ஆம்புலன்சில் பெண்ணுக்கு பிரசவம்

ஆம்பூர்:

திருப்பத்தூர் மாவட்டம் ஆம்பூர் தாலுகா கீழ் கன்றாம்பல்லி கிராமத்தை சேர்ந்த முனிஸ்வரி (வயது 40) கர்ப்பிணியான இவர் வெங்கடசமுத்திரம் அரசு ஆரம்ப சுகாதார நிலை யத்தில் பிரசவத்திற்காக அனுமதிக்கப்பட்டிருந்தார்.

அவரை பரிசோதனை செய்த டாக்டர்கள் அவரை மேல்சிகிச்சைக்காக வேலூர் அரசு மருத்துவமனைக்கு கொண்டு செல்ல பரிந்துரை செய்தார். இன்று காலை 108 ஆம்புலன்ஸ் மூலம் முனிஸ்வரியை வேலூர் அரசு மருத்துவமனைக்கு அழைத்து சென்றனர். ஊசூர் அருகே செல்லும் வழியில் முனிஸ்வரிக்கு பிரசவ வலி அதிகரித்தது.

இதனால் வேறுவழியின்றி மருத்துவ உதவியாளர் சார்லஸ் பிரசவம் பார்த்தார்.

அப்போது அழகான பெண் குழந்தை பிறந்தது. பின்பு தாயும், சேயும் வேலூர் அரசு மருத்துவமனையில் அனுமதிக்கப்பட்டனர். தற்போது தாயும் குழந்தையும் நலமாக உள்ளனர்.