டிரெண்டிங்கில் "DO IT FOR DRAVID"- இதெல்லாம் எனக்கு பிடிக்காது: ராகுல் டிராவிட் கருத்து

இந்திய அணியின் தலைமை பயிற்சியாளராக ஓய்வு பெறும் ராகுல் டிராவிட்டிற்காக டி20 உலக கோப்பையை வெல்ல வேண்டும் என #DoltForDravid என்கிற ஹேஷ்டேக் வலைதளங்களில் ட்ரெண்ட் ஆவது குறித்து அவர் கருத்து தெரிவித்துள்ளார்.

இதுகுறித்து ராகுல் டிராவிட் கூறியிருப்பதாவது:-

'DO IT FOR DRAVID'- இதெல்லாம் எனக்கு புடிக்காது

"எவெரஸ்ட் சிகரத்தை ஏன் ஏற வேண்டும்?" என்ற கேள்விக்கு, "எவெரஸ்ட் சிகரம் என்ற ஒரு விஷயம் உள்ளது.

அதில் ஏறப் போகிறேன்.. அவ்வளவுதான்" என ஒருவர் சொன்னதாக கூறுவார்கள். அப்படித்தான் உலக கோப்பை என ஒன்று உள்ளது, அதை வெல்ல வேண்டும் என விரும்புகிறேன். அவ்வளவுதான். வேறு யாருக்காகவும் கிடையாது.

'இவருக்காக இதை செய்ய வேண்டும்' என்ற விஷயத்தில் எனக்கு விருப்பம் இல்லை. வேறு ஒருவருக்காக ஒரு செயலை செய்வது என்னுடைய நம்பிக்கை, தன்மைக்கு எதிரானது.

இவ்வாறு அவர் குறிப்பிட்டுள்ளார்.