உள்ளூர் செய்திகள்
சாலையில் கிடந்த முதியவர்.
அடையாளம் தெரியாத முதியவர் பிணம்- கொலையா?
- சாலை ஓரத்தில் 50 வயது மதிக்கத்தக்க ஆண் ஒருவர் மர்மமான முறையில் இறந்து கிடந்தார்.
- அவர் யார், எந்த ஊரை சேர்ந்தவர் என்பது தெரியவில்லை.
சீர்காழி:
சீர்காழி தேர் மேல வீதியின் சாலை ஓரத்தில் சுமார் 50 வயது மதிக்கத்தக்க ஆண் நபர் மர்மமான முறையில் இறந்து கிடந்தார். இது குறித்து அப்பகுதியை சேர்ந்தவர்கள் சீர்காழி போலீசாருக்கு தகவல் கொடுத்தனர்.
அவர்கள் சம்பவ இடத்திற்கு விரைந்து சென்று பிணத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.
அவர் யார், எந்த ஊரை சேர்ந்தவர் என்பது தெரிய வில்லை. இது குறித்து சீர்காழி போலீசார் வழக்கு பதிவு செய்து அவரை யாரும் கொலை செய்து இங்கு வந்து போட் டார்களா அல்லது அவர் வந்த இடத்தில் இறந்தாரா என பல்வேறு கோணங்களில் விசாரித்து வருகின்றனர்.
மேலும் அப்பகுதியில் உள்ள சிசிடிவி கேமராவை கைப்பற்றி போலீசார் விசாரணையை துரிதப்படுத்தி உள்ளனர்.