கருப்பங்காட்டு வலசு

செல்வேந்திரன் இயக்கத்தில் நீலிமா முதன்மை கதாபாத்திரத்தில் நடித்துள்ள படம் ‘கருப்பங்காட்டு வலசு’. இப்படத்தில் எபிநேசர் தேவராஜ் போலீஸ் அதிகாரி வேடத்தில் நடிப்பதுடன், நிர்வாக தயாரிப்பாளராகவும் இருக்கிறார். ஆதித்யா-சூர்யா இசையமைத்துள்ள இப்படத்திற்கு ஷ்ரவன் சரவணன் ஒளிப்பதிவு செய்துள்ளார். crew 21 எண்டர்டெயின்மெண்ட் நிறுவனம் இப்படத்தை தயாரித்துள்ளது.

படம் குறித்து நடிகை நீலிமா கூறியதாவது: இது, குற்றப்பின்னணி உள்ள திகிலான கதையம்சம் கொண்ட படம். பழைய பழக்க வழக்கங்களையும், மூட நம்பிக்கைகளையும் கொண்ட ஒரு கிராமத்தை ‘மாடர்ன்’ ஆக மாற்ற முயற்சிக்கிறாள், ஒரு பெண். அப்போது அந்த ஊரில், ஒரு குற்றம் நடக்கிறது. அதன் விளைவுகள்தான் திரைக்கதை" என தெரிவித்துள்ளார்.