பிரிஸ்பேன் டென்னிஸ்: 3-வது சுற்றுக்கு முன்னேறிய விக்டோரியா அசரென்கா

பிரிஸ்பேன்:

பிரிஸ்பேன் சர்வதேச டென்னிஸ் தொடர் ஆஸ்திரேலியாவில் நடைபெற்று வருகிறது. இந்த தொடரில் நடைபெற்ற பெண்கள் ஒற்றையர் பிரிவின் 2-வது சுற்று ஆட்டம் ஒன்றில் ரஷியாவின் மிர்ரா ஆண்ட்ரீவா சக நாட்டவரான அன்னா பிளிங்கோவா உடன் மோதினார்.

இந்த போட்டியில் தொடக்கம் முதலே ஆதிக்கம் செலுத்திய மிர்ரா ஆண்ட்ரீவா 6-4, 6-4 என்ற நேர் செட் கணக்கில் அன்னா பிளிங்கோவாவை வீழ்த்தி 3-வது சுற்றுக்கு முன்னேறினார்.

இன்று நடைபெற்ற மற்றொரு ஆட்டத்தில் பெலாரஸ் வீராங்கனை விக்டோரியா அசரென்கா மற்றும் மாயா ஜாய்ண்ட் ஆகியோர் மோதின. இந்த போட்டியில் 6-7 (5), 6-2, 6-4 என்ற கணக்கில் விக்டோரியா வெற்றி பெற்று 3-வது சுற்றுக்கு முன்னேறினார்.