உட்கார்ந்து கேளுங்க.. தொகுப்பாளினியால் தர்ம சங்கடத்துக்கு ஆளான லோகேஷ்

'மாநகரம்', 'கைதி', 'மாஸ்டர்', 'விக்ரம்' போன்ற படங்களை இயக்கியதன் மூலம் முன்னணி இயக்குனராக வலம் வருபவர் லோகேஷ் கனகராஜ். இவர் இயக்கத்தில் விஜய் நடிப்பில் சமீபத்தில் வெளியான 'லியோ' திரைப்படம் ரசிகர்கள் மத்தியில் நல்ல வரவேற்பை பெற்று ரூ. 500 கோடிக்கு மேல் வசூலை குவித்துள்ளது.

இதைத்தொடர்ந்து இயக்குனர் லோகேஷ் கனகராஜ், ரஜினியின் 171-வது படத்தை இயக்கவுள்ளார். இது தொடர்பான அதிகாரப்பூர்வ அறிவிப்புகள் வெளியான நிலையில் இப்படம் எந்த மாதிரியான கதைக்களத்தில் இருக்கும் என்று ரசிகர்கள் எதிர்பார்த்து காத்திருக்கின்றனர்.

இந்நிலையில், இயக்குனர் லோகேஷ் கனகராஜ் நிகழ்ச்சி ஒன்றில் கலந்து கொண்டிருந்தார். அப்போது தொகுப்பாளினி லோகேஷ் கனகராஜை புகழ்ந்து பேசினார். இதனால் கூச்சமடைந்த லோகேஷ் குடுகுடுவென எழுந்து சென்று நான் பேசிக்கொள்கிறேன் என்றார். ஆனால், அந்த தொகுப்பாளினியோ உட்கார்ந்து கேளுங்கள் நான் பேசிக் கொள்கிறேன் என்றார். அதன்பின்னர் பேசிய லோகேஷ் கனகராஜ் எனக்கு ரொம்ப தர்ம சங்கடமா இருக்கு என்று கூறினார்.