நீங்கள் தேடியது "காதல்"

உத்திரபிரதேசத்தில் காதலனின் அந்தரங்க உறுப்பை காதலி வெட்டிய சம்பவம் பெரும் அதிர்ச்சியை ஏற்படுத்தியுள்ளது.

முசாபர்நகர் மாவட்டத்தை சேர்ந்த இளைஞர் ஒருவரும் இளம்பெண்ணும் கடந்த 8 ஆண்டுகளாக காதலித்து வந்துள்ளனர். ஆனால் இவர்களின் காதலுக்கும் இளைஞரின் பெற்றோர் சம்மதிக்கவில்லை.மேலும், அந்த இளைஞருக்கு வெறொரு பெண்ணுடன் திருமணம் நடத்த ஏற்பாடு செய்துள்ளனர்.

இந்நிலையில், இது தொடர்பாக முசாபர்நகரில் உள்ள ஓட்டலில் காதலனும் காதலியும் சந்தித்து பேசியுள்ளனர்.

அப்போது இருவருக்கும் இடையே மோதல் ஏற்பட்டுள்ளது. இதனையடுத்து இளம்பெண் தான் மறைத்து கொண்டு வந்த கத்தியை கொண்டு காதலின் அந்தரங்க உறுப்பை வெட்டியதோடு தனது கையையும் அறுத்து தற்கொலைக்கு முயன்றுள்ளார்.

இளைஞரின் அலறல் சத்தம் கேட்டு வந்த அக்கம்பக்கத்தினர் அவர்களை மீட்டு அருகில் உள்ள மருத்துவமனையில் சிகிச்சைக்கு அனுமதித்தனர்.

இதனையடுத்து சம்பவ இடத்திற்கு விரைந்து வந்த போலீசார் காதலனின் அந்தரங்க உறுப்பை வெட்டிய இளம்பெண்ணை கைது செய்தனர். 

காதல் என்பது மனிதர்களுக்கு மட்டுமல்ல, எல்லா உயிர்களிடமும் இருக்கிறது என்பது பல சம்பவங்களில் நிரூபிக்கப்பட்டு வருகிறது. அந்த வகையில் ரஷியாவை சேர்ந்த ஒரு புலி தனது துணையை தேடி 200 கிலோ மீட்டர் தூரம் பயணம் செய்த சம்பவம் சமூக வலைதளங்களில் பேசு பொருளாகி இருக்கிறது.

ரஷியாவில் சிஹோடா மலைப்பகுதியில் 2 புலிக்குட்டிகள் கடந்த 2012-ம் ஆண்டு வனத்துறையால் மீட்கப்பட்டது. அதில் ஆண் புலிக்கு போரீஸ் என்றும், பெண் புலிக்கு ஸ்வேத்லயா என்றும் பெயரிட்டு வளர்த்தனர். இந்த 2 புலிகளும் தனித்தனியாக தங்களது எல்லைகளை பகிர்ந்து வாழ வேண்டும் என்பதற்காக அவற்றை பிரித்து 200 கிலோ மீட்டர் தூரத்தில் சைதிரியா வனப்பகுதியில் போரீஸ் புலியை விட்டனர்.

ஆனால் அந்த புலி தனது இருப்பிடத்தை நோக்கி தொடர்ந்து பயணம் செய்து கொண்டே இருந்தது. அதே நேரம் துணையை பிரிந்த ஸ்வேத்லயா வேறு எங்கும் பயணம் செய்யாமல் விட்ட இடத்திலேயே தொடர்ந்து சுற்றியது. இந்த புலிகளின் நடமாட்டத்தை வனத்துறையினர் கண்காணித்து வந்தனர். இந்நிலையில் போரீஸ் புலி 3 ஆண்டுகள் பயணம் செய்து ஸ்வேத்லயா இருக்கும் வனப்பகுதிக்கு வந்து சேர்ந்தது. கடந்த 6 மாதங்களாக 2 புலிகளும் மகிழ்ச்சியாக சேர்ந்து வாழ்கின்றன. இவற்றின் வீடியோ தற்போது இணையத்தில் பரவி வருகிறது. 

ஆந்திரப் பிரதேசத்தில் 3 வருடமாக ப்ரொபோஸ் செய்தும் காதலை ஏற்காத 17 வயது சிறுமியை 21 வயது வாலிபர் வீடு புகுந்து தீ வைத்து எரித்த சம்பவம் பரபரப்பை ஏற்படுத்தி உள்ளது.

ஆந்திரப் பிரதேச மாநிலம் நந்தியால் மாவட்டத்தில் நந்திகோட்கூர் நகரில் உள்ள பைரெட்டி காலனியில் தனது தாத்தா பாட்டி வீட்டில் சிறுமி இருந்தபோது நேற்று இரவு 1 மணியளவில் இந்த சம்பவம் நடந்துள்ளது.

களுகோட்லா கிராமத்தைச் சேர்ந்த ராகவேந்திரா [21 வயது] கடந்த சில ஆண்டுகளாக காக்கிநாடா மாவட்டத்தில் சமர்லகோட்டாவைச் சேர்ந்த அந்த 12 ஆம் வகுப்பு படிக்கும் சிறுமியைப் பின்தொடர்ந்து தன்னை காதலிக்கும்படி தொல்லை செய்து வந்துள்ளார்.

அந்த நபரின் தொல்லை தாங்காமல் அந்த சிறுமி , 6 மாதங்களுக்கு முன்பு நந்திகோட்கூரில் உள்ள தனது பாட்டி வீட்டிற்குச் சென்றார். ஆனால் அங்கும் அவரை பின்தொடர்ந்து ராகவேந்திரா தொல்லை செய்துள்ளான்.

இந்த நிலையில்தான் நேற்று இரவு வீட்டுக்குள் நுழைந்த ராகவேந்திரா சிறுமி தூங்கிக்கொண்டிருந்த அறையைத் தட்டியுள்ளார். சிறுமி கதவைத் திறந்ததும் உள்ளே நுழைந்து கதவை உள்ளே இருந்து ராஜேந்திர பூட்டினான். பின்னர் சிறுமி மீது தான் பாட்டிலில் கொண்டுவந்த பெட்ரோலை ஊற்றி தீ வைத்துள்ளான்.

 உதவிக்காகக் கத்த முடியாதபடி சிறுமியின் வாயை ராகவேந்திரா இறுக்கியதாக கூறப்படுகிறது. தீ பற்றி எறிந்த நிலையில் சிறுமி சம்பவ இடத்திலேயே உடல் கருகி உயிரிழந்தார்.

முன்னதாக சிறுமியின் அலறல் சத்தம் கேட்டதும், சிறுமியின் பாட்டி விழித்து கதவை தட்டியுள்ளார். ஆனால் சிறுமி முழுவதும் எறிந்த பிறகே ராகவேந்திரா கதவை திறந்துள்ளான்.

ராகவேந்திராவின் உடலிலும் தீக்காயங்கள் ஏற்பட்டிருந்த நிலையில் அங்கிருந்து தப்பியோட முயன்ற அவனை அவரது  அக்கம்பக்கத்தினர் பிடித்து போலீசுக்குத் தகவல் கொடுத்தனர். இதனைத்தொடர்ந்து சம்பவ இடத்துக்கு வந்த போலீஸ் ராகவேந்திராவை கைது செய்து அழைத்துச் சென்றனர்.

கவுண்டம்பாளையம்:

கோவை பெரியநாயக்கன்பாளையம் அடுத்த சாமிசெட்டிபாளையத்தை சேர்ந்த ஒய்வுபெற்ற வேளாண்அதிகாரி சுப்பிரமணியம்-விஜயலட்சுமி தம்பதியின் மகன் கே.எஸ்.வைஷ்ணவ்ராஜ். சுற்றுசூழல் பாதுகாப்பு பொறியாளர்.

இவர் தைவான் நாட்டில் எம்.எஸ். படித்து அங்கு வேலை பார்த்து வந்தார். அப்போது அந்நாட்டை சேர்ந்த ஜிம்மிசாங்-மிக்கிவாங் தம்பதியர் மகளும் ஆசிரியையுமான கிளாடியா சாங் என்பவருடன் ஒருங்கிணைந்து சமூகசேவை பணியில் ஈடுபட்டார். அப்போது அவர்களுக்கு இடையே நட்பு ஏற்பட்டு நாளடைவில் காதலாக மலர்ந்தது.

தொடர்ந்து அவர்கள் குடும்பத்தினரிடம் காதலை தெரிவிக்க, இருதரப்பு பெற்றோருடன் திருமணத்துக்கு ஒப்புக்கொண்டனர். பின்னர் பெண் வீட்டார் கோவைக்கு புறப்பட்டு வந்தனர். தொடர்ந்து வெளிநாட்டு பெண்ணை திருமணம் செய்வதற்கான சட்டரீதியான நடைமுறைகள் மேற்கொள்ளப்பட்டன.

பின்னர் சாமிசெட்டிபாளையம் பகுதியில் காதலர்களுக்கு சில நாட்களுக்கு முன்பு திருமண நாள் குறிக்கப்பட்டது. தொடர்ந்து மங்கலவாத்தியங்கள் முழங்க மணமகன் தாலிக்கயிற்றை மணமகள் கழுத்தில் அணிவித்தார்.

பின்னர் மேட்டுப்பாளையம் ரோடு லட்சுமி திருமண மண்டபத்தில் திருமண வரவேற்பு நடைபெற்றது. இதில் தைவான் நாட்டில் இருந்து பெண்ணின் உறவினர்கள், நண்பர்கள் உள்பட 50-க்கும் மேற்பட்டோர் வந்திருந்து மணமக்களுக்கு வாழ்த்து தெரிவித்தனர். பின்னர் தமிழர் முறைப்படி விருந்து பரிமாறப்பட்டது.

இதுகுறித்து மணமக்கள் கூறுகையில், சமூக சேவை பணியில் ஈடுபட்டபோது எங்களுக்கு இடையே நட்பு ஏற்பட்டு காதலித்து வந்தோம். தொடர்ந்து எங்களுக்கு தமிழ் முறைப்படி திருமணம் நடைபெற்றதாக மகிழ்ச்சியுடன் தெரிவித்து உள்ளனர்.

பெங்களூரு:

கர்நாடக மாநிலம் சாமராஜ்பேட்டை தேவன ஹள்ளி பகுதியில் உள்ள ஒரு தனியார் பள்ளியில் 19 வயது சிறுமி ஒருவர் கடந்த 2019-ம் ஆண்டு படித்து வந்தார். அப்போது மோகன்குமார் என்ற வாலிபருடன் அந்த மாணவிக்கு பழக்கம் ஏற்பட்டது. பின்னர் அவர்களுக்கு இடையே காதல் ஏற்பட்டது. இதையடுத்து மோகன்குமார் அந்த பெண்ணை பல்வேறு இடங்களுக்கு சுற்றுலாவுக்கு அழைத்து சென்றார்.

மேலும் மோகன்குமார், அந்த பெண்ணை திருமணம் செய்து கொள்வதாக ஆசைவார்த்தை கூறியுள்ளார். இதை உண்மை என்று நம்பிய பெண்ணை, மோகன்குமார் அடிக்கடி வெளியே அழைத்து சென்று உல்லாசமாக இருந்து உள்ளார்.

அப்போது மோகன்குமார், அந்த பெண்ணுக்கு தெரியாமல் உல்லாச காட்சிகளை செல்போனில் ரகசியமாக எடுத்து உள்ளார். ஒரு கட்டத்தில் மோகன்குமார், அந்த பெண்ணிடம் உனது உல்லாச காட்சிகள் என்னிடம் இருக்கிறது. நீ எனக்கு பணம் தராவிட்டால் அந்த ஆபாச காட்சிகளை இணையதளத்தில் வெளியிடுவேன் என்று மிரட்டினார். இதனால் அதிர்ச்சி அடைந்த அந்த பெண் மோகன்குமார் கேட்கும் போதெல்லாம் பணத்தை கொடுத்து உள்ளார். மேலும்தொடர்ந்து அந்த பெண்ணை மிரட்டி விலை உயர்ந்த கடிகாரங்கள், நகைகள், இருசக்கர வாகனம், கார் ஆகியவற்றை வாங்கி மோகன்குமார் சொகுசு வாழ்க்கை வாழ்ந்து வந்தார்.

ஆனாலும் மோகன்குமார் தொடர்ந்து பணம் கேட்டு மிரட்டி வந்தார். இதையடுத்து பாதிக்கப்பட்ட பெண் இந்த விவகாரம் குறித்து தைரியமாக போலீசில் புகார் செய்தார். இதையடுத்து போலீசார் விசாரணை நடத்தினர். அப்போது பாதிக்கப்பட்ட பெண் குறிப்பிட்ட ஒரு வங்கி கணக்குக்கு பல்வேறு முறை பணத்தை அனுப்பியதும், அந்த கணக்கில் இருந்து மோகன்குமாரின் வங்கி கணக்குக்கு சென்றதும் தெரியவந்தது. இதையடுத்து போலீசார் மோகன்குமாரை கைது செய்தனர். இது குறித்து பெங்களூரு போலீஸ் கமிஷனர் தயானந்த் கூறியதாவது:-

காதலிக்கிறேன் என்று கூறி மோகன் குமார் இளம் பெண்ணை ஏமாற்றி அவரிடம் ஒன்றாக இருந்த வீடியோக்களை காட்டி மிரட்டி இதுவரை ரூ. 2 கோடியே 57 லட்சத்தை பறித்து உள்ளார். தொடர்ந்து அவர் பணம் கேட்டு மிரட்டியதால் பாதிக்கப்பட்ட பெண் போலீசில் புகார் செய்தார். இதையடுத்து மோகன்குமார் கைது செய்யப்பட்டு அவரிடம் இருந்து ரூ.80 லட்சம் மீட்கப்பட்டுள்ளது.

இவ்வாறு அவர் கூறினார்.

ஆந்திரா மாநிலம், சித்தூர் மாவட்டம், ரேணுகா நகரை சேர்ந்தவர் சீனிவாசலு (வயது 31). இவர் திருப்பதி பெடகாப்பு தெருவில் தங்கும் விடுதி நடத்தி வருகிறார். இன்னும் திருமணம் ஆகவில்லை. மதனப்பள்ளியை சேர்ந்த விதவையான சோனியா பானு என்பவருடன் சீனிவாசலுவுக்கு பழக்கம் ஏற்பட்டது. இந்த நட்பு காதலாக மாறியது. அடிக்கடி தனிமையில் சந்தித்துக் கொண்டனர்.

இந்த நிலையில் ஸ்ரீனிவாசலுக்கும், சோனியா பவனுக்கும் இடையே கருத்து வேறுபாடு ஏற்பட்டது.

கடந்த 3 மாதங்களாக சீனிவாசலு, சோனியா பானுவுடன் பேசுவதையும், சந்திப்பதையும் தவிர்த்தார். சீனிவாசலு தன்னை திருமணம் செய்யாமல் புறக்கணித்து விட்டு வேறு ஒரு பெண்ணை திருமணம் செய்து கொள்வார் என்ற அச்சம் சோனியா பானுக்கு ஏற்பட்டது.

ஸ்ரீனிவாசலுவை கடத்திச் சென்று திருமணம் செய்து கொள்ள முடிவு செய்தார். அதன்படி மதனப்பள்ளியை சேர்ந்த பாபா பக்ருதீன், மோகித், ராஜேஷ், ரியாஸ், சந்திப் ஆகியோரின் உதவியை நாடினார்.

கூலிப்படையை சேர்ந்த இவர்களிடம் ஸ்ரீனிவாசை கடத்துவதற்கு லட்ச கணக்கில் பேரம் பேசினார்.

நேற்று சீனிவாசலு தனது தங்கும் விடுதியில் இருந்தார். அப்போது சோனியா பானு கூலிப்படையை சேர்ந்தவர்களுடன் காரில் அங்கு வந்தார். தங்கும் விடுதியில் இருந்த சீனிவாசலுவை கூலிப்படையினர் உதவியுடன் குண்டு கட்டாக தூக்கிச் சென்றார். அவரை காரில் போட்டுக் கொண்டு வேகமாக தப்பிச் சென்றனர்.

தங்களது விடுதி உரிமையாளரை கடத்திச் செல்வதை கண்ட ஊழியர்கள் போலீசாருக்கு தகவல் தெரிவித்தனர்.

காரின் பதிவு எண்ணுடன் அந்தந்த போலீஸ் நிலையங்களுக்கு தகவல் தெரிவித்தனர்.

தனிப்படைகள் அமைத்து காரை தேடும் பணியில் போலீசார் ஈடுபட்டனர். கடத்திச் சென்ற கார் அனக்கா பள்ளி மாவட்டம், வயல் பாடு அருகே செல்வதை அறிந்தனர்.

போலீசார் 100 கிலோமீட்டர் தூரம் விரட்டி சென்று காரை மடக்கி பிடித்தனர். காரில் இருந்த சீனிவாசலுவை போலீசார் பத்திரமாக மீட்டனர்.

அப்போது இளம்பெண் முரட்டு காதலால் வாலிபரை கடத்தி சென்றது தெரியவந்தது. சோனியா பானு மற்றும் கூலிப்படையினரை கைது செய்தனர்.

பட்டுக்கோட்டை:

பள்ளி ஆசிரியை ஒருவர் இன்று வகுப்பறைக்குள் கத்தியால் குத்தி கொல்லப்பட்ட சம்பவம் தமிழகம் முழுவதும் அதிர்ச்சி அலைகளை ஏற்படுத்தி இருக்கிறது.

ஒருதலைக்காதலால் இந்த விபரீத சம்பவம் நடந்து இருக்கிறது. இது பற்றிய விவரம் வருமாறு:-

தஞ்சாவூர் மாவட்டம், பட்டுக்கோட்டை அடுத்துள்ள மல்லிப்பட்டினம் கிராமத்தில் அரசு மேல் நிலைப்பள்ளி செயல்பட்டு வருகிறது. இந்த பள்ளியில் சுற்றுவட்டார பகுதிகளை சேர்ந்த ஏராளமான மாணவ-மாணவிகள் படித்து வருகின்றனர்.

இந்த பள்ளியில் மல்லிப்பட்டினம் அருகே உள்ள சின்னமனை கிராமத்தை சேர்ந்த ரமணி (வயது26) என்பவர் தமிழ் ஆசிரியையாக வேலை பார்த்து வந்தார். இவரை அதே கிராமத்தை சேர்ந்த மதன்குமார் என்ற வாலிபர் ஒருதலையாக காதலித்து வந்தார்.

அவரது காதலை ஆசிரியை ரமணி ஏற்காமல் தனது பணிகளில் கவனம் செலுத்தி வந்தார்.

ஆசிரியை ரமணி வழக்கம்போல் இன்று (புதன் கிழமை) காலை வகுப்பறையில் பாடம் நடத்தி விட்டு ஆசிரியர் அறையில் அமர்ந்து ஓய்வு எடுத்துக் கொண்டு இருந்தார். அப்போது மதன்குமார் திடீரென பள்ளிக்குள் வந்தார்.

ஓய்வு எடுத்துக் கொண்டு இருந்த ஆசிரியை ரமணியை சந்தித்து பேசினார். தனது காதலை ஏற்கும்படி மீண்டும் வலியுறுத்தினார்.

அவரை ஆசிரியை ரமணி கண்டித்தார். இதனால் அவர்களுக்குள் வாக்குவாதம் ஏற்பட்டது. அப்போது மதன்குமார் திடீரென தான் மறைத்து வைத்திருந்த கத்தியை எடுத்து ஆசிரியை ரமணியை சரமாரியாக குத்தினார்.

கத்திக்குத்து விழுந்ததால் ஆசிரியை ரமணி நிலை குலைந்தார். ரத்த வெள்ளத்தில் அலறி துடித்தார். அவரது கழுத்து மற்றும் உடலில் 2 இடங்களில் கத்திக்குத்து காயம் ஏற்பட்டது.

ஆசிரியை ரமணியின் அலறல் கேட்டு மற்ற ஆசிரியர்-ஆசிரியைகள் அதிர்ச்சி அடைந்தனர். அவர்கள் ஓய்வு அறைக்கு ஓடி வந்தனர். அங்கு ஆசிரியை ரமணி ரத்த வெள்ளத்தில் சரிந்து கிடப்பதை கண்டு அதிர்ச்சி அடைந்தனர்.

அப்போது ஆசிரியையை கத்தியால் குத்திய மதன்குமார் அங்கிருந்து தப்பி ஓட முயற்சி செய்தார். அவரை ஆசிரியர்கள் விரட்டி மடக்கி பிடித்தனர்.

இதற்கிடையே ரத்த வெள்ளத்தில் சரிந்து கிடந்த ஆசிரியை ரமணியை மீட்டு, உடனடியாக ஆம்புலன்சு மூலம் பட்டுக்கோட்டை அரசு ஆஸ்பத்திரிக்கு அழைத்து சென்றனர்.

ஆனால், ஆஸ்பத்திரிக்கு செல்லும் வழியில் ஆசிரியை ரமணி பரிதாபமாக உயிரிழந்தார். அவரது கழுத்தில் கத்திக்குத்து ஆழமாக விழுந்ததால் நரம்புகள் துண்டிக்கப்பட்டு அவர் உயிரிழந்தது தெரிய வந்துள்ளது.

இதை அறிந்ததும் பள்ளி ஆசிரியர்-ஆசிரியைகள் கடும் அதிர்ச்சி அடைந்தனர். இந்த சம்பவம் குறித்து சேதுபாவாசத்திரம் போலீசாருக்கு தகவல் தெரிவிக்கப்பட்டது.

சம்பவ இடத்திற்கு வந்த போலீசார் ஆசிரியை ரமணியை கொலை செய்த வாலிபர் மதன்குமாரை கைது செய்தனர். அவர்கள் நடத்திய முதல்கட்ட விசாரணையில் மதன்குமார், ரமணியை ஒரு தலையாக காதலித்து வந்ததும், இதுகுறித்து ரமணி வீட்டிற்கு பெண் கேட்க சென்றதும், அதற்கு ரமணி, மதன் குமாரை திருமணம் செய்வதில் விருப்பம் இல்லை எனக்கூறியதும் தெரியவந்தது.

இதனால் மனமுடைந்த வாலிபர் ரமணியை சரமாரியாக குத்திக் கொன்றதும் தெரியவந்தது. இதுகுறித்து போலீசார் வாலிபரிடம் தீவிர விசாரணை மேற்கொண்டு வருகின்றனர். பட்டப்பகலில் பள்ளி வகுப்பறையில் ஆசிரியை குத்திக்கொலை செய்யப்பட்ட சம்பவம் அப்பகுதியில் பெரும் கொந்தளிப்பை ஏற்படுத்தி உள்ளது.

மதுரை:

தூத்துக்குடி மாவட்டத்தை சேர்ந்த இளைஞர் ஒருவர் தன் மீது பதியப்பட்ட வழக்கை ரத்து செய்யக்கோரி உயர் நீதிமன்ற மதுரை அமர்வில் மனு தாக்கல் செய்திருந்தார்.

இந்த வழக்கை விசாரித்த நீதிபதி ஆனந்த் வெங்கடேஷ், "இந்த வழக்கில் மனுதாரர் 20 வயதானவர். இவரும் 19 வயது இளம்பெண் ஒருவரும் காதலித்து வந்துள்ளனர். இருவரும் சந்தித்தபோது இரவு வெகு நேரம் பேசியுள்ளனர். அப்போது மனுதாரர் இளம்பெண்ணை கட்டிப்பிடித்து முத்தம் கொடுத்ததாகவும், பின்னர் அவரை திருமணம் செய்து கொள்ள மறுத்ததாகவும் கூறி மனுதாரர் மீது வழக்கு தாக்கல் செய்யப்பட்டுள்ளது.

மனுதாரர் மீதான குற்றச்சாட்டுகளை அப்படியே எடுத்துக் கொண்டாலும், வளரிளம் (டீன் ஏஜ்) பருவத்தில் காதலிக்கும், இருவர் கட்டிப்பிடிப்பது அல்லது முத்தமிடுவது இயல்பானதாகவே பார்க்கப்படுகிறது. இந்த விவகாரம் எந்த விதத்திலும், இந்திய தண்டனை சட்டம் 354-ஏ(1) உட்பிரிவின் கீழ் குற்றமாக அமையாது. எனவே மனுதாரர் மீது குற்றவியல் வழக்கு பதிவு செய்தது ஏற்றுக்கொள்ள முடியாது.

ஆகவே மனுதாரர் மீது நடவடிக்கைகளை தொடர்வது, சட்ட துஷ்பிரயோகமாக அமையும். இந்த வழக்கில் ஏற்கனவே இறுதி அறிக்கையை தாக்கல் செய்ய வேண்டாம் என காவல் துறைக்கு நீதிமன்றம் உத்தரவிட்டும், காவல்துறையினர் விசாரணையை முடித்து ஸ்ரீவைகுண்டம் நீதித்துறை நடுவர் நீதிமன்றத்தில் இறுதி அறிக்கையைத் தாக்கல் செய்துள்ளனர்.

இந்த வழக்கையும், வழக்கு தொடர்பான நடவடிக்கைகளையும் ரத்து செய்ய நீதிமன்றம் விரும்புகிறது. ஆகவே மனுதாரர் மீது பதியப்பட்ட வழக்கையும், கீழமை நீதிமன்றத்தில் நிலுவையில் உள்ள வழக்கையும் ரத்து செய்து உத்தரவிட்டு வழக்கை முடித்து வைத்தார்.

உங்கள் காதலனோ அல்லது காதலியோ உங்களது காதல் பற்றி வெளி உலகத்திற்கு தெரியாமல் இருக்க வேண்டும் என்று நினைத்தால் நீங்கள் ஒரு மோசமான உறவில் இருக்கிறீர்கள் என்று அர்த்தம். இதனை ஆங்கிலத்தில் பாக்கெட்டிங் உறவு என அழைக்கின்றனர்.

பாக்கெட்டிங் என்பது ஒருவர் தனது துணையை அவர்களின் குடும்பம், நண்பர்கள் மற்றும் தெரிந்தவர்களிடம் இருந்து மறைத்து தனது பாக்கெட்டில் வைப்பதை குறிக்கும் டேட்டிங் சொல்லாகும்.

பாக்கெட்டிங் உறவின் அறிகுறிகள்:

1. தனது காதல் உறவை பற்றி தங்களது குடும்பத்திற்கோ நண்பர்களுக்கோ தெரிய கூடாது என்று நினைப்பார்கள்.

2. பாக்கெட்டிங் உறவில் இருக்கும் ஒரு நபர் தனது காதல் உறவை பற்றியோ தனது துணையை குறித்து சந்தேகிக்கும் நபராக இருப்பதற்கான வாய்ப்பு அதிகம். தனது பார்ட்னரை உறுதியாக நம்பும் ஒரு நபர் தனது காதல் உறவை பற்றி வெளி உலகிற்கு தெரியப்படுத்துவார்.

3. எப்போதும் தனியாக ரகசியமாக சந்திக்கவே விரும்புவார்கள். ஏனெனில் தங்களுக்கு தெரிந்த நபர்கள் தாங்கள் ஒன்றாக இருப்பதை பார்க்க கூடாது என்று அவர்கள் விரும்புவார்கள்.

4. உங்கள் பார்ட்னரின் நண்பர்களை நீங்கள் சந்திக்க அவர் எப்போதும் விரும்ப மாட்டார். நீங்கள் அவரது நண்பர்களை சந்திக்க விரும்பினால் அதனை மறுப்பதற்கு அவர் பல்வேறு காரணங்களை உங்களிடம் கூறுவார்.

5. சமூக ஊடகங்களில் நீங்கள் ஒன்றாக இருக்கும் தருணங்களையும் புகைப்படங்களையும் பகிர விரும்பமாட்டார்கள்.

6. தனது குடும்பம் பற்றி எந்த தகவலையும் தனது பார்ட்னரிடம் சொல்லமாட்டார்கள். சொல்லப்போனால் தனது குடும்பம் குறித்து எந்த தகவலும் தனது பார்ட்னருக்கு தெரிய கூடாது என்று நினைப்பார்கள்.

7. தனது வீட்டிற்கோ இருப்பிடத்திற்கோ தனது பார்ட்னரை அழைத்து செல்ல மாட்டார்கள். எப்போது, எங்கு, சந்திப்பது என்பதையும் அவர்கள் தான் தீர்மானிப்பார்கள்.

உங்கள் பார்ட்னரால் நீங்கள் பாக்கெட்டில் அடைக்கப்படுகிறீர்கள் என்று உணர்ந்தால், உங்கள் பார்ட்னரிடம் இதுகுறித்து உரையாடுவது அவசியம். அவர்கள் உங்களை தங்கள் நண்பர்கள் அல்லது குடும்பத்தினருக்கு அறிமுகப்படுத்த விரும்பவில்லை என்றால், ஏன் என்று அவர்களிடம் கேளுங்கள். உங்கள் உறவின் எதிர்காலத்தைப் பற்றி பேச அவர்கள் தயங்கினால், என்னிடம் என்ன எதிர்பார்க்கிறார்கள் என்று அவர்களிடம் கேளுங்கள்.

உங்கள் பார்ட்னர் உங்களை நடத்தும் விதம் உங்களுக்கு சங்கடமாக இருந்தால், கூச்சப்படாமல் இதனை குறித்து அவர்களிடம் விளக்கம் கேளுங்கள். அவர்கள் இதனை மாற்றிக்கொள்ள தயாராக இல்லை என்றால் உங்கள் உறவை தொடரலாமா இல்லையா என்பதை நீங்களே முடிவு செய்து கொள்ளலாம். 

கோவை:

கோவை ஆர்.எஸ்.புரத்தில் உள்ள தனியார் நிறுவனத்தில் தனுஷ்வெங்கட் (வயது 20) என்பவர் வேலை பார்த்து வந்தார்.

அதே நிறுவனத்தில் கோவையைச் சேர்ந்த 19 வயது இளம்பெண்ணும் பணியாற்றினார். ஒரே நிறுவனத்தில் பணியாற்று வதால் 2 பேரும் அடிக்கடி சந்திக்கும் வாய்ப்பு ஏற்பட்டது. தனுஷ்வெங்கட் அந்த பெண்ணை காதலிப்பதாக கூறினார். முதலில் அந்த பெண், காதலை ஏற்க மறுத்தார். ஆனால் தனுஷ்வெங்கட், விடாமல் காதல் வலை வீசினார்.

தனுஷ்வெங்கட்டின் ஆசைவார்த்தைகளில் மயங்கி அந்த பெண்ணும் அவரை காதலிக்கத் தொடங்கினார். நேரில் சந்தித்து பேசுவது மட்டுமல்லாமல் வீடுகளுக்கு திரும்பியபிறகு அவர்கள் செல்போனிலும் பேசி காதலை வளர்த்து வந்தனர்.

சம்பவத்தன்று இரவு தனுஷ்வெங்கட், அந்த பெண்ணை வாட்ஸ்-அப் அழைப்பில் தொடர்பு கொண்டுள்ளார். அப்போது அவர் அந்த பெண்ணை ஆடையின்றி பார்க்க விரும்புவதாக கூறி உள்ளார். அதற்கு அந்த பெண் மறுப்பு தெரிவித்துள்ளார். நான் தானே உன்னை திருமணம் செய்து கொள்ளப் போகிறேன், பிறகு ஏன் தயங்குகிறாய் என கூறி கெஞ்சி உள்ளார்.

அந்த பெண்ணும் தனுஷ்வெங்கட்டை நம்பி, அவர் கூறியதுபோல வாட்ஸ்-அப் அழைப்பில் ஆபாசமாக நின்றுள்ளார். அதனை அந்த பெண்ணுக்கு தெரியாமலேயே தனுஷ்வெங்கட் தனது செல்போனில் பதிவு செய்து கொண்டார். அதன்பின் காதலியின் ஆபாச வீடியோவை அடிக்கடி பார்த்து ரசித்துள்ளார்.

அவர் ரசித்தது மட்டுமல்லாமல் தனது நண்பர் ஒருவருக்கும் காதலியின் ஆபாச வீடியோவை அனுப்பி வைத்துள்ளார். அந்த வீடியோவை பார்த்த நண்பர் அதிர்ச்சிக்குள்ளாகி உள்ளார். காரணம் அவர் அந்த இளம்பெண்ணின் உறவினர் ஆவார். உடனே அவர் ஆபாச வீடியோ குறித்து பெண்ணின் பெற்றோருக்கு தகவல் தெரிவித்தார். அவர்கள் பெண்ணை கண்டித்தனர். அப்போது தன்னை ஏமாற்றி தனுஷ்வெங்கட் ஆபாச படம் எடுத்து விட்டதாக கூறி கண்ணீர் விட்டு கதறி அழுதார்.

இதையடுத்து பெண்ணின் பெற்றோர் தங்கள் மகளுக்கு ஏற்பட்ட துயர சம்பவம் குறித்து கோவை மேற்கு மகளிர் போலீஸ்நிலையத்தில் புகார் செய்தனர். அதன்பேரில் இன்ஸ்பெக்டர் பழனியம்மாள், சப்-இன்ஸ்பெக்டர் தங்கம் ஆகியோர் வழக்குப்பதிவு செய்து தனுஷ்வெங்கட்டை கைது செய்தனர்.

போலீஸ் விசாரணையில் தனுஷ்வெங்கட்டின் நடவடிக்கைகளால் பிடிக்காமல் அவர் காதலித்த பெண் அவரை விலகிச் சென்றுள்ளார். மீண்டும் அந்த பெண், தன்னுடன் பழக வேண்டும் என்று எதிர்பார்த்த தனுஷ்வெங்கட், பெண்ணை மிரட்டும் வகையில் அவரது உறவினரான தனது நண்பருக்கு ஆபாச வீடியோவை அனுப்பி வைத்துள்ளார். தற்போது போலீசில் சிக்கிக் கொண்டார்.

இதுபற்றி போலீசார் கூறும்போது தற்போது சைபர் கிரைம் குற்றங்கள் பெருகி விட்டன. எனவே பெண்கள் தங்கள் புகைப்படங்களை பிறருக்கு அனுப்பக்கூடாது. வாட்ஸ்-அப்பில் ஸ்டேட்டஸ், புரொபைல் வைப்பதையும் தவிர்க்க வேண்டும் என்றனர்.

சென்னிமலை:

சென்னிமலை யூனியன், முகாசிபிடாரியூர் ஊராட்சி, 1010 நெசவாளர் காலனியில் வசிப்பவர் கிருஷ்ணன், இவரது மகன் ரஞ்சித் குமார் (30). பெருந்துறை தனியார் பத்திர எழுத்தரிடம் பணியாற்றி வருகிறார்.

சென்னிமலை அடுத்துள்ள தகடூர், முருங்கையம்மன் கோவில் அருகில் வசிப்பவர் சரவணன். இவரது மகள் சுகன்யா (21). இவர்கள் இருவரின் குடும்பங்களும் முகாசிபிடாரியூர் 1010 காலனியில் அருகருகே வசித்த போது பழக்கம் ஏற்பட்டு 5 வருடங்களாக காதலித்து வந்துள்ளனர்.

இருவர் வீட்டிலும் திருமணத்திற்கு ஒத்துக்கொள்ளாத நிலையில் வீட்டை விட்டு வெளியேறி சிவன்மலை மலை அடிவாரத்தில் உள்ள விநாயகர் கோவிலில் திருமணம் செய்து கொண்டு பாதுகாப்பு கேட்டு சென்னிமலை போலீஸ் நிலையத்தில் தஞ்சம் அடைந்தனர்.

போலீசார் இருதரப்பு பெற்றோர்களுக்கு தகவல் சொல்லி வரவழைக்கப்பட்டு இருதரப்பு பெற்றோர்களும் திருமணத்தை ஏற்றுக்கொண்டதால் மணமக்களை மகிழ்ச்சியுடன் அழைத்து சென்றனர்.

பிரிட்டனில் பிரேக் அப் ஆகியும் முன்னாள் காதலனை விடாமல் தொல்லை செய்துவந்த பெண்ணுக்கு சிறை தண்டனை-0 விதிக்கப்பட்ட சம்பவம் நிகழ்ந்துள்ளது. நர்ஸ் வேலை பார்க்கும் சோபி கால்வில் [Sophie Colwill] என்ற 30 வயது பெண்ணை டேவிட் பாக்லீரோ [David Pagliero] என்ற 54 வயது பல் மருத்துவர் தனது மனைவி இறப்புக்கு பின்னர் காதலித்து வந்துள்ளார். ஆனால் சமீபத்தில் இருவருக்கும் இடையில் காதல் முறிவு ஏற்பட்டதால் சோபி மிகுந்த மன வருத்தத்தில் இருந்துள்ளார்.

காதலனை இழக்க விரும்பாத சோபி, பிரேக் அப் ஆன அடுத்த நாளே டேவிட்டின் செல் போனுக்கு 1000 முறை போன் செய்துள்ளார். ஆனால் டேவிட் போனை எடுக்காமல் தவிர்த்துள்ளார். மேலும் டேவிட் எங்கெல்லாம் செல்கிறார் என்பதை கண்காணிக்க அவரது காரில் டிராக்கிங் டிவிஸ் பொறுத்தியுள்ளார் சோபி. இது பத்தாது என்று டேவிட்டின் வீட்டை உடைத்துக்கொண்டு உள்ளே அவர் வரும்வரை வம்படியாக பெட்ரூமில் வெயிட் செய்துள்ளார். டேவிட் வந்ததும் அவரின் போனை பிடுங்கும் முயற்சியில் அவருடன் சண்டை போட்டுவிட்டு ஜன்னல் வழியே குதித்து தப்பியுள்ளார்.

சோபியின் இந்த அடாவடித்தனமான தொல்லைகளை தாங்க முடியாமல் மன உளைச்சலில் டேவிட் சோபி தன்னை தொடர்ந்து பின் தொடர்வதால் தான் பாதுகாப்பின்றி உணர்வதாகவும் தனக்கு அச்சுறுத்தலாக இருப்பதாவதும் டேவிட் அளித்த புகாரின் பேரில் போலீசார் சோபியை கைது செய்தனர். வீட்டை உடைத்து உள்ளே சென்றது உள்ளிட்ட குற்றங்கள் நிரூபணமானதால் சோபிக்கு 1 வருட சிறை தண்டனை விதித்து நீதிமன்றம் தீர்ப்பளித்துள்ளது. அக மொத்தம் சிப்பு நடித்த வல்லவன் படத்தில் ரீமா சென் நடித்திருந்த கீதா கதாபாத்திரத்தை ரியல் லைபில் வாழ்ந்திருக்கிறார் சோபி.