ராமநாதபுரம்:
ராமநாதபுரம் அருகே யுள்ள ரமலான் நகரைச் சேர்ந்தவர் அமீர் அலி. இவரது மகள் உம்மல் சிபாயா (வயது 10). அங்குள்ள தனியார் பள்ளியில் 5-ம் வகுப்பு படித்து வந்தாள்.
கடந்த மாதம் 20-ந் தேதி உம்மல்சிபாயா காய்ச்சலால் அவதிப்பட்டாள். உடனடியாக அந்தப்பகுதியில் உள்ள தனியார் ஆஸ்பத்திரியில் சேர்த்தனர். 4 நாட்கள் சிகிச்சைக்கு பின்னர் வீடு திரும்பினாள்.
அதன் பின்னரும் காய்ச்சல் ஏற்பட்டது. ரத்த பரிசோதனையில் வைரஸ் காய்ச்சலால் பாதிக்கப்பட்டிருப்பது தெரியவந்தது.
எனவே மேல் சிகிச்சைக்காக மதுரையில் உள்ள தனியார் ஆஸ்பத்திரியில் அனுமதிக்கப்பட்டார். அங்கு சிகிச்சை பலனின்றி உம்மல் சிபாயா பரிதாபமாக இறந்தாள்.
