சங்கரன்கோவில்:
சங்கரன்கோவில் அம்பேத்கார் நகரை சேர்ந்தவர் ஜெயந்தி (வயது19) பெயர் மாற்றப்பட்டுள்ளது. இவர் சம்பவத்தன்று தனது வீட்டு முன்பு நின்று கொண்டிருந்தார்.
அப்போது அங்கு வந்த அதே பகுதியை சேர்ந்த பட்டதாரியான கார்த்திக் ராஜா (22) என்பவர் ஜெயந்தியிடம் நைசாக பேச்சு கொடுத்தார். திடீரென அவர் ஜெயந்தியிடம் சில்மிஷத்தில் ஈடுபட்டார். அவர் கூச்சல் போட்டதால் அக்கம் பக்கத்தினர் திரண்டு வருவதை பார்த்த கார்த்திக் ராஜா, ஜெயந்தியிடம் இச்சம்பவத்தை வெளியில் கூறினால் கொன்று விடுவேன் என மிரட்டல் விடுத்து விட்டு தப்பி ஓடி விட்டார்.
இது குறித்து சங்கரன்கோவில் டவுன் போலீசில் புகார் செய்யப்பட்டது. போலீசார் வழக்குப்பதிவு செய்து இளம்பெண்ணை சில்மிஷம் செய்து கொலை மிரட்டல் விடுத்த கார்த்திக் ராஜாவை கைது செய்தனர்.
