உடன்குடி:
உடன்குடியை அடுத்த மணப்பாடு அருகே உள்ள புதுக்குடியேற்று பகுதியை சேர்ந்தவர் மோகன் (எ) அய்யா குட்டி (வயது 49). கூலித்தொழிலாளி.
இவரது மனைவி லெட்சுமி தனது குழந்தைகளுடன் ஸ்ரீவைகுண்டத்தில் தங்கி இருந்து தனியார் கம்பெனியில் வேலை பார்த்து வருகிறார். இந்நிலையில் அவரது கணவர் தனது குடும்பத்தினரை சொந்த ஊருக்கு வருமாறு கூறியுள்ளார். அவர்கள் வர மறுத்துள்ளனர். இதனால் வாழ்க்கையில் விரக்தியடைந்த மோகன் (எ) அய்யா குட்டி அவரது வீட்டிற்கு அருகில் தூக்கு போட்டு தற்கொலை செய்துகொண்டார்.
இது குறித்து அக்கம் பக்கத்தினர் குலசேகரன் பட்டினம் போலீசாருக்கு தகவல் தெரிவித்தனர். போலீசார் விரைந்து வந்து, உடலை கைப்பற்றி திருச்செந்தூர் அரசு மருத்துவமனைக்கு அனுப்பி வைத்தனர்.
இது குறித்து போலீசார் விசாரணை நடத்தி வருகிறார்கள்.
