கத்திமுனையில் வழிப்பறி- மதுரையில் 2 ரவுடிகள் கைது

மதுரை:

மதுரை ஜெய்ஹிந்த்புரம் பாரதியார் ரோட்டை சேர்ந்தவர் பால்பாண்டி (வயது 39). இவர் நேற்று சோலைஅழகுபுரம் வ.வு.சி. தெருவில் நடந்து சென்றார். அப்போது 2 பேர் கத்திமுனையில் வழிமறித்து ரூ. 1000 பணத்தை பிடுங்கி சென்றனர்.

இது தொடர்பாக பால் பாண்டி ஜெய்ஹிந்த்புரம் போலீசில் புகார் செய்தார். போலீசார் வழக்குப் பதிவு செய்து சோலை அழகுபுரத்தைச் சேர்ந்த ஆறுமுகம் (வயது 30), சிவகங்கை மாவட்டம் திருப்பாசேத்தியை சேர்ந்த பிச்சைமணி (வயது 24) ஆகிய 2 பேரை பிடித்து விசாரணை நடத்தினர்.

அப்போது 2 பேரும் பிரபல ரவுடிகள் என்பதும், இவர்கள் மீது மதுரை, சிவகங்கை மாவட்ட போலீஸ் நிலையங்களில் வழக்கு நிலுவையில் இருப்பதும் தெரிய வந்துள்ளது. போலீசார் 2 பேரையும் கைது செய்து விசாரணை நடத்தி வருகின்றனர்.