உங்களை கிறங்க வைக்கும் பனங்கிழங்கு பாயசம்

பனங்கிழங்கில் நார்ச்சத்து அதிகம் உள்ளது. இதை சாப்பிட்டால் மலச்சிக்கல் பிரச்சனை சரியாகும். சர்க்கரை நோயாளிகளுக்கு இன்சுலின் அளவை கட்டுப்படுத்தும். மிகவும் சுவையான வித்தியாசமான ஒரு பாயாசம் 15 நிமிடத்தில் செய்துவிடலாம்.

தேவையான பொருட்கள்:

பனங்கிழங்கு - 4

தேங்காய்ப்பால் - ஒரு கப்

பனை வெல்லக் கரைசல் - அரை கப்

ஏலக்காய்த்தூள் - சிறிதளவு

நெய்யில் வறுத்த முந்திரி, திராட்சை - தலா 2 டீஸ்பூன்

நெய் - ஒரு டீஸ்பூன்

செய்முறை:

பனங்கிழங்கை முழுவதாக வேகவிட்டு எடுத்துக்கொள்ள வேண்டும், உள்ளே உள்ள குருத்து பகுதியை நீக்க வேண்டும். இதனை மிக்சியில் போட்டு விழுதாக அரைத்துக்கொள்ள வேண்டும். வாணலியில் நெய்யை சூடாக்கி, பனங்கிழங்கு விழுதை சேர்த்து அடி பிடிக்காமல் 2, 3 நிமிடம் வதக்க வேண்டும், அதன்பிறகு பனை வெல்லக் கரைசல் சேர்த்து கொதிக்கும் போது இறக்கவும். சற்றே சூடு தணிந்த பின் தேங்காய்ப்பால், ஏலக்காய்த்தூள், வறுத்த முந்திரி, திராட்சை சேர்த்துப் பரிமாறவும். சுவையான பனங்கிழங்கு பாயசம் தயார்.