மேட்டுப்பாளையம்:
மேட்டுப்பாளையம் மகாதேவபுரத்தை சேர்ந்தவர் ரங்கசாமி. இவரது மனைவி அங்கம்மாள் (வயது 55). விவசாய கூலி.
சம்பவத்தன்று அங்கம்மாள் வீட்டுக்கு செல்வதற்காக நரிப்பள்ளம் பவானி ஆற்றங்கரையில் நடந்து சென்று கொண்டு இருந்தார். அப்போது இவரை குடிபோதையில் பின் தொடர்ந்து வந்த வாலிபர் அங்கம்மாளின் தலையில் தாக்கினார். பின்னர் அவரது கழுத்தில் கிடந்த 4½ பவுன் தங்க நகைகளை பறித்து தப்பிச்சென்றார்.
இதில் அதிர்ச்சியடைந்த அங்கம்மாள் இது குறித்து மேட்டுப்பாளையம் போலீசில் புகார் செய்தார். போலீசார் வழக்குப்பதிவு செய்து விசாரணை நடத்தி வந்தனர். அப்போது அங்கம்மாளிடம் நகைகளை பறித்து தப்பிச்சென்ற நபரை போலீசார் கைது செய்து கோவை மத்திய சிறையில் அடைத்தனர்.
