வாடிப்பட்டி:
மதுரை விளாங்குடி, சொக்கநாதபுரம் மெயின் ரோட்டைச் சேர்ந்தவர் திருப்பதி (வயது 42), கூலித்தொழிலாளி. இவர் நேற்று இரவு வேலை நிமித்தமாக மோட்டார் சைக்கிளில் சமயநல்லூருக்கு புறப்பட்டார்.
பின்னர் இரவு 8.30 மணிக்கு திருப்பதி வீட்டுக்கு திரும்பிக் கொண்டிருந்தார். கட்டப்புளி மெயின் ரோட்டில் வந்து கொண்டிருந்தபோது திண்டுக்கல்லில் இருந்து மதுரை நோக்கி வந்த கார் எதிர்பாராத விதமாக மோட்டார் சைக்கிள் மீது மோதியது. இதில் தூக்கி வீசப்பட்ட திருப்பதி ரத்த வெள்ளத்தில் சம்பவ இடத்திலேயே பலியானார்.
விபத்து குறித்து தகவல் அறிந்த சமயநல்லூர் போலீசார் சம்பவ இடத்துக்கு வந்து திருப்பதியின் உடலை மீட்டு பிரேத பரிசோதனைக்காக மதுரை அரசு ஆஸ்பத்திரிக்கு அனுப்பி வைத்தனர். இந்த சம்பவம் தொடர்பாக சமயநல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.
