நெல்லை:
பாளை கக்கன்நகர் முதல் தெருவை சேர்ந்தவர் பேச்சிமுத்து (வயது 65). ஓய்வு பெற்ற அரசு அதிகாரி.
பூட்டு உடைப்பு
இவர் கடந்த 13-ந் தேதி குடும்பத்தினருடன் திருப்பதிக்கு சென்றார். பின்னர் நேற்று மாலை அவர் வீடு திரும்பினர்.
அப்போது அவரது வீட்டின் பின் பக்க பூட்டு உடைக்கப்பட்டு கிடந்தது. இதனால் அதிர்ச்சி அடைந்த பேச்சிமுத்து உள்ளே சென்று பார்த்தார். அப்போது பீரோ உடைக்கப்பட்டு அதில் இருந்த தங்கம் மற்றும் வெள்ளி பொருட்கள் கொள்ளை போய் இருந்தது.
போலீசார் விசாரணை
இதுகுறித்து அவர் பாளை குற்றப்பிரிவு போலீசில் புகார் செய்தார். சம்பவ இடத்திற்கு சப்-இன்ஸ்பெக்டர் சண்முகவேல் மற்றும் போலீசார் விரைந்து சென்று பார்வையிட்டு ஆய்வு செய்தனர்.
மேலும் இதுதொடர்பாக வழக்குப்பதிவு செய்த போலீசார் கொள்ளையில் ஈடுபட்ட மர்மநபர்களை தேடி வருகின்றனர்.
