பைக்

டிவிஎஸ் மோட்டார்ஸ் நிறுவனம் தனது அதிகம் எதிர்பார்க்கப்பட்ட ரோனின் 2025 மோட்டார்சைக்கிள் மாடலை அறிமுகப்படுத்தியது. மோட்டோசோல் 4.0 நிகழ்வில் அறிமுகம் செய்யப்பட்ட முற்றிலும் புதிய ரோனின் 2025 மாடல் ராயல் என்பீல்டு நிறுவனத்தின் ஹண்டர் 350 மோட்டார்சைக்கிளுக்கு போட்டியாக அமைகிறது.

2025 டிவிஎஸ் ரோனின் மோட்டார்சைக்கிளின் விலை அடுத்த மாதம் அறிவிக்கப்படும். 2025 ரோனின் மாடல் கிளேசியர் சில்வர் மற்றும் சார்கோல் எம்பெர் என இரண்டு புதிய நிறங்களில் கிடைக்கிறது. இது முந்தைய ஆண்டு மாடலின் டெல்டா புளூ மற்று்ம ஸ்டார்கேஸ் பிளாக் நிறங்களுக்கு மாற்றாக அமைகிறது.

புதிய ரோனின் மாடல் SS, DS மற்றும் TD என மூன்று வேரியண்ட்களில் கிடைக்கிறது. இதில் DS வேரியண்டில் டூயல் சேனல் ஏபிஎஸ் வழங்கப்பட்டு இருக்கிறது. இந்த பைக்கிலும் 225.9சிசி சிங்கில் சிலிண்டர் எஞ்சின் வழங்கப்பட்டு இருக்கிறது. இது 20.1 ஹெச்பி பவர், 19.93 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது. 

ஹோண்டா நிறுவனத்தின் GB350 மோட்டார்சைக்கிள் இந்திய சந்தையில் ஹோன்டா CB350 என்ற பெயரில் விற்பனை செய்யப்பட்டு வருகிறது. ரெட்ரோ பைக் போன்ற தோற்றம், ஏர்-கூல்டு சிங்கில் சிலிண்டர் எஞ்சின் உள்ளிட்ட அம்சங்கள் இந்த மோட்டார்சைக்கிள் நல்ல வரவேற்பை பெற காரணங்களாக மாறின.

GB350 சீரிசில் காலப்போக்கில் நிறைய மாற்றங்கள் செய்யப்படும், GB350C பைக் அறிமுகம் செய்யப்பட்ட போதிலும், இதே சீரிசில் GB500 மோட்டார்சைக்கிளை ஹோண்டா உருவாக்கி வருவதாக நீண்ட காலமாக கூறப்பட்டு வருகிறது. அந்த வரிசையில், ஹோண்டா நிறுவனம் தனது கான்செப்ட் மாடலை நிஜமாக்க திட்டமிட்டு வருவதாக தகவல் வெளியாகி உள்ளது.

இதனை உறுதிப்படுத்தும் வகையில் ஹோண்டா நிறுவனம் GB500 என்ற பெயரை பயன்படுத்த டிரேட்மார்க் கோரி விண்ணப்பித்துள்ளது. இந்த விண்ணப்பம் சர்வதேச சந்தையில் பல நாடுகளில் சமர்பிக்கப்பட்டு உள்ளதாக கூறப்படுகிறது. இதற்கான பணிகள் கடந்த மாதம் முதலே நடைபெற்று வருவதாக கூறப்படுகிறது.

ஹோண்டா நிறுவனம் சர்வதேச சந்தையில் விரிவாக்க பணிகளை முடுக்கிவிட்டுள்ள நிலையில், சக்திவாய்ந்த மாடல் மேலும் அதிக வாடிக்கையாளர்களை கவரும் என்றும் ராயல் என்பீல்டு பைக்குகளை வாங்க நினைப்போருக்கு மாற்றாக புது பைக் என்ற ஆப்ஷனை இந்த மாடல் வழங்கும் என்று எதிர்பார்க்கப்படுகிறது.

ஹோண்டா நிறுவனம் இந்திய சந்தையில் அதிகம் எதிர்பார்க்கப்பட்ட ஆக்டிவா e: எலெக்ட்ரிக் ஸ்கூட்டரை அறிமுகம் செய்தது. புதிய ஆக்டிவா e: எலெக்ட்ரிக் ஸ்கூட்டரில் எல்.இ.டி. ஹெட்லைட், எல்.இ.டி. டி.ஆர்.எல். உள்ளது. இதன் பக்கவாட்டில் சில்வர் அக்சென்ட்கள் உள்ளன. இந்த ஸ்கூட்டர் எளிமையான டிசைன் கொண்டிருக்கிறது.

இந்த எலெக்ட்ரிக் ஸ்கூட்டர் தோற்றம் மிக எளிமையாகவும், அதிநவீனத்துவத்தை வெளிப்படுத்தும் வகையிலும் இருக்கும் படி உருவாக்கப்பட்டு இருக்கிறது. புதிய ஆக்டிவா e: எலெக்ட்ரிக் ஸ்கூட்டர்- பியல் ஷாலோ புளூ, பியல் மிஸ்டி வைட், பியல் செரினிட்டி புளூ, மேட் ஃபாகி சில்வர் மெட்டாலிக் மற்றும் பியல் இக்னியஸ் பிளாக் என ஐந்து நிறங்களில் கிடைக்கிறது.

புதிய ஆக்டிவா e: எலெக்ட்ரிக் ஸ்கூட்டரில் 1.5 கிலோவாட் ஹவர் திறன் கொண்ட கழற்றி மாற்றிக் கொள்ளும் பேட்டரிகளை கொண்டிருக்கிறது. இந்த ஸ்கூட்டரில் உள்ள இரு பேட்டரிகளை முழு சார்ஜ் செய்தால் 102 கிலோமீட்டர்கள் வரையிலான ரேஞ்ச் வழங்கும் என்று தெரிவிக்கப்பட்டு இருக்கிறது.

ஆக்டிவா e: டாப் எண்ட் மாடலில் டிஎப்டி டிஸ்ப்ளே, ப்ளூடூத் கனெக்டிவிட்டி, அழைப்புகள் மற்றும் நேவிகேஷன் அலர்ட்களை வழங்கும் வசதி வழங்கப்படுகிறது. இந்த ஸ்கூட்டரில் உள்ள எலெக்ட்ரிக் மோட்டார் 6 கிலோவாட் திறன் வெளிப்படுத்தும். இது மணிக்கு 60 கிலோமீட்டர் வேகத்தை 7.3 நொடிகளில் எட்டிவிடும்.

இந்த எலெக்ட்ரிக் ஸ்கூட்டர் இகோ, ஸ்டாண்ட்ர்டு மற்றும் ஸ்போர்ட் என மூன்றுவித ரைடிங் மோட்களை கொண்டுள்ளது. இது மணிக்கு அதிகபட்சம் 80 கிலோமீட்டர் வேகத்தில் செல்லும் திறன் கொண்டுள்ளது. புதிய ஆக்டிவா e: எலெக்ட்ரிக் மாடலுக்கான முன்பதிவுள் அடுத்த ஆண்டு ஜனவரி மாதமும், விநியோகம் பிப்ரவரி மாதமும் துவங்க இருக்கிறது.

ஓலா எலெக்ட்ரிக் நிறுவனத்தின் S1 Z மற்றும் S1 Z பிளஸ் எலெக்ட்ரிக் ஸ்கூட்டர் மாடல்களை இந்திய சந்தையில் அறிமுகம் செய்தது. இவற்றின் விலை முறையே ரூ. 59 ஆயிரத்து 999 மற்றும் ரூ. 64 ஆயிரத்து 999 என நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

புதிய S1 Z மற்றும் S1 Z பிளஸ் ஸ்கூட்டர்களில் கழற்றக்கூடிய பேட்டரி பேக் வழங்கப்பட்டு இருக்கிறது. இதனால், ஸ்கூட்டரின் பேட்டரியை எஹ்கு வேண்டுமானாலும் எடுத்துச் சென்று சார்ஜ் ஏற்றிக் கொள்ளலாம். இதற்காக 3-பின் சார்ஜிங் சாக்கெட் வழங்கப்படுகிறது. இரு ஸ்கூட்டர்களும் அசத்தலான டிசைன், மெல்லிய பேனல்களை கொண்டுள்ளது.

ஓலா அறிமுகம் செய்திருக்கும் இரண்டு புதிய ஸ்கூட்டர்களிலும் 1.5 கிலோவாட் ஹவர் பேட்டரி பேக் வழங்கப்பட்டு இருக்கிறது. இது முழு சார்ஜ் செய்தால் 75 கிலோமீட்டர்கள் வரை ரேஞ்ச் வழங்குகிறது. இந்த ஸ்கூட்டர்களில் இரண்டு பேட்டரிகள் இருப்பதால், அதிகபட்சம் 146 கிலோமீட்டர் வரையிலான ரேஞ்ச் கிடைக்கும்.

இரண்டு ஸ்கூட்டர்களும் மணிக்கு அதிகபட்சம் 70 கிலோமீட்டர் வேகத்தில் செல்லும். இந்த ஸ்கூட்டரில் 2.9 கிலோவாட் ஹப் மோட்டார் வழங்கப்பட்டு இருக்கிறது. இந்த ஸ்கூட்டர் மணிக்கு 40 கிலோமீட்டர் வேகத்தை 4.8 நொடிகளில் எட்டிவிடும் திறன் கொண்டுள்ளது. இதில் எல்.சி.டி. இன்ஸ்ட்ரூமென்ட் கிளஸ்டர், ப்ளூடூத் கனெக்டிவிட்டி போன்ற வசதிகள் உள்ளன.

ராயல் என்ஃபீல்டு நிறுவனம் கோன் கிளாசிக் 350 பைக்கை இந்தியாவில் அறிமுகம் செய்துள்ளது.

இந்த பைக்கின் சிங்கிள் டோன் வேரியண்ட் விலை 2.35 லட்சம் ரூபாயாகவும் டபுள் டோன் வேரியண்ட் விலை 2.38 லட்சம் ரூபாயாகவும் நிர்ணயம் செய்யப்பட்டுள்ளது.

கோன் கிளாசிக் 350 பைக்கானது பாபர் ஸ்டாலில் சிங்கிள் சீட் செட்டப் உடன் வடிவமைக்கப்பட்டுள்ளது. இந்த பைக்கில் 349 சிசி இன்ஜின் பொருத்தப்பட்டுள்ளது. இது 20.2 எச்பி பவரையும் 27 என்எம் டார்க் திறனையும் வெளிப்படுத்தும் திறன் கொண்டது. இந்த பைக் 197 கிலோ எடை கொண்டது.

இந்த பைக்கின் கிரவுண்ட் கிளியரன்ஸை பொருத்தவரை 170 மிமீ உயரம் வழங்கப்பட்டுள்ளது. மேலும் இந்த பைக்கில் 13 லிட்டர் கொண்ட பெட்ரோல் டேங்க் வழங்கப்பட்டுள்ளது.

ஹோண்டா நிறுவனம் தனது ஆக்டிவா எலெக்ட்ரிக் ஸ்கூட்டரை அறிமுகம் செய்வதை உறுதிப்படுத்தி விட்டது. மேலும், அதிகம் எதிர்பார்க்கப்படும் புது எலெக்ட்ரிக் ஸ்கூட்டரின் டீசர்களை தொடர்ச்சியாக வெளியிட்டு வருகிறது. அந்த வரிசையில் தற்போது வெளியிடப்பட்டு இருக்கும் டீசரில் புதிய ஆக்டிவா எலெக்ட்ரிக் மாடலில் கழற்றி மாற்றக்கூடிய பேட்டரிகள் வழங்கப்படுவது உறுதிப்படுத்தப்பட்டு இருக்கிறது.

புதிய ஆக்டிவா எலெக்ட்ரிக் மாடலின் இருக்கைக்கு கீழ்புறத்தில் இரண்டு பேட்டரிகள் இடம்பெறுகிறது. சர்வதேச சந்தையில் விற்பனை செய்து வரும் மற்ற எலெக்ட்ரிக் ஸ்கூட்டர்களில் ஹோண்டா நிறுவனம் கழற்றக்கூடிய பேட்டரிகளை வழங்கி இருக்கிறது. அதே தொழில்நுட்பத்தை தற்போது ஆக்டிவா எலெக்ட்ரிக் மாடலிலும் ஹோண்டா பயன்படுத்தும் என தெரிகிறது.

இது தொடர்பாக ஹோண்டா வெளியிட்டுள்ள டீசர் வீடியோவில் பேட்டரி மாற்றும் மையத்தில் பேட்டரிகள் எடுத்து ஸ்கூட்டரில் மாற்றுவது போன்ற காட்சிகள் இடம்பெற்றுள்ளன. பேட்டரி சிறப்பம்சங்கள் மற்றும் இதர விவரங்கள் நவம்பர் 27 ஆம் தேதி நடைபெறும் நிகழ்வில் அறிவிக்கப்படும் என்று தெரிகிறது. 

கவாசகி நிறுவனம் இந்திய சந்தையில் தனது பிளாக்ஷிப் ஸ்போர்ட் பைக் மாடலான நின்ஜா ZX-10R விலையை கணிசமாக குறைத்துள்ளது. அதன்படி இந்த பைக்கின் விலை ரூ. 1 லட்சத்து 14 ஆயிரம், எக்ஸ்-ஷோரூம் குறைந்துள்ளது. விலை குறைப்பை தொடர்ந்து நின்ஜா ZX-10R விலை தற்போது ரூ. 17 லட்சத்து 34 ஆயிரம் என மாறி இருக்கிறது.

2025 நின்ஜா ZX-10R மோட்டார்சைக்கிள் கடந்த செப்டம்பர் மாதம் அறிமுகம் செய்யப்பட்டது. அப்போது இதன் விலை ரூ. 17 லட்சத்து 13 ஆயிரம் என நிர்ணயம் செய்யப்பட்டது. பிறகு இந்த பைக்கின் விலை அதிகரிக்கப்பட்டு ரூ. 18 லட்சத்து 50 ஆயிரம் என மாறியது. இந்த நிலையில் தான் தற்போது நின்ஜா ZX-10R விலை குறைக்கப்பட்டுள்ளது.

கவாசகி நின்ஜா ZX-10R மோட்டார்சைக்கிளில் 998சிசி, இன்-லைன் 4 சிலிண்டர், லிக்விட் கூல்டு மோட்டார் வழங்கப்பட்டு இருக்கிறது. இந்த யூனிட் 200 ஹெச்பி பவர், 114.9 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ், பை-டைரக்ஷனல் குயிக்-ஷிப்டர் வழங்கப்படுகிறது.

அம்சங்களை பொருத்தவரை இந்த பைக்கில் டிஎப்டி கன்சோல், ஸ்மார்ட்போன் கனெக்டிவிட்டி, பல்வேறு ரைடிங் மோட்கள், டூயல் சேனல் ஏபிஎஸ், குரூயிஸ் கண்ட்ரோல், லான்ச் கண்ட்ரோல், எஞ்சின் பிரேக் கண்ட்ரோல், டிராக்ஷன் கண்ட்ரோல் உள்ளிட்டவை வழங்கப்பட்டு இருக்கிறது. 

கவாசகி நிறுவனத்தின் 2025 நின்ஜா ZX 4RR மோட்டார்சைக்கிள் இந்திய சந்தையில் அறிமுகம் செய்யப்பட்டது. புதிய நின்ஜா ZX 4RR மாடலின் விலை ரூ. 9 லட்சத்து 42 ஆயிரம், எக்ஸ்-ஷோரூம் என துவங்குகிறது. சமீபத்தில் இந்த பைக் சர்வதேச சந்தையில் அறிமுகம் செய்யப்பட்ட நிலையில், தற்போது இந்தியாவிலும் வெளியிடப்பட்டது.

2025 நின்ஜா ZX 4RR மாடல்- கிரீன் / எபோனி / பிலிசர்டு வைட் என புதிய நிறங்களில் கிடைக்கிறது. புதிய நிறங்கள் தவிர இந்த மாடலில் வேறு எந்த மாற்றமும் மேற்கொள்ளப்படவில்லை. இந்த பைக்கின் விலை 2024 வெர்ஷனை விட ரூ. 32 ஆயிரம் வரை அதிகம் ஆகும்.

கவாசகி நின்ஜா ZX 4RR மாடலில் 399 சிசி, லிக்விட் கூல்டு, இன்லைன் 4-சிலிண்டர் எஞ்சின் வழங்கப்பட்டு இருக்கிறது. இந்த யூனிட் 77 ஹெச்.பி. பவர், 39 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்படுகிறது. ஸ்டைலிங்கை பொருத்தவரை கூர்மையான ஃபேரிங், டுவின் எல்இடி ஹெட்லைட்கள் வழங்கப்படுகின்றன.

அம்சங்களை பொருத்தவரை இந்த பைக்- ஸ்போர்ட், ரோட், ரெயின் மற்றும் கஸ்டம் என மொத்தம் நான்கு ரைட் மோட்களை கொண்டிருக்கிறது. இத்துடன் டிராக்ஷன் கண்ட்ரோல், டூயல் சேனல் ஏபிஎஸ் வழங்கப்பட்டு இருக்கிறது. 2025 கவாசகி நின்ஜா ZX 4RR மாடல் குறைந்த எண்ணிக்கையிலேயே விற்பனைக்கு வருகிறது. இந்த மாடலுக்கான முன்பதிவுகள் ஏற்கனவே துவங்கி நடைபெற்று வருகின்றன.

இந்தியாவின் மிகப்பெரிய பிரத்தியேக EV நிறுவனமான ஓலா எலெக்ட்ரிக் விழாக்கால சீசனையொட்டி மிகப்பெரிய ஓலா சீசன் சேல் திட்டமான BOSS சலுகைகளின் ஒரு அங்கமாக ஒரு "72 மணிநேர ரஷ்" அறிவித்துள்ளது.

வாடிக்கையாளர்கள் S1 பிரிவின் மீது ரூ.25,000 வரையிலான தள்ளுபடிகள் மற்றும் ரூ.30,000 வரையிலான கூடுதல் நன்மைகளை ஸ்கூட்டர்கள் மீதும் பெற முடியும். எனவே ஒரு மின்சார ஸ்கூட்டருக்கு மாறுவதற்கான சிறந்த நேரம் இப்போது வந்துள்ளது. வாடிக்கையாளர்கள் இந்த சலுகைகளை 31 அக்டோபர், 2024 வரை பெற்று மகிழலாம்.

'BOSS' திட்டத்தின் கீழ் ஓலா நிறுவனம் பின்வரும் நன்மைகளை வழங்கும்:

●BOSS விலைகள்: ஓலா S1 பிரிவின் தொடக்க விலை வெறும் ரூ.74,999 மட்டுமே

●BOSS டிஸ்கவுன்டுகள்: ஒட்டுமொத்த பிரிவுக்கென ரூ.25,000 வரை தள்ளுபடி

●ரூ.30,000 வரையான BOSS கூடுதல் நன்மைகள்

BOSS உத்தரவாதம்: இலவச 8-ஆண்டு/80,000 கிமீ, ரூ.7,000 மதிப்பிலான பேட்டரி உத்தரவாதம்

BOSS ஃபைனான்ஸ் சலுகைகள்: தேர்ந்தெடுக்கப்பட்ட கிரெடிட் கார்ட் EMIக்களின் மீது ரூ.5,000 வரையான ஃபைனான்ஸ் நன்மைகள்

BOSS நன்மைகள்: ரூ.6,000 வரையான இலவச MoveOS+ மேம்படுத்தல்,ரூ.7,000 வரையான இலவச சார்ஜிங் கிரெடிட்டுகள்

BOSS எக்ஸ்சேஞ்ச் சலுகைகள்: S1 பிரிவின் மீது ரூ.5,000 வரையிலான எக்ஸ்சேஞ்ச் சலுகைகள்

ஓலா எலெக்ட்ரிக் ஆனது ஆறு வகைகளுடன் கூடிய ஒரு பரந்த S1 பிரிவை கவர்ச்சிகரமான விலைகளில் வழங்குகிறது மற்றும் இவை பல்வேறு ரேஞ் தேவைகளை கொண்ட வாடிக்கையாளர்களுக்கு சிறந்த தேர்வாக அமைகிறது.

பிரீமியம் வாகனங்களான S1 ப்ரோ மற்றும் S1 ஏர் ஆனவை முறையே ரூ.1,14,999 மற்றும் ரூ.1,07,499 என்ற விலைகளில் கிடைக்கும். அதே வேளையில் , வெகுஜன வாகனங்களான S1 X பிரிவு (2 kWh, 3 kWh, மற்றும் 4 kWh) முறையே ரூ.74,999, ரூ.77,999, மற்றும் ரூ.91,999, என்ற விலைகளில் கிடைக்கின்றன.

அடுக்கு-2 மற்றும் அடுக்கு-3 நகரங்களில் EV ஊடுருவலை அதிகரிப்பது மற்றும் விற்பனைக்கு பிந்தைய மற்றும் உரிமை அனுபவத்தை மேம்படுத்துவது என்ற தெளிவான நோக்கங்களுடன் ஓலா எலெக்ட்ரிக் கடந்த ஒருசில வாரங்களில் முன்னெடுப்புகளின் ஒரு தொடரை அறிவித்தது.

தொழில்நுட்பத்தால் வழிநடத்தப்படும், பெஸ்ட்-இன்-கிளாஸ் விற்பனைக்கு பிந்தைய அனுபவத்தை வழங்கும் முனைப்புடன் நிறுவனமானது #HyperService விளம்பர முயற்சியை அதிரடியாக தொடங்கியது. இந்த முயற்சியின் ஒரு அங்கமாக நிறுவனமானது தனது நிறுவனத்துக்கு சொந்தமான சேவை நெட்வொர்க்கை டிசம்பர் 2024-க்குள் 1,000 மையங்கள் என்றளவில் இரட்டிப்பாக்கும்.

கூடுதலாக, தன் நெட்வொர்க் பார்ட்னர் திட்டத்தின் ஒரு அங்கமாக நிறுவனமானது 10,000 பார்ட்னர்களை விற்பனை மற்றும் சேவை ஆகியவற்றின் முழுதும் 2025-ன் இறுதிக்குள் வரவேற்கும். மேலும் இந்நிறுவனம் இந்தியா முழுதுமுள்ள 1 லட்சம் மூன்றாம்-தரப்பு மெக்கானிக்குகள் EV பராமரிப்பில் திறன் பெறும் வகையில் அவர்களுக்கு பயிற்சியளிக்கும் EV செர்விஸ் பயிற்சி திட்டத்தையும் அறிவித்தது.

ஆகஸ்ட் 2024 இல் தனது வருடாந்திர 'சங்கல்ப்' நிகழ்வில், Roadster X (2.5 kWh, 3.5 kWh, 4.5 kWh), Roadster (3.5 kWh, 4.5 kWh, 6 kWh) மற்றும் Roadster ஆகியவற்றை உள்ளடக்கிய Roadster புரோ (8 kWh, 16 kWh). மோட்டார்சைக்கிள் சீரிசை அறிமுகப்படுத்துவதாக நிறுவனம் அறிவித்தது.

மோட்டார்சைக்கிள்கள் பல பிரிவு-முதல் தொழில்நுட்பம் மற்றும் செயல்திறன் அம்சங்களை வழங்குகின்றன, அவற்றின் விலைகள் முறையே ரூ. 74,999, ரூ. 1,04,999 மற்றும் ரூ. 1,99,999 முதல் தொடங்குகின்றன.

ராயல் என்பீல்டு நிறுவனத்தின் அதிகம் எதிர்பார்க்கப்பட்ட இன்டர்செப்டார் பியர் 650 மோட்டார்சைக்கிள் ஒருவழியாக அறிமுகம் செய்யப்பட்டது. இந்த மோட்டார்சைக்கிள் இன்டர்செப்டார் 650 மாடலை தழுவி உருவாக்கப்பட்டு இருக்கிறது. எனினும், இந்த பைக் ஸ்கிராம்ப்லர் ரக மாடலுக்கு ஏற்ற வகையில் மாற்றங்களை கொண்டுள்ளது.

ஸ்டைலிங்கை பொருத்தவரை பியர் 650 மோட்டார்சைக்கிள் பெயின்ட், எக்சாஸ்ட் சிஸ்டம் மற்றும் டயர்கள் அசத்தலான தோற்றத்தை வழங்கியுள்ளன. இத்துடன் ஸ்கிராம்ப்லர் ரக சீட் மற்றும் பக்கவாட்டில் நம்பர் போர்டு உள்ளது. பைக்கில் எல்.இ.டி. லைட்கள் வழங்கப்பட்டுள்ளன. மேலும், வீல் அளவுகளும் வித்தியாசமாக உள்ளது.

பியர் 650 மாடலில் ஷோவா யுஎஸ்டி ஃபோர்க்குகள் வழங்கப்பட்டுள்ளன. ஒட்டுமொத்த சஸ்பென்ஷன், இன்டர்செப்டார் மாடலில் உள்ளதை விட உயரமாக வைக்கப்பட்டுள்ளது. இதனால் சீட்-இன் உயரம் அதிகரிக்கப்பட்டு இருக்கிறது. இவைதவிர பைக்கின் மற்ற அம்சங்களில் எந்த மாற்றமும் செய்யப்படவில்லை.

அந்த வகையில் இந்த பைக் டூயல் சேனல் ஏ.பி.எஸ்., பின்புற ஏ.பி.எஸ்.-ஐ விரும்பினால் ஸ்விட்ச் ஆஃப் செய்யும் வசதி வழங்கப்படுகிறது. இந்த மாடலில் ஃபுல் கலர் டி.எப்.டி. ஸ்கிரீன், இன்பில்ட் நேவிகேஷன் சிஸ்டம் வழங்கப்பட்டு இருக்கிறது.

புதிய இன்டர்செப்டார் பியர் 650 மாடலிலும் 650சிசி பேரலெல் டுவின் மோட்டார் வழங்கப்பட்டு இருக்கிறது. இது 47 ஹெச்பி பவர், 57 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் புதிய டு-இன்டு எகாச்ஸ்ட் சிஸ்டம் உள்ளது.

ராயல் என்பீல்டின் புதிய இன்டர்செப்டார் பியர் 650 மோட்டார்சைக்கிள் பிராட்வாக் வைட், பெட்ரோல் கிரீன், வைல்டு ஹனி, கோல்டன் ஷேடோ மற்றும் டூ ஃபோர் நைன் என ஐந்து விதமான நிறங்களில் கிடைக்கிறது. இதில் ஒவ்வொரு நிறத்தின் விலையும் வித்தியாசமாக நிர்ணயம் செய்யப்படும் என்று தெரிகிறது.

டி.வி.எஸ். நிறுவனம் இந்திய சந்தையில் தனது எலெக்ட்ரிக் இருவாகன எண்ணிக்கையை அதிகப்படுத்த திட்டமிட்டு வருகிறது. அதன்படி அடுத்த ஆண்டு மார்ச் மாத வாக்கில் டி.வி.எஸ். தனது புதிய எலெக்ட்ரிக் இருசக்கர வாகனத்தை அறிமுகம் செய்யும் என்று கூறப்படுகிறது.

இது பற்றி தகவல் சமீபத்திய முதலீட்டாளர் சந்திப்பின் போது வெளியாகியுள்ளது. தற்போதைக்கு டி.வி.எஸ். நிறுவனம் ஐகியூப் மாடலை மட்டும் பல வேரியண்ட்களில் விற்பனை செய்து வருகிறது. இந்த மாடல் ஓரளவுக்கு சந்தையில் வெற்றிகர மாடலாக உள்ளது.

இதைத் தொடர்ந்து டி.வி.எஸ். நிறுவனம் எக்ஸ் ஸ்போர்ட்ஸ் எலெக்ட்ரிக் ஸ்கூட்டரை அறிமுகம் செய்தது. எனினும், இந்த மாடலின் வினியோகம் இதுவரை துவங்கவில்லை. டி.வி.எஸ். எக்ஸ் மாடல் தோற்றம் மற்றும் அம்சங்கள் அடிப்படையில் கவர்ச்சிகரமாக இருந்தது. இது விற்பனையில் அமோக வரவேற்பை பெறும் என்று எதிர்பார்க்கப்பட்டது.

இந்த நிலையில், தற்போது வெளியாகி இருக்கும் தகவல்களின் படி டி.வி.எஸ். நிறுவனம் பல்வேறு எலெக்ட்ரிக் ஸ்கூட்டர் மாடல்களை உருவாக்கி வருவதாக கூறப்படுகிறது. மேலும், எலெக்ட்ரிக் மோட்டார்சைக்கிளை உருவாக்கும் பணிகளையும் டி.வி.எஸ். துவங்கியுள்ளதாக கூறப்படுகிறது. இந்த மாடல் குறைந்த விலையில் விற்பனைக்கு கிடைக்கும் என்று தெரிகிறது.

இதில் ஜூப்பிட்டர் அல்லது XL எலெக்ட்ரிக் வெர்ஷன்களில் ஒன்றை டி.வி.எஸ். முதலில் அறிமுகம் செய்யும் என்று கூறப்படுகிறது. இதில் XL எலெக்ட்ரிக் மாடல் வணிக பிரிவில் நல்ல வரவேற்பை பெறும் என்று கூறப்படுகிறது. இதுதவிர ட.வி.எஸ். நிறுவனம் XL EV மற்றும் E-XL பெயர்களை புதிய மாடலுக்கு சூட்ட டிரேட்மார்க் செய்துள்ளது.

இந்தியாவின் மிகப்பெரிய பியூர்-பிளே EV நிறுவனமான Ola Electric, பண்டிகைக் காலத்திற்கான அதன் மிகப்பெரிய Ola சீசன் விற்பனை விளம்பரப் பிரச்சாரத்தின் ஒரு பகுதியாக புதிய 'BOSS' சலுகைகளை அறிவித்துள்ளது. வாடிக்கையாளர்கள் S1 போர்ட்ஃபோலியோவில் ₹ 20,000 வரையிலான தள்ளுபடியைப் பெறலாம் மற்றும் ஸ்கூட்டர்களில் ₹ 25,000 வரை மதிப்புள்ள கூடுதல் நன்மைகளைப் பெறலாம். இது, EVக்கு மாறுவதற்கான சிறந்த நேரமாகும்.

'BOSS' விளம்பரப் பிரச்சாரத்தின் கீழ், நிறுவனம் பின்வரும் நன்மைகளை வழங்கும்:

● BOSS விலைகள் : Ola S1 போர்ட்ஃபோலியோ வெறும் ரூ. 74,999ல் தொடங்குகிறது.

● BOSS தள்ளுபடிகள் : முழு S1 போர்ட் ஃபோலியோவில் ரூ. 20,000 வரை கிடைக்கும்.

ரூ. 25,000 வரையிலான கூடுதல் BOSS நன்மைகள் :

'BOSS' உத்தரவாதம் : ரூ.7,000 மதிப்புள்ள இலவச 8 ஆண்டுகள்/80,000 கி.மீ பேட்டரி உத்தரவாதம்.

'BOSS' ஃபைனான்ஸ் சலுகைகள் : தேர்ந்தெடுக்கப்பட்ட கிரெடிட் கார்டு EMIகளில் ரூ.5,000 வரையிலான நிதிச் சலுகைகள்.

BOSS நன்மைகள் : ரூ.6,000 மதிப்புள்ள இலவச MoveOS+ மேம்படுத்தல்; ரூ.7,000 வரையிலான மதிப்புள்ள இலவச சார்ஜிங் கிரெடிட்கள். 

Ola Electric ஆனது வாடிக்கையாளர்களுக்கு வெவ்வேறு வரம்புத் தேவைகளைக் கொண்ட கவர்ச்சிகரமான விலைப் புள்ளிகளில் ஆறு சலுகைகளுடன் விரிவான S1 போர்ட்ஃபோலியோவை வழங்குகிறது. பிரீமியம் சலுகைகளான S1 Pro மற்றும் S1 Air ஆகியவை முறையே ரூ.1,34,999 மற்றும் ரூ.1,07,499 விலையில் கிடைக்கின்றன. மாஸ் மார்க்கெட் சலுகைகளில் S1 X போர்ட்ஃபோலியோ (2 kWh, 3 kWh மற்றும் 4 kWh) முறையே ரூ.74,999, ரூ.87,999 மற்றும் ரூ.101,999 விலைகளில் கிடைக்கின்றன.

Ola Electric சமீபத்தில் #HyperService விளம்பரப் பிரச்சாரத்தை அறிவித்தது. இதன் கீழ், நிறுவனம் தனது சேவை வலையமைப்பை இந்த ஆண்டு டிசம்பர் மாதத்திற்குள் 1,000 மையங்களாக இரட்டிப்பாக்க திட்டமிட்டுள்ளது. கூடுதலாக, இந்தியா முழுவதும் அதன் விற்பனை மற்றும் சேவை நெட்வொர்க்கை விரிவுபடுத்த நெட்வொர்க் பார்ட்னர் திட்டத்தையும் அறிவித்தது. திட்டத்தின் ஒரு பகுதியாக, ஓலா எலெக்ட்ரிக் 2025-ம் ஆண்டு இறுதிக்குள் நெட்வொர்க்கை 10,000 ஆக உயர்த்த திட்டமிட்டுள்ளது. மேலும், ஓலா எலெக்ட்ரிக் இந்தியாவில் உள்ள ஒவ்வொரு மெக்கானிக்கையும் EV-க்கு தயார்படுத்த ஒரு லட்சம் மூன்றாம் தரப்பு மெக்கானிக்களுக்கு பயிற்சி அளிக்கும்.

ஆகஸ்ட் 2024 இல் தனது வருடாந்திர 'சங்கல்ப்' நிகழ்வில், Roadster X (2.5 kWh, 3.5 kWh, 4.5 kWh), Roadster (3.5 kWh, 4.5 kWh, 6 kWh) மற்றும் Roadster ஆகியவற்றை உள்ளடக்கிய Roadster புரோ (8 kWh, 16 kWh). மோட்டார் சைக்கிள் தொடரை அறிமுகப்படுத்துவதாக நிறுவனம் அறிவித்தது. மோட்டார்சைக்கிள்கள் பல பிரிவு-முதல் தொழில்நுட்பம் மற்றும் செயல்திறன் அம்சங்களை வழங்குகின்றன, அவற்றின் விலைகள் முறையே INR 74,999, INR 1,04,999 மற்றும் INR 1,99,999 முதல் தொடங்குகின்றன.