கூலி படப்பிடிப்பில் கேக் வெட்டி பிறந்தநாள் கொண்டாடிய ரஜினிகாந்த் - வீடியோ
- கூலி படத்தின் அடுத்த கட்ட படப்பிடிப்பிற்காக ரஜினி சில நாட்களுக்கு ஜெய்பூர் சென்றார்.
- இன்று ரஜினிகாந்த் 74-வது பிறந்தநாள் கொண்டாடுகிறார்.
ரஜினிகாந்த் மற்றும் இயக்குநர் லோகேஷ் கனகராஜ் கூட்டணியில் உருவாகும் புதிய படம் "கூலி." சன் பிக்சர்ஸ் தயாரிக்கும் இந்த படத்தின் படப்பிடிப்பு பணிகள் விறுவிறுப்பாக நடைபெற்று வருகிறது.
படத்தில் ஏற்கனவே சத்யராஜ், நாகர்ஜுனா, சௌபின் ஷாஹிர், சுருதிஹாசன், பகத் பாசில், ரெபா மோனிகா ஜான் மற்றும் உபேந்திரா ஆகியோர் நடிப்பதாக அறிவிக்கப்பட்டது. அனிருத் இசையமைக்கும் இந்த படத்திற்கு கிரிஷ் கங்காதரன் ஒளிப்பதிவு செய்கிறார். அன்பறிவ் சண்டைக் காட்சிகளை இயக்குகின்றனர்.
இந்நிலையில் கூலி படத்தின் அடுத்த கட்ட படப்பிடிப்பிற்காக ரஜினி சில நாட்களுக்கு ஜெய்பூர் சென்றார். இன்று ரஜினிகாந்த் 74-வது பிறந்தநாள் கொண்டாடுகிறார். இதை முன்னிட்டு ரஜினிகாந்த் நடனம் ஆடும் சிகிடு வைப் என்ற பாடல் வீடியோ ஒன்றை படக்குழு வெளியிட்டுள்ளது.
இதனிடையே கூலி படப்பிடிப்பில் ரஜினிகாந்த் கேக் வெட்டி பிறந்தநாள் கொண்டாடிய வீடியோ இணையத்தில் வெளியாகி வைரலாகி வருகிறது.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்