திருச்சி தென்னூர் அண்ணாநகர் பகுதியை சேர்ந்த சலீம் மகன் ஆரிப் (வயது 24), டிரைவர். இவருக்கு குடிப்பழக்கம் இருந்து வந்தது. சம்பவத்தன்று திருச்சி தில்லைநகர் பகுதி அடுக்குமாடியில் உள்ள நண்பர் வீட்டில் அமர்ந்து மது அருந்தினர். அப்போது திடீரென போதையில் இருந்த ஆரிப் நிலைதடுமாறி மூன்றாவது மாடியிலிருந்து கீழே விழுந்தார்.
இதில் அவருக்கு தலையில் காயம் ஏற்பட்டது. அவரை நண்பர்கள் மீட்டு சிகிச்சைக்காக திருச்சி அரசு மருத்துவமனையில் சேர்த்தனர். ஆனால் சிகிச்சை பலனின்றி ஆரிப் இறந்தார்.
இது குறித்து தில்லைநகர் போலீசார் வழக்குபதிவு செய்து விசாரணை நடத்தி வருகின்றனர்.
