பாளையில் ஆயுதபூஜைக்கு வாகனத்தை கழுவிய எலக்ட்ரீசியன் மின்சாரம் தாக்கி பரிதாப சாவு

நெல்லை:

பாளை பெருமாள்புரம் என்.ஜி.ஓ. ஏ காலனி, கனரா பேங்க் காலனியை சேர்ந்தவர் கேசவன் (வயது 58). எலக்ட்ரீசியன் வேலை பார்த்து வந்த இவருக்கு மனைவியும், ஒரு மகனும், மகளும் உள்ளனர்.

இந்நிலையில் நேற்று மாலை கேசவன் வீட்டில் ஆயுத பூஜைக்கான ஏற்பாடுகளை செய்து வந்தார். இதையடுத்து வீட்டில் இருந்த காரை தண்ணீர் ஊற்றி கழுவிக் கொண்டிருந்தார்.

அப்போது அங்கிருந்த மோட்டாரில் மின் கசிவு ஏற்பட்டு, காரை கழுவிக்கொண்டு இருந்த கேசவன் மீது எதிர்பாராத விதமாக மின்சாரம் பாய்ந்தது. இதில் அவர் தூக்கி வீசப்பட்டு மயங்கி விழுந்தார்.

இதைப் பார்த்து அதிர்ச்சி அடைந்த அவரது குடும்பத்தினர் மற்றும் அக்கம்பக்கத்தினர் கேசவனை மீட்டு சிகிச்சைக்காக பாளை அரசு மருத்துவமனைக்கு கொண்டு சென்றனர்.

அங்கு அவரை பரிசோதித்த மருத்துவர்கள் அவர் ஏற்கனவே இறந்து விட்டதாக தெரிவித்தனர். இதுகுறித்து பெருமாள்புரம் போலீசார் வழக்குப்பதிவு செய்து விசாரணை நடத்தி வருகின்றனர்.