ரிஸ்டா மாடல் விலையை உயர்த்தும் ஏத்தர் நிறுவனம்

ஏத்தர் எனர்ஜி நிறுவனம் இந்திய சந்தையில் தனது ரிஸ்டா மாடல் எலெக்ட்ரிக் ஸ்கூட்டர் விலையை அடுத்த ஆண்டு ஜனவரி 1 ஆம் தேதியில் இருந்து உயர்த்துவதாக அறிவித்து இருக்கிறது. அதன்படி இந்த ஸ்கூட்டரின் விலை ரூ. 4 ஆயிரத்தில் துவங்கி அதிகபட்சம் ரூ. 6 ஆயிரம் வரை அதிகரிக்கும் என்று தெரிகிறது.

இந்திய சந்தையில் ஏத்தர் ரிஸ்டா மாடல் S, Z 2.9 மற்றும் Z 3.7 என மூன்று வேரியண்ட்களில் கிடைக்கிறது. இவற்றின் விலை முறையே ரூ. 1 லட்சத்து 10 ஆயிரம், ரூ. 1 லட்சத்து 27 ஆயிரம் மற்றும் ரூ. 1 லட்சத்து 46 ஆயிரம் ஆகும்.

இத்துடன் ப்ரோ பேக் வாங்கும் போது மூன்று வேரியண்ட்களின் விலை முறையே ரூ. 13 ஆயிரம், ரூ. 15 ஆயிரம் மற்றும் ரூ. 20 ஆயிரம் அதிகரிக்கும். 2025, ஜனவரி 1 ஆம் தேதியில் இருந்து ஏத்தர் ரிஸ்டா மாடலின் விலை உயர இருக்கும் நிலையில், எந்த வேரியண்டிற்கு எவ்வளவு விலை உயரும் என்பது பற்றிய தகவல் இல்லை.