ஆஸ்திரேலிய ஓபன் டென்னிஸ்: அரையிறுதிக்கு முன்னேறினர் இகா ஸ்வியாடெக், மேடிசன் கீஸ்

சிட்னி:

ஆஸ்திரேலிய ஓபன் டென்னிஸ் தொடரில் காலிறுதி சுற்றுப் போட்டிகள் இன்று நடந்தன.

இந்நிலையில், பெண்கள் ஒற்றையர் பிரிவில் நம்பர் 2 வீராங்கனையும், போலந்தைச் சேர்ந்தவருமான இகா ஸ்வியாடெக், அமெரிக்காவின் எம்மா நவாரோ உடன் மோதினார்.

இதில் ஸ்வியாடெக் 6-1, 6-2 என்ற நேர் செட் கணக்கில் வென்று அரையிறுதிக்கு முன்னேறினார்.

மற்றொரு காலிறுதியில் அமெரிக்காவின் மேடிசன் கீஸ், உக்ரைன் வீராங்கனை எலினா ஸ்விடோலினா உடன் மோதினார்.

இதில் சிறப்பாக ஆடிய ஸ்விடோலினா முதல் செட்டை 6-3 என கைப்பற்றினார். இதில் சுதாரித்துக் கொண்ட மேடிசன் கீஸ் அடுத்த இரு செட்களை 6-3, 6-4 என வென்று அரையிறுதிக்கு முன்னேறினார்.

நாளை நடைபெறும் அரையிறுதியில் இகா ஸ்வியாடெக், மேடிசன் கீசுடன் மோதுகிறார்.