சிவகாசி:
சிவகாசி அருகே உள்ள தாயில்பட்டியைச் சேர்ந்தவர் சத்தியமூர்த்தி. தொழிலாளி. இவரது மகன் லட்சுமணன் (வயது 17).
இவர் நேற்று இரவு வீட்டில் படுத்திருந்தார். அப்போது 4 பேர் வந்து வீட்டின் கதவை தட்டி உள்ளனர். லட்சுமணன் கதவை திறந்ததும், அவரிடம் பேச வேண்டும் என வெளியே அழைத்துச் சென்றார்களாம்.
அதன்பிறகு லட்சுமணன் வீடு திரும்பவில்லை. இதனால் அதிர்ச்சி அடைந்த சத்தியமூர்த்தி, வெம்பக்கோட்டை போலீசில் புகார் செய்தார். அதில், தனது மகனை மர்ம நபர்கள் கடத்தி இருக்கலாம் எனக் குறிப்பிட்டுள்ளார்.
இதன்பேரில் போலீசார் வழக்குப்பதிவு செய்து, மாயமான லட்சுமணன் என்ன ஆனார்? அவரை அழைத்துச் சென்ற நபர்கள் யார்? என்பது குறித்து தீவிர விசாரணை நடத்தி வருகின்றனர்.
