அருமையான சுவையில் கேரளா மட்டை அரிசி பால் பாயாசம்...

தேவையான பொருட்கள்:

கேரளா மட்டை அரிசி - 1 கப்

பால் - 4 கப்

சர்க்கரை - 1 கப்

முந்திரி, திராட்சை, பாதாம் - விருப்பத்திற்கேற்ப

நெய் - அரை டீஸ்பூன்

ஏலக்காய் பொடி - 1/4 டீஸ்பூன்

உப்பு - ஒரு சிட்டிகை

செய்முறை:

* பாதாமை பொடியாக நறுக்கி கொள்ளவும்.

* முந்திரி, திராட்சையை நெய்யில் வறுத்து தனியாக வைக்கவும்.

* கேரளா மட்டை அரிசியை நன்றாக கழுவி மிக்ஸர் ஜாரில் போட்டு கொரகொரவென்று அரைத்து கொள்ளுங்கள்.

* ஒரு பாத்திரத்தில் பாலை ஊற்றி கொதிக்க ஆரம்பித்ததும், தீயைக் குறைத்து 5 நிமிடம் கொதிக்க வைக்கவும்.

* பிறகு அதில் கழுவி வைத்துள்ள மட்டை அரிசியைப் போட்டு நன்கு கிளறி, அரிசி நன்கு மென்மையாக வேகும் வரை வேக வைக்கவும். அடிக்கடி கிளறி விடவும். அல்லது அடிபிடித்து விடும்.

* அரிசி வேக சிறிது நேரம் எடுக்கும் என்பதால், குறைவான தீயில் வேக வைக்கவும்.

* அரிசி நன்கு மென்மையாக வெந்த பின்பு சர்க்கரையை சேர்த்து நன்கு கிளறி விடுங்கள்.

* இறுதியில் உப்பு மற்றும் ஏலக்காய் பொடி சேர்த்து கிளறி இறக்கவும்.

* மேலே வறுத்த முந்திரி, திராட்சை, பாதாம் சேர்த்து பரிமாறவும்.

* இப்போது சுவையான கேரளா மட்டை அரிசி பால் பாயாசம் தயார்…

குறிப்பு - சர்க்கரைக்கு பதில் வெல்லம் அல்லது கருப்பட்டி சேர்த்தும் இதை செய்யலாம்.