கும் என பொருளாதார நிபுணர்கள் தெரிவிக்கின்றனர்.

ZTE நிறுவனம் ஆக்சன் 40 அல்ட்ரா ஸ்பேஸ் எடிஷன் ஸ்மார்ட்போனினை அறிமுகம் செய்து இருக்கிறது. இந்த ஸ்மார்ட்போனின் அம்சங்கள் ZTE கடந்த மே மாத வாக்கில் அறிமுகம் செய்த ஒரிஜினல் ஆக்சன் 40 அல்ட்ரா மாடலில் இருந்ததை போன்றே வழங்கப்பட்டு இருக்கிறது. எனினும், இதில் அதிகபட்சம் 18 ஜிபி ரேம், 1 டிபி ஸ்டோரேஜ் வழங்கப்பட்டு இருக்கிறது. இதன் டிசைனும் புதிதாக உள்ளது.

ஸ்பேஸ் எடிஷன் மாடலின் டிசைன் டைம் டிராவலில் லைட் அண்ட் ஷேடோவை தழுவி உருவாக்கப்பட்டு இருக்கிறது. இதன் பேக் கவர் செராமிக் மூலம் உருவாக்கப்பட்டு இருக்கிறது. இதற்காக நானோ-கேஸ்டிங் வழிமுறை பின்பற்றப்பட்டு உள்ளது. இதில் மூன்றாம் தலைமுறை அண்டர்-ஸ்கிரீன் கேமரா தொழில்நுட்பம் வழங்கப்பட்டு இருக்கிறது.

இத்துடன் 6.8 இன்ச் AMOLED ஃபிலெக்சிபில் வளைந்த ஸ்கிரீன், 120Hz ரிப்ரெஷ் ரேட், ஸ்னாப்டிராகன் 8 ஜென் 1 பிராசஸர், டூயல் சேனல் விசி லிக்விட் கூல்டு வேப்பரைசர் உள்ளது.

ZTE ஆக்சன் 40 அல்ட்ரா ஸ்பேஸ் எடிஷன் அம்சங்கள்:

6.8 இன்ச் 2480x1080 பிக்சல் FHD+ AMOLED டிஸ்ப்ளே, 120Hz ரிப்ரெஷ் ரேட்

ஆக்டா கோர் ஸ்னாப்டிராகன் 8 ஜென் 1 பிராசஸர்

அட்ரினோ nxt-gen GPU

12 ஜிபி ரேம், 512 ஜிபி மெமரி

18 ஜிபி ரேம், 1 டிபி மெமரி

ஆண்ட்ராய்டு 12 மற்றும் மை ஒஎஸ் 12

டூயல் சிம் ஸ்லாட்

64MP பிரைமரி கேமரா, OIS

64MP அல்ட்ரா வைடு லென்ஸ்

64MP டெலிபோட்டோ கேமரா, எல்இடி ஃபிளாஷ்

16MP அண்டர் ஸ்கிரீன் கேமரா

இன் டிஸ்ப்ளே கைரேகை சென்சார்

யுஎஸ்பி டைப் சி ஆடியோ, ஸ்டீரியோ ஸ்பீக்கர்கள்

5ஜி, டூயல் 4ஜி வோல்ட்இ, வைபை 6E, பளூடூத் 5.2

யுஎஸ்பி டைப் சி

5000 எம்ஏஹெச் பேட்டரி

80 வாட் ஃபாஸ்ட் சார்ஜிங்

விலை மற்றும் விற்பனை விவரங்கள்:

ZTE ஆக்சன் 40 அல்ட்ரா ஸ்பேஸ் எடிஷன் பிளாக் நிறத்தில் மட்டுமே கிடைக்கிறது. இதன் விலை 5898 யுவான், இந்திய மதிப்பில் ரூ. 67 ஆயிரத்து 220 என துவங்குகிறது. இதன் 18 ஜிபி ரேம், 1 டிபி மெமரி மாடல் விலை 7698 யுவான், இந்திய மதிப்பில் ரூ. 87 ஆயிரத்து 735 என நிர்ணயம் செய்யப்பட்டு உள்ளது. இதன் முன்பதிவு ஏற்கனவே துவங்கி விட்டது. விற்பனை சீன சந்தையில் டிசம்பர் 6 ஆம் தேதி துவங்க இருக்கிறது.

ZTE நிறுவனம் கடந்த ஆண்டு அறிமுகம் செய்த அக்சான் 30 ஸ்மார்ட்போனின் மேம்பட்ட வெர்ஷனாக புதிய ZTE அக்சான் 30S ஸ்மார்ட்போனினை சீன சந்தையில் அறிமுகம் செய்து இருக்கிறது. புதிய ZTE அக்சான் 30S மாடலில் 6.92 இன்ச் FHD+OLED 10-பிட் பேனல் மற்றும் 120Hz ரிப்ரெஷ் ரேட் வழங்கப்பட்டு உள்ளது. இந்த ஸ்மார்ட்போன் குவால்காம் நிறுவனத்தின் ஸ்னாப்டிராகன் 870 பிராசஸர், அதிகபட்சம் 12 ஜிபி ரேம், 5 ஜிபி வரை விர்ச்சுவல் ரேம், விசி லிக்விட் கூலிங் தொழில்நுட்பம் வழங்கப்பட்டு உள்ளது.

இத்துடன் 16MP இன்-டிஸ்ப்ளே கேமரா சென்சார், இன்-டிஸ்ப்ளே கைரேகை சென்சார் வழங்கப்பட்டு இருக்கிறது. புகைப்படங்களை எடுக்க 64MP பிரைமரி கேமரா, 8MP 120 டிகிரி அல்ட்ரா வைடு ஆங்கில் கேமரா, 5MP மேக்ரோ லென்ஸ் மற்றும் 2MP டெப்த் சென்சார், 4200 எம்ஏஹெச் பேட்டரி மற்றும் 55 வாட் பாஸ்ட் சார்ஜிங் வசதி வழங்கப்பட்டு இருக்கிறது.

ZTE அக்சான் 30S அம்சங்கள்:

6.92 இன்ச் 2460x1080 பிக்சல் FHD+ OLED 120Hz ரிப்ரெஷ் ரேட்

ஆக்டா கோர் ஸ்னாப்டிராகன் 870 பிராசஸர்

அட்ரினோ 650 GPU

8ஜிபி LPDDR5 ரேம், 128ஜிபி UFS3.1 மெமரி

12ஜிபி LPDDR5 ரேம், 256ஜிபி UFS3.1 மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 12 மற்றும் மைஒஎஸ்12

64MP பிரைமரி கேமரா, எல்இடி பிளாஷ்

8MP அல்ட்ரா வைடு லென்ஸ்

5MP மேக்ரோ லென்ஸ்

2MP டெப்த் சென்சார்

16MP செல்பி கேமரா

இன் டிஸ்ப்ளே கைரேகை சென்சார்

யுஎஸ்பி டைப் சி ஆடியோ

5ஜி, டூயல் 4ஜி வோல்ட்இ, வைபை 6

ப்ளூடூத் 5.1, யுஎஸ்பி டைப் சி

4200 எம்ஏஹெச் பேட்டரி

55 வாட் பாஸ்ட் சார்ஜிங்

விலை மற்றும் விற்பனை விவரங்கள்:

ZTE அக்சான் 30S ஸ்மார்ட்போன் பிளாக் மற்றும் புளூ நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை 1698 யுவான் இந்திய மதிப்பில் ரூ. 19 ஆயிரத்து 310 என நிர்ணயம் செய்யப்பட்டு உள்ளது. இதன் 12 ஜிபி ரேம், 256 ஜிபி மெமரி மாடல் விலை 2198 யுவான் இந்திய மதிப்பில் ரூ. 24 ஆயிரத்து 995 என நிர்ணயம் செய்யப்பட்டு உள்ளது. இந்த ஸ்மார்ட்போன் விற்பனை சீனாவில் ஏற்கனவே துவங்கி நடைபெற்று வருகிறது.