ஆவடி:
ஆவடியை அடுத்த முத்தால்புதுப்பேட்டையை சேர்ந்தவர் பாரதி (வயது25). இவர் தண்டலத்தில் உள்ள தனியார் கல்லூரியில் எம்.எஸ்.சி. முதலாம் ஆண்டு படித்து வந்தார்.
இன்று காலை பாரதி முத்தால்புதுப்பேட்டையில் இருந்து கல்லூரி நோக்கி தனது மொபட்டில் சென்று கொண்டு இருந்தார். வண்டலூர் பைபாஸ் சாலையில் சென்று கொண்டிருந்த போது மணலியில் இருந்து வண்டலூர் நோக்கி சென்ற தனியார் பஸ் திடீரென மொபட்மீது மோதியது.
இதில் மொபட்டுடன் கீழே விழுந்த பாரதி பஸ்சின் சக்கரத்தில் சிக்கிக் கொண்டார். இதில் உடல் நசுங்கி சம்பவ இடத் திலேயே பாரதி பலியானார்.
இதுகுறித்து பூந்தமல்லி போக்குவரத்து போலீசார் வழக்குப்பதிவு செய்து விசாரணை நடத்தி வருகிறார்கள்.
