வெம்பாக்கம்:
வெம்பாக்கம் அடுத்த காரணை பகுதியை சேர்ந்தவர் ரகுபதி (வயது 38). கூலி தொழிலாளி. இவரது மனைவி மாலனி (30). தனியார் நிறுவனத்தில் வேலை பார்த்து வந்தார். இவர்களுக்கு, ஒரு மகள், 2 மகன்கள் உள்ளனர். வேலைக்கு செல்லாமல் வீட்டில் இருந்து குழந்தைகளை கவனித்துக்கொள்ளும்படி மனைவியிடம் ரகுபதி தெரிவித்தார். அவரும் வேலைக்கு செல்லாமல், ஒரு மாதமாக வீட்டில் இருந்து குழந்தைகளை கவனித்து வந்தார்.
இந்நிலையில், கடந்த 22-ந் தேதி காலை ரகுபதி வேலைக்கு சென்றுவிட்டு இரவு வீடு திரும்பினார். அப்போது, மனைவி வீட்டில் இல்லாதை கண்டு அதிர்ச்சி அடைந்தார். அக்கம் பக்கம், உறவினர் வீடுகளில் தேடியும் மாலனி கிடைக்கவில்லை.
இதுகுறித்து, தூசி போலீஸ் நிலையத்தில், ரகுபதி புகார் செய்தார். அதன் பேரில் போலீசார் வழக்கு பதிவு செய்து, மாயமான மாலனியை தேடி வருகின்றனர்.
